ไม่สามารถเล่นวิดีโอนี้
ขออภัยในความไม่สะดวก
深度調查|港人嘆本地牙醫「唔憂做」 北上整牙豈止慳10萬元?
ฝัง
- เผยแพร่เมื่อ 6 ก.ค. 2024
- 隨着世紀疫情結束,兩地通關復常,社會掀起新一輪北上整牙熱潮。究竟北上整牙有何優勢?本地牙科機構又何去何從?
曾是本地診所常客 因牙痛無法應診改北上求醫
為了體驗北上整牙服務,點新聞記者早前約了張小姐即日來回深圳某連鎖牙科診所。一行四人於下午1時半從九龍塘站出發,乘坐港鐵到羅湖口岸過關,其後轉乘巴士抵達位於深圳東門的私營牙科醫院,整個車程約1.5小時。
張小姐告訴記者,自己曾經是本港牙醫診所的常客,自40歲開始,牙齒健康出現問題,患有嚴重牙周病,需要定期洗牙,去除牙結石及牙菌膜。無奈新冠疫情爆發,之前經常光顧的牙醫診所相繼倒閉,再加上近年港人對牙科服務的需求強勁,令預約洗牙漸趨困難。
「試過有次牙痛,痛了三日,嚴重影響食欲同睡眠,忍不住聯絡姑娘預約洗牙,竟然要等一個月」,張小姐憶述當時感到錯愕,認為病人已經遇到緊急情況,臉部腫脹,姑娘照樣慢條斯理地排期。她形容,香港牙醫「好似唔憂做」,甚少從病人角度出發,體會他們的痛苦,慨嘆供求失衡是市民北上求診的原因之一。
牙醫人手嚴重短缺 連累公營服務
事實上,張小姐的例子只屬冰山一角。翻查資料,截至2022年年底,本港有2786名註冊牙醫,大約相當於每1000人只有0.37名牙醫。據世衞資料顯示,工業化國家及地區的平均比例為每1000人有0.5名牙醫,諸如日本和德國更分別達到0.8及0.85名牙醫。如果以750萬人口粗略估算,香港要追上發達國家的平均水平,至少需要3750名牙醫,而要追上日本和德國的水平,就需要約6000名牙醫,大概是現時的兩倍。
審計署最新的報告指出,11間政府牙科診所的派籌數目,由2014/15年度起約每年4萬個,減至2018/19至2022/23年度每年2萬多個,大跌接近5成。另一方面,署方還特地派員實測排隊時間,發現4間診所下午約5時就有市民排隊,求診者需要輪候至少7小時以取得翌日的籌號,情況絕不理想。
值得留意的是,牙醫嚴重流失,不單只影響普通市民,就連公務員享有的牙科服務都大受影響。截至2023年9月1日,衞生署牙醫職系的實際人數為276,空缺率為25.4%,遠遠超過2019/20年度的2.8%。同一時期,公務員牙科定期檢查整體輪候時間亦由前年同時期最長的32個月增至48個月。
由於無法長時間等候,張小姐經朋友介紹到某間連鎖口腔集團應診。她透露,自己需要種植五顆牙齒,醫生建議優先用舊牙骨接駁,進行右顎三顆牙齒的手術,左顎則等待三個月或半年後覆診時處理。
跨境整牙非香港獨有 業界稱牙科旅遊非常普遍
立法會議員陳凱欣分析指,造成北上整牙大熱有多個重要因素,例如本地牙醫人手短缺、公營服務大排長龍、有三年疫情阻礙原本經常到內地覆診的朋友、醫療券試點擴展至兩間深圳的牙科機構等等。香港牙醫學會會長陳超余則認為,這類情況並非香港獨有,學者稱呼該現象為牙科旅遊(Dental Tourism),非常普遍。舉例來說,許多美國人千里迢迢到墨西哥求醫,不少西歐民眾亦喜歡到西班牙就診。
除了等待時間較短之外,張小姐認為,內地牙科機構還有價廉物美,服務周到等優點。她說,自己曾經在香港報價,每隻種植牙要3萬港元,5隻合共收費15萬港元,而且需要排期等候,不是有錢就能即刻解決,相反,在內地牙科醫院進行同類手術,按滙價計算,整個療程只需2萬8千港元,足足節省10多萬元。與此同時,該間內地牙科醫院明碼實價,預約方便,「情況不像香港某些美容中心,購買套票前很容易預約,事後就非常困難,要不斷打電話預約,配合對方的時間,有明顯差別」。
張小姐大讚醫院特地設置專櫃,安排工作人員從旁協助翻譯,減少醫患溝通上的誤會,服務非常貼心。更重要的是,整個醫護團隊以病人的需要出發,提供專業意見,並且保留原有的牙齒。她批評香港有個別牙醫服務態度惡劣,「試過有牙醫問,小姐,你種幾多顆牙齒。我只是病人,不是專業人士,哪會知道自己需要種植多少顆牙齒?難道要一整排牙齒更換?」
