Sentirmos a Arte 2019 - Xosé Luís Neira Brochs "O mural cerámico".

A segunda das palestras de Sentirmos a Arte do 2019 é do artista plástico viveirense Xosé Luís Neira Brochs, na que falou do "mural cerámico". As súas obras atópanse distribuídas pola práctica totalidade da xeografía peninsular, formando un conxunto que destacan pola súa grandiosidade, expresividade e intensidade.
Nado en Viveiro en 1941, Neira Brochs é un dos poucos creadores lugueses vivos con obra exposta no museo Raíña Sofía, traballando incasablemente desde 1960 en diversas disciplinas plásticas como a escultura, pintura, debuxo, deseño, vidro ou cerámica.