【山賽系列】畢拿山🖊️小馬山🐎渣甸山⛰️紫羅蘭山⛈️惡劣天氣下四山連走🤼♀️玩左10K泥漿摔角☔落雨又有咩好怕喎
ฝัง
- เผยแพร่เมื่อ 14 ต.ค. 2024
- Quality : 4K
📽TH-cam : • 【山賽系列】畢拿山🖊️小馬山🐎渣甸山⛰️紫...
📽TH-cam Channel : 廖芷芊-皮蟲小隊
今次第二次玩山賽，二個星期前同師兄仔試過半程，有段古怪路從未行過，但d路大至都記得。
10:00am起步不遲也不早，天氣好濕好玉酸，第一次見推薦我玩呢個賽既韓俊賢，但我嚇親距🌚
近排壓力大睡覺有啲差，所以一開始個背脊已經好攰，不過呢啲都唔係借口。
同韓俊賢一齊起步，一開初碌落大潭全部人都自信滿滿，過左大潭水塘韓俊賢已經消失於空氣中，上大風坳條斜起初都擔心全部人跑走哂，得我一個要行，但原來大部分都同我一齊行上去，都安心啲。
上畢拿樓梯預左會塞車，用呢度過左算多人，上到畢拿好多人影相，我就直走，一野碌落小馬橋就去到古怪路線，行呢度諗起上次同師兄仔係屋仔影左張相，落去金督又塞塞地，條路只供一人通過，落到金督覺得隻腳擦損左有啲痛，仲擔心之後點算，不過唔理，係金督行下跑下d人就走哂，真係好肚餓，但又有啲反胃，去到小馬坑發現上次d蝌蚪仔無哂了，仲諗唔知比人食哂定隨住流水沖走哂😢
又再上反金督無幾奈終於到CP
覺得好反胃，但點都要食嘢，因為實際是肚餓，食左kai 橙，四分一個榛子包，飲幾淡可樂覺得回復左d，針左三分一支可樂就凖備餘下路程，正凖備起行突然好大雨，結果係CP避左20分鐘先出發到，細雨啲就起行，跑左二步覺得好凍，好在老人家我不惱30度都有冷衫跟身，過左爆炸廠開始上渣甸又諗起師兄仔戴我上條樓梯，條路開始好多泥水，間中落下毛毛雨，時凍時熱，靠支可樂維生。
一口氣上到渣甸就沖落山，有個觀景台位跟人行左上去，覺得有d奇怪，發現行錯左又碌返落來，好彩只是行錯小小，有個男人仲埋怨距朋友戴錯路，又一口氣碌反去陽明就打最後一個大佬紫羅蘭
紫羅蘭個入口好隱蔽，我都未行過，之後一直上全部都係樓梯仲要成個上山過程都落大雨，好大霧，能見度都是50米內，一路上遇到唔算多人，不時留意下自己有無入到結界，一路行都好濕，仲反思呢啲天氣小動物最鐘意，可以係泥水浸浴，得人類先覺得污糟，人類係咪都要學習享受呢種天氣。反思左好奈都仲未到頂，1:30pm韓俊賢話距已經搞店，食緊炒飯意粉r緊腳，而我仲係濕滑既樓梯上吸風飲露中。
幾經辛苦上到支標鳩柱以為是山頂，去多個山頭有打氣團先話到左紫羅蘭啦，今日最高點，即刻好開心，之後又沖落山，同幾個一組人既女仔一齊行衛徑和大潭水塘條橫山徑，個地好多水dum 好跣，都無咩人跑，都係急步行，玩左勁奈泥漿摔角終於接返石屎路，但一來就係好慢長既斜路，個腦不停播住jayfung首報復式浪漫，上到水塘個位就見到肥仔波偷影我，之後同肥仔波行埋最後慢長既石屎斜，終於見到終點，即刻跑去衝線🎉
今次比上次老虎頭起伏多好多，20k路程我覺得係ok. 完左對腳仲有貨，但神智就成日都麻麻，同唔夠訓有關，神智呢樣要解決。
同埋要跑多啲金督呢款橫山徑，成日跑幾步就要行，哂左唔小時間
雖然講到好似好精彩咁，但我都用左成5:10先搞店計埋20mins避雨，十分之慢。
路線 : 陽明大潭➡️畢拿山➡️小馬山➡️渣甸山➡️紫羅蘭山➡️陽明大潭
地圖 :
長度 : 21KM賽事路線. ACTUAL 20.7KM - ตลก
好利害，風雨路，共渡過💪💪💪
很強的青蛙，希望之後能山賽相遇，希望和你們合照留念😊
勁勁勁✌️✌️🧚
💪💪💪勁勁
睇見青蛙隊長奀挑鬼命，居然可以捱足全程冇嘔白泡，實在欽敬欽敬！
😂嘔白泡就留返比蟲兄，距上次老虎頭未跑先嘔😂
見你越來越勇💪，睇住你不斷將挑戰升級👍，最重要嘅越野胆你已經足夠了😃
我都是屎忽痕玩下，同大家比我只是一隻龜🌚
辛苦曬多謝分享😊
你好叻呀，咁惡劣嘅天氣都堅持完成得到，不過做運動都要食多少少，如果唔係會頭暈頭痛㗎，繼續加油呀👍
之前試過剩係食一個蘋果都撐到成個大東鳯凰就諗住今次都係一個蘋果捱10k應該頂得順，點知就無電，所以下次會食返多啲了🌚
比賽前冇食嘢同飲水係大忌啦。而且仲有大雨喎。係錯誤示範啊。能夠完成比賽都要恭喜你。😂👏👏🏃🏼♀️
有食呀，食左蘋果🌚大雨都幾拿命，拿命在於又凍又熱，要又除又著衫🌚
哈~你去到CP個為食樣好正!
叻囡，可惜有雨，出唔到真功夫!下次再玩過!🎉
來緊熱了，要秋冬先得😢
@@stephanieliuchi keep住training, 下次拎個好成績
每次山賽都係經驗，搵次要一齊玩下～yeah！可以試下用pole，上斜幫助好大
好阿，但聽聞夏天好似小d山賽，我諗住練下唔用pole上斜，用pole留反50 up果d先，但仲有很大距離🌚
@@stephanieliuchi 都係既，不過太斜的話唔好硬撐😂
芊姐瘦左, 快增肥, 會更靚女.
我無瘦呀，個大脾仲係好肥😢
個日天氣太差 我都跑得好辛苦🥵 落親雨都倒水咁 順利完賽已經👍 👍 多左經驗 下次再跑得輕鬆d
諗起你點半已經食緊炒飯r緊腳而我仲係紫羅蘭途中吸風飲露就好笑😂
你地之後仲會參加啲咩比賽呀🤩睇下撞唔撞到你地！
來緊咩都未報呀，夏天可能試下路跑賽🌚
蟲兄無參加咩？
Btw，蟲兄真係肥左好多，要操多d喇😂
你見距每次行山都只係掛住食就知咩料🌚
@@stephanieliuchi我都有玩呢個比賽，玩30K所以見唔到妳，可惜😢
@@cyrushui7126 師兄利害，30我仲有啲距離😢
💪