#travelwithbajababy
Liptons’s Seat | ලිප්ටන් සීට්...👣👣
පළාත් 5ක් දකින්න පුළුවන් ලංකාවේ එකම තැන
හපුතලේ ටවුමෙ ඉදන් හපුතලේ දඹතැන්න මාර්ගයේ 14-16km පමන දුරක් සුන්දර තේ වතු යායක් මැදින් ගමන් මාර්ගය වැටී තිබෙනවා.
ලංකාවේ පළාත් පහක් එකම තැනක ඉදන් බලන්නට පුඵවන් එකම ස්ථානය බදුල්ල දිස්ත්‍රික්කයේ විතරක් නොවෙයි ලෝකයේ සුන්දරම තැන් වලින් එකක්. ලංකාවේ තේ ලෝකය හදුනන්නේ ‘ලිප්ටන් තේ’ කියලයි. ලිප්ටන් ගේ තේ වත්ත තියෙන්නේ හපුතලේ දඹේතැන්න - බණ්ඩාරවෙල පූනාගල අතර කදු ඉස්මත්තාවේ.
ලෝකයේ රසම තේ විදිහට එදා එංගලන්තයේ බොහෝ දෙනෙක් සැලකුවේ ලිප්ටන් ගේ තේ වත්තේ තේ කොලයි. අදටත් ලිප්ටන් නාමය තේ ලොවේ ඉහළම තැනක වැජබෙනවා.
ලිප්ටන් සීට් කියන්නේ කඳු නිම්න තුනක් එකිනෙක හමුවෙන ඉතාම පටු කදු මුදුනක්. තෝමස් ලිප්ටන් දඹේතැන්න වත්ත මිලදී ගෙන එහි සුන්දරත්වය විදිමින් ගත කළ ස්ථානයට මෙතැන යැයි බොහෝ දෙනා විශ්වාස කරනවා. ලංකාවේ ජීවත් වූ සෑම කාල වකවානු වල දී බොහෝ සැදෑ සමයන් හි ඔහු මෙම ස්ථනායට පැමිණි විනෝද වූ බවත් තමන්ගේ විදේශීය මිතුරන් තමන්ගේ තේ වත්තේ අතිශයින්ම සුන්දර ස්ථානය වෙත රැගෙන විත් සාද පැවැත්වූ බවත් කියවෙනවා. එදා යුරෝපයේ ලිප්ටන් තේ ගැන කියන කොට ඒ තේ නිපදවෙන අතිශයින් සුන්දර වටපිටාව ගැනත් සදහන් කරන්නට එයත් එක් හේතුවක් වෙලා තිබුණා.
ලංකාවට තේ වගාව හදුන්වලා දුන්න ජේම්ස් ටේලර් සමග එක්වෙලා පසුකාලයක (1890) “සර් ‍තෝමස් ජේ. ලිප්ටන්” ලංකාවේ තේ යුරෝපයට රැගෙන ගියා. ඒ අතර ඔහු දඹේතැන්නට පැමිණ එහි දැවැන්ත වතු යායක් සංවර්ධනය කළා. ලිප්ටන් සීට් වටේටම තියෙන්නේ ඒ තෝමස් ජේ ලිප්ටන් ගේ තේ වත්ත තමයි. හපුතලේ සිට බණ්ඩාරවෙල දක්වාම මේ තේ වත්තත් එයට අනුබද්ධ තේ වගාවත් පැතිර තිබෙනවා. දඹේතැන්න තමයි, ලංකාවේ ලොකුම තේ කම්හල පිහිටලා තියෙන්නෙත්. කාලයක් ලෝකයේ හොඳම කළු තේ නිශ්පාදන කම්හල කියලයි හඳුන්වන්නේ.
මේ දඹතැන්න වතුයාය අක්කර 925 ක් වෙනවා. කිසිම විවාදයක් නෑ. වත්තේ තියෙන සුන්දරම ස්ථානය තමයි, අංශක 360 ක දර්ශනයක් බලාගන්න පුඵවන් වත්තේ උසම ස්ථානය.
