#MM
ฝัง
- เผยแพร่เมื่อ 27 ม.ค. 2024
- #MM #700萬種生活 // 由20萬日圓(1萬4千港元)拍到500萬日圓(35萬5千元)全球唯一娃娃 六位數訂製維多利亞娃屋影相 娃聚外拍卻被以為養鬼仔被趕走 為娃化妝 在日拍賣網拍出3萬高價
玩娃娃,可以有多貴?
日本公司VOLKS在1972年以製造飛機模型起家。到1998年推出有球形關節(BJD,Ball-Jointed Doll),用橡筋連接,做到大部份人做到的動作,有真實感的SD娃娃Super Dollfie®,每個製作時間約三至五個月。2003年推出有動漫感覺,有機械關節,會跟動漫角色聯乘,質地較輕及軟的DD娃娃 Dollfie Dream® 。每一代娃的樣子, 都由人形師手揑出來,體格,甚至關節都有少許不同,無論坐、站或者跪的動作都能夠平衡。圈內人人人是娃爸與娃媽,全都當它們是子女般疼愛。
因為限量,或因為經過著名人形師或化妝師加持,有些全球只得一個,拍賣出天價。香港有愛好者以35.5萬拍到全球限一娃娃,不時抱住它到日本娃展跟人相會。有設計師專門設計娃衫,以古董蕾絲及布料製作,一套可賣$3,000。
香港每年都有幾個大中小型的娃娃活動,娃友在此聚舊、影相,甚至選美。
他們平時都會帶著精心打扮的娃,與娃友出外拍照。為了對公子與小姐的愛,衍生了自己的經濟圈。娃聚枱上,John跟Miso喺度研究攝影器材:「我哋今日第一次見咋,但平時喺網上成日傾偈,剩係認得佢隻娃。」Miso入坑十多年,為了拍靚靚娃照,設計了八爪魚般的腳架,支撐娃娃飛天遁地的動作,連頭髮在空中飄揚的部份都可以夾起來,拍出武俠小說般的動作。又花幾萬元,一個人帶著娃到日本青森的雪山上拍照:「喺上山竟遇到香港人話,認得我隻娃。佢話一定係佢,因為我都影咗呢隻娃七、八年。」喺娃圈的大家,認娃唔認人。
香港圈子小,他們就面向世界,日本台灣英美法國,加起來市場不小。曾是時裝設計師、現在兼職設計及製作幻想系娃衫,娃道具的Endol說:「我每月製作兩款衣服,二、三十套左右,9成作品都賣到日本去。」「做人類的時裝設計其實很多限制,你用太貴的料,設計幻想系的衣服,市場又未必受得起,材料錢都蝕了。製作娃衫細件好多,二、三千元的材料費,滿足自己都好。」Little Lady是香港少有名氣的全職妝師(化妝師),花兩、三星期完成一個娃頭的妝容,包括眼珠、頭髮及化妝等,在港賣數千元一個,較特別的款式擺到日本拍賣網,可拍出萬多至三萬元的成績,「我自己都覺得驚訝,可能是喜歡我的風格,或者風格較獨特口吧。」另還用3D打印製作娃配件及道具的Derek表示,其中指手最受歡迎:「一來是世界語言(誤),二來外國真的沒有。」為娃做美甲的Angel則說:「我都喜歡美甲,都想自己的女兒一樣漂亮。」
Ray2019年入娃圈,2020年看到官方推出全球限一的,由首席化妝師化妝的SD娃娃Lorelay,「係佢喇!」準備了600萬日圓(約40多萬港元),拍賣搶它回來。結果以500多萬日圓(約35.5萬港元)得手,開心:「我都覺得自己黐線!」弄花了的話,SD娃娃官方會終身保養,每次一兩萬日圓,折合千多港元,但若是全球限一的娃娃,頭部弄丟了就是弄丟了,返魂乏術。「所以我每次帶她出去,都把頭部份開放,跟身。」之後不惜全球找職人,為娃訂製一比三家具和背景。維多利亞式、日式,為滿足自己好喜歡那個年代,但人在香港身不由己的心理狀態。早陣子他請芬蘭的木工職人,為他製作一個1904年木書桌。書桌上的雕花,文具櫃格數,金具通通複製,排期一年,製作了三個月,打開個書櫃,等如打開通往異世界的大門。那天他搬了部份場景,以及9個娃娃到公司拍攝,那裡起碼都有六位數,加埋家裡的收藏,他笑而不語。
