ฝัง
- เผยแพร่เมื่อ 8 ก.พ. 2025
- 【易發睇樓團🏠樓盤任您講】鰂魚涌Mount Parker Residences｜曾造出過億成交！｜入場三房套過千呎豪宅放盤 呎價約2.7萬元｜外形、開則一樣夠曬特別！
.
由太古地產牽頭發展，位於鰂魚涌西灣臺山丘之上的Mount Parker Residences，毗鄰同系的逸意居，只有一座，2014年落成入伙，樓齡約10年。這裡背靠柏架山，而高層又可以望穿太古城，俯瞰整個港島東、啟德郵輪碼頭，以至維港一帶的全海景，所以當年發展商一心將地皮發展為豪宅項目，更邀得國際知名建築事務所操刀，設計出一幢外型非常獨特的大廈。大廈樓高24層，雖然呈以近似「L」形，但卻以弧形流線來設計，再配以玻璃幕牆及弧形露台，遠遠都能夠把它認出。Mount Parker Residences只有92伙，戶戶都過千平方呎，主打區內罕見的三、四房大單位，標準戶實用面積由1242至1784平方呎不等。不過都要留意，由於大廈呈流線形，所以即使同一柱，呎數也會有輕微差異；而到頂層22樓，會有兩伙連平台的特色戶，分別是2748平方呎的三房雙套及3504平方呎的五房四套單位。
.
有一定呎數，價錢自然不便宜。Mount Parker Residences於2014年現樓開售時，首批平均呎價要約2.4萬元，較當時太古城的二手呎價貴約七成至八成，而整個項目的入場費就要2600多萬元，另外兩個特色戶之後更分別以1.8億元及1.38多億元售出，呎價高達5萬元。雖然貴絕港島東，但單位內籠並非特別方正。為了遷就大廈外型，開則上出現不少弧位或斜位，尤其在向內彎曲位置的C、D室，呈以扇形開則，部分睡房及浴室更是三尖八角，大大減低實用性。在標準樓層的5個單位中，屬三房套，面積最小的B室，間隔反而最實用，所以當年發展商定價時，B室的呎價是貼近面積最大，屬於四房雙套間隔的E室。我們以2樓為例，B室與E室呎價都是約2.3萬元，相反大35平方呎，同樣屬三房套的D室，只是約2.1萬元。
.
今次參觀的放盤正正來自這一柱，位於中層，業主現時叫價3300萬元，呎價逾2.7萬元，並同時以6.5萬元放租。這裡每一個單位都會有獨立的升降機大堂，所以一出升降機後，就有屬於自己的私人空間，可以擺放鞋櫃及換鞋椅等。這裡有兩道門，一道門往屋內，另外一道門則是後門。客飯廳有近300平方呎，雖然近露台一邊有少許斜位，但整個空間都是非常寬敞及方正。單位向東北，因為位處低層，所以不能看穿前方的太古城。不過於樓罅之間，都可以看到海景及山景。業主是一手買入這個單位，自住了一段時間，所以都有花錢裝修。雖然之後曾經出租，但整體保養得不錯。業主都有再執修，所以若不介意，只要清潔一下，擺放一些家具進來，已經可以即時入住。唯一是單位樓底只高3.15米，即約10尺，較難擺放大型吊燈，展示豪宅氣派。買家預算方面，3300萬元的物業最高只可借6成，或貸款額上限1800萬元。首期開支約1500萬元，每月供款約8.7萬元。月入需要約18萬元，才能通過壓力測試。
.
延伸閱讀：
Mount Parker Residences www.28hse.com/...
更多樓市影片 www.28hse.com/...
.#鰂魚涌 #MountParkerResidences #太古 #康怡 #太古城 #港鐵 #AEON #弧形 #流線形 #設計 #ARQUITECTONICA #太古地產 #三房 #四房 #大型物業 #豪宅 #海景 #一手 #二手 #呎價 #成交 #樓市 #地產 #香港 #九龍 #新界 #易發睇樓團 #樓盤任您睇
.
如果大家有咩樓盤想知多啲，記得留言話俾我哋知📢！！
.
［記得幫手like👍我哋嘅Facebook同訂閲🛎TH-cam channel啦，仲要將28Hse專頁設定為＂搶先看／See First🧐＂］
.
