တၠညး ဒါကာရတ်ပိ

တၠညး ဒါကာရတ်ပိ
-----------------------
တၠညးဒါကာရတ်ပိဝွံ ဒှ်ကောန်သၟိၚ်ဗညာရာံ(ဗညာရာမ်စေဝ်)တုဲ ဒှ်ကောန်စဴသၟိၚ်ဓမ္မစေတဳမွဲရ..
တၞောဝ်သၟိၚ်ဗညာဥူ အဆက်ဒုတိယဟံသာဝတဳတှ်ေ ဒှ်သၟိၚ်လက်ကြဴအိုတ် မရနုက်ကဵု (၁၁) ရ.
သက္ကရာဇ်ဍုၚ်ဒှ်သၟိၚ် နူ ၈၈၈၊ စိုပ် ၉၀၂၊ ခရေတ် နူ ၁၅၂၇၊ စိုပ် ၁၅၄၁၊ ပွိုၚ်၁၄ သၞာံရ.
တိုန်နန်နူအာယုက်၁၆ အာယုက် ၃၀ ဒးဒဴနူပၞာန်ဗၟာတပေန်ယှိုဲထဳတုဲ ဇူဓီုဍုၚ်ပြန် အခိၚ်က္လေၚ်ပကောံမံၚ်ဇြဟတ်ပၞာန်ဂှ်ဂှ်
တိတ်ရပ်စိၚ်အရိုၚ်တုဲ ကလော်ဍာ်ၝောံ ဂစိုတ်ထောံ အပဍဲဂြိုၚ်အင်္ဂပူရ ရ.
ပရူ ကလော်ဍာ်ၝောံ ရူပါဒေဝဳလေဝ် ပတိုန်ကဵုတုဲရတုဲ ဟွံဆက်ဟီုရ.
တၠညးဒါကာရတ်ပိဝွံ ဂွံဒုၚ်ကေတ်အာဲကၟာဲသမ္ပတ္တိအဆက်သၟိၚ်ဨကရာဇ် ဂၠိုၚ်ကၠုၚ်ကဵုအဆက်ရတုဲ
ဍုၚ်မန်ဟံသာဝတဳဂှ် သိုက်လောဲ ဖဳသ္အဳ ဗွဲမလောန်တုဲရ..
ပရေၚ်ဍုၚ်ကွာန် ပရေၚ်ပၞာန် ပရေၚ်ပိုန်ဒြပ် ပရေၚ်မၞိဟ် သၠုၚ်မံၚ်ဗွဲမလောန်ရ..
စိုပ်ကဵု ဒုတိယဟံသာဝတဳဂှ် မန်ကဵုဗၟာ ဝေၚ်ကၠုၚ်ပၞာန်ဇၞော် ယဝ်ဒးဟီုမ္ဂး နွံၜါခေတ်ရ ..
ခေတ်တၠညးရာဇာဓိရာဇ်ကဵု သၟိၚ်မၚ်ဂံၚ် ဟံသာဝတဳကဵု အၚ်ဝဂှ် မွဲခေတ်
ခေတ်တၠညးဒါကာရတ်ပိကဵု သၟိၚ်တပေန်ယှိုဲထဳ ဟံသာဝတဳကဵုတံၚ်ဥူဂှ် မွဲခေတ် ဟီုစဂွံရ..
ခေတ်တၠညးရာဇာဓိရာဇ်တအ်ဂှ် ဗၟာအၚ်ဝ သၟိၚ်မၚ်ဂံၚ်တအ် မၚ်ရာဲကျဝ်သွာတအ်
ၜိုန်ဗတိုက်ဖျေံမန် ဟွံမာန် သီကေတ်ဍုၚ်မန် ဟွံဂွံကီုလေဝ် အပဍဲခေတ် တၠညးဒါကာရတ်ပိဏအ်ဂှ်