其實話說回頭,在公元前200年的羅馬,已有關節娃娃出土。16世紀時,裁縫師還會準備Pandora Doll,帶入宮廷讓貴婦做時裝表演訂衣服。到1935年德國藝術家Hans Bellmer,製作球形關節小娃娃,推出了一本相集。在1965年這娃娃傳到日本 ,影響日本球形娃娃的發展,開始變成潮流玩物。
Ray那些,沒有太多空間財力都弄不好,傢俬、衣裙,不如自己製作。設計師Yin中學時已跟著日本的時裝書, 製作Jenny衣服拿去賣。經歷00年代的BYTHE,到現在的SD,製作了20年娃衫。他喜歡用古董布料,19、20世紀的手作蕾絲,拼成有點現代,又復古的風格。他不時會到日本的娃展擺攤,認識娃圈的朋友。售價由數百港元的小物,到六萬日元(約3萬港元)都有。他說可能香港人沒空間也沒時間,很難擺一件穿著蓬蓬裙的娃娃在家,對娃娃的觀賞態度都不同:「有啲人聽到是古董蕾絲,就怕有鬼,或嫌那古董布料發黃。但日本人聽到,覺得那才是故事,會接受。」
雖然娃圈比想像中寬闊,但在港圈子小,同好們同時遇到不少奇怪對待: 「遇過大嬸衝過嚟,一手揑落我個女個胸度!你生咗小朋友都唔想被陌生人摵臉珠,侵犯嚟啊!」 「啲人以為我哋養鬼仔,趕我走,話個娃邪親佢屋企人!」
更甚者覺得圈內人都是沒有朋友,只能與娃聊天的毒男宅女,做數學補習老師的Ray:「睇你點界定毒呢個詞,若你話我生活圈子細,我是的。但點解啲人玩車唔出聲唔毒,唔批評,我玩娃又毒,邏輯唔通喎。」娃爸輝:「如果你本身有點胖,你又穿著動漫T恤,揹背囊,他們會覺得你是一個很毒的人。但若你穿帥點,堆出一堆攝影器材,人家又覺得你是專業的。眼光問題,很歧視,我覺得很瘋狂。」Yin卻看到「毒」的另一面,專心研究一般人不了解的東西:「玩到去日本擺攤,連一個元祖國的人,都去欣賞你的設計,才是厲害之處。」
策劃:陳慧敏 Man
攝影:張志孟 陸羽 許先煜 潘志恆
剪接:梁芷澄
監製:甄俊宇
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 TH-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
後記:
早前偶然在牛棚遇上幾個拍攝中的娃友。被他們拿著的重型攝影器材,及一看就知衣料上乘的娃衣,以及幾個人影得好開心的氣氛吸引。 聊他們聊天時都有一點戒心。不諱言「我哋係毒呀,但好怕其他人好多誤解。」先自稱毒來戴頭盔,這些年來經歷的評擊應該不少。到會場上見到圈子延伸勁多不同創作品,Endol九成娃衫賣去日;Yin的娃衫做到去日本擺市集,Derek有美國的娃雜誌找他訪問,然後佢哋啲網頁都係流利日文。學Yin講,玩到被元祖國欣賞,我哋只係見倒個圈嘅一角,但佢哋個世界好大,同香港好大對比。
大家都討論Ray的瘋狂,是的。拍攝日我哋朝早9點出車,幫娃Set場換衫弄了兩個半鐘。訪問完收拾又弄了三個鐘。夜晚11點半先車到回家。無人敢掂佢啲娃全程袖手旁觀,搬搬抬抬,踎低起身幫娃換衫梳頭擺甫士無乜坐過,叫佢抖吓佢話:「唔攰呀。我教書家嘛,唔使坐㗎。」網友話佢有錢玩得起,我哋覺得都要有足夠體力同執著先有今日。
你哋好好彩可以睇到DDA第六屆。隔左四年至搞到嘅娃展
為咗啲囝囝囡囡,攰啲都係幸福嘅,Ray最令人羨慕嘅係佢有足夠嘅財力support佢嘅興趣❤,佢應該都係今時今日娃界嘅標竿
我係當初在牛棚其中一人,帶左個獸耳娘出來影黃昏的,可惜DDA當日我沒時間出席所以見不到我😅
玩娃其實都只係單純嘅嗜好/興趣,並唔係咩變態或者不正常,當初覺得可愛而入坑嘅人係佔絕大多數
