تركيب طنجرة قير التماتيك وشد القير للمكينه
ฝัง
- เผยแพร่เมื่อ 4 พ.ย. 2018
- مكاين الشفر LS لها عدة انواع وكذلك قيراتها والطناجر والحذافات، لكن الطريقه وحده ومايجب تشييكه من قياسات يفترض لاي نوع من قيرات التماتيك وتحصل كل مصنع يضع ارقام للخلوصات الصحيحة.
أتمنى انه يكون مفيد
![[UNCUT] ฝันรักห้วงนิทรา | EP.8 (4/4)](http://i.ytimg.com/vi/RDYJYiDwsj0/mqdefault.jpg)
0:33 فعلا" بعض الورش كأنهم يتكلمون اسرار..غير كذا مجرد اني آقف على راسه عشان اشوف شغله ونوعيه المواد اللي يستخدمها اجده يتنرفز بشكل رهيب
هذا اذا ما قالك روح وتعال بعد ساعتين. جلوسك هنا ماله فايدة. اذا سمعت هذا الكلام اعرف انوا في عمليه نصب جاية. .
@@ahmidnasser9037 والله يا اخي انا اشتغل اصلح سيارات لي وللأخويا. عندي كراج كامل بالبيت وافك قيور واغير اي قطع عادي . بالعكس اخلي الشباب عندي سوالف وضحك ووناسه . واي عامل يقولك روح وتعال او لا توقف على راسي ويتنرفز. هذا يتعلم هذا جالس يجرب ولا يبيك تكشف انه ما عنده سالفه .
اللهم صل وسلم وبارك على عبدك ورسولك محمدﷺ
انته ابن حلال ماتحتكر المعلومة بارك الله بيك اخي
ماشاء الله عليك الله معلم الله يديم لك الصحة و العافية أنا توني مبدل قير ولا تمشي والعلم أن القير عدل شغال وماشاء الله عليك شرحك واضح والله يوفقك
بارك الله فيك
عاشت الايادي اخوية العزيز
مبدع ماشاء الله
عندي قير دسكفري فكيت الطرمبه معى الداير احس ان الكلتشات الاماميه تحركت شوي كيف ارجعها بالصبط
@KING-pb6dd
حقيقه ما عندي خبره فيه هي كل مجموعة كلتشات عليها حلقة قفل ، مستحيل تغير ، لكن اذا تقصد علبة الكلتشات نفس الشي له مجرى تثبت فيه. للأسف ماعندي تصور عن القير هذا
سلام عليكم .. الله يسعدك يالغالي عندي اكسبديشن 2015 اذا كنت ماشي 60 او 80 او 100 وزد الدعسه على خفيف فيه رجه في السيارة كانه مطبات صغيرة وديتها ورشه قالوا لي الطنجرة ؟؟
وارد جدا الطنجره وممكن طرمبة القير إذا تظهر بس مع الدعس، غالبا الطنجره
الله يكتبلك الاجار
ورزقك بصحة والعافية
ياعسل عندي استفسار
لمن تكون السياره علي D يكون فيه عزه ف السياره
وتقوى لمن المراوح تشتغل او اشغل المكيف
واذا حطيتها N تختفي وترجع السياره ناعمه
والقير ينتع او كانه واحد يخظ السياره لمن يغير نمره والزيت كويس بس فيه ريحة حرق
هل سببه الطرنجه ولا كراسي مكينه وقير
طبعا السيارات من ٢٠١٥ ال٨ سلندر و٨ سرعات تغيرت فيها فلسفة قير التماتيك، الواضح من وصفك انه فيه مشكله في الطنجره ،والطنجره ممكن يكون سبب خرابها اصلا من كراسي المكينه او حتى القير. لكن ريح الحرق يعني أيضا تلف كلتشات وعدم اتزان القير ويسبب نفس القصه ،النتعه سببها ان الزيت بسبب حرق كلتشات اثر على سلاسة الصمامات. اعتقد ان مشكلتك كلتشات هي اللي وصلت الأمور للوضع هذا وانه مع التوضيب يمكن تشييك باقي الامور
عندي الطنجرة خربانه، المهم رصيت للموتر شوي، وشميت ريحة حرق، مدري وش هو؟ ممكن كلتشات؟
للمعلومية الزيت قديم وماقد غيرته للاسف
الريحة وش تدل عليه؟؟
اكيد حرق كلتشات القير، دام الطنجره ضعيفه او خربانه يكون الزيت ضعيف اللي يمر على الكلتشات، خذ عيار زيت القير وتلاحظ ريحة حرق زيت.. الله يعوضك
HakeemAlzaman - - أبو متعب طيب اخوي الطنجره تتغير لحالها بدون توضيب عندي اوريون ترج على الخفيف من 20 الين 80 ياليت تفيدني لاهنت
يا اخوي عندي مهو راضي يطق. مع انه الي شريت منه القطع قال لي جربكسك لازم ٣ طقات
تغيير الطنجرة هل افضل تغيير الصوف كلها الامامي والخلفي وتغير طرمبه زيت القير او طنجرة فقط
بالنسبة للطرمبة لها كت او طقم إصلاح ورخيص الأمريكي وغالبا نعملها مع توضيب القير، الصوف صحيح من المفترض تغييرها خاصة انه تكلفتها بسيطه ومع الفك تتأثر يعني طنجرة وصوف ،اما الطرمبه مع توضيب القير
شكرا استاذنا الفاضل وش هي اعراض تلف اوعطل الطنجرة لي خلاك تغيرها جزاك اللة خير . وشكرا علي هذا العمل الرائع
حياك الله، الطنجره تشبه ريش المروحة او ريش طرمبات الماء ،مع مرور الوقت تزبد الخلوصات بين الريش وجسم الطنجرة وتقل كفاءتها فاتجد المكينه الضغط مثلا3000rpm لاكن التسارع ضعيف مايناسب ابدا ضغط المكينه لان الطنجرة لا تنقل كامل العزم للقير.
@@HakeemAlzaman هل هي تطفي السياره الطنجرة وتسوي فصله وتفتفه؟
@@rakan1574com
اعراضه ضعف عزم بالاساس ، واذا فيها تلف ميكانيكي ممكن تحس برجه
سؤال معليش
شن يسوي لو عطل هذه طنجرة القير وهي راكبه في سياره تندرا ويش يسوي
تصبح استجابة السيارة للبنزين بطيئة ،تلاحظ rpm يرتفع لكن التسارع بطيء. تقدر تختبره ،ضع القير ١ ،بريك وادعس بنزين المفروض مايرتفع عن ٢٥٠٠ دورة المحرك ،اذا ارتفع معناه الطنجرة جدا ضعيفه
السلام عليكم بارك الله فيكم على المشاركة والإفادة.. نوع الزيت اللي حطيته وش. رقمه ⭐⭐⭐⭐⭐
ايسي ديلكو العلبه الذهبيه ، هذا الأنسب لموديلات قيرات ls
فيديو كيف توضيب القيرو كامل الله يجزيك الخير
معظم القيرات المعروفه له كتلوج او دليل توضيب ، حتى المقاطع مايقدر يذكر كل القياسات اللي ياخذه ، الأفضل تنزل كتلوج صيانة القير اللي تبي توضبه وتعرف كل الخطوات
السلام عليكم ، عندي مشكلة في قير الكابرس SS
هل تنصح بالتوظيب ،
؟ ام شراء قير مستعمل
مشاكل قير التماتيك غالبا معروفه.. وكت الإصلاح ماهي غاليه..انا اخذ القير و هو مخبط واركب عليه ترانزقو ستيج ٢ ما يتعدى ٢٥٠٠ اتكلم عن 4l60e مع ضمان ٦ شهور.. اذا الورشة تعطيك ضمان بالشكل هذا.. اعتقد جيد والسعر مناسب. أما التشليح شي مجهول ما تدري ايش وضعه ان كمل شهر ممكن ما يكمل سنه لكن إذا وضبت تكلم عن ٣ سنوات وفوق. المهم الشخص اللي يوضب
يا بعدي انا عندي كابريس ١٣ وعندي مشكله في القير. انا ما ادري انت في اي مدينه ؟
عندي كامري 2007تماتيك غيرت القير كامل ولما تجي تدعس السيارة ثقيله مره ما تهز واذا في طلعه قدامك ماتطلع ولا تفحط زي اول. غيرت كمبيوتر ومافي فايده. ممكن تفيدنا.
