JATTAKKAW UFFIĊJALMENT LIL FELIX BUSUTTIL.

ONE.COM.MT • Kienu diversi l-kmamar tal-aħbarijiet li rrapportaw bi prominenza d-diskors imqanqal li ta lbieraħ Felix Busuttil fit-tieni Mass Meeting ta’ din il-kampanja elettorali. B’kollha kemm huma jirrappurtaw dwar id-differenzi li d-deċiżjonijiet li ħa dan il-Gvern għamlu fil-ħajja tiegħu u li tkellem dwarhom quddiem il-folla numeruża li nġabret fin-Naxxar biex tisma’ l-messaġġ tal-Prim Ministru Joseph Muscat. Dan iżda ma nistgħux ngħiduh għall-Partit Nazzjonalista, jew kif qed isejjaħ lilu nnifsu l-Forza Nazzjonali, hekk kif fuq il-paġna uffiċjali tagħhom fuq Facebook kitbu gidba dwaru u ħeġġew lin-nies ixerrduha.