لاندكروزر تبديل تماتيك او كلتش المروحه بسبب معلق مايفصل
ฝัง
- เผยแพร่เมื่อ 29 เม.ย. 2023
- #لاند_كروزر
#لاندكروزر_في_اكس_ار
#لاندكروزر_جي_اكس_ار
#في_اكس_ار
#جي_اكس_ار
#اف_جي
#لكزز
#لكزز_٤٠٠
#لكزز_٤٣٠
#لكزز_٤٧٠
#لكزز_٥٧٠
#هايلوكس
#برادو
#فور_تشنر
#ربع
#شاص
#كبسوله
#GXR
#Fj
#VXR
#LEXUS
#Toyota
#land_cruiser
#prado
#fortuner - ยานยนต์และพาหนะ
![[TH] 2024 PMWC x EWC Main Tournament Day 3 | PUBG MOBILE WORLD CUP x ESPORTS WORLD CUP](http://i.ytimg.com/vi/3EM6gpHgLk4/mqdefault.jpg)
ماشاء الله تبارك الله يعطيك العافيه يبو ريكان
الله يجزاك كل خير بعد حي ويبارك لنا ولك يارب
ويعافيك 🌺❤️
جزاك الله خير ويعلم الله أنك تشرح بضمير نسأل الله ان يكون في ميزان حسناتك ويباركلك في رزقك مع تحياتي أخوك من ليبيا
الله يجزاك كل خير الحمدلله توفيق وتيسير من رب العالمين اللهم امين ومن يقول يارب
ومنورين ياهل ليبيا ❤️🌺
يماا ل العافيه ياابوراكان على طيب نفسك
ماتترك احد ترد على الجميع كثر الله من امثالك
الله يعافينا وياك يارب حق واجب وانا اخوك
والحمدلله توفيق وتيسير من رب العالمين
🌺❤️
ماشاء الله عليك يابوراكان الله يعطيك الصحه والعافيه والرزق الحلال
كل ما اشوف سعودي يتقن حرفه ويشتغل بنفسه اكن له فائق الاحترام والتقدير على العموم السسته الدائرية بالامام هي حساس الحراره تقفل وتفتح مع الحراره اختبرها بشاخوف من بعيد لاتحترق وصلها حراره 60 درجه اذا تقفل التماتيك كويس ويحتاج زيت فقط اذا ماتقفل خلاص ماينفع التماتيك تحياتي لك وزميلك بالعمل
الله يجزاك كل خير اخو سليمان اللهم امين ولك بالمثل ويرحم والديك ويعظم اجرك ويعافيك يارب
ولك كل الاحترام والتقدير ويعطيك العافيه على المعلومات القيمه وبيض الله وجهك
وحياك الله بعد حي 🌺❤️
ماشاء الله
الله يبارك لك
الله يجزاك كل خير اخوي احمد ويبارك لنا ولك بعد حي 🌺❤️
صباح الخير يا هندسة وبوسالم الله يعوضك خير
صباح الخيرات يالامير اللهم امين ويجزاك كل خير
بيض الله وجهك يبو راكان شرح وافي وكافي
وجهك ابيض ويجزاك كل خير بعد حي ❤️🌺
لا تكرمت وش البديل للرديتر حق جكس ار 2005 6 سلندر والغطاء يفضل 108 ام الرقم 88 يعني تفرق بنوع الجيب او لا وشكرا لك @@Aburakan16
@@sami34223
فيه شركات متعدده وحظك ونصيبك وانا اخوك
دينسو وفيه الاردني وفيه الاماراتي وفيه صيني
الافضل الوكاله بس غالي لك ولزمن
من ناحيت الارقام 108 و 88 اذا وصل الضغط داخل الرديتر يفتح ويوديه للقربه قالو 108 للبانزين و88 لديزل غالبن نركب 108
كثر خيرك كفيت ووفيت 🌹@@Aburakan16
@@sami34223
تامر امر بعد حي ❤️🌺
حق واجب وانا اخوك