📍Facebook: / 28hse
📸Instagram: / 28hse_com
📱Twitter: / 28hse
🎞TH-cam: bit.ly/3oG0Stl
幾間銀行統一估價2600萬-2650萬，即係層樓市價公認就係值咁多，業主當年買得起應該財力豐厚，趁層樓依家十年樓齡，輸少少攞錢離場，大銀碼樓越舊越難甩手
大廈既外表好cyber,經常行過都覺得好神秘！單位既裝修幾新淨，好舒服，廳夠大，走廊闊到整個櫃又多個收納位，窗位弧度都唔算大影響，但最失色係景觀好一般，樓底都唔夠高，管理費$8勁貴，淨係管理費都成萬蚊，入場價幾千萬，呢個價位月供8萬幾..淨係計住屋費月月比十萬..買到既人有幾多？所以多謝mickey帶我地去參觀..大開眼界🫣🫣
大古出品係有保證，但單位唔實用，豪宅應該四四正正，大方得體，因為個前衛創新設計攪到入去睇落一忽忽唔乾淨俐落。同埋個會所對唔住個管理費，8蚊呎唔得喎，咁鬼流都有.....
3千萬成交，業主都偷笑喇。,😂😂,
呢類豪宅有個獨立電梯大堂，私穩度好高，單位個景幾正，如果可以介紹到個單位再高樓層啲望晒成個海景就正好多。個廚房保養得好好，主持話廚房能夠體現到大廈嘅弦度呢句真係好正🤣😂。另外個放盤價同銀行估價差咁遠，正常都唔會肯用呢個價買啦，佢同時放租，可能都預咗賣唔出。
成日經過都覺得幾神秘，多謝拍攝可以見識下。不過要上落山行條斜路或樓梯都幾甘下，市道差豪宅要成交都真係要等下有緣人
真豪宅起碼跌市時唔需要放血式賣樓，一來買家實力雄厚，持貨力強，毋須急放，而且伙數唔多，稀有性高，格局氣派完全唔同其他偽豪宅，啟德好多普通一兩房都賣到25K以上，呢個盤27K算抵，內瓏同新樓差唔多，而且住呢啲樓鄰居質素都唔同，不過普通打工仔可能要幾個人夾租先住得起。
後面公屋d海景仲靚過你間屋🤣
8蚊呎管理費又冇大會所，一個月管理費夠人一家交租水電煤仲有淨可以儲埋去旅行，開則奇奇怪怪住落點舒服？低層又嘈，中層冇景，高層貴到離晒地，諗唔到有咩獨特之處可以稱為豪宅。交通方便唔係住豪宅d人考慮因素原因🤣
謝謝你話俾我哋知睇法😊請將登入TH-cam時的名稱截圖，然後whatsapp至51659760，以便聯絡領取咖啡禮券
2014年開賣當時睇過現樓，要行長命斜上去。會所泳池好細Gym room設施少，$8一呎管理費一個月要成萬蚊都好甘。至於海景單位個景觀係幾靚，大廈外觀設計時尚豪華，可惜單位個則彎曲。而家市道加上呢區嚟講，二萬幾蚊一呎，寧願買嘉亨灣或者逸華園。希望28hse可以上去逸華園影下單位，前座高層海景都好靚
除左黑廁之外，基本上冇咩缺點，要有既野都有齊。因為本身單位夠大，就算有弧位都唔會影響furniture擺位👍
住豪宅講求極高私隱，呢一點放盤就可以話「冇」，所以極豪門就未必住呢度。
不過如果公司有housing allowance既話，咁管理高層職位租呢度就一流，交通方便，飲食方便，又有一定氣派，即使招呼任何人都唔失禮👍
謝謝你話俾我哋知睇法😊請將登入TH-cam時的名稱截圖，然後whatsapp至51659760，以便聯絡領取咖啡禮券
香港有錢人已經走得七七八八，唔好再攬住層你以為係豪宅啦，一於盡快套現走路，二仟萬北美可以買到一座5-6仠呎豪宅，6大套房兼八個廁所，6-8個車位，地庫有過仟呎影音大廳，同朋友聚會講乜都得，一於提早退休同你至愛嘅家人享受人生吧！👍😉
設計的確係有特色，附近亦算民生配套齊全，但係銀行估價不足而且使費貴。
女主持很有氣質及美貌，應該去選港姐！😊
旺中帶靜, 落去太古城都方便, 望穿太古城仲可以有海景
果然業主持貨能力高啊，成交少,業主唔肯劈價!😢😂
3300萬做定期/美債，夠租兩個單位
擺到明無諗住賣喇, 個價仲甘離地, 估價都無呢個數啦, 傻的嗎? 似想試下反應多D。不過呢幢樓既設計無論外觀同內籠都幾靚, 用左好多流線形去做, 感覺好凸出, 又唔覺壓迫感, 值得一讚個設計師, 在HK好少見到呢D建築設計丫的確難得。有人設計都未必有人肯比錢投資去做你既設計啦。不過內籠就有少少位置太多圓位, 令室內擺設或使用有局限性。至於樓價價錢, 都一樣體現左部份在設計上既投資成本啦, 都仲未講地價，甘鬼貴。欣賞下好了。
港島東平均樓價仲平過Yohotown, 要用27000呎買港島東嫌錢多嗎？
管理費 $8 喎 ... 回報低到呢~
要俾錢賣廣告嘅盤係咁上下，所以呢啲channel 都係搵笨多
@@waterloowar 多謝支持😊我哋所有拍攝單位，都無收取費用架～
初7：生日快樂
開則弧線太多，大門開走廊位，走廊太長，成千呎但好唔實用，呎價太高，水魚盤
千二呎點會冇啲走廊位，唔通眼鏡房、五門歸心咩。
@@pingsumlui1535 揸JAZZ 話林寶唔實用....
