ثمانية أسئلة مع مشرف خدمة عملاء
ฝัง
- เผยแพร่เมื่อ 10 ก.พ. 2025
- «أنت بينك وبين العميل تلفون؛ ما تدري وش نفسيته أو وش وضعه.»
في هذه الحلقة من سلسلة «ثمانية أسئلة»، نستضيف مشرف خدمات العملاء في إحدى شركات الاتصال، عبدالعزيز القحطاني، يجيب عن أسئلة تتوارد في أذهاننا عمَّن يقابلنا في كل مكالمة شكوى أو طلب.
حدّثنا عن مبادئ تعامل الموظف مع العميل، كيف يطفئ غضب عميل أو يُهدّئ من روع آخر، كيف يتهيأ موظف خدمة العملاء لقضاء ساعات عمله التي تطلب منه حضورًا ذهنيًّا ونفسيًّا في كل مكالمة، كذلك ما الذي يؤخر استجابة الموظف، وماذا يصنع في حال نفِدت الحلول التي يمكنه تقديمها؟
«ثمانية أسئلة» برنامج من إنتاج ثمانية، نقابل فيه شخصيات تعمل في مهن غريبة، أو لها صورة نمطية في أذهان الناس، فنوجه لهم ثمانية أسئلة قد تخطر في بالكم عادةً عند السَّماع بتلك المهن.
هذه الحلقة من إنتاج شركة «ثمانية للنشر والتوزيع»، كل إنتاجنا يُصنع بحب من مدينة الرياض.
نرحب بسماع قصص الوطن العربي. أي قصة سمعتها أو شاهدتها أو تعرف معلومات قيمة عنها وتظن أنها تستحق النشر على ثمانية، سيكون من دواعي سرورنا إنتاجها والبحث خلفها. يمكنكم مراسلتنا على البريد الإلكتروني aflam@thmanyah.com.
سلوشنز المزوّد الأول لحلول تقنية المعلومات في المملكة: thmanyah.link/d0v
موقع ثمانية: thmanyah.com
إذاعة ثمانية: thmanyah.com/p...
ثمانية على تويتر: / thmanyah
ثمانية على إنستقرام: / thmanyah
ثمانية على تك توك: / thmanyah
ثمانية على فيسبوك: / thmanyah.official
حي هالعين يا ابو كيان اقسم بمن احل القسم انه شرف لي اني اكون موظف تحت اشرافك رجال يوقف مع كل الموظفين بدون استثناء ويساعدهم في حل مشكلاتهم ودائماً لما تحتاج اي دعم تحصله معك كلمة شكر لاتوفي هذا الرجال حقه ، عقبال المراتب العليا ابو كيان ❤️❤️
@المنذر عبد الله تو يقولك النرجس اكيد في الرياض
ونعم فيه وفيك
@dnoo شكلك انت الي تتصل عليه
وانا تشرفت فيك وكل الموظفين ❤
@@asqahtany ارحب يا ابوسعد .. اقدر اتواصل معك ؟
دخلت الحلقة مبسوط من كلامه وأنبسطت اكثر من شفت الكومنت تعليقات زملاءه الموظفين .. فعلاًً الناس شهود الله في أرضه.. يستاهل هالمحبة ♥️
انت لو تركز في التعليقات بتكتشف انه فئة كبيرة من اللي يتكلمون عنه قد اشتغلوا معه زمان موب باقي للحين يشتغلون معه .. لكن الحسد اعماك والله يكفيه شرك ويحفظه ويبارك فيه
@@99xd70
نظف قلبك من الشك و الحقد ..
