အမာတ်သ္ကိုပ်ပၞာန်ဇၞော်ဗညာၜါ (ဗညာကျာန် ကဵု ဗညာလဴ)
ฝัง
- เผยแพร่เมื่อ 12 มี.ค. 2024
- အမာတ်သ္ကိုပ်ပၞာန်ဇၞော်ဗညာၜါ ဗညာကျာန် ကဵု ဗညာလဴ
ဗညာကျာန်ကဵုဗညာလဴဝွံ ဒှ်ကၟာၚ်ဍုၚ်မန် နန်ထဝ်ကဍိုၚ်ဗတာၚ် ပသဲကဍိုၚ် ဂကူမန် ဒုတိယဟံသာဝတဳရ..
စိစောန်ကွတ်ပၞာန် နွံညာဏ်ဗျူဟာ ကၠိုဟ်ခၠၚ်ဥပါဲသၞ ထာဝရသစ္စဗိုန် ဒှ်လမျီုဍုၚ်နန် ဂကူမန်တအ်ရ..
ပၞာန် ဗၟာတံၚ်ဥူ တပေန်ယှိုဲထဳတအ် ဗီုလဵုဝေၚ်ကၠုၚ် ဝေၚ်ကၠုၚ်ပၞာန် ဒးဂစာန်ကပှ်လမျီုသီုဝပ် ဟွံဂံၚ်ချပ်ကေတ်ဇၞးမန်ရ..
ၜိုန်ဂှ် ......
ကျဝ်ထေၚ်နဝ်ရထာ ကဵု တပေန်ယှိုဲထဳ ဝေၚ်ဥပါဲ ညံၚ်ကဵုသ္ကိုပ်ပၞာန်ဇၞော်ဗညာၜါဏအ် ဂွံပါဲကၠေံအာမာန်ဂှ် ကသပ်ဥပါဲဍေံအံၚ်ဇၞးအာရ..
ဒးဥပါဲ တပေန်ယှိုဲထဳတုဲ မန်ကဵုမန် ၚံက်စၞာဲ ဂၠာဲတိုန်ပၞေတ်
မိက်ဂွံဂိုၚ်ဒေပ်ထောံ အမာတ်ဇၞော်ဗညာၜါဏအ်ရ...,
တၠညးဒါကာရတ်ပိလေဝ် သတိအောန် ဥပါဲတပေန်ယှိုဲထဳလေဝ် စိစောန်စိုပ်တရဴလောန်တုဲ ထေၚ်ဗၠေတ်ဒးအာကဵု အမာတ်ဇၞော်ဗညာၜါဏအ်ရ...
အမာတ်ဇၞော်ဗညာၜါဝွံ အာစိုပ်အာဒုဟ် ဒဵုကဵုဒးဒုၚ်ဂစိုတ်ကဵု သၟိၚ်တၠဇကုကီုလေဝ် ဟွံဂတးဟွံပၠန် ဒုၚ်ချိုတ်ကဵုဂံၚ်ၚ်ကီုရ..
ၜိုန်ဒးဒုၚ်ဂစိုတ် စိုပ်ကုန်ဂစိုတ်မၞိဟ်တေံလေဝ် ပၚ်တဲဖျေံကဍိုပ် ကုသၟိၚ်ဇကုတုဲ ပၚ်တဲလ္ၚောဝ် မှောဝ်ဇဴဏာမံၚ်
ဌာန်ကျာ်စေတဳ ကျာ်မုဟ်တဴတေံတုဲ ရာဒနာကဵုမံၚ် ဂွိၚ်ကဵုမံၚ် သွက်သၟိၚ်ဇကု ဍုၚ်ဇကု ဂကူမန်ဇကုဏီရ...
အမာတ်ဇၞော်သ္ကိုပ်ပၞာန်ၜါ ဗညာကျာန်ကဵုဗညာလဴ ဒးဒုၚ်ဂစိုတ်တုဲ တပေန်ယှိုဲထဳ တက်ကၞက် ဒၚ် ဒၚ် ကလေၚ်ဇက်ပၞာန်ကဵုမန်တအ်ပၠန်ရ..
ကာလဂှ် ဍုၚ်နန် ဂကူမန်ဂှ် သ္ကိုပ်ပၞာန်အလဵုလေဝ် စဵုဒၞာ ကောပ်ကာဲ မၚ်မွဲကဵုဟွံမာန်တုဲ ပၞာန်မန်တၠညးဒါကာရတ်ပိတအ် ဒးပါဲဓလေတ် ကေတ်ရီုဗၚ်ကဵုပၞာန်ဍုၚ်ပြန်ရ...,
ပၞာန်ဗၟာ တပေန်ယှိုဲထဳတအ် ဒဒှ်ရ အမာတ်သ္ကိုပ်ပၞာန်ဇၞော်ဗညာၜါဂှ် ဟွံမွဲမ္ဂး ဟွံဒးဖေက်ပၞာန်မန်တအ်ရတုဲ
ဇက်လုပ်ဂံၚ်ၚ် သီုသီဂွံထောံဍုၚ်မန် ဌာန်နန်ထဝ် ဟံသာဝတဳရ...
တၠညးဒါကာရတ်ပိဂှ် တီဒဒှ် ဇကုထေၚ်ဗၠေတ် လုပ်ဒးဗွိုၚ်ကၠီ တပေန်ယှိုဲထဳ ဂစိုတ်ဒးအမာတ်ဇၞော်သ္ကိုပ်ပၞာန်ဇကု ပတှ်ေစဂွံအိုတ်ၜါဂှ်တုဲ က္တဵုဒှ်လၞီလၞာ် ဒဒိုက်စိုတ်ဟွံသာ သီုစိုတ်ဟွံညိၚ် ဒးထိၚ်မံၚ်ဇကုဇကုရ....
အမာတ်ဇၞော်သ္ကိုပ်ပၞာန်ၜါဂှ် ဟွံမွဲမှ အပဍဲဇကု ညးဂွံပတှ်ေစဂွံ သ္ပပဓါန်စဂွံဂှ် ဟွံမွဲရတုဲ စိုတ်ဓါတ်စှ်ေ စိုတ်လီု ဟီုပတိုန်မံၚ်ဒုဟ်ဇကု ဟွံပြေရ...
ဟိုတ်ဂှ်ရ ဇြဟတ်ဇကု ၜိုန်ဂၠိုၚ်ကီုလေဝ် သ္ကိုပ်ပၞာန်ခိုဟ်ဇကု ဟွံမွဲမ္ဂး ဂွံဇၞးပၞာန်သၞဟွံလောဲ
ယွံ ...
စပ်ကဵုကိစ္စ ကၠီတပေန်ယှိုဲထဳ ဝေၚ်ပချဳဏာ ပရေၚ်ညဳသၟဟ်မန်ဂှ် ချူလဝ်ကဵုဗွဲမ စုၚ်လေၚ် အတိုၚ်ကၠုၚ်နူဝၚ် မန်ဗၟာတေံရ
မၚ်ဗှ်ကေတ် လိက်တိတ်ညိအဴ
ဝတ္ထု"သစ္စလ္လူဟံသာ"
အုပ် ပထမ
မန်ဇၞူမာန်