#米紙
ฝัง
- เผยแพร่เมื่อ 21 ก.ย. 2024
- 今集《行街紙》是Fiona相約半年終於完成到的訪問，事緣今年3月Fiona曾做過關於深水埗大牌檔的專題，當時做了兩集，其中一集希望邀請長發麵家老闆馬生做訪問，不過這半年馬生卻不斷婉拒Fiona的邀請，背後原因是馬生擔心報導出街後，客人突然多了，影響食物質素，所以將訪問一推再推。直至上個月，長發麵家因為牌照問題，將會於11月結業，決定為長發麵家留一個紀錄，最終答允受訪。
長發麵家由馬氏三兄弟接手亡父經營，是全港僅餘廿間大牌檔之一，由於老闆們對食物有堅持，大部份食物堅持自家製，所以被客人稱為星級大牌檔。今集《行街紙》Fiona會說說這間星級大牌檔的故事，留意今晚8時米紙youtube Channel首播。
採訪、攝影：Fiona
IG: fionaholovefood
攝影：Henry
IG: @henryychannn
攝影：Hei
剪接：Tony
監製：Ash、Kay
＿＿＿
《米紙》只是還想說故事
TH-cam : bit.ly/3rjGikU
Facebook : bit.ly/3kuGH2T
Instagram : bit.ly/36Gb6TC
#大牌檔 #豬油 #手切豬肉 #傳統 #雲吞麵 #新鮮 #牛腩 #手打 #墨魚丸 #魚蛋 #米紙fiona #長發麵家 #深水埗 #蘇記 #星級大牌檔 #深水埗美食 #香港 #hongkongfood #hongkong #香港文化
雖然最尾有段薛凱琪訪問，但幾欣賞米紙，無將佢入題、無擺佢喺前面、無喧賓奪主，非常尊重長發
由我拍拖開始食到我公子今年23歲，到我公子拍拖又帶女朋友去食，大住肚個陣有晚凌晨十二點幾想食，一定一定要食到個隻，先生無耐地揸車去買, 到而家講起長發都俾屋企人話我😅😅，我係新界西北居民，零晨收工再出去食，冇咁多人，而家難泊車就少左去.其實老闆們係大聲D啫，尤其夏天又熱又多客個陣仲俾人追單可能就冇咁好面色，我夜去就冇遇過，有時仲買埋奶茶俾師父一路吹水一路食~點都好，少一間都係土生土長香港人既損失
完全認同，長發粉絲上
其實大家又唔好話頻道只會一味捧店家,我覺得主持最後的結論好中肯,佢並無一味堅持保留大排檔「風味」,反對入舖,佢睇到嘅反而係長發之所以可以堅持人手製造,放更多時間成本在食材上,就是因為較低廉的租金成本,並希望他們在入舖後都不忘初心。我覺得好中肯喎😮
因為我睇番台灣的飲食節目,佢哋真係有好多早餐店只係做到中午,都賺夠錢並開足幾十年,嗰D環境係比香港大牌檔好DD,起碼係入舖同埋乾淨D。重點係,節目介紹得嘅,就多數不是來貨,係老闆和員工們每日由凌晨開始備料、手作的過程,莫講話包子、蝨目魚粥、豆花之類,係連冰品的蜜紅豆都係自己親手熬(香港的大多應該直接攞貨),自己炒黑糖,自己製粿條仙草之類,製造過程十分辛苦,你諗吓香港有幾多甜品店會每樣配料自製？生果係自己切囉😅如果豆腐花係自製加個木桶又可以收你6、70元。