اذا فعلا السبب له علاقه بالقير فاتكون طنجرة القير ، اسباب أخرى تسبب زي كذا مثل دبات التلوث او اي انسداد بالقزوز . اذا السيارة على p ودعست هل rpm ياصل اخر شي ؟ اذا نعم معناه فعلا الطنجره واذا لا معناه دبات التلوث او طرمبة البنزين او حتى صفاية البنزين
سوال انا عندي فتك ٢٠٠٨ تماتيك ٤٨٠٠
عندي الغيار الثالث يعطي فاظي وشريت له قطعه الغيار الثالث وطبقته ميه بالميه والزيت اصلي.
ويعطي غيارات تمام. لاكن فيه ثقل على ٨٠ الى ١٠٠ ؟
لاكن غيارات مايحتاج
هل المشكله من القير. او العزم من ؟؟.
بالنسبه للفتك والله قليل خبره بمكينته وقير الوكاله، كل اللي استخدمتهن مرهمات. كونه بس في هالسرعه بس يظهر تخلي الاحتمالات كثيره ،وعشان تستبعد القير حول تربترونك وعلى السرعه هذي حول رابع اذا كان ثالث اذا نفس الوضع غالبا كهرباء وظفاير الفتك دايما فيها مشاكل.واذا قدرت تفحص كمبيوتر عند واحد يقدر يشيك قراءة الحساسات اكيد بيصيد العطل .
مساء الخير اخي الكريم عندي دسكفري قير تماتيك ركبنا القير لكن الباركنق ما اشتغل معانا
يقولون ادا انفك القير اتمتيك ماراح يرجع زي اول هلا الكلام صحيح ممكن تطلع اصوات طقطقه في مابعد هل الكلام صحيح
صحيح لأنه قليل اللي يشتغل صح، قير التماتيك سهل بكثير من القير العادي والدفرنس و حتى توضيب المكينه، لكن للأسف شغل العماله والورش تعبان وبدون علم أغلبهم. القير التماتيك هو الأسهل والارخص تكلفه بالتوضيب
السلام عليكم
اخوي كم تتوقع سعر طنجرة قير مرسيدسe موديل ٢٠٠٠ ٦ سلندر
عطني سعر تقريبي لان مالي خبره ابدا بالسيارات
والله ولا انا لي خبره بالموديل هذآ ، طبعا فيه المصنع السعودي يجدد الطناجر وأسعاره جدا مناسبه، لكن اشوف الأسعار في اوتو زون بحدود ١٠٠٠ ريال. إذا سيارتك حجم ٣٠٠ غالبا مثل اللي بالرابط هنا:
www.autozone.com/drivetrain/transmission-torque-converter/mercedes-benz/300e
اخوي ابو متعب اغلب المكنيكين ما عندهم وزنية لاني غيرت مكينة Ls1 المهم بعد ما خلصنا كان فيه صوت زي سير المكينه ورجه أسفل القير طلع ع بالي سير المكينه أو جلدة عمود الدوران بعد فترة مع التشغيل انعطج عندي الحذاف وصار يرج ويطلع صوت قَوي وش السوات؟
ماعرفت الحقيقه هل السيارة مرهمه أو وكاله.؟ طبعا بكل الحالات لازم تنزل المكينه وتركب حذاف مناسب والخوف الحين انه إثر على طرمبة القير إذا تماتيك.
السلام عليكم حصلت معي مشكله بالجربكس دخل المطر بالجربكس وسويت له تنضيف بالجهاز وبعدها علق على نمرة الاولي ودقه عند الوقف والحمدلله بعد يومين راحت بس الان عندي تفتفه بالجربكس
حياك الله، والله مافيه شيء معين اقدر احدده.. لو الموقف حصل معي.. الأفياش اللي راكبه بالقير خاصة عند ذراع التعشيق احرص على تنشيفه وتنظيفه، الأمريكي يجي الفيش معزول بماده زي الجاكيت، بحرارة الشسوار تذيبه وتفك الأفياش هذا اذا شكيت انه ممكن عزله كان ضعيف ودخل الماء. الزيت مافيه مجال يدخله ماء بس برضوتأكد.. المرحله الاخيره للتشييك هي حساسات القير.. ممكن من خلال الكمبيوتر يبين اذا فيه حساس فيه مشكله.. توقعي من الأفياش او الحساسات وكلهن عملية تشييكهن ماهي مكلفه
فض زيت القير كامل الطنجره وكلها عن طريق فك المبرد للقير لها طريقه رح الورشه وقلهم يفضون زيت القير كامل ماهو من الكرتير بس من المبرد
ممكن فيديو تركيب قير الأكسنت فرنا
👌😉
سلام عليكم سوال اذا بتريد عندي سيارة دايو اتوماتيك موديل 99تعشق القير تمشي الى الخلف والى الامام لا تمشي
سلام عليكم
اخوي عندي كامري ٢٠٠٩ توني مشتريها مستعمله فيه صوت ونه عند سرعه٤٠الى٦٠ وبعدها تختفي
مدري وش المشكله
ملاحضه القير تماتيك
واضح ان عندك تخوف من القير وعشان تتأكد خله على يدوي وجرب ٢،٣،٤ اذا الصوت بنمره معينه معناه القير واذا الصوت بكل النمر معناه انسى القير وفكر بالكفرات سواء طيس مسامير حاجه جانبيه بالغالب
الله يعطيك العافيه. وان شاء الله بجرب وبشوف👍🏻
اخوي انا عندي نفس المشكلة والونه مستمرة الى 3 بعدها تروح وقالو غير طنجرة هذي مشكلتك هل يكفي أغير طنجرة
ياغالي ممكن سؤال الله يوفقك ويرزقك
عندي كامري 2012 قير اتوماتيك
فيها صوت مثل القرقره في القير اذا انا ماشي واشيل رجلي من دعست بنزين يزيد صوت قرقرة الى توقف السيارة
تبديلات القير في النمر تمام
لكن فيها طقه نمره R ريوس
يبيلك تشيك كراسي المكينه - القير. دام التعشيقات تمام وطقه بكالريوس.. غالبا من الكراسي، العمود.. انا ما اشتغلت على دفع أمامي.. لكن وصفك غالبا من الأجزاء المتصله بالقير غير ثابت او فيه فضاوه ممكن العكوس بالدفع الأمامي
HakeemAlzaman غيرت كراسي مافي فايدة
طلعت المشكله من تروس لان فيها صوت قرقرة اذا هديت السرعة
@@user-bi5li4gj5b
وارد أيضا ولو اني استبعد موضوع علاقة طقة القير بالريوس له علاقه... صوت التروس واضح وأعتقد اي فني عنده خبره معقوله يميزه.. وغالبا زي صوت الكرونه او ونين.. الا اذا إلا مور واصله مرحله كبيره وصاير تكسير
HakeemAlzaman صوت الطقه اذا عشقت ريوس حتى تهتز السيارة مع الريوس مثل طقه العكس
لكن المشكله عندي قرقره صوتها يزداد الى اسرعت
وتخف معي الى توقف السيارة حطيتها N وانا ماشي وباقي الصوت موجود حتى طفيت السيارة وخليتها تدحدر مع نزول وهي طافيه على نمره N والصوت موجود قرقره مثل صوت عمود الكرنك
HakeemAlzaman صوت الونه عند تبديل النمر يطلع صوت ونه على احتكاك
ما شاء الله شغل نظيف ومرتب الله يرزقك ويبارك لك، عندي رجفه او رعشه فالسيارة اذا هديت تحت سرعة ال 40 يعني على 20-25 تجي فالسيارة رعشه خفيفه لمدة ثانيه او ثانيه ونصف وتختفي اذا رجعت السيارة نمرة هل ممكن تكون بسبب الطنجرة مع العلم ان كل شيء فالسيارة سليم من ناحية زيت قير وتبديلات وحرارة قير وكل امورها ممتازه القير 6l80