استمر ياكحيلان 👍
بوجودك بعد حي لا خلا ولا عدم يالامير 🌺❤️
رائع جداً يا غالي تسلم على الفيديو هذا أول مرة اشوف تماتيك كلتش المروحه معلق أول حاله أكثر الحالات ماتدور وترتفع الحرارة لكن صاحب السيارة يشوف المروحه تدور يمكن حتى بعض المكنيكي هذه تعتمد على النظر ومع مسكه المروحه لكن تكون على حذر خاصة هذه الاجزاء وجب التنبيه والحذر لازم سخص فاهم وحذر وهذه اكثر خربات في سيارات الدتسن نيسان وفورينشر تويوتا هذه السيارات أكرر التنبيه والحذر في هذه الاجزاء تحصل قطع في اليد كفانا الله وإياكم من شر هذه الامور الخطرة والسلام عليكم ورحمه الله وبركاته ❤❤❤❤❤❤❤❤❤❤❤❤❤❤
وجودك الاروع بعد حي ويسلم غاليك وكلامك صحيح
الله يعطيك العافيه وبيض الله وجهك ورحم الله والديك 🌺❤️
يعطيك العافيه يابو راكان عندي جي اكس ار 2002 اذا وقفت ترتفع الحرارة واذا مشيت تنزل واذا تعديت ١٢٠ ترتفع
ويعافيك يارب مشكلته تماتيك المروحه وطرمبة الماء تاكد منهن وافحصهن
السلام عليكم ابو راكان إنشاء الله بخير وصحه
عندي استفسار بسيط بكم تغير جلد بلوف لاند ٢٠٠٦ ٦سلندر
شكرا
وعليكم السلام ورحمة الله وبركاته
اذا ثبت ان المشكله جلد بلوف مايحتاج فك الراس
شغل اليد مع قطع الغيار يكلفك بحدود ١٣٠٠
قطع الغيار ٨٠٠ ريال كا حد اقصى اذا بلف تبخير تعبان او اليات تعتبر اضافه قيمة قطع الغيار
@@Aburakan16 اسفين عالازعاج بس استفسار بسيط هل لازم تغير جلد البلوف ولا يمكن فقط المحافظه علي تعبئة الزيت والتغير بانتظام
ملاحظه الموتر توه داخل ٢٥٠ والمكينه شد بلد
شكرا ويعطيك الف عافيه يا ابو راكان
@@lilf4rr142
ياهلا بعد حي فيه جيب جاني غيرت له جلد بلوف وهو ماشي ١٠٠ الف
سبب تلف جلد البلوف العمر الافتراضي كذلك تخزين الموتر وعدم تشغيله يسبب ان الجلد تنشف من زيت
لن الزيت الموجود بالراس ينزل كامل للكرتير
يعطيك العافيه ابو راكان عندي لاند ٢٠٠٣ ٦ سلندر ترتفع الحراره عند الوقوف ولامشيت نزلت هل كلتش المروحه السبب وكيف اعرف الكلتش سليم او لا
ويعافيك يارب يكون من كلتش المروحه ياتحصله ثقيل او خفيق مره كذلك تخصل فيه تهريب من نفس الكلتش
وانصحك لا تركب تجاري ماينفع
ابو راكان عندي GX 2007 فيه رفسه مع التعشيق وطقطقه مع الدعسه في السرعات البسيطه من صفر الى ٨٠ وش ممكن تكون الاسباب ؟
قبل كل شي تشيك على جلد الاذرعه لدفرنس الخلفي كذلك كرسي القير وكراسي المكينه اذا مع التعشيقات غالبن تكون بالقير يايكون نقص زيت او ان الزيت فيه احتراق وتعبان كذلك يكون من واير القير الراكب على البوابه تحت واير الدعسه يكون مشدود
ابو راكان عندي جيب لكزس 2006 وكلتش المروحه حق بلده ماغيرته، تنصح اني اغيره ولا اخليه دامه شغال؟