我成日都好羨慕台灣飲食業那種執著精神(當然唔係間間係,但上得節目的都有數千間,真實比例應該更高)等於在精英班個個都努力讀書,你都唔好意思去咗玩,假設飲食業係將匠人精神、獨一無二的味道視為指標,就算不是每間餐廳會跟隨,但會形成一個良好的風氣。而在香港,手作雲吞魚蛋已經講到製作過程好辛苦,碩果僅存咁樣(乜豬油同辣椒油唔係本來就應該自己煉嘅咩😅),佢哋真係無見識過台灣廚房如何水深火熱😅只可以說,在大家都靠「買好評」、「靚裝修」、「話題性」、「貴的原材料(例如什麼A5和牛、法國XXX朱古力)」去吸客時,對於烹飪過程有更高要求的食肆已被當成「星級」,因為大部分食肆根本上不會有那個時間花費在一腳踢處理食材(例如連胡椒都自己磨粉、自製魚蛋和保留傳統雲吞口味)雖然我沒有吃過這間店,但我光看墨魚丸的模樣就是很懷舊的那種,雲吞都是細細粒的正宗版本,好唔好食我唔知,但老闆似乎不是因為潮流而改變做法的那種人。好了扯遠了一點,我想說的是,大排檔和入舖餐廳的分別,就如主持所說,是租金的分別,所以同樣價錢的一碗雲吞麵,入舖餐廳可能要一個月賣二千碗先夠交租,而大排檔可能賣一千五百碗就夠還有賺,他們就有餘錢聘請更多人手,或者縮短營業時間,而用更多時間自己處理食材(例如人哋可能要日開十二個鐘先夠交租,佢一日開八個鐘就夠,既然多咗D時間,做乜要俾錢工廠賺？不如攞D時間自己打魚蛋包雲吞,賺得仲多啊！)因此,時間成本相對較低的餐廳,會衡量何者價錢較低(坦白講,自己做多數比較平,要入貨的食肆係因為時間成本的問題),而選擇該種方法。
當然,上面說的是理想的情況。大排檔並不等於一定是食物質素比較好,畢竟有些老闆還是會想賺到盡,又要租金平又唔用心備料,但我睇起上嚟,呢檔又似乎唔係咁喎。不過,坦白講,一碗雙併粉麵賣到$50一碗,租金還要被人家便宜,肯定好多人不服,除非你真係咁好食值得賣呢個價錢啦！但我相信大排檔老闆(所有)應該一個月都賺不少,你睇蘇記嗰老闆娘反問「我一杯奶茶先賣十幾蚊,入舖嘅話邊有錢交租？」😮吓？咁全香港七成的茶餐廳都要執啦喎,大部分都係賣呢個價錢㗎喎,而且捫心自問,你沖一杯奶茶要幾多錢？你賣十幾蚊一杯已經係翻咗近十倍,你仲嫌賺得少？所以講到底,就是學長發老闆話齋,是業主和食肆老闆分身家的角力。唔係話入舖就唔夠錢交租,只係原本可能月入二十萬,入舖後月入十萬,要賺番原本咁多錢,唯有加價囉！
我這幾個月以來,亦都清楚地表態,希望各位業主(無論商場還是街舖)高抬貴手,即使未來經濟復甦,唔好一見餐廳生意好/米芝蓮就加租,誠如受訪老闆所言,香港的飲食業執得咁嚴重,就是因為地產霸權,真正有實力的要結業,可以留下的餐廳又有多少是因為實力而唔係精打細算呢？殺雞取卵的結果,就是凋零的飲食業。希望各位業主謹記自己只是中介的角色,製造食物製造財富的是餐廳,中介者得益是不應大於生產者的,這才是一個健康和可持續發展的社會。
雖然我講咗好多撐食肆的說話,不過我都覺得這間大排檔真是略貴,而且老闆都幾串😂
但係佢未來重開時,我還是會去幫襯一下的,唔試過點知好唔好食呢？
