𝐁𝐀𝐈𝐋𝐄𝐒 𝐃𝐄 𝐋𝐎𝐒 𝐀𝐑𝐂𝐎𝐒 𝟐𝟎𝟐𝟐: 𝐒𝐀𝐘𝐀𝐖-𝐀𝐖𝐈𝐓 𝐏𝐀𝐑𝐀𝐍𝐆𝐀𝐋 𝐊𝐈𝐍𝐀 𝐒𝐀𝐍 𝐏𝐄𝐃𝐑𝐎 𝐀𝐓 𝐒𝐀𝐍 𝐏𝐀𝐁𝐋𝐎 𝐆𝐀𝐌𝐈𝐓 𝐀𝐍𝐆 𝐊𝐀𝐒𝐓𝐀𝐍𝐘𝐄𝐓𝐀𝐒

Ang pagbabalik ng tradisyunal na sayaw makalipas ang dalawang taong pagkakatigil nito dahil sa pandemya. Sa kabila ng pagnanais ng mga namamanatang kadalagahan na makasayaw noong 2020 hanggang 2021, sila ay hindi pinahintulutan ng encargado nito bilang pag-iingat.
Ang bahaging ito ng panatang sayaw ay tinatawag na "Awit kay San Pedro at San Pablo" bagamat may bahagi rin ng awit na alay sa Mahal na Birhen de la Rosa .
Dito, hinihiling ng mga mananayaw ang tulong ng dalawang patron upang maging tagapamagitan kay Hesus. Ang bahagi ng awit na alay sa Mahal na Birhen de la Rosa ay paghingi ng tulong sa kanya bilang siya ay isang mabisang tagapagdasal ng Santa Iglesia sa Panginoong Anak niya.