خله اذا شغال ومافيه مشاكل
السلام عليكم
كيف حالك ابو ركان
كلتش المروحة في الجيوب ذي ما ينحط له زيت ؟ او ينضاف له اذا كان جديد
وعليكم السلام ورحمة الله وبركاته
بخير الله يجعلك بخير
فيه زيت بالوكاله لتماتيك المروحة
وهذا رقمه 03001 - 08816
عندي يوكن مروحة كلتش ماتفصل + حنه كأني راكب لاندكروزر قديم مع القومه وثقل ، بنسبه الحراره ايام البرد على الربع ، ايام الحر ترتفع الى قبل النصف بشرطه
اذا مايفصل وفيه ثقل فهو منه الصوت الحنه
ماشاء الله ابو راكان ماقلتلنا طال عمرك بكم سعر القطعه
الله يجزاك كل خير سعره بحدود ٦٥٠
في زيت خاص يباع لكلتش المروحة بس المشكلة اذا كانت مهربة من العمود
صحيح موجود صوره لزيت ورقم الزيت بالمقطع
🌺❤️
@MostafaRabhallah
اكتب بقول زيت كلتش التماتيك يطلع لك كانه قطرة عيون صغيره ماعليه اسم
@MostafaRabhallah
وبارك الله فيك بعد حيي
انا صارت معي نفس المشكله لكن مو مهتم بالموضوع حتى ختربت وصارت ما تدور منكسره القاعده
كم فتره صلاحيتها بو راكان يعني كم سنه تجلس
صلاحيتها على حسب اذا الموتر خزن ولا يتحرك تخرب
كذلك تجمع الاتربه تسبب له تحجير
اخي ابو راكان في معي جيب لاندكروزر 2004 انقطع عليا بيب المبرد حق زيت الجير وغيرت البيب وعبيت زيت ما رضي الجيب يمشي قدام خلف يمشي قدام ما رضي وش المشكله في الجير
اذا سخن القير يتاثر حساسات وكلتشات لابد من فحص الافياش والصمامات قبل كل شي
السلام عليكم ورحمة الله وبركاته
ابوركان الله يرفع قدرك يغالي عندي اف جي ٢٠١٣ جاتني مشكلة اول ما ادعس للموتر مايستجيب وبعدها يفك يرجع عادي جدا محد مطلع المشكلة كل واحد يفتي من راسو
وعليكم السلام ورحمة الله وبركاته
وقدرك عزيز اول شي يفحص كمبيوتر تبين اذا فيه مشكله بالبوابه او دعسة البانزين او يكون فيه مشكله الاستجابه بالحاله يسواله برمجه كذلك القير له دور بالموضوع
يغالي طلع عندي كود P0328 يقول حساس النوك سنسر هذا له دخل وشكرآ لك
@@0yOUsEf0
النوك سنسر يسبب ضعف عزم وبه دور بالعزم
ومن علاماته كذلك ظهور دخان خفيف اسود مع الدعس
سلام عليكم لاهنت
انا عندي صوت عالي مع الخط هل هو طبيعي واذا السيارة طافيه قوي مايلف ودي احولها كهرب والغيها ماهو الراي السديد
وعليكم السلام ورحمة الله وبركاته
الصوت من تماتيك المروحه
تلغي التماتيك ويركب لك مراوح كهرب مع الحساس بالكوع ويركب لك فاصل شغلت كهربائي
عن نفسي اركب تماتيك ولا اركب كهرب
التماتيك حتى اذا تعطل يواصل معك اما الكهرب اذا تعطل ماتقدر تواصل لن مافيه تبريد
الله ينور ، طالما الزيت طلع ، لا بد من تبديل الصوفة ، والا بستهرب الزيت الجديد .