92伙，玻璃幕牆，夾$維修就大鑊了
衣口價 你去同路勁DEAL 下黃竹坑可能都唔差好遠 分分鐘新樓仲平D
呢個樓盤算唔算係太古城12期？
啱晒啲鍾意太古城嘅地理位置同埋配套方便嘅交通等等，但係又嫌太古城太舊嘅朋友！
同埋應該都會有好大量嘅分支家庭客人嘅需求。
我諗呢個樓盤同埋太古城嘅關係，就好似曼克頓山同埋美孚新邨嘅關係咁樣
所以我諗呢個樓盤個價錢都有一定嘅承拓力。
謝謝你話俾我哋知睇法😊請將登入TH-cam時的名稱截圖，然後whatsapp至51659760，以便聯絡領取咖啡禮券
一個住宅，除了實用還要包含建築美學，香港建築師學會每年都會評核香港境內住宅，對參賽作品評核及頒發獎狀以示嘉許，但往往這些肯定不會反映在金融市場中，銀行估價系統不會計算當中價值，故要推動香港住宅建築美學進步非常困難，環顧歐美亞太地區，有特色的建築住宅多不勝數，但香港貴為東方之珠卻少之有少。
發展商要盡用地積比率賺盡每一分，若要犧牲地積比去換取建築美學，但又得不到市場估價去肯定，兩難局面呀！
成日話有機會得咖啡禮券，得個講字
講啲有建設性到題就會有，加油，不要放棄😅
聽到恰眼訓
地產代理/經記，知唔知自己講吔嘢，銀行估價是該單位？😮😮😮
你會花3千萬買室內空間隘小, 無景觀加2個黑廁的單位住嗎？
抵
個位置落街食飯其實好吾方便, 由其落大雨,夏天30幾度真係好甘.
可以買十間太安樓
Yummy yummy water fish
Mount Parker Residence 中文譯名「柏架山別墅」
廁所都係落地玻璃檣，所以大小時記得落廉，否則．．😂我住喺對面，所以知😂
執吓間屋先俾人拍片啦%豪宅喎?
叫業主storng hold 學咩人賣樓
開價過高，擺住先啦！業主想賺住走，一年半載賣唔到，自然要減價！
呢個盤呢個價，真係十個廣告都唔會有客買。
銀行估價 2600萬
租單位要65000....真心ON9,唔敢想像,到底一個月要搵幾多先會租
3300萬 買黑廁 + 三尖八角 😏
🙈🙈🙈
Hard to sell
月球人住，用公司名買下给自己，律師和醫生當宿舍住。
Why buy this? So many better property to choose from
叫個業主再訓下覺先啦😂 繼續發夢
呢個盤比較好是A單位，就算望到海景都不是太靚，始終是隔住太古城望過去。
不過A單位有啲房會望住逸意居🤔
$8/ sq ft management fee 😅🤣😂
條走廊又闊又長，好唔實用呀大佬。要特色唔要實用，真係搵來搞😂
千二呎點會冇啲走廊位，唔通眼鏡房、五門歸心咩。
你住開得一間房果d?唔係點樣無走廊呀
個景咁差，2000萬都嫌貴啦
蝕硬 ,yeah.
27000元呎鰂魚涌的樓，而家同區全新樓都唔洗呢個呎價啦，扑傻瓜。
睇嚟業主要蝕住走
最唔鍾意睇豪宅
Mickey so pretty.. so gf~able
想得美 哈哈
明顯different 呀😂😂😂