ဗၟာတံၚ်ဥူ တပေန်ယှိုဲထဳ ကဵု ကျဝ်ထေန်နဝ်ရထာ (သၟိၚ်ဖယျေန်နံၚ်)တအ် ဗတိုက်သီဂွံဏာ ဟံသာဝတဳရ..
တၠညးဒါကာရတ်ပိဝွံ ဗွဲယၟုညးကဵုညးကိတ်ညဳတဴရ. ညးဝွံ မၚ်မွဲတဴသဳလ သၟဟ်ညံၚ်လမျီုဇကုရ..
ယျေလ္ဂူတပ်တးတုဲ ၚံက်စၞာဲဟွံလေပ် ဟွံဒေပ်စိုတ်လီဠာန် သၟိၚ်ညးဍုၚ်ကွာန်ဆာန် သၟိၚ်ဆာန်ညးဍုၚ်ကွာန်မွဲရ..
ၜိုတ်အလဵု ညးမၚ်မွဲသဳလ ဒ္ဂေတ်ညးရောမ္ဂး ဒးရံၚ်အခိၚ်သ္ပပေါဲသ္ပသစ္စ သုၚ်ဍာ်ယဵုသစာ
ကုသၟိၚ်သေံတူဟာန်ပွာဍုၚ်အၚ်ဝကဵု သၟိၚ်ဍုၚ်ပြန်နရပတိတအ်ရ..
ပေါဲသ္ပသစ္စဂှ် ဟိုတ်စဳရေၚ်လဝ် ဍာ်သစ္စာ နကဵုအရက်သုရာတုဲ တၠညးဒါကာရတ်ပိ ဟွံဒုၚ်ကၠိသဳလ ဟွံသုၚ်လးလးရ..
ဝိုၚ်ကြပ်ရးမံၚ် ကိစ္စဟီုဂလာန်သ္ပသစ္စာ ဇြဟတ်ပၞာန်မဟာမိတ်ပိဗၠာၚ် ဟံသာဝတဳ ပြန် အၚ်ဝ တအ်ရ..
ဟိုတ်သၟိၚ်ပြန်ဟီုဒှ်သှ်လာဲ မာန်ပြယာဲဝေါဟာတုဲ ထိၚ်ဝိုၚ်ဂွံအာရ ပေါဲသုၚ်ဍာ်သစ္စာ
လီုအာကီုလေဝ် အရေဝ်ကတိပါၚ်ဂှ် ဂိုၚ်သမ္တီဂွံအာရ..
သွက်ဂွံ ထဍေၚ်ဗတိုက်ပ္တိတ် ဗၟာတံၚ်ဥူ တပေန်ယှိုဲထဳ နူဍုၚ်မန် ဗဂေါဟံသာဝတဳဂှ်
နကဵုဇြဟတ်ပၞာန်မဟာမိတ်ပိဗၠာၚ် အဃောစဳရေၚ်မံၚ်ဂှ်ရ.
တၠညးဒါကာရတ်ပိ ဒးစုတိအာ အပဍဲဂြိုပ်အင်္ဂပူရ တေံတုဲ ကိစ္စထပက်ပၞာန်ကီု ကိစ္စက္လေၚ်ဗတိုက်ကေတ်ဍုၚ်မန်
နူတဲတံၚ်ဥူ တပေန်ယှိုဲထဳကီုဂှ် ဒးလီုလာ်အာ အိုတ်တးရ တပေန်ယှိုံထဳ ကုသဵုခိုဟ် ပိုန်ပိုၚ်ပြဳဍုၚ်မန်နွံ ဒးဟီုရ..
တၠညးဒါကာရတ်ပိ ဒးစုတိစဴအာသွဝ်ဂှ် အဆက်သၟိၚ်မန်ပိုတ် ဍုၚ်မန်ဇကုလေဝ်နွံ စိုပ်မံၚ်သကေမ်တဲ
ဗၟာတံၚ်ဥူတအ်ဏောဝ်တုဲ ဆက်ပတိုန်သၟိၚ်ဟွံဂွံ မန်ဖအိုတ် ဒးလရိုဟ်ယာံ ဒးဂါံလုပ်သ္ပဍိက်
