Yadbhavam Tadbhavati (యద్భావం తద్భవతి) | Lyrical Song - 152 | Bhadrapada Pournami Spl

"భావము" అను ఈ పదము ఈ సృష్టికే బీజమై, తేజమై, రాజమై కొనసాగుతున్న మహా ఆభాస. ఆధ్యాత్మికములో ప్రయాణిస్తున్న జీవునికి శ్రద్ధ, భావము అనునవి రెండు కళ్ళ (లేక కాళ్ళ) వంటివి. రెండు కళ్ళ సమన్వయమే చూపు, రెండు కాళ్ళ సమన్వయమే నడక.
ఒక వాహనంలో ప్రయాణము మొదలుపెట్టున వ్యక్తి శీఘ్రముగా సరైన గమ్యమును చేరాలంటే, ప్రయాణించే వేగముతో పాటూ ప్రయాణించే దిశ కూడా సరిగా ఉండాలి. ఇక్కడ జ్ఞానప్రయాణములో వేగము 'శ్రద్ధ' కాగా, దిశ 'భావము'. కనుకనే " "శ్రద్ధావాన్ లభతే జ్ఞానం" అన్నట్లు "భావావాన్ లభతే యోగం" అని తెలియుచున్నది. 'సరియైన భావము' (భాద్రపదము) లేని జిజ్ఞాసికి జ్ఞానము లభించవచ్చునేమో కానీ, అతను అసలైన గమ్యమును చేరలేడు.
ఈ సృష్టిలో అన్నీ కర్మప్రకారము జరిగేవే అయినా, మనిషిలోని భావములు మాత్రము కర్మ ప్రకారముండవు. మనిషిలోని భావములు వాని స్వంతము. మనిషి ఏ భావమునయినా పొందునట్లు దేవుడు జీవునికి పూర్తి స్వతంత్రత కల్గించాడు. భావ స్వతంత్రము జీవునికి ప్రాథమిక హక్కులాంటిది. మనిషి స్వంత భావములు వాని బుద్ధి నుండి పుట్టుచుండును. సర్వ జీవరాసులకు భావముల గని వాని బుద్ధియే. వాని బుద్ధి భూమిలోని గనిలాంటిది. భూమిని బట్టి గని లోపలి ఖనిజము లభించునని చెప్పినట్లు, మనిషిలోని బుద్ధిని బట్టి అందులోని భావములుండును. మనిషిలోని బుద్ధికి భావ స్వాతంత్య్రము కలదు. మనిషి బుద్ధి అజ్ఞానముతో నిండియుంటే వాని బుద్ధి నుండి అజ్ఞాన భావములు బయటికి వచ్చుచుండును. ఒకవేళ వాని బుద్ధి జ్ఞానముతో నిండియుంటే వానినుండి వచ్చు భావములన్నియూ పూర్తి జ్ఞానముతో నిండియుండును.
బుద్ధి భావములతో సంబంధము లేనిది ''దేవునిలోనికి ఐక్యము కావాలను ఉద్దేశ్యము.'' అది ఒక్కటి తప్ప మిగతా జ్ఞాన, అజ్ఞాన భావములన్నీ మనిషికి పాపపుణ్యములను తెచ్చిపెట్టుచుండును.
నాటి ఆ గీతాచార్యుడు తన త్రైతగీతలో అంతఃకరణములను అనుసరించు అనుభావమును, ప్రకృతికి వశమౌ పరభావమును, ఆత్మయోగసహితమౌ స్వభావమును, గురుభావసామ్యమౌ సమభావమునూ ప్రబోధించియున్నాడు.
"ఏ మానవుడూ తన భావములో ఉండడు" అని, "ఒకవేళ ఉంటే అతను మాధవుడే అవుతాడని".. నేటి భగవానుడైన ఈ ప్రబోధాచార్యుడు చెప్పకనే చెప్పాడు.
యే యథామాం ప్రపద్యన్తే తాం స్తథైవ భజామ్యహం!
కనుక, భావాల ఈ జగత్తులో... అనుభవాల మత్తులో.. మునిగి పరభావుడైన చిత్తుకు..
స్వభావమనే సత్తు ..గురుజ్ఞాన జ్ఞప్తితో జోడైతే .. అది సమభావమై నిల్చి తద్వారా జనియించునదే గురుత్త్వము !!!
అట్టి నా గురుభావమును నాకు ప్రసాదించమని నా "ఆనంద గురువు"ను భావస్వేచ్చా హక్కుతో వేడుకుంటూ... విన్నవించుకొంటూ ... వివరించునదే ...ఈ యద్భావం ! తద్భవతి !!
స్వభావోఽధ్యాత్మ ముచ్యతే ! - ఓం తత్ సత్ !!!
TEAM:
Lyricist - Siva Krishna Kogili
Singer - Praveen Kumar Koppolu
Music - Nagesh
Editing - Saleem
Production & Presented By - Gnanavaahini Channel
సాకీ:
ఈ సృష్టికి కారణమే .. పరమాత్ముని భావం
ఈ సృష్టికి ఇంధనమే ..మధ్యాత్ముని భావం
ఈ సృష్టికి బోధనమే ..గురుఆత్ముని భావం
ఈ సృష్టిని దాటుటయే ..జీవాత్ముని భావం ... నిజశిష్యాత్ముని భావం..అదియేలే ఆతని స్వభావం !!!