最感動係Fiona 鍥而不捨，我哋至睇到呢個訪問🙏🏻回憶將會一點一點消失，謝謝米紙既記錄🫶🏻
睇到蘇記妹姐個樣好無奈🥲 佢講到諗佢個邊暫時冇形響，但原因係隔一條街😮💨 ，我聽到心裡都一沉，希望繼續頂得住
🥲 希望蘇記快啲開番
反大陸食海底撈好D😂
蘇記真係我心目中no.1
大排擋係我哋小時候回憶，食物又美味，見到工作員工個個好努力工作，非常值得敬佩，希望政府可以比D空間佢哋繼續的香港人服務啦🙏
最欣賞三位老闆對食物的堅持, 同樣都十分感謝FIONA為我地帶來咁好的訪問。
長發麵家由細食到大, 好味到就算環境一般, 天氣好熱, 都會照去食。
魚蛋係我食過最有魚味, 不是只有粉~河粉十分滑
豬油撈麵食兩碗都無問題!! 完全無梘水味, 係公司睇呢段片, 食完飯回想味道, 宜家又肚餓返~
真係食風味
K😮
細個老豆買宵夜比我食
一定買長發牛腩撈粗
係我食過最好食既撈粗，其他地方揾唔到
到我讀書每晚落黎外賣宵夜
先20蚊碗
但近十幾年個味變左，貴左，我都冇咩食
但講起佢以前個牛腩撈粗，真係完美～！
我去d好出名既鋪食，
都做唔到長發既水準～～！！
我唔識形容，你想像唔到20蚊碗既野
D牛腩係可以咁林，佢仲係有肥有瘦，好入味
佢個腩汁同其他人唔同，有小小杰，拎黎撈麵真係好好食
以前長發隔離有間叫強記，都係一絕
可惜，又少一間咁有誠意的食店，佢對食物的執著和要求由片中可感受到👍👍
多謝三個師傅對食物嘅堅持，令到我哋啲食客每次都可以回味無窮🙏🏻
多謝佢老竇
仲好識錢㖭
全因Fiona的堅定不移精神才可以實現這集行街紙，萬分感激Fiona 和Henry 今集的拍攝，為三兄弟留下一個美好的回憶！
今集的花絮有驚喜，竟然訪問到另一個Fiona!😂
多謝Thomas～ 係回憶
成七十元碗云吞麫！都几貴！消失正常
不是很多人捨得消费！贵了
上次聽完戰狼三月講完話佢做到11月就結業，於是就專登走去食個晏，中午1:00一去到就見到坐滿冇位，但係好多客都未食喺度等緊原因廚房做唔切，咁我一個人就容易搵位坐低，但係見到其他人繼續追order，同埋聽到佢哋講又話無冇牛腩丶冇河粉又冇魚蛋等等，仲大聲講唔該唔好再問咁多，我答唔切你做唔到（用埋怨但又不失禮貌嘅語氣回答客人）😢， 我聽到咁唯有求其落碗雲吞麵算數，但係期待嘅心情令我絕對加倍失望，啲鹼水味重到連碗湯都係苦嘅！完全同戰狼講嘅係兩回事！ ！ ！所以有時有啲嘢係將個焦點放得太大。
不嬲都係咁既質素
人以乜為優先次予很重要，40蚊係貴？40蚊係講人手造的魚蛋、墨魚丸，加上選擇優質的食材及自家配方。
一杯機冲咖啡都要30-40蚊啦，手冲則要70-80蚊。
假若人祇餘下睇价錢平為好，不論品質等因素，人的素質也祇會走同一方向。
希望香港人仍堅守知道乜嘢為好。
有人去拍攝當然會做好啲食材俾人睇？做好個故事,如何艱辛經營,希望得到大家迴響！好多麵店食材好、環境有空調、有招呼,都吾使甘貴？
原材料貴左,被迫要咁貴,去街市一轉就知,新鮮豬肉接近一百蚊斤,唔賣得貴點維皮?
