ING'ENDILI KUVITHUKIA SUPERMARKET NA UTELI WA MUTETI WA UDA MBALUKA

Mbulili ila syiilikanite na aamuika ala matwaiisya maandamano musyini wa Emali kauntini ya Makueni kwakyani kwa Wakana uu nivithuikiye na kuya mali ya lato munene ya ndukani ya Supermarket (mauta,mitu,electronics,maiko na uki) ya munyanya wa vakuvi wa President William Ruto, James Kimanthi Mbaluka mbee wa kulika utelini wake wa kifahari kuya liu wonthe utelini usu na kutia syavaalanya ila itakuika utelini na supermarketini isu. Kii kiuka kavindani kala maovisa ma volisi sub kauntini ya Nzaui kauntini ya Makueni,matindia mathinanitye na mbulili isu ila kwa kavinda ivingie lelu munene wa kuma Mombasa kuthi Nairobi na kwambiiya kwitya mbesa kuma kula kwi mateleva ala meendaa kuvita leluni usu mate avithukie kana ngali syoo kuvithukiwa.