北上整牙或有事故風險 議員籲衡量手術風險
然而,無可避免的是,北上整牙也伴隨醫療事故的風險。早前有報道引述,港人李先生因蛀牙到深圳一間連鎖牙醫診所求醫,花費約7萬元人民幣,接受「全口重建」療程,殊不知返港後被診斷出顎骨錯亂、面頰頜骨移位。涉事內地牙科診願意退回他已經繳付的7萬元人民幣,以及回港治療花費的5萬多港元。
陳凱欣認為,這類個案不等於內地醫療水平偏低。市民要清晰地理解不同療程都有不同程度事故發生的風險,例如,開刀種牙遠較洗牙的風險高。她建議,市民除了價格之外,還衡量醫療事故的風險,盡量選擇內地商譽較好的牙科診所。陳超余亦提醒,隨着越來越多港人北上整牙,醫療事故發生機會亦會有所增加,強調香港業界歡迎良性競爭,無奈近期內地同行出現大量不良宣傳手法,例如,以所謂『只需一日就康復』等口號作招徠。
陳超余:對業界影響不大 受訪者冀改善本地服務
面對大批港人北上整牙,本地牙科機構又該何去何從?香港牙醫學會會長陳超余重申,優勝劣敗是自由市場的定律,香港有不少知名牙醫,技術與國際接軌,相信只要做好本份,繼續堅持醫德、醫術同醫風,外來競爭不會對本地業界造成太大影響。
立法會議員陳凱欣認同,本地牙醫有優勝之處,例如熟悉市民的飲食習慣、容易溝通、最新的醫療器械或技術通常會優先被香港引入等等。而更重要的是,「牙痛慘過大病」,普遍市民傾向到鄰近地區就醫,如果可以到內地求醫,相關問題未必去到好嚴重,香港牙醫始終有距離優勢。
張小姐向記者表示,站在消費者角度來說,來自內地同行的競爭可以迫使本地牙科改善服務,「現在好多診所會致電舊客詢問會否有洗牙需要,對比之下,在通關前,就連預約洗牙都有困難」。儘管經常光顧內地醫療集團,但她直言,香港節奏急促,時間寶貴,北上整牙至少需要三至四小時來回,再加上約一小時的治療時間,前前後後要花費約半日,未必是香港市民的首選,強調若果是洗牙、鑲牙等小問題,會寧願留在香港處理。
業界倡公私營合作 陳凱欣盼當局重視基層醫療
至於各界關注的牙醫短缺問題,港大牙科每年培訓90名牙醫左右,如果再加上約10多名通過執業試的非本地培訓牙醫的話,本港每年只有約100名新註冊牙醫,難以達到每一千人有0.5名牙醫,即3750名牙醫總數的目標。
陳超余認為,政府要善用短中期措施,多管齊下解決問題,例如,短期以公私營合作模式釋放私營市場人手,應付需求,中期是引入非本地培訓的牙醫填補人手,長遠要提高市民對口腔健康的意識,避免求診人數因人口老化而大幅增加。
陳凱欣則相信,若然《牙醫註冊條例》修訂草案順利通過並生效,會有更多本地畢業生和海外牙醫到公營單位服務,強調這些政策需要一定時間才能發揮效果,市民要做好期望管理。除修改法例之外,她認為當局要重視基層醫療,若然市民每年定期洗牙,做好預防措施,有助減少牙周病等病痛的發病機率。
雖然政府積極解決牙醫短缺的問題,但記者留意到張小姐提及,身邊已有十多名朋友到內地應診,年齡由40歲至90歲不等,普遍是經朋友介紹,亦有一些人觀察他人治療效果,「始終深圳有太多牙科醫院或診所,很難分辨哪間較好,大家都在觀察身邊朋友的求診情況。對他們而言,我就是那隻白老鼠」。隨着越來越多港人光顧,向身邊朋友說好內地牙科機構的故事,北上整牙的市場會否出現更顯著的增長?又如果港人習慣北上消費,購買較高昂的牙科治療或保健服務,留給本地牙科的又是否只有洗牙等需求?這些問題值得社會各界探討。
(點新聞記者王俊傑報道;視頻攝製:羅平、周楎、Sunny)
#北上 #牙醫 #種植牙 #種牙 #港人北上 #北上整牙 #陳凱欣 #陳超余
#點新聞 #Dotdotnews
=======
更多精彩盡在點新聞網: www.dotdotnews.com
訂閱點新聞社交媒體平台
Facebook: bit.ly/3JOsF6s
Instagram: / dotdotnewsvideo
Weibo:weibo.com/7310...