كلام سليم 👍
@@Aburakan16 🥰😇🤍💝
@@DrAabed-vm6wx
🫶🏻❤️
ألله يبارك في عملكم
اللهم امين الله يجزاك كل خير 🌺❤️
ابو راكان لاهنت ، موتري ارمادا
بعد ماغيرت كلتش المروحة وراح الثقل والحنة عن الموتر
بأقل من شهر بدا الثقل يرجع تدريجي هل له وزنة معينه ولا فيه شي يخرب الكلتش كل ماجددته والقطعة وكالة تماتيك ؟!
لا ماله وزنه يركب عادي ممكن فيه شي يخرب التماتيك مثل الشداد السير
@@Aburakan16 الله يبيض وجهك ويعافيك 🌹
@@Hail016
وجهك ابيض بعد حي 🌺❤️
ابوراكان سمعت ان كلتش اللكزس ٤٠٠ اهدأ على ال VXR. هل صحيح الكلام هذا؟
ياهلا ابو حمد غير صحيح بعد حي ملاك الكزز ٤٠٠ يركبون تماتيك الفي اكس ار
ابو راكان تماتيك المروحه حق الكزس 400 يخفف الحنه صحيح على الفكسار ؟
صحيح فيه فرق
يركب للفكسارات ال2008-2010 مكينة 4700؟
ابو راكان الله يعافيك عندي لاند كروزر ٢٠٠٧ تماتيك السياره بها ثقل مره في قومتها او فزتها ما ادري التماتيك هو كذا طبعه ثقيل او انه فيه شي مع العلم اني موظب المكينه قبل يمكن سنه ونص
يعني بالذات في الطلوع الموتر مره ثقيل
ويهافيك يارب لاندكروزر موديل 2006 و 2007 ستة سلندر فيهن ثقل بحكم الدفع الرباعي المستمر
اذا صوته عالي ويشرب بانزين والتماتيك ثقيل يكون منه
تاكد من شخص يفحص لك التماتيك
@@Aburakan16 قصدك تماتيك المروحه والا ايش بالضبط الله يعافيك
@@user-sv7wq2fk9c
صحيح تماتيك المروحه
@@Aburakan16 وفقك الله تماتيك المروحه غيرته قبل فتره والصوت مو عالي كويس اما البنزين عز الله انه يشفط شفط انا ألاحظ اكثر ما يصرف داخل المدينه لكن في خطوط مستقيمه ما يصرف كثير
كيف حالك
استفسار لو كنت شايل بلف الحرارة هل كلتش المروحة يفصل او لا
@@user-ou8jq6yk4k
بخير الله يجعلك بخير
يبين معك صوت تماتيك المروحه مثل اول ماتشغله صوته عاليه وبعد تقريبا ٢-٣ الصوت يهدى دليل هنا يفصل معك اذا الصوت واحد ومافيه فرق دليل انه مايفصل
ياغالي لو سمحت ترد عليا انا معي جي اكس لاندكروزر 2012. V8. غيرت تمتيك مروحه جديد ولمن ادعس بنزين صوت المحرك مرتفع نفس الصوالين القديم الرجا الرد.