أنا تركت الشركة من عام ٢٠١١ و لازلت اذكره هذا الإنسان الطيب مع أنه كان مشرف قسم اللغة العربية و أنا في قسم اللغة الإنجليزية
@@99xd70 ارجع اقراء التعليقات في كثار كانو يشتغلون معه قبل ليه يدخلون ويمدحونه دامتهم قد تركو الوظيفه!؟؟ نظف قلبك واحسن الظن بخلق ربي
مشرف عظيم وخلوق بفضل الله ثم هذا الشخص هو اللي خلاني استمر سنتين في مجال خدمة العملاء
شكرا ابو كيان على المجهود العظيم اللي تقدمه♥️♥️♥️♥️♥️
هذا من طيب اصلك ❤
@@asqahtany واضح انك انسان طيب الله يسعدك
@@asqahtanyهذولا قروب دعم ولا كيف ههههه
@@asqahtanyكيف اتواصل معك اتصال يابو كيان
زاد احترامي لهذا الرجل يوم شفت تعليقات زملائه.. تعرف انه شخص محبوب ومحترم الله يوفقك يا ابو كيان
هو مديرهم اذا قال عكس كذا راح يتعقب
@@ضحويالشمري-ن9ي طيب لو مو كفو اقل القليل ماراح يمدحون ولا يسبون بعدين هنا حسابات وهمية لو تبي تسب ماحد بيعرفك
@@ضحويالشمري-ن9ي يا ورع الله يقلع ذا الوجه، وش يعرفه فيهم وهم يكتبون باسماء مجهولة؟ لكن والنعم فيه
@@عبدالله-ز8ع1ه ماتعرف ترد باشكل مؤدب
@@ضحويالشمري-ن9ي لأنك قليل ادب واتهمته
صراحة عظيم يا ابوكيان الرجل البشوش الذي يسعد من حوله من بشاشتة وتواضعك وخدمته لغيره ويدخل السرور على الناس ببساطتته
من طيب اصلك 🌹
قلتها سابقا وساكررها شكرا ثمانية من خلالكم اعدت اكتشاف شعب السعودية ❤ فعلا شعب اهل انك تحبها ماشاء الله عليكم ولا غرابة.
وهذا الشخص خير دليل يدخل القلب الله يكون في عونها.
بعيدًا كل البعد عن مَحاور اللقاء ، أسعدني شوف ابو كيان ، والله ونعم الرجل ياقف مع كل الموظفين باللي يقدر عليه رغم انّه ماكان مُشرفي المُباشر ، ومن أجمل مراحلي بالعمر كانت هذي الوظيفه رغم متاعبها
ماعليك زود يا الامير ❤❤
ابو كيان اعظم مشرف شافته عيني في مراكز الاتصال رغم اني طلعت منها من زمان بس مازال الرجل هاذا موجود في الذاكره تحيه له ❤️❤️و ان كنت تقراء تعليقي معك مشاري ناصر العسيري ايام ٢٠١٩
ونعم يا مشاري ماعليك زود
شخص مشرف و يرفع الراس تعليقات محبينك توضح انك انسان قبل ان تكون مشرف او مدير تحياتي لك و لثمانية على تقديم الناس اللي تشرف بمعنى الكلمة
هذا من طيب اصلك. رفع الله قدرك ❤
من أفضل المشرفين وفخر انه كان في يوم من الأيام اشتغل تحت ادارة هذا الشخص بذات شكرا ابو كيان 🙏
ياجماعه لاتستخدمون هذا الرمز🙏لأنه بالقاموس معناته تحية البوذا والله اعلم
حي هل الشوف يابو كيان ❤️😍
كان مديري والله ما صبرني في الدوام الا هو من روحه الحلوه و يحاول يخفف عنك ضغط الشغل والله مافيه احد في المركز مثل ابو كيان من كرمه و طيب تعامله الله يوفقك ويفتح عليك ❤️
