Biosfæredagen 1.juni. 2023

Den fyrste Biosfæredagen i Norge!
6 arrangørar, 25 føredragshaldarar og vel 150 deltakarar gjorde Biosfæredagen til ein suksess! Det var høg berekraftstemperatur på Nordhordland og Norge sin fyrste Biosfæredag 1.juni! Dagen hadde program frå «morgon til kveld», og politikarar, kommunetilsette, forskarar, næringsliv, bønder og innbyggjarar frå Nordhordland strøymde til Region Nordhordland Helsehus i Knarvik for å få med seg føredrag, debattar og talar om tema berekraftig utvikling i Nordhordland.
Å vere eit UNESCO biosfæreområde vil sei at vi skal vere eit læringsområde for berekraftig utvikling og eit føregangsdøme for andre land og regionar for korleis ein kan utvikle seg i ei berekraftig retning.