VIASALA KUVINGWA MASAKU ENENTHI MAITWAIISYA MAANDAMANO MA KULEANA NA SILIKALI

Maviasala maingi masaku ta vengi na nduka nene kana Supermarkets umunthi mekale mavingitwe namo maovisaa ma volisi maisembania na aandamani ala meii taunini usau. Kula kuvithukiiwe muno ni kisioni kya round about na nza wa vengi wa Co-operative vala aandamani aa meikwatitye mwaki. Maovisaa ma volisi nimelasimikie kutuikya nzeve ya kwitikya methoi kuvalaania makundi ma aenenthi ala meimbaniite kundu kivathukanio taunini usu. Iivika muendoni wa saa kenda kuituka , tusila twonthe taunini uu tuyii andu ateo maovisaa ma volisi ala methiiwe na ivinda yumu kuvalaania amuika ala mekuandamanaa.