وين يشتغل ؟
الله يحييك من طيب اصلك ❤️❤️
من افضل المشرفين عندنا في stc ابوكيان الله يعطيه العافيه على الكلام الجميل ويمثلنا كلنا هاللي قاله وصحيح كل كلامه والحمدالله على كل حال
ماعليك زود اخوي عبدالمجيد 🌹
شفت الحلقه واستغربت كمية الردود والتعليقات الايجابية عن المشرف ابو كيان وللامانه حصلي الشرف اليوم وقابلته في دورة تدريبية للامانه اشوف الكلام اللي مكتوب هنا قليل جداً بحق هذا الرجل اتمنى له كل التوفيق فعلاً انسان حاب عمله ويعطي طاقة ايجيابية للي حوله
وش اسم الدورة التدريبية؟
ابو كيان من افضل الناس اللي ممكن تقابلهم في الشركه او خارجها شخص مبتسم دائمًا ودايم يسعى لراحه الموظفين ويسعى للجميع سوا كنت تحت ادارته او أدارة ثانية. اتمنى لك التوفيق وتستاهل كل خير ❤. ومثل عظيم لجميع خدمات العملاء
الف شكر مشاري ❤❤❤ماعليك زود
الصراحه احسها وظيفه جدا مرهقه لذلك كل موظف عملاء يخدمني واكون راضيه بالنتيجه انتظر التقييم واعطيه تقييم كامل تعبيرا لامتناني 👏
ابو كيان غني عن التعريف افظل من قابلت في الشركة وهو زبدة الشركة ولايهون البقيه بس ابو كيان غير عن الجميع جلست في الشركة سنتين ونص وتعلمت كثير منه وقف مع الجميع وساعدهم ماقصر 🌹🌹
ما شاء الله تبارك الله ، أول مرة أهتم للشخص أكثر من المحتوى ، تعليقات زملاءه حاجة تشرف و ترفع الراس ، الله يوفقه و يجعل سيرته طيبة مكان ما راح
ياخي سبحان الله بعض الناس يدخل قلبك بدون استأذن كل الاحترام والتقدير
ماشاء الله تعليقات زملائه واضح انه رجال كفو فعلا الناس شهود الله في ارضه❤️ والي يخفف على الناس ربي راح يوفقه ويسعده
كفوك الطيب 🌹
افضل مشرف عندنا يشهد الله على كلامي عقبال المناصب العليا ي ابو كيان ❤️❤️❤️❤️
كيف توظفت فيها
ربي يحفظك واسعدنا كلامك ❤️
سبحان من عطاه القبول من بداية الحلقه لنهايتها مبتسم
ماشاءالله الان عرفت ليش الشايب يبي يسولف معاه ، خلووووووق واجاباته وسوالفه توسع الصدر
الى الان صارلي 3 سنوات في خدمة عملاء بنفس الشركة والله ضغوطات ، لكن لقمة العيش صعبه والله يعيننا كلنا
وشهي الشركه ؟
@@Abdullah-xi4bl اتوقع اس تي سي
الله يرزقك من واسع فضله
تربل سي😂😂😂
@@mee8247 نا توظفت فيها ٨ شهور وظيفه حلوه وزي مقال الرجال طبعا رواتب توصل ٦٠٠٠ وفيها ترقيات وراتب ينزل بدري كل ٢٥ فشهر ينزل الراتب وغير كذا في زيادات في الرواتب تعتمد الزيادات على شغلك وجهدك
من تواضع لله رفعه والله الرجال ماعرفه لكن قريت تعليقات كثيره لناس اشتغلو معاه يمدحونه بالرغم من تركهم للشركه ماشاء الله ربي يوفقه
نبغى ثمانية أسئلة مع مؤذن 🤩
مبدعين واختياراتكم جميلة.
