Қазығұрт ауданында бүтін бір ауыл арықтан су ішіп отыр Иә, иә арықтан

Түркістан облысы Қазығұрт ауданына қарасты Айнатас ауылының халқы әлі күнге арықтан су ішіп отыр. Мыңға жуық тұрғыны бар елдімекен ашық ұңғымадан ағатын Келес магистральді каналының суын пайдалануда. Ешқандай тазарту сүзгісінен өтпейтін тіршілік нәрін жұртшылық 15 жылдан бері осылай тұтынуда. Өзбекстаннан бері қарай, ауданның егіс алқабы арқылы ағып өтетін канал қоқысқа жиі толып қалады екен. Ол аздай, кейде мал өлекселері де арық суымен бірге ағып келеді деген тұрғындар биліктегілердің әрекетсіздігіне шағымданды.
МАҚСАТ ЖАҚСЫБАЙҰЛЫ, Тілші:
- Айнатас ауылының халқы тура осы каналдан су ішеді екен. Тұрғындар әдейі мынадай темір тоспа да орнатып қойыпты. Бұған шөптер мен түрлі қосқыстар жиналып қалады екен. Сондықтан күнделікті тазартып отыру маңызды. Жұртшылықтың айтуынша,тіпті малдың өлекселері де тура осы сумен ағып келеді екен.
Каналмен келетін Келес суын ауыл жұрты осындай ұңғыма арқылы алады. Көзге тұнық боп көрінгенімен, шелекке құйылғанда оның лас екені бірден байқалады. Ауыл тұрғыны Сара Қонырбаева 10 жылдан бері үйінің маңында ағып тұрған суды амалдың жоқтығынан тұтынып жүрміз дейді. Айтуынша, бірер сағат тұндырып қойып, кейін қайнатып ішеді.
САРА ҚОНЫРБАЕВА, Тұрғын:
- Ішінің бәрі қоқым-соқым. Малдар өліп қалады, сомен бірге келе береді де бізге ауысып. Балалар барып ап тастайды, сосын таза болса ішеміз. Таза болмаса, жаңағыдай неменеге құйып қойып ішеміз.
Жұрттың айтуынша, бұл су аудандағы біраз алқапты суаруға арналған. Сондықтан бұның өзі жаз ортасында таптырмай, қуарып қаламыз деп отыр. Бұдан өзге тіршілік нәрінің көзі жоқ. Қайнатсақ та, әзірге қалың қауымның қажетіне жарап тұр дейді халық.
ӘБДІМАНАП БАЙШҮКІРОВ, Тұрғын:
- Ауыз су жақсы емес. Болмайды ауыз су. Ол мал ішетін су да ол, болмайтын. Ешқандай тазалаудан өтпейді, 50 км, 100 км жерден келеді ғой ол, Өзбекстаннан келеді.
Аптап ыстықта бұл судың өзіне зар боламыз деген жұрт ауылға цистернамен су тасымалданады дейді. Бірақ оны ішу мүлде мүмкін емес деп отыр. Ауыз судың азабын тартқан әлеуметтің әкім-қараларға өкпесі қара қазандай.
БАҒДӘУЛЕТ АЙТАЙҰЛЫ, Тұрғын:
- Сөздің ашығы әкімдер жұмыс істесін. Халықтың жағдайын істесін. Осылайдың арқасында әкім болып отыр ғой.
Ал ауыл әкімі әзірге қалың қауымды ағын судың барына қанағат қылуға шақырды. Санитар мамандар тексерсе, ұңғыманың өзін жауып тастауы мүмкін деген әкімдік өкілдері 2 жылдан бері ауылдағы жер асты суын барлау жұмыстары жүргізіліп жатқанын айтады.
АСАН НҮСЕНОВ, Қазығұрт ауданы Қызылқия ауылдық округінің әкімі:
- 780 метр қазылды, бірақ 630-да су шықты деп қорытынды берді. Су қоры жеткілікті ме жылдың аяғында қорытынды береді, әзірге айта алмаймын.
Әкімнің айтуынша, су қоры жеткіліксіз болса, барлау жұмыстары одан әрі жалғасады екен. Ол тағы бірнеше жылға созылуы мүмкін. Ал су көлемін анықтамай, айнатастықтар таза тіршілік нәріне еш қосылмайды екен.
Мақсат Жақсыбайұлы, Алексей Мавнуков
Бізді әлеуметтік желіде оқыңыздар:
TH-cam - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро [phone]
#ЖаңаҚазақстан #АуызСу #сусыз_халық

[@friendsends2055]

😱😱😱

[@TT081]

2030, 2050, Жаңа Қазақстан.
Тағы не табар екен бұл жемқор билік.

[@user-sg7gi6cr6u]

Биздин аудангой.биздин ауданнын акими оз калтасын ойлайды.халыкты ойлап жаткан ешким жок. Менде казыгурт ауданы кызылдала ауыоында турамын ал бизде газ жок.от жагып отырамыз
Жазла биздеде су жок болады.