ياخوي يستحي الواحد يتكلم في حضرة 4l80e ، ماضن المشكله في الطنجرة لأنه غالبا تكون مستمرة ، اللي عندك والله صعب احكم عليه .عدة اشياء افكر فيها بس ممكن تكون مسألة برمجة بين الثرتل والقير ، بس ابيك تجرب اول ما تشغل تمشي و تهدي والحرارة بعده باوله هل تصير معك أو حتى ترتفع حرارة القير . لكن بشكل عام مؤكد ان الطنجرة ماله دخل واذا ماهو من البرمجه فالخلل يكون غالبا من الصوف في بلوف القير او حساساته
@@HakeemAlzaman والله ياغالي ما ادري المشكلة هذي حيرتني وعرضتها على اكثر من شخص وقالوا حتى ماقد مرت علينا وحتى ملاك نفس السيارة قالوا ماقد مرت علينا هذي المشكلة ابداً ، وبخصوص الطنجرة للامانه ماعندي ولا علامة من علامات تلف الطنجرة غير الرجفه اللي ذكرتها لك فوق يعني اذا كانت السيارة بترجع من 3 الى 2 او من 2 الى 1 وتحت سرعة ال 40 ترجف السيارة بشكل خفيف قبل الغيار العكسي ولمدة ثانيه الى ثانيه ونصف مع ان القير يبدل طبيعي وبكل اريحيه وسلاسه ويرد نمر وكل شيء تمام لكن الرجفه هذي هي المشكلة، هل ممكن كرسي القير او العضلات تسبب مثل هذي المشكلة؟ لانها كلها حقت شد المصنع ماقد تغيرت ولكن كلها متماسكه وبالفحص المبدئي مافيها مشاكل جلدها كويسه ومافيها تقطع بصراحه انا والله احترت لو قلت ببدل كل الاشياء المحتمله اللي تدخل فالموضوع ف بيكون الموضوع جداً مكلف، واخر حل توصلت له اني امشي على السيارة اما انها تمشي على خرابها او يبين معنا العطل مع الوقت ويتم اصلاحه😅
سلام عليكم كل عام وانتم بخير عندي القير يطرش الزيت من عند العيال والقير يقفل لازم اوقف واطفي الموتر واشغله من جديد وش السبب
اذا انا فهمت صح تقصد يطلع الزيت مع العيار ويقفل القير، الاغلب عندك تهريب بدئرة ضغط الزيت وممكن سدد بالمواسير تأكد منهن
HakeemAlzaman المواسير كل شي تمام
@@rosros3452
اذا بالدمام ممكن ارسلك لورشه وممكن حتى امر بنفسي اشيك عليها، لكن الغالب عندك فقد بضغط الزيت اكيد
انا بالدمام شلون اتواصل معك
@@rosros3452 ابدا حط رقمك واتواصل معك وامسح الرقم مباشرة
عندي مشكلة في القير سيارتي تشارجر 2012 5,7
من الثالث للرابع التعشيق يطول واذا عشق كانه واحد صادمني من الخلف ، ياليت لو تقدر تفيدني اخوي اكون لك من الداعين والشاكرين 🙏🏻
والله ياخي على قل خبرتي بالتماتيك، لكن فيه اشياء اساسيه يفترض تتأكد منها، اهمها زيت وفلتر القير، هي مشكلة في صمام الثالث وساخة الزيت ممكن تسبب هالشي وكذلك للأسف ممكن تكون مشكله في مخ القير لانه فيه مثل الكور الصغيره تفتح وتقفل الصمامات فا احيانا تتأكل ولازم تتبدل وتجي كل الأشياء هذي مع كت التوضيب، حساس السرعه بعد ممكن يعطي مشاكل مشابهه. الأفضل تبداء بالاسهل وتلاحظ التغير. لكن إذا توفقت في ورشه فاهمين اعتقد بيوفر عليك التكلفه ويعطيك السبب بعد اختبار السيارة.
LIKE مشكلتك كهربائيه..الفيشه الرئيسيه مع تقسيمه توجد بجسم الجير.لازم تقسمهاعندالكهربائي..وخلاص
انا عندي سياره ديزل تماتيك وتشتغل وماتمشي غيرت الطنجرة ويمكن ماعرف يركبها او إيش السبب
الخوف انه خرب الطرمبه لما ركب الطنجره ، الطرمبه هي تقريبا السبب الوحيد اللي مايعشق على فرض ان الكهرباء تمام ، اما الطنجره دام فيه زيت فهي بتخلي السيارة تمشي حتى لو بطيئه والكهرب و الحساسات اي عطل فيهن غالبا تحصل القير يعشق بنمره معينه
البطيخه طقتها الثانيه تركب السنتين حقة البطيخه في طرمبة القير الداخليه في القير ولو ماركبت مزبوط وركبت القير تنعدم الطرمبه الداخليه
السلام عليكم اخوي
انا عندي رافور ٢٠١٣ اذا مشيت بالموتر على سرعة ٤٠ الى ٨٠ تحس بهزه كنك على مطبات ماشي والتنقل بين النمر ممتاز مافي اي تفوية اش السبب الله يسعدك مع ان الهزه مو ذاك القويه حاجه خفيفه وتروح
الهزه استبعد تكون من شي له علاقه بالقير ولا حتى الجنوط الا اذا طعج، الهزه على سرعه منخفظه ممكن يكون تحبيل بالكفر أو عمود دبل صليب وحتى شغلات مانهتم فيها تسبب مثل طيس الجنط أو مساميره. الأفضل ترفع السيارة وتعشق والفرات مرتفعه ويقدر بسهوله الفني تحديد المشكله
رحت عند اكثر من مهندس قال لي الطنجره تحتاج تغير وفيه معندس ممتاز معروف قال لي دام الهزه بسيطه خلينا نغير زيت القير على لتر واحد كل اسبوع تشوف كيف اذا زبطة خير واذا ما حصلنا على نتيجه من تغير الزيت نحتاج نغير الطنجره
@@user-ic3mc8oo1h
اذا متأكدين انه من الطنجرة، انصحك تركب المنتج هذا
www.amazon.com/gp/product/B0002JMLQU/ref=as_li_tl?ie=UTF8&tag=mechaniclifestyle-20&camp=1789&creative=9325&linkCode=as2&creativeASIN=B0002JMLQU&linkId=ae4ca5df0b97280682463f80dc5514b7
يسخن ويضاف مع زيت القير.. ولو انه تعتبر حلول مؤقته والأفضل تغيير الطنجرة. لكن المنتج هذا تقدر تجربه قبل تغير الزيت، إذا شفت فيه تحسن، تنتقل إلى مرحلة تغيير زيت القير واظافة علبه جديده من المنتج أو الخيار الثاني بتغيير الطنجره. بس على الاقل عرفنا انه فعلا المشكله من الطنجره. ما ادري حقيقه وين يباع المنتج غير أمازون بس جرب ترايستار ممكن تحصل
اخووين م قع ورشتك وهل جير توضب جير جمس،٤ نمرmt14l80.كم بكلف تقريبا
اضن تقصد 4L80E اربع نمر . على كثر قطعه وكثرة التعديل عليه لكن يخافون الورش من توضيبه. قطع توضيب كت كلتشات بحدود ٨٠٠ وترتفع إلى ١٠ آلاف ريال عشان توصله ١٠٠٠ إلى ١٢٠٠ حصان .
انا ماعندي ورشه . واذا انت بالشرقيه بشوف لك واحد سواء توضيب وكاله او توضيب تعديل .
