iZAHO MAHALALA (clip officiel)

"Andriamanitra tsy mba olona ka handainga, na zanak'olombelona ka hanenina; moa efa nilaza Izy , ka tsy hefainy? Na efa niteny va Izy, ka tsy hotoviny?
IZAHO MAHALALA
Ny ahy ny Andriamanitro dia marina foana
Raha misy lazainy na nampanantenainy
Tsy maintsy ho ataony
Na ho ela na ho aingana
Amin’ny fotoany
Na dia tsy hitan’ny masoko aza Izy miasa
Na ela niandry aho tsy nisy nitranga
Izaho mahalala, fa zava-mahagaga no nomaniny ho ahy
Izaho mahalala, fa zava-mahagaga no nomaniny ho ahy
Ka dia hihira aho eto am-piandrasana Anao Tompo o !
Hihira aho, hoe ampy ho ahy ny fahasoavanao
Noho izay rehetra nataonao ho ahy
Izaho mahalala fa tia ahy Ianao
Ny ahy ny Andriamanitro dia tena tia ahy
Na dia izaho irery aza tety an-tany
Dia mbola nafoiny ihany, ny zanany tokana hamonjy ahy
Ka tsy omeny ahy maimaim-poana ve izay ilaiko
Izay iriko, izay hantenaiko
Izaho mahalala, fa zava-mahagaga no nomaniny ho ahy
Izaho mahalala, fa zava-mahagaga no nomaniny ho ahy
Ka dia hihira aho eto am-piandrasana Anao Tompo o !
Hihira aho, hoe ampy ho ahy ny fahasoavanao
Noho izay rehetra nataonao ho ahy
Izaho mahalala fa tia ahy Ianao