簡單食譜分享第2️⃣1️⃣集➡️BB版牛油果三文魚飯團兼手殘媽媽試玩具

今次嘅分享係一個極簡單嘅食譜分享，當中包括我呢個手殘媽媽新買返屋企嘅玩具分享，敬請大家唔好介意🙏。
以往我都買過唔少易潔鑊，但係冇一個可以用得耐，所以一路都係買d比較平嘅就算。用到個鑊黐到我頂唔順嘅話，先至買過一個新嘅返嚟。但係咁樣投資落去都唔係辦法，有日路經見倒呢個品牌嘅煎pan做緊特價，我當時冇買到。 上網做咗個research,包括問吓呢個品牌嘅fans。好多人都話好好用，最緊要係用咗幾年，仲好新淨。哦...我認為可以大膽做一次長線投資，於是第二日就衝返去買喇。
拍呢條分享片，唔係幫呢個品牌賣廣告。只係咁啱買咗個新煎pan返嚟，順便試一試啫😄。其實我都係想同大家分享我整牛油果三文魚飯團，呢個飯團既可當小食，又可以做正餐。正式嘅飯團，好多人都會用番日本米加醋，但係我希望用到屋企隨手就有嘅食材嚟分享我煮嘅食物，所以用我哋食開嘅米加多平時煮飯嘅水量就可以，極之方便。大家有興趣買個飯團模具返嚟整嘅話，包嗰陣記得加埋片中所講嘅"Mayochup"喇。多謝大家支持我呢個手殘媽媽試玩具，記得分享俾你哋嘅親友喇🙏🫡。個製成品又真係幾靚㗎😍。
#伽家廚房
#多倫多美食
#牛油果三文魚飯團
#又有營養又好味
#mayochup