ANONYME POPULAR: Bada Morroi Bat
ฝัง
- เผยแพร่เมื่อ 5 ก.ย. 2024
- BADA MORROI BAT
Hitzak eta ahotsa: Igor Elortza Aranoa
Doinua eta soinuak: Rafa Rueda Etxebarria
Hatsen eta hotsen ingeniaritza: Jose Lastra Elorriaga
Irudiak eta dirudiak: Kulturaz Koop.-eko Dapatistak
+ Tronpeta: Iban Urizar Amorante
+ Koruak: Erika Lagoma Pombar eta Miren Amuriza Plaza
...
Bada morroi bat hark ni esnatu
ta nik jaikitzen dudana;
eguneroko bizitzarako
erabilgarri zaidana:
logureak erantzi,
betaurrekoak jantzi,
eta voila!, gentlemana…
Aldi berean sinpatia ta
errukia diodana.
Nire avatarra duen morroia
artez ibiltzen da oinez,
bere antzeko replikanteei
keinuka eginaz oles.
Domeka-pausu tentez,
simulakroa betez,
hor doa aurpegi onez,
nik egin nahi ez ditudan lanak
egitera nire ordez.
Garrantzitsutzat dauzka itxura,
harremanak, izen ona…
Besteen like-n eta txaloen
bila bizi da gizona!
Traoleraz ta jergaz,
autotunedun berbaz,
orain hara, orain hona!
Ta gero niri leporatzen dit
txarto irtetzen zaiona.
Zaude isilik! Zatoz etxera!
Zertan zabiltza Twitterren?
Hankarik sartzen ez duzunean
egiten baduzu herren...
Zer zoaz alkandora
afrus horrekin! Nora?
Ta hark kasurik ez, barren!,
denen aurrean neure izena
erabiltzen duen arren.
Kontu egiten diodanean
besteen begitan badago,
Txartzat hartu ta borde jartzen zait:
troll, hater, insultoi, brabo…
Espantuak eginez,
meme hutsa da, zinez,
edan baditu lau trago.
Ta azken boladan nahikoa ditu
bat, bi, hiru gutxiago…
Nire moduko asko zaudete,
ta bera lako fake bana.
Orain harritu plantarik jotzen
ez etorri niregana…
Zeuena da, aizue!
Maitatu ezazue.
Ez da ezineramana!
Ta zeuek euki dezazuela
plagioak ez daukana.