يعطيك العافية ويقويك يارب...
ماشاءالله عليك
اذذا لفيت الدركسون للآخر يطلع صوت طقطقة... رحت ورشة هيدروليك قال ماعندك اي مشكلة في اعمدة التوازن بشكل كامل وقالي مشكلتك ميكانيكي...
رحت للميكانيكي بعد الفحص ورفع السيارة
قالي طنجرة القير لما الف الدركسون يصير ضغط عالي ويطلع الصوت بالإضافة لما اشغل المكيف يزيد الصوت... بشكل خفيف....
هل تتوقع من الطنجرة...
الان جيت من الصناعية؟؟؟؟
ايش الموتر ،هل هو جمس؟
السلام عليكم ورحمة الله وبركاته
عندي تاهو 2008 اغير زيت القير مع الفلتر بانتظام ماشي 180 الف فيه نتعه من الاول للثاني اجي احياناً علماً ان كل التغييرات سليمه والعزم تمام
عمر القير الافتراضي عشان يتم استبدال طقم اصلاح ١٠٠ الف ميل يعني ١٦٠ الف كيلو، النتعه ماهو دايما سببه نحتاج تبديل طقم اصلاح او ما يسمى توضيب، احيانا حساس النمره. انا ماني جيد بقير التماتيك لكن قبل اسبوعين زميل نفس موترك ومشكلتك ارسلته لورشه وفعلا غيرو حساس وبرمجه اعتقد وضبط معه
@@HakeemAlzaman ابو متعب رحت للورشه كان عندي مشكله بالقير صلحوه ونزلو القير وردو ركبوه والسياره علي ممشي ١٢٠ يهتز القير واحس بالاهتزاز تحت كرسي السايق ودفعت مبلغ وقدره والمشكله هذي ما كانت موجوده قبل قلت لهم قالو مشكله بعمود القاردن مع ان عمود القاردن مافيه اي مشاكل تنصحني بشنو
@@eisaalshammeri6981
لا بد ما يعرف السبب ، ممكن يفصل العمود بعد القير ويجرب ، لكن اذا فعلا الملاحظه ماهي موجوده قبل ينزلون القير ، فا اكيد مخطين بتركيب العمود . لانه موزون وبعض الورش يتهاون باتباع الطريقه الصحيحه ، اعتقادي مسألة شد بس للعمود اذا فعلا مافيه اول شي
@@HakeemAlzaman يعني اخليهم يشدون عمود القاردن بدون ما ينزلون القير مره ثانيه عدل
@@eisaalshammeri6981
من بعد القير ، العمود يبدا بعد القير ويفكونه اذا جو ينزلون القير فاحتمال ماوزنوه صح واذا الموتر دبل تبين الرجه تحسه تحتك وعموما. رجة العمود مع السرعه تزيد مع السرعه
عندي استفسار لو تكرمت وهو هل يركب قير تماتيك حجم 350او 400 من الموديلات القديمة حق سيارات كابرس موديل من 80الى 90 علي قير تماتيك حق . دبل لشفر موديل 82 وشكرا مرة أخرى
والله قليل الخبره بالموديلات هذي، لكن قير للدبل يختلف عن اللي بدون دبل يجي أطول العمود، طبعا يتغير بس لازم فك القير وتستبدل عمود الخرج من القير بآخر حق دبل وهذا يعني تقريبا توظيب لأنه بتفك كل شي
@@HakeemAlzaman شكرا جزيلا لك على هذا التوضيح وأتمنى منك عرض عمل عن الدفرنسات الدبل النوع القديم من حيث ارقام الكرونة والقوة وشكرا مرة أخرى
كيف اتأكد اذا الطنجره خربانة لان عندي رجه على ٨٠ واذا دعست تروح تاهو ٢٠٠٧
ما اعتقد له اي علاقه بالطنجره ، رجة الطنجرة ماهي مرتبطه بالسرعه وتبين والسيارة واقفه ، وعلى سرعة ٨٠ غالبا بالكفرات او الجنوط ويفترص تبين بحدود ٠١٢-١٣٠
@@HakeemAlzaman الله يعطيك العافيه ماتقصر ياغالي
طبعا لسى ماشغلنا السياره وفكت السلك وجربت اللسان بالزراديه وبرضه مامسك الباركنق
نظام الباركنق تقريبا مستقل عن باقي القير ، فيه نظام بلف وذراع ميكانيكي يمسك باللسان.وارد ان المشكله بالجزء الميكانيكي اذا احد فاك valve buddy او مايعرف بمخ القير ولا ركب الذراع بطريقه صحيحه. انا ما اشتغلت عليه لكن كل قير التماتيك فيها نفس الفكره
@@HakeemAlzaman فكينى الطرمبه فقط
@KING-pb6dd
اذا كان شغال قبل فك الطرمبه ،اكيد المشكله بعد الفك وخطاء معين يحتاج شخص مشتغل او عنده مخطط القير ،لعل احد المتابعين يفيدنا لاني فعلا أجهل السيارة هذه تماما .
اخوي الغاالي تركب بدون زيت عادي لما تركب وتعبي زيت للقير الطرمبة الداخليه هي تعبي البطيخه . تتعب نفسك كذا . بعدين ما عمري سمعت ان البطيخه ما تطبق على الحذاف .
الزيت هذا ماهو تعبي، هذا بس عشان صوف الطرمبة وتقليل الاحتكاك عند تركيب الطنجره. البطيخه أنواع حسب المحركات وأنواعه والقير وأنواعه، الطنجره عندي بين مكينة جمس وقير كابرس فالازم امشي على الخطوات حقت المصنع.
فيديو حق سياره ماتيز
عندي رجة غريبة جداً فحصت السيارة من الى كلها سليمة لكن ذي الرجة جننتني فحصت عند حقين القيور قالولي طنجرة اكثرهم يقولون طنجرة بس مادري اصدق او لا القير كل شي تمام تبديلات النمر كويسة وسلسة بس الرجة تجيني من ٧٠ وتخف على ١٤٠ مادري وش السبب واحس عزم السيارة ضعيف بسبب القير وش الحل فيدني بالله
دام على السرعه اللي تذكر تظهر، صراحه استبعد الطنجره، لكن جرب رفع السيارة ونزل الكفرات،وادعس إذا باقيه الرجه يبقى العمود والصلبان، لكن اتوقع إذا فكيت الكفرات تستبعد أكثر أسباب الرجه
HakeemAlzaman - - أبو متعب الرجة كذا تجي كنها رعشة والصلبان فحصتها والعامود سويت له وزن وترصيص ماعتقد من العامود لانه على سرعة ١٤٠ تكون شبه مختفية
المفروض قبل لاتشتغل بشي تشوف فعلا هل الرجه منه واضحه أو لا، الأفضل ترفع الكفرات ويمر واحد يفحص من القير للدفرنس وتخلي السرعه عند نفس المستوى مثلا ٨٠...لازم تكون واضحه وواضح السبب، هذي أفضل طريقه بدل ماتخسر. حتى القير أو الطنجره رايح تبين بالعين إذا الرجه منه أو من شي اخر
HakeemAlzaman - - أبو متعب يبغالي والله اشيك بذي الطريقة بس عندنا ناس ماتخاف الله يصرفونك اذا ماعرف يشخص المشكلة
السلام عليكم اخوي معي جيب لاندكروزر2011 توناتيك وطلع معاي رجه ع سرعه 40 الي 60 وبعدها تختفي مع العلم ان الاطارات كويسه ومغير زيت القير والفلتر وللاسف ماراحت الرجه ياليت اخوي القى عندك حل ✋🏻
حي الله البناخي..