你俾條片fake晒啦 間嘢鹼水味又重 豉油撈麵$40一碗 仲要勁撚細 完全唔飽 手打魚蛋墨魚丸？全撚部都係粉 一人賣單最少都要$80 主要環境差職員態度惡劣 你唔好喺度睇完條片賣情懷啦 你食過未㗎 依間出晒名伏喎 你唔好咁駁嘴喇 情懷佬
@@charltoncheung12 依家洗咩一百蚊斤，你比人揾笨柒，唔怪之得你覺得依間野好食
@@tszchuncheung7469 簡直係人生污點，食左依間野，垃圾級別
我唔評論呢間大排檔好唔好食。服務態度好唔好呢個問題，有時候失去左就係失去左。我相信呢段片目的唔係叫你去食「長發」，相反，是珍惜香港僅存嘅價值、歷史、文化等。
我好感激同欣賞Fiona對訪問嘅堅持，原本以Fiona嘅分享作結尾會係完美的。
很可惜！點解要訪問薛凱琪？佢代表到香港咩？連樣都唔敢出街嘅所謂藝人，佢有乜嘢資格去講珍惜香港嘅價值？佢已經離開咗香港去搵人民幣，放棄左香港，唔好同我講為生活呀！段片有佢嘅出現係最大嘅失敗。完！
Thank you for your sharing. Thank you bring up all the quality stories about HK. Thank you for your hard work. 👍👍👍👍👍
人情很美❤
雖將結業但不可惜，因為起碼用有限嘅時間在有限的土地內將傳統味道盛放出來。
就留番那些大集團新裝修天天餵屎水啦。是過度發展的城市裡，都市人必然要上的一課。
希望三位老闆之後可悠悠閒閒，過開心生活。
每次看到呢類故事，都係好唏噓......美好的事物逐漸流失，唯有感激曾經擁有過
五十幾年前已幫襯蘇記前身燒鵝在大南街（或基隆街）近砵蘭街的大排檔,耀東街大排檔果時雲吞麵係兩三毫子一碗.做咗幾十年大排檔,賺咗舖租一般都富得流油,唔賭唔毒一般都積聚不少資產.
用心製作👍👍👍
以前去過幾次 係Ok 但太熱
追咗成半年先先做到訪問 好多時有堅持有恆心就事成
呢間垃圾又貴又唔乾淨，好心唔好叫人伏啦，住附近日日見住點做面就覺得好噁心好唔乾淨
戰狼果然係戰狼，唔係戰狼可能到無左都未拍到衣條訪問，辛苦你啦戰狼～ 講返長發，講真我唔算食左好多年，大約都係7-8年前開始幫襯外賣多，佢既墨丸同豬手同撈麵係幾唔錯，但自從2019後…就真係好少幫襯了，雖然而家FC唔到 但當時係空穴來風… btw 辛苦米紙各位比我睇返個回憶，或者我都可以去食返一次去比自己回憶下，米紙加油！
多謝！
多謝支持 🙏🏻
這檔粉麵 我每日都經過 亦經常去食 自1997年開始 正剛入職一份新工作 長發值得去食 雖然係貴咗的 個老细又寸的 物有所值 食物有往昔地道鱼旦粉風格及味道 好難再找到 而家新開店嘅鱼疍粉味不同只得份量多
太可惜了😭多謝你哋報道出嚟🙏
訪問出咗太多人去無時間等，臨上飛機前買了二百蚊墨魚丸雪到冰一樣，包毛巾再入保溫袋帶走！
爸爸喜歡食他們的豬手，早上十點幾帶個盒去買外賣，未煮翻熱就一餅糕狀取走，返屋企再自己煮淋些方便老人家食！這就是我的回憶！
我最愛既魚蛋同墨魚丸😭 原來仲有咁多心思自家製！*我本來唔食墨魚丸，佢哋嘅墨魚丸真係好好食👍🏻👍🏻
