Mōteatea - Kai Heke

Kai inoi iho te kai heke rawaho te mohiotia te wā o te hā
Ūia, pātaia ki a Tane-i-te-po māna e kī mai
I a wai te hara nei
Te mate i tuapapa nō tuawhakarere
Nō ngā tūpuna
I whitiki ai te tangata ki te here ra o te mate nei
Ka kai manu i te pua
Ka inu i te wai ora o tāne
Ka koa te manu nei
Te manu nā Rua nāna i rere ngā ta patai
I raro o Tawa-Tawhiti e i
Huna ake huna tangata
I tō tūpuna i a Maru iwi
I hē ai te ao nei
Wareware ki ra ngā kī taurangi
A te hoa tau muri nei
Raua ki whiti raua ki tonga
E tu ki te pā ō Aitua
Ka irirangi te ao nei ei
Ka tau tuku ki raro ka tuku ngā turi
Ka noho i te hē
Ka moe i te moenga na ai
Kaiwaiata: Hone Pereki Sadler
Iwi: Ngapuhi