🌊🐟 Naturen gjennom born sine auge! 🐦🌱
Nordhordland er eit UNESCO-biosfæreområde med stort mangfald av naturtypar - frå fjord til fjell! I vår nye filmserie følgjer vi born på oppdagingsferd i naturen. Fyrste film tek oss til Fedje for å utforske havet og kysten.
❓ Korleis går det med sjøfuglane som er avhengige av havet?
🔴 Visste du at 32 av 54 sjøfuglartar i Noreg er raudlista? Klimaendringar, tap av mat og øydelegging av hekkeplassar gjer livet tøft for måkeartar som til dømes fiskemåke, gråmåke, krykkje og hettemåke.
👉 På Fedje har ein klart å utrydde minken, ein framandart som øydelegg sjøfuglreir - eit viktig tiltak for å bevare fuglelivet!
👉 Vidare på Fedje finst det tre sjøfuglreservat og eit landskapsvernområde - dette er gode friområde kor sjøfugl og andre artar kan leve i “fred”.
❓ Og korleis går det under havoverflata?
🔴 Samtidig under havoverflata slit kysttorsken, som må symje djupare grunna stigande havtemperatur - men sym han djupare uteblir både mat og gøymeplassar. Dette er ei endring som fleire fiskar slit med, saman med overfiske av gitt art og matgrunnlag.
I naturen heng alt saman, og alle ledd er avhengig av kvarandre, økosystem kallast det. Om ein av artane slit i eit økosystem - kan fleire artar få problem. Sjøfugl og fisk er eit godt døme på dette.
💙 Bli med UT og sjå naturen gjennom borna sine auge! Oppdag dei fantastiske samanhengane i naturen - og kvifor vi må ta vare på han på ein god måte.
Kjelder: Artsdatabanken, Ustillinga Sirkulære Nordhordland, Statsforvaltaren i Vestland og Naturvernforbundet