فيه مشكله التماتيك اذا صوته عالي
مرحبا بو راكان عند مشكله اذا كنت داعس على ٦٠ او اكثر ودعست بريك فجاه عند المطب يطلع صوت ونه قدام عند المكينه لحد ماتهدي السياره ويروح ويرجع ف نفس الحركه
اتمنا تفيدني بوراكان الله يقويك
مراحب نوع سيارتك بعد حي
لاند كروزر ١٩٩٨ خليجي
@@SALIM__6
المشكله بالهوبات او رمانات الهوبات
لن الصوت حسب مافهمت منك فترة التهدية واذا وقف يختفي الصوت لن الصوت مربوط بدعسة الفرامل
استبعد طرمبة الماء و المكرات والسير وتماتيك المروحه صحيح كلهن يطلعن لاكن مافيه صوت اذا واقف الموتر تاكد من نظام البريك سوا باكم او aps
اذا aps افحص دينموه
مش معي aps
موديل قديم
ماشآءالله ابو راكان كيف اعرف اذا الكلتش يفصل ولا لا غيرته جديد بس كيف اتاكد
@@umusab1441
الله يجزاك كل خير من الصوت اذا حامي تحصل صوت المروحه مرتفع واذا بارد تحصله هادي
@@Aburakan16 يعني اذا كان حامي دايم والصوت مرتفع كذا معناه خربان مايفصل صحيح
@@umusab1441
لا ماهو شرط انه خربان تحصل الموتر فيه حراره والمروحه ما تلحق تبرد يفحص بلف الحراره هل يفتح مضبوط او يكون جزئي وفحصه عن طريق لمس الخراطيش الكبيره من الطبيعي يكون طالع من الردير حار والثاني الموجود عند البلف اقل حراره او بارد دليل ان البلف يتاخر او تعبان اذا متطابقات بالحراره يكون البلف سليم كذلك غطا الرديتر اذا يتاخر مايفتح وطريقة فحصه الموتر بارد والغطا مسكر فيه لي صغير يروح للقربه فكه من الرديتر واضغط اليات الكبيره اذا طلع ماء من مكان الي فهو تعبان الغطا اذا ماطلع شي فهو سليم
السلام عليكم ورحمة الله وبركاتة ابو راكان
عندي لاندكروزر لاحظت ارتفاع الحراره فوق النص ورجوع الماء الى القربه والماء يغلي.
شو السبب برأيك ؟وبارك الله فيك
وعليكم السلام ورحمة الله وبركاته
اذا ارتفاع حراره بدون نقص ماء يايكون انسداد داخل الرديتر او تماتيك المروحه او ان البلف قافل او ان غطا الرديتر تعبان
جزاك الله خير ابو راكان
طيب اخي أحيانآ اسمع صوت ماء في ثلاجة السيارة خاصة لما امسك بريك
@@assm-Ahmed
اذا سمعت صوت ماء في الثلاجه فيه دخول هواء فيه خرم يايكون ليات السخان وتحصله بين المكينه والغماره يبين فيه تهريب كذلك ممكن يكون بالرديتر ثقب
@@Aburakan16 شكرآ لك اخي ابو راكان وبارك الله فيك ونفع بك البلاد والعباد وجعله في ميزان حسناتك
@@assm-Ahmed
اللهم امين ومن يقول يارب ويجزاك الله كل خير ❤️🌺
هل خراب كلتش المروحة يسبب نفظة للسيارة وهي واقفة كذلك وهي متحركة ؟
لا كلتش المروحه مايسبب نفظه الا اذا فيه كسر ريش المروحه يسبب هزهزه
@@Aburakan16 بارك الله فيك قبل شوي قالي الكلتش وانا متاكد انه المروحة حتى فيها صوت
@@Abonaif_alharbi
وبارك الله فيك🌺❤️
الكلتش عندي ماسك دايم مايدور باليد ابد طبيعي ذا
لازم يدور باليد اذا ماسك لازم يبدل لن يكون عندك ثقل بالموتر وشرب بانزين كذلك صوته عالي
