Sauðaneshús á Langanesi

Afar forvitnilegt safn er á afskekktum stað, gamla kirkjustaðnum á Sauðanesi á Langanesi, nokkru austar en Þórshöfn. Þangað ætti fólk að fara, jafnvel þótt gamla flugvélaflakið sé nýlega horfið. Þarna bjó sr. Arnljótur Ólafsson til dauðadags 1904, einn merkilegasti klerkur 19. aldar.
Ungt par að sunnan, Starkaður Sigurðarson listfræðingur og Auður Lóa Guðnadóttir myndlistarkona hafa séð um safnið síðustu ár.