Bilibili:space.bilibili...
歡迎下載 「點新聞」app
iPhone App : apple.co/2MxsmE1
Android App : bit.ly/36EmZtD
以前我係香港杜牙根+鑲牙套+打樁, 平均約共$10K-$15K整一隻牙, 前前後後整咗4隻, 到最近問題開始出現, 可能杜牙根唔乾淨導致到發炎(有一隻直情係成個牙套甩咗出嚟), 最近全部都要重新整過, 全部要剝曬佢.......
我見宜家通返關, 決定走去大陸搞做種植牙, 平均$5,000蚊港幣一隻, 已經順利搞掂兩隻, 幾個月期間過程感覺良好亦都冇任何痛楚不適, 依個係我真實嘅故事(絕無吹水成份, 不喜勿插)
講真, 宜家大陸設備好先進, 而且做植牙又唔係啲乜大手術.......
我在广州睇牙,佢係有D贵,洗牙300左右,但好舒服唔痛。杜牙根600,包你做好為止,付一次$便可以了,完全唔痛。
你只係唔好彩遇到個技術唔好, 又唔負責任既牙醫...杜牙根係分兩種, 一種係只係杜一條牙根 (門牙, 犬齒),可以由普通牙醫處理, 第二種係一隻牙有三條以上牙根 (大牙), 程序較為複雜, 係必須轉介去專科牙醫處理....如果有牙醫剛愎自用, 不依規定和程序行事, 就會出現你既情況, 同去邊度睇根本無任何關係....
我又無喎.我門牙.,隻牙套用左20年,
以前.係幾耐呀.師父.邊間做呀
@@popo169169門牙同犬齒較容易處理, 亦很少出問題, 通常成個程序半個小時內可以搞掂, 但大牙就難整好多, 一隻牙最少要搞三,四個鐘!而且牙醫要好細心, 好有技巧耐性, 清得好乾淨先得, 否則術後極之容易出現細菌感染發炎。一般係需要由根管治療專科醫生處理..
北上消費,要讓班資產階級知道勞動人民的厲害🎉
李家超又唔識做野冇計啦
香港班高尚醫生的傳統美德就係,昂貴金錢買到他們的服務。係香港作為普通人就係原罪。當年紀越大越覺得,我本人步入五十,深深感受到
有好多牙醫冇耐性,晦氣,睇牙本身已經係好驚,仲要俾牙醫咁對待,真係難怪個個走上去做😔
支持【點新聞】全方位報導!加油!
香港敗在得香港大學先有牙醫課程讀,應該開放埋比理大 城大 中大 科大開埋牙醫課程
有啲平嘅補牙科物料係含有水銀,會傷害腎臟,小心問清楚啲物料來源同埋成份。
香港私家牙醫隨時有得睇不過好貴~
同意,香港牙医超貴及服務差,質素也差,洗牙,10-15分钟,$700,洗完也不覺是清潔了多少??🤬🤬
我在上海洗才100多。。。。
@@1ericube640 洗牙有分好幾種。普通洗牙同深層次牙齦清潔, 價錢係差好幾倍..
最大優勢當然係平啦, 正如片中個女仕咁, 香港整要10幾萬, 大陸只要2萬, 又唔洗等, 比你會點揀?
香港租金貴~護士人工貴~醫生人工貴??😅所以才貴
@@tsewing9641 是香港牙醫壟斷市場,夾價,賺到盡,明搶小市民錢,請不要為奸商辯護!
