Hassen Abassi Asligh i Thighri

Hassen Abassi Asligh i Thighri (1980) Arezki baroudi à la batterie:
sligh i teghri ur nban
Gher tama-w id-essawal
Muqlagh gher ger izekwan
Wallagh lexyal d amellal
Enighas d acu-k a flan?
Ayen akka lqed-ik imal?
Attwaligh deg-k ala ighsan
Aksum yudaf s lekmal.
Yenna nekk seg wid yekfan
D aruh-iw kan id-mazal
Am nekk ațas i-yellan
Yal amkan yeccur wakal
Ghef tlelli nsebbel ayen yellan
Neģģa-awen-d lmital
Nugad kan ad agh-yettu zman
Inexdem ad t-yawi uhemmal
Yenna usigh-d si tatut
Tatut n wayen iruhen
Seg wagur teffer tagut
Si tmes yexsin s idamen
Si tmeddurt yenughen lmut
Si mkul adrar ira3den
Si lqum ur nessin tafsut
Si lehbes akk yeccuren
Yenna nekk d miss n wagur
Iwumi ksen tafat-ines
Lhigh i r3ud d ugeffur
Ețsagh deg udfel n tmes
Usigh-d si lbatel d zur
Si snasel yuzan ighes
Timeqbert i deg ligh teccur
Atas ig-cuban ghures.
Tura nigha-k ayen yellan
Emli-t i win yellan di dduh
Inas tafat ur d-ban
Almi ghlin achal d aruh
nekk seg wid yemmuten kfan
Netlen wudhan d lejruh
Maana kunwi i d-yegran
Hadret id neğğa ad-awen-iruh.
Nighas ur tettugh isem-k
Elweqt akken ibghu yili
Ghas ur sinagh ara udem-ik
Yisek i snagh tilelli
Akal d-fkidh s idamnen-k
Assa lqder-is ayettali
Rebi ad yerhem aruh-ik
D wid k-yecban ilkeli.
Maana zigh teshel tatut
Ghef yimdanen ilkelli
Win i3eddan yemdel tawwurt
Yettu igedran idhelli
Ighil mi yessen tafsut
Cetwa d ayen ur telli
Yettu i g-eddan yenna ifuth
Yettu tlam d tagut
Yettu wid akk tewwi lmut
Yettu imețți n tmețțuth
Yettu azal n tlelli
H.Abbassi

[@tafriqtugawa66]

Un des pilier de la chanson kabyle et grand philosophe dommage est méconnu du grand public.