ياجماعة ماتنسى اللايك
عز الله يعزك بعد حي 🌺❤️
اهلا بو راكان ياخي غيرت كلتش مروحه جديد اصلي ويوم ركبته ماستفدت معلق ومايفصل مع المشي فكيته وخففت زيته ومن بعدها ممتاز صار يفصل ويشبك واستمر معي مزبوط ٤ اشهر لين ما مشيت خط ٩٠٠ كيلو قريب ومن بعدها صار معلق مايفصل رغم ان الجو بارد جدا قمت فكيته وفضيت الزيت كامل وعبيت زيت كلتش اصلي وخففته شوي ومافيه فايده لازال شابك.. السياره هيلوكس ٢٠٠٥
هلابك بعد حي دايم او غالبن تجي كلتش الهايلوكسات نفس الطريقه نفس ماصار لك بسبب سو تخزين
@@Aburakan16 كيف يعني سوء التخزين يعني عيب مصنعي ولا كيف
@@rashe.d
صحيح عيب مصنيعي وسو تخزين بالمستودعات لنه تبقى فتره واقفه بالمستودعات ماتكون مستويه
@@Aburakan16 هل فيه حل طيب اني انظف الكلتش او مره لازم استبدله
@@rashe.d
فيه طريقه انك تعبيه زيت مخصص حق التماتيك ممكن انه تمشيك شهرين ثلاث اكثر اقل او انك تبدل التماتيك
وين موقع الورشة
حائل
مساء الخير ايش رايك في صناعة ياباني AISIN لكلتش المروحة
مساء الخيرات
تماتيك المروحه ماينفع الا الاصلي غيره الاصلي ماتستفيد
السعر مبالغ فيه والتشليح ماهو مضمون
@@user-ou8jq6yk4k
صحيح سعره من ٦٠٠ الى ٨٠٠
الكزز ٤٠٠ سعره ١٨٠٠ 🫣 امس اخذ لي واحد
قيمته اعلى من قيمة راس المكينة
@@user-ou8jq6yk4k
🤣🤣🤣🤣🤣
ابو راكان عندي GXR 2007 زبطت الراس غيرت الطرمبة غيرت الرديتر والبلف وكلتش المروحة ومازال اذا وقفت الحرارة ترتفع H والموتر حار وش الحل بالله
اذا الراس مسح ودبل لك الوجيه لراس ماينفع
الراس له وزنه اذا زادة بالمسح ماينفع المفروض صاحب المخرطه او المكانيكي يعطيك خبر ان يدبل الوجيه اذا الموضوع تدبيل لابد من تبديل الراس هذا بحال اذا وجه الراس دبل لن ماهي معقوله تبدل كل شي وتبقى الحراره مرتفعه
@@Aburakan16والله يغالي سئلته على ذا الشي وقالي راس وجه الراس واحد حطيت الي عطيتني هو وفكيت بلف الحرارة والأمور طيبة الحين
@@Aburakan16 عندي مشكلة ثانية في لاند ٩٧ بس غريبة شوي الحرارة مزبوطة جدا بس في حاجة الي هي سخونة المحرك والبدي الحرارة طبيعية بس المحرك والبدي حاااار مرة حتى يوم افك الكبوت اشم ريحة البلاستيك من قوة الحرارة مع ان العداد في النص والمكيف بارد وش الحل بالله
@@a7rpp
في الاوقت هذه طبيعي تحس لواهيب من السياره
@@a7rppبشر لقيت حل او شي انا نفس الوضع كلشي طبيعي لكن ويلك تقرب من البودي الرفارف والكبوت مولعه نار والحرارة طبيعي الثلث ماتقدر توقف قدام السيارة دقيقتين
على كم المرواح تركبها
ماشتغل فيهن المراوح
بعد اذنك ابو ركان
من خلال قناتك المبروكة اريد اوجه استفسر لك وللمتابعين اللي يعرف
رقم تواصل لوكيل قطع غيار مضخات غسيل السيارات كارتشر k4 في السعودية يخدمني ويكتبه لي
ياهلا وغلا بعد حي
تحصله عند ساكو لن ساكو معتمد وياخذيت من عنده يعطيك ضمان اذا فيه رقم يفيدونك