有醫生大廈 牙醫 醫生 share room 都有
好多資歷深牙醫都診所自置物業,唔使交租又唔见佢哋收番平D
@@singkokcheung149 醫生都係
我在香港有一個菲律賓大學畢業牙醫向我開價種一隻牙要港幣三萬五千大元!係菲律賓大學!香港牙醫來自五湖四海,菲律賓,台灣,可能仲有的唔知那裡畢業的,這是香港以前沒有牙醫學校年代的遺留歷史問題,不如返大陸好過!
我也是去深圳洗牙及整活动假牙,very good , 平靓正, 唔使等, 當然要去大间的大型连锁好好多啦👍
那一間 可以介紹嗎?
深圳整牙,快,牙患唔等得,牙炎症會引致全身炎症問題
我聽街坊講看看好不好彩搵到好沒有問題,如果搵到不好,都要在香港搵牙醫執手尾
我牙周同植牙都係深圳做,4年前係荃灣一個陳姓牙醫植咗一隻牙同一隻活動假牙,果隻植牙3個月前在深圳剝番出黎因為種得吾好又可能自己護理得吾好吧 我亦吾敢賴個醫生,目前黎講我同2個朋友都在深圳同一個醫生做植牙,第一期剛做完 ,冇任何不適。
我在香港看牙醫完全沒有問題 約時間也很容易 種牙只需兩萬左右一個 做得非常非常好
正苦&牙醫聯手逼人唔幫襯,貴唔單止,等太耐先係
唔係香港牙醫唔憂做 係制度問題 香港牙醫係完全唔夠人 當然會慢 但同時換來的係長年保持世界第三的牙科質素 大問題 都係留香港
医術,医德,医风,呢D不是只有香港牙医独有。
做好本份,市场会告诉你你是否做得好不好。😊
香港牙醫真係天價
我個六十歲地盤同事成棚牙換曬先十幾萬東莞搞掂。香港過去躺著賺錢的時代己過了!大勢所趨
香港和內地啲牙醫!都係有好有唔女?
不過金錢和時間就差好遠!
什麼傳統美德😂😂😂😂😂
香港牙醫課程嚴重不足! 人數又過少! 逼到大家上哂深圳 珠海整牙
狀元就讀
種牙要去幾次㗎 整多嘅話真係慳好多 但最好搵香港牙醫評估一下先 因為唔係個個適合
老老實實中國人缺牙比率世界級名列前茅,先會有大量概植牙醫師
平
9up.
陈凯欣真系好索,,风韵十足
返上去不好返落來
陳議員, 唔識就唔好亂講啦, 洗牙風險低?洗牙有血㗎!
我去珠海市第五人民醫院牙科 牙科主任剝智慧牙八百幾蚊。
以前3000多元~現在香港要7000元了??😢
你就好啦.疫情下剝要六千蚊😭不过一点痛都冇
@@kimitam8894 香港租金貴~人工貴~皮費樣樣都昂貴~收費當然貴(羊毛出在羊身上)以前啲人去旅行時順便會去菲律賓整牙~去台灣全身做檢查添??
10k 都有
没想到香港那么贵,珠海要是有医保拔智齿在公立医院也就两三百。当然或许一些私人牙科诊所会更便宜的都有
我都不知幾乾淨呀,食牛扒都有碎骨咬裂咗隻大牙,有乜計呀
咁好嘅內容,成條片剪得可以咁差都有… 你哋公司剪接員工可以炒魷😅! 難怪啲片views都咁低
香港牙医太贵/價錢嚇死人
牙疼不是病 疼起来要人命 预约要1个月 咋想的 😂
塵耳猿,你係萬事通牙?你有醫生或牙醫牌牙?醫療程序有咩風險你話就係牙?
在大陸睇牙店香港有醫生無醫德
收感贵重有"医德"咩??
你以為大陸有這麼多牙醫嗎,有沒有看清楚大陸牙醫的經驗及學歷,他們是否牙匠。
而家香港牙醫無人睇啦 今年睇過兩次即時有位
大陸牙醫好多都有醫術醫風醫德香港牙有為收多D錢無醫德
唔係我哋唔想喺香港睇牙科,而係香港啲牙科私家嘅貴到飛起是諗吓杜牙根要差唔多成萬蚊邊個仲會過嚟做除非好有錢
未玩呀?大陸整牙唔店?只會浪費金錢?
亦有很多非常成功例子的??
深圳自x光香港人醫療團隊~非常之好??
20年来深圳医牙至今沒出事.你岐视伟大祖国的医生.偏见岐视
成功與失敗例子都有,睇你點睇😅
李家超等運到唔理香港經濟環境叫香港人北上消費