好可惜🥲希望可以重開🙏🏻
又貴 又吾係好食 吹到鬼咁大
食物質素尚可但衛生及環境差企檔及其伙記煙引大不食也可
我會支持你地，平日唔忙先黎，多人排隊唔黎，放心
由細食到大，我又唔覺服務態度差。有次我帶隻狗過去，佢仲特登比盤水同冰比狗仔。食物5*，講真全人手真係功夫野，我覺得值得。利申，由細到大住深水埗，反而覺得長發好食過劉森記。
珍惜一間長發麵檔。買少見少一間好味有傳統風味。市民冇口福。要記億有在心中。可惜。😊❤。讚賞你米纸訪問老闆三位。2024年
附近返工、以前成日去食、但之後價錢太貴就冇再去。
大排檔先係香港真正特色 , 真正既夜縯紛
幾多遊客都係特登去食廟街既小炒
幾多人收工都一齊去食小炒
真係好傷感你們结業，冇計喇，唯有祝你們身體健康，平平安安
淨雲吞、豉油王撈麵加辣椒油加支樽裝可口可樂係一絕，個種味道是一種心靈上的慰藉，是為味蕾而吃的。
比起咩咩20蚊燒賣主打係辣油果啲真係行埋一邊。
首先讚下Fiona，鍥而不捨咁都要訪問呢間大排檔，冇咗呢間嘅訪問，會係少左啲野咁，以前我喺白田村住，有時會落去剪頭髮，嗰陣時啲橫巷有幾間剪頭髮舖頭，然後會同阿媽或者阿婆幫襯呢間麵檔，雲吞麵加支汽水，都係十零蚊，而家就四十蚊，四十幾年，我覺得升幅合理，我諗十一月前都會去親下，懷緬吓
多謝🥺🥺
每個訪問得來不易
我哋會加油💪🏻
@@ricezi2hk記者係我最尊重嘅人物之一，有堅持嘅記者，我會更加尊重，始終喺大時代下做記者確實不易，眼見刻下某啲傳媒記者，問啲野廢之餘，對讀者了解件事件更加冇幫助，例如，某個有兩個digit嘅傳媒，有單起火意外，個記者走去問啲逃生者：「你驚唔驚呀？」，頂，問乜呀你，又冇做功課，完全唔知自己做乜，水平之低令人嘆息。雖然你哋唔係跑時事，但呢啲就係民生嘢嚟，揭開香港不為不知嘅一面，用另外角色去理解事物，就係記者嘅責任，努力。
米紙 唔好嘥我哋時間睇呢啲食店啦， 員工態度差米搞啲嘢又貴
真係一啲都吾可惜,論食物吾特出,地方污糟；特出在收費. 食物用心做,收費憑良心！貴過人哋開舖？幫襯只係一個大排檔情懷.
😢不捨得！長發勁好味，魚蛋正牛腩正豬手正！連碟油菜都好好味！雖然地方係污糟啲，勝在夠風味，香港應該保留多啲呢啲大排檔❤
其實去大排檔食嘢係食食物嘅獨特性同埋情懷，唔係食服務質素囉，好多人都以為自己去咗五星級酒店，俾錢食嘢唔係大晒，人哋背後做咗幾多功夫，留咗幾多汗水，喺呢個檔口做左幾多年，付出咗好多，先至收你100幾十蚊咋大佬，仲要醫飽你個肚，係值得我哋好好珍惜！
留意番大排檔梗係冇冷氣冇服務㗎啦😒唔係乜嘢叫大排檔呀
食開屎😂
多謝米紙。👏🏻👏🏻👏🏻
老闆好識講野，而且睇得出對自己出品好自豪
唔好玩啦，外人一窩蜂就有可能，住深水埗同石硤尾嗰啲會唔會去食真係心照啦！
全部都話手工做，但係真係冇乜邊樣好食，只係欣賞墨魚丸，其他我覺得真係九流
好多小強😂
食品九流就唔敢講，但價錢就一流！！
好同意，呢間野 食過一次就冇下次
住咗深水埗40年，呢間嘢認真麻麻地
唔好成日幫呢啲殺人價錢既鋪頭做廣告。
多餘。有幾慘。？有幾好食。。？