وان شاء الله الشباب يفيدونك
سلام عليكم يلغالي انا عندي لاندكروزر جي اكس 2001 الحراره ثابته على نص في ليل نهار سفر بر بكل مكان ثابته على النص وغيرت كل شي في دورة تبريد الحراره من حساس من تسيخ من بلف من طرمبة من غطا رديتر كل شي واصلي كلها ولا راحت الحراره وباقي تومتيك المروحه هل التومتيك يسبب الحراره ذي ؟
وعليكم السلام ورحمة الله وبركاته
تماتيك المروحه ترتفع الحراره وقت الوقوف وهو يمشي ترجع طبيعيه اما موضوع الرديتر متاكد انه اصلي
@@Aburakan16 الرديتر مو اصلي نوع دونسون بس مافيه ولا ملاحظه ولا ايت مشكله
@@Aburakan16 الرديتر له قرابة السنه بضبط وانا ارسلت لك على الواتس بكامل التفاصيل اتمنى تفيديني و الله يجزاك الف خير ويرحم والديك
@@Aburakan16 اخر رقمي 338
@@r-vs4
عندي الحين VXR مركب رديتر جديد نفس موترك ماهو اصلي وعنده الحراره فوق النص غيرت له وديتر اصلي وضبط وراح تنزل له حلقه باليوتيوب
انا عندي سياره فيها كلش مروحه فيها حنه بدلت كلش المروحه جديد وعد فيها صوت حنه طبيعي ولا في مشكله
الكلتش اصلي او تجاري
الطبيعي مايكون فيه حنه
ياباني نفس الاصلي ولكن فيه حنه
معقوله لازم الوكاله ولا فيه مشكله غيرها
@@lionmake1453
لا فيه فرق بينهن اذا ركبت ياباني يطلع حنه عكس الاصلي
احس صوته طرب ليش تغيروه😂
@@user-ol9sf2wt7g
😆😆😆😆
الله يسعدك ويبارك فيك يارب 🌺❤️
يابو راكان يعطيك الف عافيه عندي موتري قير تماتيك بحوله ل عايدي كم يكلفني مع كل شي ولاهنت عطنا رقمك نتواصل معاك.
ويعافيك يارب تحويل ماعندي تحويل بعد حي
حسب ماشوف السوق من ٧٠٠٠ الى ٨٠٠٠ شغل كامل
@@Aburakan16 تمام عطنا شي نتواصل معاك فيه وهل قطع علي ولا عليك
@@user-zu5fe6jx5m
ويعافيك انا ماشتغل تحول من تماتيك الى قير عادي
التواصل واتس ٠٥٥٥١٥٦٦٤٣
سلام عليكم ابي رقمك يابو راكان لاهنت
وعليكم السلام ورحمة الله وبركاته
واتس 0555156643
السلام عليكم ورحمة الله وبركاته
ابو راكان لا هنت
عندي برادو موديل ١٩٩٧ قير عادي محرك ٦ سلندر ٣.٤
عندي مشكله بكراسي الدفرنس الأمامي ما لقيت بالمحلات والوكاله غالي هل فيه جلب بديل تركب عليه لأني شفت لك مقطع تركب حق توسان لجيب لاندكروزر من ٩٨ الى ٢٠٠٧ هل البرادو له بديل
علما ان رقم القطعتين للبرادو كالآتي
5238035040 كرسي دفرنس أمامي يمين
5238035050 كرسي دفرنس أمامي يسار
ولا هنت يا أبو راكان
وعليكم السلام ورحمة الله وبركاته
البرادو ماشتغلت عليه قبل حسب ماشفت ارقام القطع
انه مشابه لكراسي الدفرنس الامامي والايمن للاندكروزر من ٩٨ الى ٢٠٠٧ اما جلدت التوسان قصيره عليه
هذا الرابط تبديل كراسي الدفرنس الامامي
th-cam.com/video/aRblBDPgzho/w-d-xo.html
رقم القطعه موضح بالدقيقه من 8:10
رقم 1465160010
@@Aburakan16 الله يجزاك خير ويبارك فيك ولك وفي حلالك والله لا يضيع لك أجر
@@user-hs8kp7zw6u
اللهم امين ولك بالمثل يارب 🌺❤️