L-AĦĦAR TISLIMA LIL KARMENU MIFSUD BONNICI

ONE.COM.MT | Fit-tieni u l-aħħar jum ta’ luttu nazzjonali b’rispett lejn l-eks Prim Ministru u Mexxej Laburista, Karmenu Mifud Bonnici,huwa ngħata l-aħħar tislima fil-Knisja ta’ Marija Immakulata fil-Ħamrun.
Preżenti kien hemm l-ogħla awtoritajiet, fosthom il-Prim Ministru Robert Abela u martu Lydia. Qabel wasal il-knisja, il-korteo bit-tebut ta’ Karmenu Mifsud Bonnici għadda minn quddiem iċ-Ċentru Nazzjonali Laburista l-Ħamrun, fejn ingħatat l-aħħar tislima lid-disa’ Prim Ministru u l-ħames Mexxej tal-Partit Laburista.