သၟိၚ်ဗညာရာံ (ဗညာရာမ်စေေဝ်)
ฝัง
- เผยแพร่เมื่อ 5 เม.ย. 2024
- သၟိၚ်ဗညာရာံ (ဗညာရာမ်စေဝ်)
သၟိၚ်ဗညာရာမ်စေဝ်ဝွံ ဒှ်ကောန်သၟိၚ်ဓမ္မစေတဳ ညးဂွံဒုၚ်ကေတ်အာဲကၟာဲသမ္ပတ္တိ တၠညးဍုၚ်မန် နန်ထဝ်ဟံသာဝတဳမွဲရ..
သၟိၚ်ဗညာရာမ်စေဝ်ဝွံ ဒှ်သၟိၚ်တုဲဗက် ရပ်ဒက်ကောဒေံကောန်သၟိၚ် ဖျေံအမိၚ်ဂစိုတ် ဏာဗစိုပ်ထောံကုန်ဂစိုတ်မၞိဟ်
ဟွံအောန်လုလောန် လ္တူညးဝၚ်နန် စောန်စိုတ် ဖေက်စိုတ်ပၠံၚ်နန် အောန်ဓဝိပတှ်ေလ္တူညးဂမၠိုၚ်ရ..
တုဲပၠန် လီုလာ်စာ်ထောၚ် ဟွံမၚ်ဍောၚ်ဓဝ်သၟိၚ်စှ်ပြကာ စကာအဝဵု ဓလဵုခၞံၚ် သံၚ်ဗြံၚ်အာ အလုံဌာန်ရးမန်ရ..
ဟိုတ်သၟိၚ်ဟွံမွဲကဵုဓဝ် ဥတုရာသဳလေဝ်လီုလာ် ဒှ်ဒဒိုက်ကဵုကောန်မန်တအ်ရ..
ဟိုတ် လီုလာ်ဂှ် ဗြဲဟွံသေၚ်ကဵုအခိၚ် ကျာဟွံသေၚ်ကဵုဥတုတအ် က္တဵုဒှ်ကၠုၚ် ဗွဲမသ္ကာတ်တုဲ ဒဵုကဵု ကၞောတ်ပြာသာဒ်နန်ကဝ်ပိုတ်
ဂဒအ်ဗြာတ်ကျာ်လ္ဂုၚ်ကဝ်စိုပ်သၟဝ်တိ က္တဵုဒှ်အာရ..
ဗြဲဟွံသေၚ်ကဵုအခိၚ်တအ်လေဝ် ဂူထောံ ဒဵုသ္ၚိဟဳ တိချဳ ၜဳကလာ် တိုက်သရိုဟ် ဆုဒေါမ် ဟွံအောန်ကဵုဘဲဒဏ်သဘာဝ ဒးဂဗဆဵုအာရ..
ဣဝွံ ဒှ်ဗြဲကျာနိမိတ် ကဵုသတိကဵုသၟိၚ်ရောၚ်တုဲ
သၟိၚ်ဗညာရာံ (ဗညာရာမ်စေဝ်) ညာတ်ဟိုတ်သာ်ဂှ် ဒှ်သံဝေဂ ဒးဂဗဆဵုနမတ်တုဲ ဖေက်ဂၟံက် လကိုတ်တ္ၚဵု က္တဵုဒှ်တိုန် ဓဝ်သတိဇကုဇကုရ..
ၜိုတ်ပရေံလဝ်ဂှ် ညံၚ်သ္ဂောံက္လေၚ်ပခိုဟ်ပတိုန် မၚ်မွဲတိုန်ဓဝ်သၟိၚ်စှ်ပြကာ ဇၞော်ပၟဝ်ပတိုန်မေတ္တာ သုၚ်စောဲကၠုၚ်စေတနာတုဲ ပဠေဝ်ပတိုန်ဇကုညးရ...
သၟိၚ်ပဠေဝ်ပတိုန်ဗက် အမာတ်ဒဴဗညာတအ်လေဝ် ပဠေဝ်ဗက်တိုန်တုဲ
ကအ်ကၠတ်ဒတုံပိုတ်ဂှ် က္လေၚ်ဇံက်ပတိုန်တၟိ ကဍိုၚ်ကျာ် ကဝ်ပိုတ်တအ်ဂှ် က္လေၚ်ပဠေဝ်လဟဵုပတိုန် ကျာ်လီု ဘာသရိုဟ် က္လေၚ်ပခိုဟ်ပတိုန်တုဲ
ပြာပ်အာကျာ်လ္ဂုၚ် က္လေၚ်ဇံက်ကဍိုၚ်တၟိ ရန်ကဵုအာယုက်ဇကု ၄၈ သၞာံတုဲ ပရောတ်ကျာ် ၄၈ တၞုၚ်လေဝ် ဒှ်လျုၚ်သ္ပပူဇဴ
ကၠောန်သဘၚ် ထပှ်ဗတမ် ထပှ်တ္ၚဲ ဂြာတ်ဗြဲရတ် ထပ်ကဵုထပ် ပတိတ်ဇြဟတ်ကဵု ကုသဵုလောန်ရ..