50 蚊碗面。地方又污糟。食食吓有老鼠。曱甴。。之前D員工仲要食埋煙咁。污煙漳氣。。
佢炸魚皮時段。成條街都係D油煙味。
而家地產商要收番個位。就賣慘。
頂。佢哋三兄弟其中一個揸林寶。有幾慘。。完全係隱形富豪。。
D儍既仲去排隊幫襯。。真係 cls 😂😂😂
大排檔細容要40元，真心貴
對面間蘇記都好似就執🥲
長發：豉油撈，墨丸，豬手👍🏻
換緊牌等緊重開
細個去最鐘意食佢D炸魚皮，超厚身，唔係宜家嗰D薄it it咁，嗰陣仲有個阿姐做，好好傾嘅。
真係絕種，現在香港地冇人這樣執着手工制，佩服👍
大牌檔都收$50一碗，第日入舖開店要俾租金咪收七/八十蚊。
有所感慨。時代巨輪💛
又貴又少，食多碗成百元，話貴就吾好來系佢地宗旨！
同意，呢间野应该早执笠，收得贵，俾得少，去帮襯都系老街方老人，应该有D良心，而且唔系高质素仲要坐街邊，milk milk应该要综合才去介绍结观众
都唔係做街坊生意
@@en2662-t3b Ching，呢度唔係咩“milk milk”喎，呢度係“米紙”喎。你有無去錯地方 😅
@@chihohau6611 咪比依啲米紙唔識食嘅人介紹，跟著好多傻仔又話好食，有良心之類，人最慘係蠢，我就蠢左一次，睇啲TH-camr話好食，一試即賴嘢，附近街坊可能賴嘢多次，所以好多慕名而來食，咪無街坊食囉
@@Jack-Walsh320 在佢角度呢個專提係不錯但有不是十分啱平民百姓生活水平
被網絡吹紅咗多年嘅情懷老檔,事實係垃圾環境高級價錢,多年來都有食吓,越食越貴,不做老襯不再送頭.......
估唔到咁多嘢都係自家製... 真係臥虎藏龍
大佬呀，唔好動不動就騎劫”香港人”呢3個字啦。
呢間野執一定唔係香港人嘅損失，反而呢間名過於實嘅長發真係要多謝香港人養到你地肚滿腸肥就真。
二哥講嘢－針見血，食錢怪業主，香港好多野係自己玩死自己！
長發最出名唔係麵 係老鼠🤭🤭
石硤尾耀東街係細個回憶，細個家住石硤尾村，家父收夜就會買耀東街嘅粉面外賣，但其實長發我都係咁大個人上年先食第一次，反而細個係食佢對面一間，食手打牛丸的，但好似好早就冇做lu…有冇街坊有回憶？
早無做啦，二兄弟話辛苦得滯⋯⋯又搵唔到食
最好食嗰個牛筋丸而家仲回味，果檔如果未执，長發講嘢就無咁大聲😂
@@tonylung7592 我最後一次食已經係200X年？！印象中牛丸（唔知係唔牛筋）爽口彈牙不在話下，佢係好「滑淨」，唔知點形容，因為現時市面上（如大埔振X)都唔係呢種，佢咬落係冇肉絲之類的纖維，但又有肉味唔係粉味，我除咗「滑」之外諗唔到咩啱用的形容詞
回憶算了，往事衹能回味，費事喺度在老來講舊💩😃
快D執
長發制造美食過程可以咁認真咁有心機！星級大牌檔名不虛傳❤
名大於實！🤣🤣🤣🤣🤣
多謝你哋嘅訪問，蘇記之前我過去冇得食都唔知乜嘢原因，原來係咁樣
贈你地一句, "手工=好"只係一種迷思黎, 係"做得好既手工先=好", 如果手工做出黎既成品仲難食過一袋袋交番黎既, 咁執笠其實都好正常。
手工打飛機
見字手工就係好味食物係用條脷唔係用眼去睇
講得好 呢間正一垃圾
做得好好👍
意外薜凱琪肯接受米纸訪問，正常香港人👍
Thanks!