သၟဝ်သၟိၚ်ဍုၚ်ညးတၞဟ် ဂကူညးတၞဟ်အိုတ်ရ..
စိၚ် ချေံ သရာဲ ဗဵုလဗး တၠညးဒါကာရတ်ပိဂှ် သၟိၚ်ဍုၚ်ပြန်နရပတိကဵု သၟိၚ်ဍုၚ်အၚ်ဝ သေံတူဟာန်ပွာတအ် ပါ်ပြဟ်ကေတ်ဏာအိုတ်ရ..
ကောန်တၠညးဒါကာရတ်ပိ ပိ ကောန်တြုံၜါကဵု ကောန်ဗြဴမွဲလေဝ် သၟိၚ်တူဟာန်ပွာ ကပှ်လွဳဖျဴဏာ အၚ်ဝတေံရ..
ယွံ
အဆက်သၟိၚ်ဒုတိယဟံသာဝတဳပိုတ် အိုတ်အာကဵုလက်ထက်တၠညးဒါကာရတ်ပိရ.,
ညးဍုၚ်ကွာန် သၚ် ဂကူမန်တအ် အပဍဲကာလအခိၚ်ပေါဲပၞာန်ကီု ကျပၞာန် ဒှ်ဍိက်ဂၠုဲ ဗၟာတံၚ်ဥူ တပေန်ယှိုဲထဳတုဲကီုဂှ် ညံၚ်ဒးဒုၚ်နရက်ဂျိုၚ်ၚ်ကီု
ဒးဒုၚ်ချိုတ် ဒးဒုၚ်ပျဲပျာံ ဒးဒုၚ်သ္ပမာန်ဍဵုဍိုက် ဂၠိုၚ်ကဵုသာ်ရ..
ၜိုန်ဂှ် ဝၚ်ဗၟာဟီုဂှ် တပေန်ယှိုဲထဳကဵု ဖယျေန်နံၚ် မံၚ်အပဍဲဍုၚ်မန် ဗဂေါဟံသာဝတဳဂှ် ဟိုတ်ဟွံပါ် ကောန်သြိုဟ်စး ဟွံပါ်ဂကူမန်ဗၟာ ကရေၚ် သေံတုဲ, မန် ကရေၚ် သေံတအ် ပူဗိုၚ် ထိုၚ်သး
ဒုၚ်လုပ်ခစ သ္ပဍိက် နပၟိက်ဇကုဇကုတုဲ ဘိုၚ်ဗတိုက်ပၞာန်ကဵု တပေန်ယှိုဲထဳတအ် ဖယျေန်နံၚ်တအ် ဂးလဝ်ရ..
ချပ်ပါ်ပါဲ ကေတ်ရ..,
ဗၟာခိုဟ်ကဵုမန် ကရေၚ် ကချၚ် ကောန်ဍုၚ်အရၚ် အကေၚ်နွံကၠုၚ်ကီုဟာ
ယွံ ပိုဒ်ဂၠိၚ်အာညိယျ
ပရူဒဒှ် ဒုတိယဟံသာဝတဳပိုတ် စိုပ်လက်ထက်တၠညးဒါကာရတ်ပိဂှ် ဗွဲခဍန်ပတိုန်ထၜးဏာကၠာရအဴ
တၚ်ဂုဏ်ကဵု ညးဗှ်တအ်သီုဖအိုတ်ရ
မိက်ဂွံဗှ်ပေၚ်ပေၚ်မ္ဂး မၚ်ဗှ်ကေတ်လိက်တိတ် ဝတ္ထု "သစ္စလ္တူဟံသာ" အိုတ်ညိအဴ
မန်ဇၞူမာန်

[@မင္ဗၜာဲသာက်ဝင္]

I

[@မင္ဗၜာဲသာက်ဝင္]

i