Mr.bootman - by poet Purna Biram' s poem turned into a song - पूर्ण विरामको कविता मिस्टर बुटम्यान
ฝัง
- เผยแพร่เมื่อ 26 ธ.ค. 2024
- गीत बनेको पूर्ण विरामको कविता - मिस्टर बुटम्यान
Poet Purna Biram' s poetry Mr. bootman turned into a song
मिस्टर बुट्म्यान
लासको निर्देश बमोजिम
हामीमाथि छर्रा प्रयोग गर्ने हो वा
देशलाई अति सुन्दर बनाउनका निम्ति
लासको निर्देशलाई अटेर गरेर
देशलाई सुन्दर बनाउने अभियानमा जुट्ने हो
मिस्टर बुट्म्यान
यो तिम्रो खोपडीले सोच्ने कुरा हो
शिशिरलाई म्वाइँ खाएर
राष्ट्रमा शिशिर नै ओछ्याउने हो वा
हामीले छरेको वसन्तको बिजलाई बिरुवा बनाएर
बोट बनाउनका निम्ति महान् सहयोग गर्ने हो
मिस्टर बुट्म्यान
यो तिम्रो खोपडीले नै सोच्ने कुरा हो
समानता सोच्ने छातीहरूमाथि आफ्ना बुट्हरू राखेर
अत्याचारको सोपान चढ्ने हो वा
समानता सोच्ने छातीहरूलाई सम्मान गरेर
सम्मानले भरिएको जिन्दगी बिताउने हो
मिस्टर बुट्म्यान
यो तिम्रो खोपडीले नै सोच्ने कुरा हो
न्यायका निम्ति समर गरिरहेका आँखाहरूमा
घन बोकेर कीलाहरू ठोक्ने हो वा अन्याय गर्नेहरूका विरुध्दमा
विद्रोह पस्केर भुसुना हुनबाट जोगिने हो
मिस्टर बुट्म्यान
यो तिम्रो खोपडीले नै सोच्ने कुरा हो
आजीवन उन्यौलाई सुगन्धित प्रसून ठानेर
आफ्नै नाकलाई छल गर्ने हो वा
आफूलाई छल गर्न नहुने सत्यलाई तत्काल छाम्ने हो
यो तिम्रो खोपडीले नै सोच्ने कुरा हो
रेबिज बोकेर बहिरहेको बतासलाई अभिवादन गर्ने हो वा
सजग भएर असल वायुमापक यन्त्रतिर ध्यान दिने हो
अनुपम आँधी बिस्तारै बहिरहेकोमा आपत्ति जाहेर गर्ने हो वा
अनुपम आँधीलाई नै जदौ गर्ने हो
मिस्टर बुट्म्यान
यो तिम्रो खोपडीले नै सोच्ने कुरा हो
देश कुच्याउनेकै साथ दिने हो वा
कुच्चेको देश बनाउने कुशल ताम्राकारसँग हिमचिम बढाउने हो
केही समयपछि नै फुट्ने अवधि लिएको
भाँडो बनाउने सुन्दर कुमालेको साथ दिने हो
मिस्टर बुट्म्यान
यो तिम्रो खोपडीले नै सोच्ने कुरा हो
मिस्टर बुट्म्यान तिमी जुन चौकोसभित्र छौ
त्यो चौकोसलाई आगोले अवश्य खानेछ
चौकोस भित्रका कीराहरूलाई पनि
आगोले दाहसंस्कार गर्नेछ
तिमी चौकोससँगै सती जाने हो वा
चौकोस बाट तत्क्षण विद्रोह गरेर निस्किने हो
मिस्टर बुट्म्यान
यो तिम्रो खोपडीले नै सोच्ने कुरा हो
किर्नाका बस्तीहरूका पहरेदार हुन्छौ वा
मानिसका सुन्दर बस्तीहरू निर्माण गर्न तर्फ लाग्छौ
पशुको खोल ओढ्छौ वा मानिसको नै छाला बोक्छौ
मिस्टर बुट्म्यान
यो तिम्रो खोपडीले नै सोच्ने कुरा हो
रचना स्थान -कालोपुल काठमाडौं तीस नेपाल तीन