希望長發嘅執着可以搵到地方重開，亦希望米紙團隊嘅執着可以傳承落去。
😂😂😂睇完留言，謝謝各位，可以省返錢，❤
雖然自家製作，味道一般，又貴又污糟！
明知都要去，犯賤😅
Love the authenticity and heritage of the dish. I'm from Malaysia, and definitely will visit if go HK. Wish the owner's business fluorishes, serving 'affordable' and great food and 'hawker stall' culture continues
多謝報導, 食店臥虎藏龍,但無諗過大排檔咁多自製食品, 可惜知道時已經到達尾聲,呢條大排檔街都消失埋, 相信街頭熱食都命不久矣, 可惜可惜
由老豆老母細細個帶我去食 食到而家 十幾年啦 佢地嘅魚蛋河係無人能及 世一魚蛋 無論幾熱都好 都會專情去食🤧🥲🥲
我都係
快收皮了
耀東街 由細食到大 以前好旺好多人去宵夜的 仲好多選擇 隔離強記 出面水果鋪+果汁 對面食牛 隔離公仔麵 再隔離粥鋪 再隔離 鴻發+粥鋪 , 依家對面變晒小菜形式 ,先講環境 稱唔上污糟 應該用惡劣來形容 夜晚食食下 有米奇係你腳邊跑過 一d都唔出奇 , 就係長發後面係地盤 , 6點前去打緊椿 , 保證你食唔落 ＜想試既緊記 , 價錢方面 我覺得都算貴但可接受範圍 , 普遍黎講 出去食碗雲吞麵最平都30 3x啦 (其實就落一條街有間25蚊碗) 同埋又唔係餐餐食佢 , 依家大排檔就係貴 點相同既菜仲貴酒樓 , 合唔合理 見人見致啦 , 味道我覺得都唔錯 , 個辣油幾好 ,我冇記錯 幾年前試過入過鋪的
冇辦法，始終喺街度
記憶當時拆樓 大排檔枱櫈搬咗入吉铺 後來又搬返原位
每當那些用心做又好好食嘅小店又一間間無声消失，好無奈！
以前我住深水埗十幾年，從來都無去過。而家搬咗入新界，更加唔會去！
豉油王剩撈$40，油菜$23，咁嘅環境咁平嘅租金都收呢D價就知佢幾進取，試過一次一般般唔會再去
同意，呢间野好呃钱
@@en2662-t3b 好唔好食就唔知 依家手工野貴d都正常
不值吹棒
@@kw59啲撈麵40蚊，有乜嘢手工呀，賺死佢
地方，價錢，質素，我就去佐敦白加士街啦
我們是深水埗街坊，絕不去吃，第①平平無奇的食物，② 冬凍夏熱鐵皮屋大排檔，租金平，也不回饋老街坊，③ 幾拾年街坊，卻偏偏就宰到我們一頸血！倒不如走多兩步去黃金商場旁邊的劉森記老麵家，人家竹升麵有冷氣有店舖都冇你咁貴！食物與價錢絕對不會另街坊與遊客失望🎉
真 上次睇到介紹去食 一碗撈麵 一碗魚旦河 一支可樂 要接近100蚊！撈麵走鹼走唔夠 食落苦！魚旦河就無特別！
呢3 條友，淨係係自己角道出發，又話口迫走又點又點，入鋪囉咁多廢話
@@johnnyrambo8569 把政府給他們的優惠，懷舊鐵皮大排檔拿走，他們就什麼也不是！從未見過老店那麼多差評的，看他們怎對得起始創人！