نزلو مع مؤذن
وجدان مع عينك
ابوكيان من ارقى الاشخاص اللي اشتغلت معهم اخونا الكبير عطائه لامحدود انسان بكل ماتحمله الكلمه من معنى مهما تكلمت ما اوفيتك حقك
ماعليك زود اخو وعزيز ❤️
مثل هذا الموظف يعتبر إعلان متنقل للشركة الي يعمل فيها، يسحق مكافأة
لجهوده في تحسين سمعة الشركة
استغلال كمية القبول الي يملكه ماشاءالله لأنه من الطبيعي يتبادر لذهنك بيئة الشركة
الرجل اللي مثل هذا بإسلوبه وأخلاقه العاليه بعد الله سبب في بقاء أغلب الموظفين اللي تحت إدارته عندك كشركة وكذلك بقاء العملاء اللي شافوه أو تعاملوا معه
شهاده اعتز فيها ❤️
انشهد انك ونعم الرجل والله حتى لو موظف جديد شوف عيني وتجي تبي منه خدمه والله مايردك ويقولك سم امر ولبيه وش عندك بس من تواضع لله رفعه طبعاً انا مستقيل والله لكن فعلاً هالرجال يستاهل كل هالكلام وقليل بحقه اللي يعرفه عن قرب غصب يحترمه ويحبه ❤
عملت مع ابو كيان اكثر من 15 سنه كل يوم نتواجه ونعم الرجل اخلاق عاليه ودايم بشوش الله يذكره بالخير
❤ماعليك زود
ممكن اقدم السي في واشتغل خذمة عملاء عندي خبرات في هالمجال 🤍💐
ابو كياان الحب والله اني اتشرفت بمعرفتك وبالرغم من الضغوطات اللي تصير عندنا بس ابوكيان ينسيك بضحكتو وتعاملو الراقي قسم بالله انو هذا الرجل مظلوم ومكانو اعلى من كذا
الخلوق ابو كيان على كثر ما تشوف عنده ضغط عمل الا انه يرسم الابتسامه على وجيه الموظفين ماشاء الله عليه
اشكر صراحه الضيف نفسه خفيفه جدًا وخلاني اضحك بشكل يوم قال بجيب عامل من امريكا 😂😂😂😂
كنت اشتغل في خدمة العملاء صراحة صعبة و في نفس الوقت ممتعة واحبها انبسطت كثير يوم شفت تعليقات الناس حبهم لمشرفهم محبة الناس رزق
❤
خوفتيني مره
ممكن يا اخوي تساعدني كيف اتوظف ف ذا المجال
مصدومة بجمال التعليقات
الناس شهداء الله في أرضه
الله يعطيه حتى يرضيه
حقيقي ابو كيان انسان عظيم ما اقدر اوصف لك من طيبته ومحبته❤️🔥 امين يااارب
ومن يقول يارب 🙏
خفيف دم تبارك الله 😂 والله يثلج الصدر تعليقات الموظفين عنده تحت الفيديو تعرف انه قول وفعل وانسان سمح .. الله يوفقه
ويوفقك يارب 🌹
انسان خلوق و سبحان الله ردود الناس على اخلاقة.
ياخي وقسم بالله لو اتكلمت من اليوم لين نهايه عمري مراح اقدر اوفي حقكم ولا اوصف شعوري لكم والله العظيم افضل محتوى شفته في حياتي للابد يعني صدق اوقات يكون عندي فضول وانتم تجاوبون ذا الفضول وب اشكال مختلفه وكثييييره ما اوصف لكم قد ايش افرح لما اشوف حلقه جديده واتحمس اكثر لما يكون الضيف شي من جد اتسأل عنه الله يوفق ويسعد ويحقق كل امينه الاشخاص اللي وراء ذي القناه اتمنى تستمرون باللي تقدمونه لأنكم بختصار افضل محتوى في الحياه ♥️♥️♥️
ربي يسعدك اخوي ❤
أبو كيان ذا حبيته من تعليقات الموظفين
قال ﷺ ( إن أكثر ما يدخل الناس الجنة تقوى الله وحسن الخلق )
موظف خدمة العملاء تفرق مع الكلمة الطيبة والدعوة هذا كل اللي يبي لو كلمه 10 عملاء ثقليين دم و بس واحد أحسن التعامل معه والله ينسيه 10 اللي قبله 🤍 أحسنوا التعامل مع الناس
اكثر شخص اذكره بالخير ابو كيان الله يوفقه ويكتب الخير له وين مايروح ❤
ماشاء الله روحه طيبه ونفسه حلوه والتعليقات تدل على محبة الموظفين له مبدعين استمروا
من افضل الاختيارات في برنامج ثمانيه ، وافضل من اللقاء التعليقات بالاسفل من الموظفين الي عملوا معه،، الله يكثر من امثاله
تسلم استاذ محمد 🌹
حبيت الرجال قبل ما ادخل التعليقات وتفاجات بكمية المدح الله يجعلكم شاهدين له لا عليه ماشاء الله تبارك الله
من طيب اصلك🙏
ضيف خفيف ظل صراحة الله يسعدكم يا ثمانية❤️🔥
اذا شفته بالحلقه كذا فما بالك لمن تشوفه بالحقيقه انسان صدق ما يوصف ابو كيااان❤️🔥❤️🔥❤️🔥❤️🔥
يسعدكم ربي ❤
فعلاً أحسها من أصعب الوظائف ، تحس الضيوف اللي يختاروهم له قبول 💙💙.