මීදුම නැති දවසක ලිප්ටන් සීට් හි සිට ඌව, සබරගමුව, දකුණ, නැගෙනහිර, සහ මධ්‍යම පළාත් එක වර බලන්නට පුඵවන්. හැබැයි ඒකට වාසනාවක් තියෙන්න ඕනි. අපි මෙතන පැය දෙකක විතර කාලයක් ගත කරා. මීදුමෙන් වැසී තිබුන පරිසරය කෙමෙන් පහව ගිහින් අපිටත් පුලුවන් උනා පළාත් සේරම දැකබලා ගන්න. පුංචි ටිකට් එකක් ගන්න ඕනෙ. බොහොම පරිස්සමින් යන්න ඕන පාරක්. බොහොම පටු සමහර ස්ථාන වල කැඩී බිදී ගිය තැන් සහ එක් පසෙකින් කදු පන්තියත් අනෙක් පසින් ප්‍රපාතයත් තිබෙන බැවින් බොහොම කල්පනාකාරීව යා යුතු ගමනකි.
හෝර්ටන් තැන්න.. | Hortan Pains
අපේ 3නි නැවතුම්පල..
ලිප්ටන් සීට් වලට සමු දුන් අපි බොරලන්ද පුංචි ටවුමෙන් දවල් ආහරයට බත් නොගෙන උනු උනු බිත්තර රෝල්ස්, රොටී, වඩේ, සහ තේ..
බඩ පැලෙන්න කාලා පුංචි බිලකුත් ගෙවලා... හෙමින් සීරුවේ ඔහිය දෙසට ගමන් කල අතර බොහොම සුන්දර පරිසරයක් විද ගන්නට අවස්ථාව ලබා දුන් ස්වභාදමට බොහොම ස්තූති වෙමි. කෙමෙන් ඔහියට ඇදුන අපි හෝර්ටන් තැන්නට පිවිසෙන ගේට්ටුව අසලින් අවසරපත් රැගෙන සේන්දු වූයේ එතැන් සිට වෙනත් ලෝකයකට ලබා දුන් අවසරයක් මෙනි. ටික දුරක් යන තුරු වෙනසක් නොදුන් හෝර්ටන් තැන්න කෙමෙන් කෙමෙන් මීදුමෙන් වැසී පුංචි පිනි බිදු වැහි බිදු තරම් විශාල වී ජැකට්ටුව මත පතිත වී ගෙන දුන්නෙ නම් පුදුමාකාර හැගීමකි.චායාරූ කිහිපයකුත් ගෙන රිසි සේ නිදහස විදගෙන තෙත බරිත ඇදුම්
පිටින් පට්ටිපොල දෙසට ඇදුනේ අන්ධකාරය කෙමෙන් අපව වෙලා ගන්නට සැරසුනු නිසාවෙනි. පට්ටිපොල දුම්රිය ගේට්ටුව අසල පැය භාගයකට ආසන්න කාලයක් ගත කරන්නට උනේ දුම්රිය පැමිනීම හේතුවෙන් නිසාවෙන් නැවත පිටත් වන්නට සැරසුනු අපිට සිදු වූයේ නොසිතූ අකරතැබ්බයකි. ඒ අපේ බයිසිකයක් නැවත පණ ගැන්වීමට නොහැකිවයි. (ස්ටෑන්ඩ් ස්විච් එකට වතුර ගිහින්) ඉතින් ඔන්න කරන්න දේකුත් නෑ වැස්සෙ තෙමෙනවා ඒ නිසා මහත් වෙහෙසක් ගෙන 8km පමන දුරක් තල්ලු කරන්නට සිදු වීම නම් පුදුමාකාර අත්දැකීමකි. මීදුම මැදින් වැහි බිදු අතරින් කදු පල්ලම් වංගු නොතකා බොහොම අමාරුවෙන් අපි 4නා නවාතැන් පලකට සේන්දු වූ අතර එහිදි නැවත අපේ සගයා පණ ගන්වා ගැනීමට හැකි වුනි. උනු වතුර ටිකකින් සප්පායම් උනු අපි විඩාබර වූ අවසන් මොහොතත් බොහොම රස විද රසම රස කොත්තුවකට සහ රයිස් එකකටත් වගකියා නින්දට වැටුනේ හෙට දින නැවත සුන්දර ගමනාන්තයන් කිහිපයක්ම තිබූ නිසායි.