သၟိၚ်ဗညာရာံ ဂါံလုပ်ကၠုၚ် လ္ပာ်သုစရိုတ် ဒှ်ဟိုတ်ဇၞော်မောဝ်တဴတက်တုဲ ကၟုဲနူဍုၚ်ပၠိုတ် ဂကူအဳတလဳ ပဝ်တူကဳ ပြၚ်သေက် အာဲရာပ် တအ်ဒှ်တမ်
ညောန်စိုပ်ကူသာန်သွံရာန်ဗၞိက်ကဵု ရာမညဍုၚ်မန်အိုတ်ရ..,
သၟိၚ်ဗညာရာံဝွံ နူဂွံဓဝ်သတိ က္လိဂွံသံဝေဂ ကမၠောန်ပရေံပရေံတုဲ စိုတ်ခိုဟ် စိုတ်သဝ် မေတ္တာ စေတနာ ပေၚ်ကၟိုဟ်မံၚ်ကဵုလ္တူသၚ် ညးဍုၚ်ကွာန်မန်တအ်ရ..
ၜိုတ်အလဵု သၟိၚ်ဗညာရာံ စိုတ်သဝ်ရောမ္ဂး အယာံမာတ်ကောန်ၚာ်ဍောတ်မွဲ ကော်တက်ကျာလေဝ် ညးကဵုအခိၚ်တက်ကဵုကျာဏီရ..
ကြဴနူ သၟိၚ်ဗညာရာံ မၚ်မွဲတိုန်ဓဝ်သၟိၚ်စှ်ပြကာတုဲဂှ် ဗြဲကျာဓဝ်ယာတိုန် ကသီု ကညၚ် မုဟ်ကျာ ဥတုသာယျာတိုန်
ညံၚ်ဍုၚ်သွဝ်တာဝတိံကီု ဍုၚ်မန်ဗဂေါဟံသာ သာယာမိပ်မြဟ်တိုန်ရဂး..
သၟိၚ်ဗညာရာံစေဝ်ဝွံ ဒှ်ညး ဒးစိုတ်ကဵု ကျိုၚ်ထဝ်သြန် ရတ်တအ်တုဲ ညးကျိုၚ်လဝ်ဇကုညး ရတ်ထေက်ကဵုၚုုဟ်မးတအ်ရ
လကံက်ဇိုၚ် လကံက်တဲ လစိန်ဇိုၚ် လစိန်တဲ အလုံဇကုညးမွဲဂှ် ညးဆံၚ်သၠာ်လဝ်ရ..
ဟိုတ်နူ ရတ်သၞေက်ဝက်လဝ်ကဵုကတောဝ်ဂှ်တုဲ ဖျုန်ကတောဝ်ညး ဇာစှ်ေအာ ကြပ်ၜါၝောံတဲ သ္ဂးလဝ်ရ..
အခိၚ်ဗတမ်ပၠန် ၜိုန်ဟွံမွဲကဵုလျးကၠေၚ်သ္ဍဴလေဝ် သ္ဂောံဆဵုမံၚ်မုက္ခဝါညး နကဵုလျးရတ်ညး မစုတ်သၠာ်လဝ်ဂှ်ရ..,
သၟိၚ်ဟံသာဝတဳ သိုက်လောဲအိုတ် ယဝ်ဒးထ္ၜးတှ်ေ ဒးထၜးသၟိၚ်ဗညာရာံစေဝ်ရ..
ယွံ..
ဍုၚ်မန် ၜိုတ်အလဵုသိုက်လောဲမံၚ်ဂှ် ချိၚ်ဆကေတ်ဒးရ...
တၚ်ဂုန်ကဵု ညးဗှ်တအ် သီုဖအိုတ်ရ..
မၚ်ဗှ်ကေတ်ပေၚ်ပေၚ် ဝတ္ထု သစ္စလ္တူဟံၚ်သာ အိုတ်ညိအဴ။