أشكرهم صراحة على اختيار الشخصيات كلهم يدخلون القلب
من افضل المشرفين في STC ابو كيان الله يعطيه العافيه ❤❤
من وجهه و اسلوبه واضح طيب و محترم الله يوفقه حلقة جميلة ممتعة ❤️👏🏼
من شفت التعليقات تعرف انه شيخ
اشتغلت لأكثر من سنتين في خدمة العملاء، ضغط نفسي صراحة ما يهوّن علي إلا اللي جنبي نجتمع بين كل مكالمة والثانية ونواسي بعض😂❤
وش لازم تكون الشهادة الجامعية اللي بتقبلني في خدمة العملاء ؟
@@llzxci66 الظاهر الثانوي تنفع
كم رواتبهم
@@llzxci66 حسب شروط كل شركة، بس انتي ما عليك قدمي على كل شي ترى السي في وادائك بالمقابلة وفترة التدريب تفررق
@@fo.z5134 حسب كل شركة وايش المهام وغيره
توظفت سنه و٦ شهور خدمة عملاء الله والله اني اوقف لكل موظف خدمة عملاء وقفة شكر حاسه بالمعاناة النفسيه اقسم بالله سببت لي امراض عضويه وعمليات بس عشان نفسيتي تعبت من ضغط الاقران الي حولي ومكيده لين طلعوني من العمل اتعبوني نفسيا لكن لما اتذكر كيف العملاء يسالون عني ويتفقدوني بعد ماطلعت بدرجه بحثو عني وعن ابوي قالو بس نبي نشكر بنتك على نفسها الزينه وانا والله اني اكون تحت ضغط لكن كسبت محبتهم 😭♥️♥️♥️
خوفتيني من الشغل وانا بقدم قريب الله يسهل
ممكن تساعديني كيف اقدم
@@marwaomar8937 من وين اقدم الله يسهل أمرك
بغض النظر عن تعامل الشركة معي انا يالموظف الا ان ابو كيان والله العظيم وهذا هو مايدري عني انه شخص قمه في الاحترام والتواضع تعرفه من اول لقا كنك تعرفه من سنين شخص عملي وجدي يهون عليك كل شي في الشركة .. اتمنى له ان يكون في اعلى المناصب ❤️
تسلم اخوي شافي من طيب اصلك ❤️
واضح روحه طيبه وانسان شهم الله يعلي مناصبه
ويعلي قدرك وشانك🌹
من افضل الحلقات القصيرة 👍 واضح انه اجودي ومحبوب من تعليقات زملائه
ما شاء الله تبارك الله الله يوفقه
تسلم من طيب اصلك ❤
موقف المكالمه ضحكني😂🧡.
ماشاءالله الرجال محترم ولطيف، حلقه جميله شكراً لكم ثمانيه💗.
شكرا لك 🌹
@@asqahtany
العفو🧡
اول مرة اشوفه و حبيته ، سبحان من جعل في وجهه محبت عباده ، الله يوفقك يبو كيان و يسعدك .
من طيب اصلك ❤
ابوكيان حبيبي . كان لي الشرف اني اشتغلت معك وانت اللي دربتني اخر ايامك كموظف قبل الاشراف. ايام بحييح 😂. مبدع دايم و اطلالتك جميله.