නුවරඑළියේ 2 වෙනි දවස 😬
නුවරඑළිය ගිහින් මහ උදේ හීතලේ බයික් හෝදපු උන් දැකලා තියෙනවද? 🤣😂 උදේ 06.30යි. හීතලේ බයිසිකල් ටික හෝදල රසම රස තේ එකකට වග කියලමයි. දවස පටන් ගත්තේ..
අපේ ඉන්නවා සුපිරි කා..බෑ.. ඩෑල් එකක්.. ඌට ඉතින් වෙලාවක කලාවක් නෑ උදේ පාන්දර නැත්නම් අඅයිස්ක්‍රීම් කවන්න එක්ක යයිද...🤣😂 ගේට්ටුව අරින්නත් කලින් එතන... පැය භාගයක් විතර තිබ්බ වෙලාවෙ ඔන්න කට්ටිය පොඩ්ඩක් එහාට වෙන්න තිබ්බ තැනක ලස්ස Shoot එකක් කරා..
ඒක ඉවර වෙලා තමයි අපි Jagro එකට ගියේ.. අපි 3ක් එකතු වෙලා කාපු 3ම එකෙක් තනියම Order කරලා කෑවා කිව්වම හිතා ගන්න පුලුවන් නෙ ඩයල් එකෙ තරම.. 😂😂 ඔන්න පහලින් Comment එකක් දාන්න කවුද ඒ කෙනා කියලා Guest කරලා... 😬 ඔය පලවෙනි Photo එකේ වම් පැත්තෙ ප්ලේට් දෙකම තනියම කෑවෙ... 😬
Lovers Leap දිය ඇල්ල නම් දන්නවා ඇති.. අනිත් තැන නම් දැන ගන්න විදියක් නෑ ගමේ අය විතරක් යන එන නිසා.. බොහොම සුන්දර ස්ථානයක පිහිටලා තියෙන්නෙ. පුංචි. Off-road. Experience එකකුත් ගන්න ලැබුනා.. දිය ඇල්ලත් බලගෙන දවල්ට කන්න ටවුමෙ සුපිරි Place එකක් සෙට් උනා... බඩ පිරෙන්න කටට රසට කෑවා.. බයිසිකලේ ඔහේ පැදන් යනවට වඩා පට්ටම අත්දැකීම් ගොඩක් එක්ක සුපිරියට බඩ පිරෙන්න කන්න ලැබුනා.. අපේ නුවරඑළිය ගමන මෙතකින් අවසන් වෙනවා මොකද Geeshanta රාජකාරි හේතුවක් නිසාත් මට ඉතින් හෙට උදේම උෂ්ණ කලාපීය දිශාවකට තවත් ගමනක් ආරම්භ කරන්නට තිබුන නිසාත්, සජාන් සහ තුසිරුට තවත් දවසක් ඉන්න ඕනෙ කියපු නිසා අපි 4 නා ඔය විදියට අඔඒ ගමන අවසන් කරා.. බොහොම අපූරූ සුන්දර අත්දැකීම් ගොඩක් එක්ක කාලෙකින් ගියපු ලස්සන ගමනක්..
ඉවර නෑ... ඉන්න ඊලග ගමනෙන් හම්බවෙමු...😉