Minuto de silencio na Subdelegación para condenar o asasinato machista de Fadoua Akkar

En Pontevedra, este mediodía gardouse un minuto de silencio ás portas da Subdelegación do Goberno en sinal de condena polo asasinato machista desta fin de semana en Moaña. A vítima, Fadoua Akkar, de 41 anos, vivía na parroquia pontevedresa de Salcedo co seu fillo menor de idade. A súa parella sentimental e presunto asasino, un moañés con antecedentes por violencia de xénero, está en prisión provisional comunicada e sen fianza.