من احلى المقابلات مثل الناس ذي تبتسم وانت تشوف الفيديو حقهم الله يسعدهم 😭
أستمتعت بالحلقه ماكان ودي انها تخلص ، توفقتوا بالاختيار ، موقف المكالمة ضحكني الله يسعده يارب😂🤍
والله انه طيب الناس اللي عرفتهم ف شركه رجال اخلاق بمعنى الكلمه
ماعليك زود 🌹
سبق واشتغلت موظفة خدمة عملاء .. اختباار لصبررك وقوة تحملك ❤❤❤
فعلا تحتاج هدوء أعصاب وتحاول تستوعب إن العميل ماعنده مشكلة شخصية معك .. لأني كنت أشخصنهاا 🙆♀🧡
تعبنا والله
السلام اخي العمل في الامارات في فرص و ماهي المؤهلات المطلوبة للتوظيف و بارك الله فيك
تعرف الشقردي من وجهه سبحان الله .. حلوه المقابله جدا ❤
والله و مليون نعم ابو سعد .. تشرفت بالعمل معه سنين .. ونعم الاخ
ماشاء الله عليه وجهه سمح وفيه قبول تبارك الله الله يحفظه
ونعم الزميل ابو كيان من اروع و الطف الناس الي زاملتهم الله يوفقه دنيا واخره 🌹🌹
تشكرون على محتواكم ما قصرتوا..جيبوا محتوى عن المحاسبة لان اغلب الناس ما تعرفه تحسبه كاشير
أجمل حلقة مع عبدالعزيز القحطاني
اكثر شي تعلمته من خدمة العملاء
الصبر والحلم - معرفة عقليات الناس المختلفة ( المهذب والوقح والمحترم والغبي وغيره ) وكيفية التعامل معها
الاهم ( لا تشخصن الامور ، العميل زعلان من الشركة مو منك )
صحيح 👍🏼👌🏼
ماشاءالله المدح عليه ، الله يسعده واضح انه خلوق
سالفة الشريط وضحكة الضيف ضحكتني 😂😂😂😂😂😂😂😂😂
اتشرف اني اكون تحت اشرافك ابو كيان عبدالعزيز القحطاني شخص محبوب ويحب الخير للجميع اطال الله في عمره حبيت الشركه من هذا الشخص 🤍.
❤تسلم من طيب اصلك
ضيف خلوق و بشوش 😂♥️ الله يحفظه لأبنائه ويرحم والديه 🙏🏼
ابو كيان من ارجل واجمل الشخصيات الي ممكن تقابلها ببيئة عمل . ادب وسماحة خلق وطيب نفس الله يجعل من جابه الجنة
❤جعل من جابك في الجنه اشكرك ✋🏽
تعليقات زملائه تعرف انه انسان خلوق سيماهم في وجيههم 😢
واضح اخلاقه وتعامله ما شاء الله كيف راقيي عقبال اعلى المراتب يارب
وعقبالك يارب 🌹
فعلا خدمة العملاء متعبة ومرهقة جدا لكن لفتني انها اعجبته الله يوفقه
هنيئًا لهذا الرجل بكم التعليقات التي تثني عليه وعلى اخلاقه
❤
انا اشتغلت خدمة عملاء( كول سنتر) الشي اللي الناس لازم تعرفه. ان لما تجي مشكله يجينا رد موحد من الادارة. حتى لو كانت المشاكل مختلفه. كنت صراحه اطلع من الرد و احاول افهم المشكلة و ارفع فيها. بس كان يعتبر مخالف. احيانا كانت الردود غبيه لدرجة انك تقول مين يصدق هذا الكلام. كنت احس ان العملاء مامشت عليهم بس غالبيتهم ناس محترمه. و اشكرهم من كل قلبي لان خلو يومي يمر بشكل أسهل. ❤ فتره و عدت الحمدلله بس خلتني اتعلم اشياء كثيره
لو انت مكاني من عام 1998. وانا خدمات عملاء بشكل يومي ناس تسبك وناس تمدحك في النهايه تاخذ اجر من الله في خدمه الناس و اجر من الشركه 👌🏼
طيب اختبار العملي و نظري صعب
كيف اقدم ف المجال هذا تعبت لي اكثر من شهر وانا احاول ادور مو عارفه كيف ومن فين اقدم 😢
ابو كيان له سمعه طيبه بين الموظفين ماشاء الله
روعة أستاذ عبد العزيز، كل ما قلته صحيح وحصل لي هنا في احدى الشركات في أستراليا.