先唔講價錢，老實講真係唔好食，第一次食係40年前住南山邨嘅同學帶我去，細個未見過世面，食落覺得普普通通，當年黃大仙7層26座成記好食好多，再返長發食係10年前有多，夜晚好夜經過坐低囘味下，點知比四十年前難食好多，跟住冇再去啦。
佢哋幾十年都未捱過貴租，每月比果幾千蚊租但賣尖沙咀，銅鑼灣區價錢。石硤尾咋無冷氣，又污糟、又有老鼠。佢哋真係賺到笑。賺到盡。
鍾意食呢間嘅墨魚丸👍
兩年前食過一次，貴又難食
雲吞麵油菜加可樂$70
雲吞細粒無料咁，附近南山村食個間大粒好食得多，一樣咁多野先$50
好心你哋d香港仔，人哋臨執就排隊俾人劏，永遠唔分好唔好，一聽到就嚟無就發囇癲
南山村冬菇亭未收皮又唔見你哋去食
你講中晒啲重點，香港太多豬西
大哥好靚仔，唔知有冇觀眾同樣覺得 :)
大哥撈埋返大陸揾女坐枱
Fiona Vs Fiona 謝謝你們的分享 希望佢哋三兄弟 可以搵到一個不吸血的包租公 加油啊
淨豬首或牛腩，一般都成百元，去長發梗係吃雲吞麵和魚蛋河！一百有找
我今日去食又排長龍.現在又加價.牛腩无.雲吞什么都冇得吃而且真人多做唔切.所以会影响質數的.
難食，細碗，污糟，中大伏
食物味道好主觀，喜歡就去食，唔喜歡就唔去囉，好簡單。
以前一星期凌晨食2晚，講真味道係一般好食，食呢間係食排檔風味而已，尤其冬天食，夏天真係你懂的
長發。算x掃啦。大牌檔地方收到咁鬼貴。真係以為自己有寶。
唔該快啲執。一路好走。唔好再重開。
跟住呢排又會有人有好多人又走去排隊。又話可惜又話永遠懷念。走去悼念見佢最後一面食佢碗麵。
同米紙唱雙簧，大把人去食，應有傭金分
今日去試，現場其實打緊樁，係10米內！！！ 排隊一陣耳仔都會痛，員工老闆全日係度，聽覺可能會受損。
非專業建議，員工應該要戴有認證級別耳罩，排隊要送認證級別耳塞。
希望 @米紙 可以反映番俾老闆知，幾好食都好，都唔值得傷到聽覺。
話人食錢怪獸。你地長發都係啦。大商鋪價錢。公屋租金。
呢班粉人，淨係講自己慘野
👏🏼👏🏼多謝米紙又一用心之作❤
多謝米紙
一間好好食嘅深藍食店
米紙今集好坑
❤支持
講乜都用！快D執咗佢啦！
一路睇一路流口水
1:26 老闆心水清，犀利`
我住港島都成日衝去食佢嘅豬油撈，魚蛋及墨丸，雖然係貴又食到身水身汗，但最緊要嘢好食就係重點，所以知佢唔做都好惋惜，而家香港真係搵唔到好食嘅魚蛋，更加無豬油撈，希望佢日後有機會重開。另外，啲人成日話佢貴，咁我建議佢哋真係唔好搵好嘢食，去食返啲廿蚊碗嘅算喇😌
胡椒粉都係自己磨 對細節有一份執着
@@ricezi2hk 一檔用心做嘅大排檔，所以佢收貴些少我唔會炸形，因為食到佢有用心做，有質素，而且而家好少地方會落豬油落碗麵度，只有幾間老牌雲吞麵店至會落豬油，真係好食好多
佢既撈麵同墨丸由細食到大冇得輸
多謝米紙,長發食咗27年,環境差及貴,但水準保持已難能可貴
食左20年 真係講聲多謝
長發最好食
係牛腩牛筋河多腩汁
不過份量真係好少
我同我細佬異口同聲
每次去最少食3碗...
食左咁多年
有啲唔捨得
如果搬入舖
通常冇原先咁好食
☹☹☹☹麻能麻姐