యద్భావం తద్భవతి !!!
పల్లవి :
ఏ భావం నీకు వున్నదో ఆ భావము పైనే దృష్టి మరులుచున్నది
ఆ భావముతోనే సృష్టి కదులుచున్నది
ఏ భావం నీకు వున్నదో ఆ భావమె భవసాగరమై మారుచున్నది
ఆ భావమె నీ అనుభవమై చేరుచున్నది
తనువందున తనుభావం మనసందున మనుభావం
బుద్దిలోన గుణభావం హద్దులేని అహభావం
ఇలా ప్రతి భావమందున నీవు పొంది పరభావం
మరచినావుగా నీ స్వభావం ... గుర్తులేదులే నీకు నీ నిజభావం ...
యద్భావం తద్భవతి... యద్భావం తద్భవతి !!!
యద్భావం తద్భవతి... యద్భావం తద్భవతి !!!
ఏ భావం నీకు వున్నదో ఆ భావము పైనే దృష్టి మరులుచున్నది
ఆ భావంతోనే సృష్టి కదులుచున్నది .
చర 1:
ఏ భావము లేని నాడు పరమాత్మే ప్రథమముగా
తన భావమునే పొందగ పుట్టెను జీవం
ప్రభవించిన ఆ జీవం భావమునే ఇంధనముగ
పునరుద్ధానము నొందుచు మరిచె స్వభావం
అహభావపు వ్యసనములో సహవాసిని సన్యసించి
ఇహమందున వ్యభిచరిస్తు మరిచెను మూలం
ఆత్మభావమందజేయు ఉపవాసము వదిలివేసి
జన్మలందు బందీగా గడిపెను కాలం
త్రిగుణాలయందు బుట్టు ప్రభావముకు బానిసయై
గుణమాయ మోహములో మునిగెను మనసే
కుటిలాత్మగా ప్రాకృత కుభావముకు సేవకుడై
ఫలకామ కర్మలలో కరిగెను తనువే
ఇలా ప్రతి శ్వాసయందునా ప్రకృతి ధ్యాసే
తన ప్రతి కార్యమందునా ఫలితపు ఆశే
ఈ విషయాల విత్తుతో పెరిగిన మనసే
అవే అవసాన మత్తులో స్మరణే చేసే
అలా ఆత్మభావమును జీవుడు అంతముచేసి
మరలా పరభావములోనె తాను ప్రభవించేసే
యద్భావం తద్భవతి... యద్భావం తద్భవతి !!!
యద్భావం తద్భవతి... యద్భావం తద్భవతి !!!
ఏ భావం నీకు వున్నదో ఆ భావము పైనే మనసు కదులుచున్నది
ఆ భావముతోనే జన్మ కలుగుచున్నది
చర 2:
తనువందున ధ్యాసలేక నిన్నునీవు తెలియలేక
ఆధ్యాత్మిక స్వభావమును అందగలేవు
నీ కొరకే ప్రభవించిన భగవానుని బోధనాలు
పరభావమునున్న నీవు పొందగలేవు
ఆత్మభావమును నీవే అనుక్షణమూ అనుసరిస్తె
అనుభవమై మారి నీకు తెలియును జ్ఞానం
గురుభావమునే నీవు గురిమారక గుర్తిస్తే
ప్రబోధగా ప్రభావమై కలుగును యోగం
నీ బుద్ధియందు బుట్టు ప్రతిభావమునందబట్టి
శ్రద్ధకూడి జ్ఞానముతో శుద్ధిగ బరచి
నీ వద్దే మిగిలియున్న ఒకేఒక్క భావముతో
హృదయ మధ్య ఉన్నవాని హద్దుగ తలచి
అలా తనుభావమందున ఆత్మను కూడు
నీ మనుభావమునందున తండ్రిని వేడు
ఆ అహభావమందున ఆత్మనే కోరు
మరి గుణభావమందు నీ గురువును చేరు
ఇలా త్రైత భావమును నీవే స్వంతగ జేరి
అలా మోక్షభావమున క్షరమై అంతము గోరు
యద్భావం తద్భవతి... యద్భావం తద్భవతి !!!
యద్భావం తద్భవతి... యద్భావం తద్భవతి !!!
క్షరభావం నీకు ఉన్నచో ఆ భావముతో జ్ఞానదృష్టి వెలుగుచున్నది
ఆ భావముతో యోగపుష్టి కలుగుచున్నది
గురుభావం నీకు ఉన్నచో ఆ భావమె ఆత్మనుభూతిగ మారుచున్నది
ఆ భావమె భగవంతుని దరి చేర్చుచున్నది
జీవునిగా గుణసాంఖ్యం ..జీవాత్మగ ఆత్మాంఖం
ఆత్మగ మాయాతత్త్వం..శిష్యునిగా గురుత్రైతమ్
ఇలా ప్రతి భావమందున నీవు పొంది సత్ భావం
ఎరుకనుంచుకో నీ స్వభావం ..గుర్తునుంచుకో నీలో గురుభావం
యద్భావం తద్భవతి... యద్భావం తద్భవతి !!!
యద్భావం తద్భవతి... యద్భావం తద్భవతి !!!