الرجه العلميه او الهندسيه تجي 80-120-160 هذي اللي غالبا تجي بسبب الجنوط الرجه على السرعه المنخفضه غالبا سببها التاير نفسه فيه تحبيب.. او مثل البالون. لو السبب ميكانيكي مثل في العمود سواء الدبل او الكردان ماتختفي حتى لو اختفت مثلا بعد 60 لازم تظهر بسرعه اعلى.. جرب اذا احد عنده مثل موترك تبدله بالكفرات وهي غالبا البنشري الجيد بسهوله يعرف اي تاير فيه المشكله اذا السبب التاير
السلام عليكم
هذا عيب مصنعي من م 2008 الى 2011 موترك سليم لاتعبث فيه
هل غيرت طبة الرديتر لان اكثر ماتجي بعد تغير طبة الرديتر بسبب نقص زيت القير عند فك الرديتر وفك مبرد القير
@@HakeemAlzaman -
@@HakeemAlzaman .
انا عندي كورولا مديل ٢٠١٥ وبي اغير اصوفه الي بين المكينه ولجربكس وين ورشتك
انا ماعندي ورشه، والصوفه اللي بين القير والمكينه ترى ماهي قضيه كبيره، معظم الورش يركبون، احرص على القطع اصليه و نظافة شغل الورشه. والأهم اعرف سبب تلف الصوفه، شيك كراسي القير والمكينه مهم جدا
@@HakeemAlzaman بيض الله وجهك ماقصرت تم التركيب والحمدلله
السلام عليكم اخي إذا كان فلاوين السلف اعوج هم يطلع صوت بل طنجرة
تطلع ارتجاج قوي حتى والسيارة على البارك راح يكون اهم من قضية الصوت
مساء الخير يابو متعب
وشلون ناصلك لو بعد العيد ؟
ياهلا والله، انا والله حاط القناة اساسا المعرفه وبرجاء الأجر.. ولا هذا عملي. حط لي رقمك واتواصل معك واتس بأذن الله
HakeemAlzaman - - أبو متعب اخذت الرقم يابو متعب ؟
لاني مسحته
@@leader550
نعم ثواني واتواصل
الله يكتبلك الاجر ويجزاك خير
والله يرزقك من واسع فضله
اخي ان غيرت الطنجرة بس ما لفت من الورا لكي اضبط البراغي الحل من فضلك
عذرا كنت في سفر ، الف يكون من جهة بكرة المكينه والقير يمكن عندك على p
عندي كامري 2017 اخذتها وهي ماشيه 11الف
ومن يوم اخذتها وعني صوت حنه على سرعت 140 اذا لفيت يمين على نفس السرعه تروح..
غيرت رمان امامي ولا طلع منه.
انت بحسب خبرتك وش ممكن يكون من القير ..
مع العلم ان السياره ماشي الان 50الف وزي ماهو لازد ولاشي ..
ولك مني جزيل الشكر ..
واسف على الاطاله..
ارجو الرد
ارجو الرد
والله ياغالي صعب علي لان مجالي اكثره بالتعديل، لكن اكيد القير ماله دخل، اذا تقدر تمر العضيب هم متخصصين ويعطونك ضمان شهر والكشف مجاني.
هل تلف الطنجرة يؤدي إلى ارتفاع صوت السيارة وعدم السحب ام لا
تعطل الطنجرة يضعف العزم، وبالتالي يرتفع صوت السيارة، وتصبح ضعيفه في السحب او مانسميه القومه لان العزم لاينتقل بالكامل إلى القير.
نعم صحيح
إذا فكت الطنجرة هل لها وزنية معينة أثناء الإرجاع
طبعا ، والمقطع صحيح قديم بس ذكرنا فيه اهم ما يفترض التأكد منه سواء طريقة التركيب او الخلوصات المهمه
@@HakeemAlzaman
بارك الله فيك ونفع بك وكل عام وأنت بخير
حبيب الغالي معي سياره كابرس ٢٠٠٨ /٦ سردنل تعشيقاته كويسه لكن خربة علي طنجرة القير والموتر صار يتفتف ويقطع وهي من اول خربانه عندي طنجرة القير وفي ورشة عندها طنجره مجدده تنصحني اغيرها ولا اغير جربكس كامل
التفتفه ممكن سببها كهرباء قد تكون مرتبطه بالطنجره او القير ، مثلا اشارة بسبب العطل تقطع البنزين ويرجع حقيقه يبي له فحص كمبيوتر ومعرفة ايش الاشارة اللي تفصل او تقطع البنزين ،
اما القير التماتيك كاقطع وشغل مافيه شي يسوى قطع توضيب كامله ٣٥٠ ريال واكثر الورش يستخدمونها ونوع اقوى ب ٨٠٠ تقريبا ، اما الطنجره كله مصلحه ولا فيها مشكله اذا تصليحه بالمصنع السعودي
السلام عليكم ممكن توضيح عندي اكثر من مشكله بالكير (الاولى) رجة مع الدعس القوي (الثانيه) في الصباح فقط عندما يكون الكير بارد ما يعشق D كا نما مافي زيت (الثالثه) في الدعس القوي يفقد القوة يرتفع ال اربي ام بدون انطلاقه للسيارة نوع السيارة كراون تويوتا
نروح للشيء الواضح بالاول، مادام يرتفع rpm ولكن التسارع بطيء ،مؤكد طنجرة القير وهي أيضا لها علاقه بالرجه ،
شكرا لك
السلام عليكم أخي.. عندي سؤال إذا ممكن تجاوبني واحتمالاته. هل يمكن تركيب الطنجرة على المحرك بدل القير. مع تدوير العمود المحوري للمحرك عند تركيب القير ودخوله في مكانه .
والله ما سبق جربته للأسباب التاليه، طرمبة الزيت تحتاج عنايه لما تركب الطنجره اي ضغط حمل ممكن يتلف الصوفه، اخر مسنن تركب فيه الطنجره هو اللي ممكن يسمح لك تحركها من العمود الجهه الثانيه للقير، فا مستحيل تقدر تلف العمود من الخلف عشان توزن تركيب الأسنان بالطنجره من الامام لانه ما راح يدور وانا مش متأكد لقلة عملي على التماتيك. لكن جميع المصنعين كلهم بنفس الخطوات المعتاده وفيه قياسات لازم تتأكد منها عند تركيب الطنجره كلها صعب تسويها لو شديت الطنجره للمكينه بالاول.
@@HakeemAlzaman أخي أنا قمت بتركيبها بهذه الطريقة رغم صعوبتها . والحمد لله. الكل تمام . السيارة تتحرك عادي . لكن هناك مشكل بسيط عند وضعية R وP تسجلها على شاشة السيارة لكن عند وضعية D لاتسجلها على الشاشة. رغم أن القير الذي قمت بتركيبه اشتريته من أحدهم وقال انو وضعيته جيدة . فهل المشكل ميكانيكي او إلكتروني.
@@ghaliabdesettar6375
اذا تعشيقات D تمام كلها وحتى N معناه احتمال مشكلتك بالكهرباء، لو الطنجره او القير فيها مشكله D ما يمشي كل التغييرات..
@@HakeemAlzaman شكرا أخي الكريم.
اخي ان غير الطنجرة بس ملفت من الورا لكي اضبط البراغي
للمعلوميه
اي سياره قير تماتك
تفك تفك فصلة السرعه
او تعدل برمجة الوقود لزياده السرعه
تروح الطنجره تدريجيا
موقع ورشه تبعكم وين يالغالي
اهلا اخي الكريم وكل عام وانت بخير، هذه قناة تعليميه بالأساس وكل الأعمال خاصة بسيارتي وفي منزلي . تحياتي
عندي استفسار لو تكرمت عندي قير تماتيك حق شفر دبل إذا عبيت زيت يطلع خارج القير واذا عبيت زيت السيارة تمشي واذا مافية ماتمشي هل اوظب او اركب طنجر هل العطل من الطنجره او طربمة الزيت حق القير
الغالب صوف طرمبة زيت القير، بالعاده طقم إصلاح الطرمبه رخيص بحدود ١٥٠ ريال. بس طبعا لازم ينزل القير، وغلط كبير تمشي وفيها هالمشكله لأنه ممكن تسبب مشاكل أكبر.
