簡易食譜分享第3️⃣2️⃣集➡️雪梨椰子無花果豬展湯

今日向大家分享嘅湯水，除咗有鴨梨之外，仲有第二個主角，印度椰子。 今日想同大家分享一吓印度椰子嘅資料。
人稱印度椰子，其實係椰子核。椰子去殼後嘅內果皮，種子及椰子肉。經過風乾，曬，烘乾等等嘅加工程序後，就成為大家見倒，同手掌一樣大細嘅印度椰子。印度係椰核嘅重要生產地，因此而命名，並非椰子品種。
印度椰子營養價值極高，有助清燥熱、止咳功效、滋陰補腎、潤肺養顏嘅功效，搭配其他食材一起煲湯，效果更顯著。熬夜上火，熱氣都可以煲印度椰子湯水緩解一下。
大家熟悉嘅椰子油就係由椰核提煉出嚟格喇。翻查資料，有關利用椰核提煉椰子油嘅文獻紀錄位於公元一世紀。
我大約响8年前先認識印度椰子呢樣嘢，我記得有次去買餸，其中一檔我成日幫襯開嘅菜檔有d外形好可愛嘅"波波", 細問菜檔姐姐先知佢叫印度椰子，用佢嚟煲湯，滋潤到不得了。只要你覺得有需要嘅話，一年四季都可以飲用；啖湯充滿椰香嘅味道。菜檔姐姐好好人，每次都會幫我切片。如果切咗片之後，見倒入面係黑黑綠綠咁嘅色，就唔好要喇。有可能係運送過程或處理不當，引起發霉。
用佢嚟煲湯真係非常滋潤，不過大家會見倒煲湯有層油滋。曾經睇過營養師寫嘅article,指出印度椰子所含嘅脂肪以飽和脂肪為主，總脂肪量較多亦即是飽和脂肪量亦較多。以100g計算，新鮮椰子已有近30g飽和脂肪，而印度椰子含高達58g嘅飽和脂肪。印度椰子飽和脂肪之高實在不宜經常食用。印度椰子香滑味濃，但飽和脂肪含量過高，實在不宜經常食用。就算係用嚟煲湯，脂肪亦會溶於湯水中。久不久煲嚟飲吓，的確唔錯，長期飲用就唔好喇。
希望大家喜歡我嘅湯水同資料分享，請大家收藏，點讚💜同share 俾朋友啦。多謝大家耐心收看同支持🙏🫡。
#伽伽廚房
#滋潤雪梨椰子無花果豬展湯
#止鼻血
#滋陰補腎
#潤肺止咳
#不但秋季啱飲
#一年四季適宜
#久不久煲嚟飲吓非常正