رجال طيب من وجه ماشاء الله
من طيب اصلك ❤
اهنيه ع التعليقات اللي جاته والسمعه الحسنه سبحان الله حبيناه من تجارب اللي معاه ❤🎉
اشكرك ❤
ماشاء الله تبارك الله الي يتحمل هالوظيفه المفروض يسوون له تمثال توظفت في شركه للاتصالات وهجيت عملاء عديميين التربيه والاخلاق وممنوع تردين ع العميل او ترفعين صوتك فهجيت سلامتي النفسيه وكرامتي اولا 😌
الله يسعدكم يا اخوانا قواكم الله ولا يهزكم شي انتوا افضل منهم بكل شي وهاذا فضل الله
ونعم الرجل عبدالعزيز سمو في الاخلاق وحسن التعامل مع زملاءة والعملاء واحترام المدراء نموذج الزميل الذي تسعد وتتشرف بزمالتة وتعامله و محل محبه بين الجميع ، الله يوفقك وزملائك في خدمات العملاء و تشرفون شركتنا العزيزة STC , تحياتي ✋🏽
ماعليك زود
الله يوفقك يبو عبدالعزيز ❤️ ويرفع مقدارك
سبحان الله شفت هذا الفيديو زمان
ما توقعت بيوم من الايام بتكون هذه وظيفتي😂
وسبعين نعم يابو كيان ... يالله ياعبدالعزيز اتعب وانا امدح وربي ... الله يوفقك ياطيب القلب 🌹🌹🌹❤️❤️❤️
ماعليك زود 🙏
شخصيته ونيسه ورهيب وعفووووي من النوع اللي ودك مايسكت
😊شكرا طلال
ما شاء الله تبارك الرحمن
طبيعي إن الأشخاص اللي تختارونهم دائمًا خلاقين؟
يعطيكم العافية شغل جبار
من طيب اصلك ❤
ابو كيان من افضل المشرفين الموجودين في شركتنا صديق الجميع والكل يحبه ويحب الكل ❤
تسلم اخوي الله يوفقك ويسعدك❤️
الشركه ccc by stc ؟
@@dhay2450 ايه
مرا احب برنامج ثمانية يعطيني طاقه حلوة😆💗
مشاء الله عليه فخر لي الشباب السعودي شخصية رائعة
يستاهل والله ❤😂😂 قصة البنت اعجبتني وجيت ارجع اتابع المقطع ❤
انا ماشتغلت معاه في قسمه لكن ماشاء الله عليه رجل تحترمه من اسلوبه وتعامله
تسلم مروان 🌹
واضح انه انسان كفو من تعليقات موظفينه 🌺
كفوك الطيب 🌹
حلقة جميلة وضيف رائع كما عودتنا ثمانية ويا ريت لو تسوون حلقة مع أحد منظمين موسم الرياض لايك عشان يشوفون ❤
أبو كيان الكلام لا يوفيك حقك ونعم الرجل أشهد بالله ♥️♥️
ونعم بحالك من طيب اصلك❤️❤️🙏
الله تعليقات الناس اللي تعرفه بالكومنت❤🥹
حلقه جميله وممتعه 💕
صراحتاً أنا وتعاملي مع خدمه العملاء..طحت في يد ناس مب فاهمه وظيفتها كموظفين…أسلوب الرد بااارد وينرفز…وصلنا لدرجه إنك أنت تلقن الموظف العبارات إللي يكتبها في الطلب وقد تتطرق لتهجئه الكلمات بحكم إختلاف الجنسيات وأخيراً طلبك يتم إغلاقه بالكيف وترجع تعيد القصه من الأول بسبب هذا التسيب والإستهتار الوظيفي
الله يسعدك ي عزوز
كنت متوقع تجيب قصة عامل المخيم 😂😂
😂
ابوكيان شخص محبوب جدا اتمنئ لك التوفيق