@@HakeemAlzaman شكرا جزيلا لك على هذا الرد السريع هل تنصح اركب قير عادي افضل او اصلحه توصيب كامل 3000 ريال او وطربمه وطنجره 1400 ريال
ملاحظة السيارة موديل قديم مكينة 350 والترهيم سهل وشكرا مرة اخرى
@@user-nk9sx9lb4x
انا مع التوضيب للمستخدم، حرص يكون شامل الكلتشات كله و وجميع ربل الدسكات وتبديل قطع مخ القير . الطنجره مجدده غالبا ٤٥٠ طقم إصلاح كامل بمافيها الطرمبه والكلتشات مايتعدى ٧٠٠ ريال. ترى جدا رخيصه تكاليف توضيب القير الموديلات من ٢٠٠٠ الى حتى ٦ نمر.
@@user-nk9sx9lb4x
القديم قبل لايدخل الكهرب بالقير، أكثر وارخص قطع وأقوى، من ٩٦ وفوق تقريبا كله كهرب وفيه موديلات يمكن أقدم كهرب. لكن القطع الاساسيه من كلتشات و طرمبه و أشياء كثيره ماتغيرت واجد
ابو متعب عندي جمس قيره ٤٠٠ اذا عشقت ريوس وهو حار يقع والصليب سليم
فيه تيربو ٤٠٠ إذا قصدك؟ عموما فيه قطعه زي البستم فيه صوفه ربل تعبانه فا مايمسك الضغط ويسبب الطقه هذي
@@HakeemAlzaman المشكله في القير والموتر بنزين والمقصد القير مقاسه ٤٠٠ اذا عشقت ريوس تعشيقته قويه ينفض بالموتر
@@Khaled-ee1it
هو اسمه ٤٠٠ تيربو القير وفيه ٣٥٠ نزل على موديلات آخر السبعينات والثمانينات، TH400 انا قصدي هذا، بس عموما إذا طقه قويه من بستم الريوس وفيه ناس تسميه سلندر اما اذا تطول ممكن من سير الريوس، يختلفن القيرات وانا اتكلم عن مبداء عمل معظم القيرات غالبا كذا ولو ترسل رقم القير أو موديل وحجم ألموتر أهون علي بالرد
السلام عليكم ورحمة الله وبركاته اخي عندي سياره النترا موديل ٩٢ كير اتوماتيك عندي بيه مشكله من ادعس وقود ما تنمر للنمره الثانيه اله اشيل رجلي عن دواست والوقود تنمر ثاني ومن اضغط وقود ترجع على الواحد يعني للنمره الاوله شنو السبب ارجو الرد تحياتي لك..
بالرغم ماعندي خبره بالسيارات هذي ،لكن فلسفت قير التماتيك وحده، الكمبيوتر يشوف دعست رجلك ويشوف دوران المكينه ،احيانا يكون السبب حساس السرعه بالقير هو يشوف السيارة ماتمشي فايرجع النمره وأحيانا دعستك للبنزين يشوفه من الثرتل كم نسبتها فأذا حساس فتحت الهواء أيضا خربان يخربط تبديل القير. الاسهل تفحص كمبيوتر ويطلع عندك اي حساس بالضبط فيه المشكله.اذا ما عندك يحتاج تشوف ظفيرة الثرتل وتفتح غطا زيت القير تختبر حساس السرعه..السيارات الحديثه عشرات الإشارات تتحكم بالقير مثل البي ام ضغط هواء الكفر والتويوتا حتى لمبة البريك تسوي زي وضعك لذلك أصبح فحص الكمبيوتر لابد منه بالسيارات الحديثه
@@HakeemAlzaman شكرا لك🌹
هل فعلا الطنجره تحتاج تغيير كل 250 الف سييرا 6 غيار HD
القير الأمريكي تستغرب انه مصمم إلى ١٦٠ الف كيلو ويفترض فتحه وتغيير كت إصلاح وكشف انا مالي بتوضيب التماتيك بس الطنجره من الأشياء العمره ولكن مع كل توظيب تغييره افضل.. وساخة الزيت تعجل بتأكله
سمعت فعلا ان الواحد يغيرها حتى لا يصل الرايش منها للجير لانها استهلكت
انا سيارتي كيا ريو موديل 2015
يوم جا يعبي زيت القير قام يطلع من عند العيار فقالي الفلبيني يبيله طرمبه زيت القير
بالرغم ان ماعندي والله خبره كبيره فيها بس غالبا صوفة الطرمبة وفعلا اتوقع تنباع كامله مع الطرمبه.. الأفضل طبعا تشرط ضمان شهر على الاقل
السلام عليكم اخوي حصلت عندي مشكله بعد ماوديت سيارتي ع الورشه ب اختصار غيرت كارتير مكينه و صوفه المكينه الخلفيه ولابد من تنزيل القير وفك الحذاف بعد ماركبو كلشي صار فيه صوت قوي فالمكينه مع رجه بس من داخل السياره خليت السياره عندهم اسبوع بدون اي فايده قالولي مكينتك خربانه او مخبطه احنا شغلنا تمام مافي اي خطا فالتركيب وسحبت السياره من عندهم بدون م احاسبهم وانا ماشي القير صار يفصل اول م يغير ٤ و قد وقفت علي السياره بنص الخط كأني ضاغط بريك بقوه
الخوف انه فيه غلط بوزن وشد الطرمبه و هذا يسبب الاهتزاز كل السيارة ،كذلك اذا كراسي القير ماهي مشدوده صح ، هذا يتلف طرمبة القير . بس مسألة ان الرابع يمسك بريك، هنا فيه مشكله ميكانيكيه بالقير . تحتاج فعلا واحد خبير ومن الصعب من خلال محادثات تحديد ايش المشكله. موضوع شد الطنجره والحذاف والكراسي سهله ، الإشكالية في تعشيق الربع اكبر
@@HakeemAlzaman شكرا على الرد بس فيه نقطه بسيطه م فهمتك هيا : قبل الفك والتركيب كان الوضع تمام مافيه اي تاخيرات بالغيارات المشكله ذي ظهرت بعد تغيير القطع والقير نزل من مكانه م فك القير نفسه
وبعد التركيب دقه السلف صوته غريب كانه جوا السياره
وفيه تهريب مويه بين المكينه والقير وصوت الاحتكاك القوي واذا وصلت سرعه ٤٠ او ٥٠ يغير الرابع و يفصل كامل ومرتين فصل عليا نهائي كاني طافي السياره وعداد السرعه صار ٠
ما اقول الا حسبي الله ونعم للوكيل في هيك ورشه 😭
الصوت والرجه من ناحيه المكينه من ورا اكثر شي
وفيه صوت طقطقه بين الغيارات اذذا كنت ماشي بشويش
والاصوات كلها تطلع من ناحيه الطبلون او خلف المكينه ان شاء الله تكون فهمت عليا
تتوقع خطا فالتركيب او خربو الحذاف ؟
@@MTNRFZ-_seedamed
بنسبه كبيره شد الطنجره او الحذاف غلط وربما فيه مسمار او اكثر اما مغير او منكسر ، الماء اللي تقول عنه ممكن من المكيف ما اعتقد له علاقه الا اذا ماء الراديتر ينقص.. حاول تشوف مختص قبل لا تنعفس الأمور بزود ،الله المستعان
اخي الكريم عندي هوندا جاز الاتوماتيك موديل موديل ٢٠٠٤ على المشي بصير معي ارتفاع صوت الرون ويصير يرمش عندي على التابلت D وما عاد تمشي ممكن عطل كهرباء ياريت تفيدنا لوسمحت
طبعا انا مش كل سياره اعرفها لكن افهم عمل الانظمه الكهربائيه والميكانيكيه وغالبا كلها نفس المبداء، الواضح ان القير يروح لخانة الامان وينبهك من خلال الترميش للخانه D . اول حاجه شيك الزيت هل فيه ريحة حرق، اذا كان لا يفترض تغيير الزيت والفلتر لان انسداد الفلتر يسبب مشاكل مشابهه، وفيه خطوه تريحك لو عملتها وهي فحص كمبيوتر للقير لان اي حساس او بلف ممكن يسبب المشكله. كل الاعمال اللي ذكرتها ماتحتاج تنزيل للقير. اما اذا فعلا فيه ريحة حرق بالزيت معناه لازم يتفك. انا ما سألتك اذا التعشيق اليدوي يقبل ام لا، لكن لو تلف بكلتشات القير يفترض نمر الاول والثاني مافيها تمشي السياره واحيانا ثالث ورابع اما الكل فامؤكد بحساسات التحكم معناه
@@HakeemAlzaman اخي الكريم فحصت كمبيوتر وما طلع شي الله وكيل وحاليا حجزت دور بل الشركه مشان تغير الزيت والفلتر وانا مقيم باروبا وان شاء تنحل المشكله اخي اذا ما مشي الحال شو بكون غير هيك عطل إذا فيك تفيدنا
@@menyar4444
اخ حسن، هل اشارة check engine تظهر معك ،الامر الثاني عداد السرعه شغال لم تصير معك المشكله يعطي قراءه، اذا فيه علامة المحرك اعتقد بنسبه كبيره انه حساس السرعه بالقير. لكن حساسات اخرى تسبب اعراض مشابهه وما يحددها الا فحص جهاز خاص بالقير واشارة d مثل ماقلت لك اي مشكله بالقير تظهر تأشر ، لكن ابدا مو مشكلة ميكانيكيه.
@@menyar4444
اللي فحص لك اكيد فحص بجهاز غير مناسب، والمفروض ياخذ السياره لفه حتى يظهر العطل. ابدا ما كان مجتهد بشغله، ومؤكد انه فيه انذار
@@HakeemAlzaman اخي الكريم على المشي السياره بطلع صوتها عالي ويرمش Dعلى التابلت ولمضة تشيكين بتظهر على التالبت وما عاد تمشي غير شيل رجلي عن دواسة البنزين لحتا تمشي او طفيها لحتا تمشي وهلق حجزت مشان الزيت بلكي على الله تنحل المشكله ويطلع الزيت
انا غيرة قير لكرايسلر وعندي رجه وابي احد يعرف يشتغل ممكن تخدموني للي يعرف ورشه جزاكم الله خير
ورشتك فين
عندي دسكفري ٢ كيف اعرف مقاسات الطنجره
للأسف لازم اما تحصل المعلومات من الكتالوج الفني او بالنت ،أو بالمقارنة مع قير وطنجره أخرى نفس الموديل
@@HakeemAlzaman وش اكتب في النت بالضبط الله يحفظك
@@KING-pb6dd
موديل سيارتك مثلا l
discovery 2 land rover transmission rebuild
@@HakeemAlzaman تسلم بارك الله فيك
مساك الله بلخير وشحالك عندي ياطويل العمر فهايلكس ٩٩ نتعه فالنمره ( ٢ ) ولاعندي اش بلاها انكان لك خبره فافدنا لاهنت
مساء النور والسرور، اتوقع انه قير عادي، اذا هو عادي ولا فيه صوت أو صعوبة بتعشيق ٢ ماتوقع القير له علاقه. صعب والله توقع السبب بدون فحصه، لأن الهواء والبنزين وأشياء أخرى له علاقه،. لكن اميل لمشكلة بعملية الاحتراق واستبعد القير
HakeemAlzaman ايه قير عادي
HakeemAlzaman احتراق ايش ؟؟؟؟
@@user-el8gd2cn9z
الاحتراق الأشياء المتعلقه بالاحتراق، بنزين، هواء،شرارة. اي خلل يسبب كتمه احيانا تشعر انه نتعه وهي احتمال كتمه بعد ما يرتفع rpm او تسخن السيارة احيانا تروح. اتوقع من ٣ إلى ثاني ماتظهر معك لأن rpm مرتفع يكون
السلام عليكم
اللي له خبره بالفياجرا
معانا وحده ٢٠٠٥ اس ٣٥٠
تونا ماخذينها عدادها فوق ٤٠٠ ألف
المهم غيرنا جربكسها قبل كم شهر
و امس البارح فاجئتنا بالجبروكس
والزيت كنا مشيكين عليه والسيارة ما تمشي الا وسط بلد فقط
لكن اللي له خبره ياليت يفيدنا ايش المشكلة وايش السبب
الحين جربكسين راحت ويبيلها جربوكس جديد
والله يعين
والله ياخي استبعد الا اذا فيه سدد بدائرة تبريد القير ، واحد وقفني وكان معي ٧٥٠ بي ام قال هذا ثاني قير اغيره ، شيكته حصلت مقاس احد الكفرات مختلف فالقير بهالحاله مايعشق الا إلى ثالث ، وكذلك واحد حصلتهم يدفون سيارته ومعه زوجته ومتبهذل قالو القير مخبط شيكت الأعطال طلع احد مساعدات الهيدروليك ، ان كان عندك فعلا تلف فهو اما سدد بدائرة التبريد او التماس بظفيرة القير لكن قبب كل شي تأكد انه عطل ماهو نظام الأمان زي البي ام
@@HakeemAlzaman
المشكلة اللي صارت لنا متشابه
المره الاوله كانت على الجربوكس القديم
السيارة ماشية طبيعي ولكن بعد ضرب الفرامل وتوقف السيارة عند الدوار فصل القير
تدعس بنزين بدون استجابة للقير
الغريب انه بعد مدة من تطفئة السيارة
عندما شغلناها مره ثانية والسيارة بارده عشق القير ومشى طبيعي ولكن مدة محدودة جدا وبعدين يفصل القير
المره الثانية نفس المشكلة كنا ماشين ولما وقفنا عشان مطب فصل القير ونفس الشي بعد مدة من تطفئة السيارة ولما يبرد القير شغلناها وعشقنا رجع الوضع طبيعي ويادوب وصلناها البيت ومباشرة فصل القير
وهي الآن على هذا الوضع لما تخليها مطفيةوترجع تشغلها تمشي معاك لكن بعد مدة يفصل القير
@@rockpigeon992
هذا يعني ان القير سليم ولا له علاقه ، عندك اما ان حرارة زيت القير ترتفع فالكمبيوتر يفصل التحكم بالقير ، أو ان حساس يعطي إشارة غلط للكمبيوتر ويفصل الكمبيوتر القير ، مر ميكانيكي يشيك حرارة زيت القير ،كهربائي يفحص بالكمبيوتر اذا فيه حساس يعطي قراءه غلط للكمبيوتر ،القير مؤكد سليم والا ما عاد طبيعي
يعطيك العافيه يابومتعب وشغل ماعليه غبار
وين موقعك الله يعافيك
حياك الله يافهد، حولك مكاني بالدمام، اي استشارات حاضرين فيها بس ترى ما ني راعي ورشه واي مساعده ابشر
HakeemAlzaman - - أبو متعب
الله يبقيك يابعدي
عندي دينالي ٢٠٠٩ ابي اغير البطيخه وصوفة صدر خلفي وقازقيت روس.
وتعرف الورش صلخ، ان كانك تشتغل شخصي ودي اتعامل معك ونفس الوقت معي فورد رينجر ٢٠١٧ وحصلت لي فورد رينجر ٢٠٠٥ ديزل ودي اقلب ال ١٧ ديزل باغراض ال ٢٠٠٥ او اذا عندك ترشيح افضل لحاجه افضل
HakeemAlzaman - - أبو متعب
ان كانك تبغاني احط رقمي ١٠ دقايق واشيله انتواصل واتس اكون شاكر
@@user-bc6iu5yn8w
انا اشيله، ابد لاتشيل هم
السلام عليكم ابو متعب وين ورشتك
حياك الله ياغالي ، للاسف ماعندي ورشه وشغلي كله بسياراتي وسيارات الاصدقاء
السلام عليكم
حبيبي ابو متعب انا توني فاتح قناه
واتمنا منك ومتابعينك الأساطير
الدعم
وشكراً
وين انت بجيب سيارتي لك
حياك الله، ياخي، انا والله غير متفرغ للسيارات فقط هاوي وشغلي اكثره لي وللاصدقاء بسبب الوقت. اي شي اقدر أقدمه بكل سرور.
اللحين المشكلة كيف ترجع القير و المكينة للموتر والله بهذلة يبيلك تربط على زوايا معينة عشان تجي مايلة شوي ويمكن تصقع في البدي والله قروشة ياليتك مصور فيدو ارجاع المكينة و القير عشان نشوف
صادق، لكن تعتمد على طريقة شغلك، بعظهم الرادير والواجهه يشيله اذ ما يرتفع الونش لحد مناسب، اما اذا يرتفع فالفن فعلا بطريقة الربط القير دايما هو مفتاح الدخول لذلك لازم يكون في بالنا نرفعه ونزله بسهوله، انا والله الشغل اللي يحتاج معدات واكثر من شخص، اوديه الورشه، بس اشد لهم القير والمكينه واقولهم ركبو
طنجره وحذاف مكينه305 كابرس 89 تركب على مكينه جمس350
حقيقه ماعندي علم ،اذا القير ٧٠٠ الطنجره تتبع القير الحذاف يختلف باختلاف المكاين خاصة إذا عمود الكرنك مختلف
@@HakeemAlzaman طيب لو اركبها ايش الي اغيره عشان تركب
@@fbgh6726 للأسف مثل ماقلت سابقا ماعندي خبره لاني ما اشتغلت عليهن . اذا القير حق الكابرس والجمس نفس بعض ،معناه الطنجره تركب، وإذا تركب تقدر تطبق الطنجره على حذاف المكينه برا وايضا تتأكد ،اذا ركبت معناه امورك تمام ،لكن الحذاف تذكر مرتبط بالسلف لذلك فرضا لو ركبت حذاف ٣٥٠ مهم يكون نفس مسافة حذاف ٣٥٠ ونفس عدد الأسنان عشان السلف
وين موقعك يبومتعب
هلا حياك، انا بالدمام،
HakeemAlzaman الله يسلمك ابي اتواصل معك لو تكرمت
ابشر ياغالي، حط لي رقمك وبأذن الله اتواصل معك واتس اب
قلو حاج يلعب بل عامود
السلام عليكم
اخوي الغالي
اني غيرت لاستيكة الطرنبة
ركبت اصلية
وغيرت الزيت اصلي كمان
لكن السيارة احيانا اضعها على ال R ماتمشي
ورا ٦ او ٧ ثواني تمشي
واحيانا عندما امشي فيها القير يفلت النمرة وبعدها يرجع يشتغل
علما القير كان شغال نضامي مابي اي عطل
فقط غيرت لاستيكة الطرنبة
وهسه ما اقدر امشي بالسيارة
اخاف يخرب القير
رحم الله والديك شنو السبب
واذا تقدر تعطيني رقم الواتس اب حكتك اكون شاكر وممنون
ارجوك لاتهمل رسالتي
وحاول تساعدني
انتضر الرد منك اخي الكريم
حياك الله حبيبنا،
اللي واضح مبدئيا انه فيه ضعف بضغط الطرمبه، انا ماعرفت شنو السيارة بس أيا كان، أخشى أن اللي ركب البطيخة أو الطنجرة ضغطها بشكل خاطيء واتلف عوازل الطرمبة.، كذلك ممكن يكون مستوى الزيت ناقص وهذا احتمال كبير.. عموما اترك لي رقم الواتس وبأذن الله اتواصل معك.. وتأكد من مستوى الزيت اول شي تعملوا
@@user-fr4ei6pt2p
يوجد لك رساله على الوتس مني 👌
السلام عليكم لو سمحت ممكن الرد على سوالي
انا كان عندي تهريب من القير
روحت للميكانيكي قالي التهريب من الطنجره
غير الطنجره منع تهريب الزيت
لكن صار مشكله اكبر بالنسبه لي رجه
رجعت. تاني وغير طنجره أخرى نفس المشكله وعلمته ما كانت موجوده من قبل التغيير
بعده كده غيرت الكفرات وترصيص نفس المشكله
هل في حل وشكرا
رجة القير تحس فيها حتى والسيارة واقفة او على سرعه منخفضه اما الكفرات غالبا من ٨٠ إلى ١٢٠ . فالأفضل توضح نوع السيارة وعلى أي سرعه تظهر الرجه
@@HakeemAlzaman
السيارة النترا ٢٠١٥
الرجه احس من سرعة ٤٠ فوق
وبالذات لم اثبت علي سرعة معينة
انا روحت اكتر من حق ميزان وقالوا طنجره
لكن الميكانيكي الركب الطنجره مصر انه مش عيبه
وهو الوحيد في المدينة عندي ال شغال فيهم
@@user-sw5yg3se6n
منطقيا دام الاهتزاز مع المشي بس ، استبعد القير مؤقتا، وبما أن الاهتزاز على سرعة ٤٠ استبعد الترصيص. غالبا تظهر بسبب عمود الدوران وسيارتك مافيها فالاحتمال الاخر هو نفس التاير مش الجنط. او جزء دوار اخر . رح محل بنشر فك الكفرات الاماميه وادعس وشف فيه رجه او لا واذا فيه حاول تتفحص الهوبات والعكس. . اذا مافيه ركب الكفرات وان رجعت معناه من الكفرات تحبيل، وإذا مافيه رجه معناته المشكله بالكفرات الخلفيه .
@@HakeemAlzaman
شكرا لحضرتك انا روحت للوكالة قالي نفس كلامك
المشكله في الهوب الأيسر والركبه
لكن أسمعت انه لو ركبه او هوب تكون الرجه مع الفرامل وليس دعسه البنزين هل هذا صحيح؟
@@user-sw5yg3se6n صحيح ، غالبا الهوبات تبان مع الفرامل ، افضل تمشي بالخطوات اللي ذكرتها سابقا .وبأذن الله تبان المشكله معك
ايش الهدف انك تلفها
هي ثلاث مراحل إلى أن تصل إلى الاخيره. الأسنان احيانا كثيره ماتعشق حتى يركب السن على المجرى. لذلك ممكن ينخدع الواحد ويتوقع أن كل شي تمام. وهي العمليه اكيد تختلف حسب أنواع ربما القيرات
موسوس الله لا يبلانا
سلام عليكم ابي رقم جوالك لا هنت
اخوي ابراهيم، حط رقمك وبيجي لي اشعار، ارسلك واحذف الرقم مباشره.. لكن لو حطيت رقمي صعب التحكم بمدة بقاء الرقم
@@HakeemAlzaman
شوري عليك حط بقناتك رقم واتساب خاص بالقناه و بهالامو
تفيد وتستفيد وفقك ربي
عطني رقمك لاهنت
انا تجيني اشعارات وامسح رقم الأعضاء مباشرة ، ورقمي احاول ما أظهره لأسباب، بس بحط قريب رقم خاص بالقناة . تقدر تترك رقمك ومباشرة اتواصل معك واحذفه
عاشت الايادي اخوية العزيز
السلام عليكم اشلون السنتر الكير اوتوماتيك مع المحرك اني فتحت المحرك صار عندي كذلك
يا بعدي انا عندي كابريس ١٣ وعندي مشكله في القير. انا ما ادري انت في اي مدينه ؟
حياك الله.. انا الدمام.. وتقدر تحط رقمك وامسحه واتواصل معك
انا من بريدة تقدر تصلح سيارتي تشارجر
انا غيرة قير لكرايسلر وعندي رجه وابي احد يعرف يشتغل ممكن تخدموني للي يعرف ورشه جزاكم الله خير