平有平玩、貴有貴玩,間唔中同娃買下衫影下相,最緊要自己玩得開心就OK了👍
@@notwoX2 謝謝你哋當日細心解說啊
無玩開,但啲娃真係好靚🥲🫶🏻
同埋好欣賞佢哋為咗隻娃會自己學一門手藝 學幫隻娃化妝 整衫 又set頭💖💨✨
又到新年,勸各位收好自己啲「仔女」,免得到時啲廢老親戚上門拜年講:「咁大個人玩咩公仔/送俾小朋友」又或者俾啲無家教嘅死靚仔肢解左佢地。
利申:已經鎖好自己房門,小孩不得內進
鎖門,鎖櫃真係好重要。
上個月我先知媽掉咗我一直收喺自己個衣櫃入面,爛咗都唔捨得掉既水樽。
呢個水樽陪咗我好多年,諗住終於有安樂窩既時候可以拎返出嚟插花。
我只能夠話:當時我知道果一刻激到頭暈返唔到工,食咗成個星期抗抑鬱藥,喊咗成個月。如果殺人唔使坐監,我一早殺咗佢。
小心屋企人,只有屋企人先可以掉你啲嘢。
@@user-mo8go4gi1f咁個水樽爛左佢唔知先掉姐 因為咁而要殺左佢又over左 對自己有特別意義嘅野有時其他人又真係唔知
@@Kibbki 好多時呢啲嘢日積月累嘅,佢今次可以喺冇通知嘅情況下抌水樽,即係話佢可能之前仲有前科,同埋呢個講到底係唔尊重嘅行為,所以可能日常生活之中兩個人相處一定都有其他嘢係佢啊媽因為唔識分 boundary 搞到佢唔開心。
請問可否提供娃娃聚會的資料?
玩咗成10幾年,而家淡咗圈先至見到有出報道🥹🥹
但係都好感動,原來仲有咁多人入坑🙏
一個圈外人表示好佩服娃圈嘅人對美嘅執着同愛…甚至有少少因為呢種咁強大嘅熱誠而有d感動🤣🤣
人各有志 各自精彩
路人無需帶偏見評論他人
所以有D人什麼没興趣,退休时on99咁过
成段片睇到我雙眼發光😍我實在養唔起SD娃娃,但真係勁靚,好欣賞全人手製作❤之前去日本睇過一d賣娃嘅舖頭睇到完全唔捨得走😂
我鐘意動漫都只係買下figure~土人~我有兩隻仔係ob11娃~本體唔係咩貴重野,但幫佢畫眼,換衫我已經好開心🥰
日本sd 娃係神級,不過其他國家娃娃品牌都好令,我屋企果隻係韓仔黎嫁😂 都好令仔嫁
其實sd娃最平可以一千蚊左右可以交易,有啲幾百就得,片中果啲係抽選限定娃,梗係貴。
呢集我好欣賞, 睇到我眼定定, 真係好靚,我直頭PAUSE 去慢慢睇.... 真係各有各靚。好欣賞各娃爸娃媽對自己心目中「美」嘅追求同執著, 好欣賞所有娃爸娃媽嘅熱誠, 真係大開眼界
完全明白。
我雖然唔係玩人型娃娃,不過屋企都有十幾個毛公仔。動物+田園蔬果,每一隻都等同自己仔女。
每個人都有心頭好,大家請互相尊重。
千其唔好用自己既想法套落人哋既公仔度,想睇想轉位唔該問過物主先。
唔好亂掉人啲嘢,唔見咗會殺人。
匠人級~真希望有機會看看他們的展覽
原來鼻塞的我~錄音把聲好萌😂
大家好
我係~輝少🙆👋😂😂😂
辛苦了記者們走足全場💪
謝謝你啊
你個娃娃好得意💕🥹 多謝你哋接受訪問 令更多人知道娃圈
好開心竟然有bjd題材!❤
自己有玩開2分最近想入3分
香港如果多啲人鍾意厘個文化就好了❤
希望唔好見到人偶加影相就係靜係覺得係情趣公仔😢
今次睇得勁投入,內容完全就係我阿妹平時玩Licca做緊嘅嘢,又係毫無底線地付出時間心機金錢為咗令佢更完美更婀娜多姿
利申:今日同佢喺東京,佢又見多幾件啱心水,不過梗係我賣單啦QaQ
10年前,我買licca買齊佢同佢屋企人、歴代男友(除第二代)
勁正。。終於等到講娃啦!巧開心🥳呀!
欣賞他們追求精益求精的態度。人生太短暫,做自己鍾意的事並堅持好難能可貴。加油!
我都臨老入娃叢😆😆之後發覺玩娃係不分年齡和不分男女😊一講娃就啱咀型、乜都唔好個d、戇居居等運到但又彈人玩公仔
真金白銀咁樣去支持, 係真心鐘意
喺香港玩marvel, DC, 電影figures其他人會當你係收藏家;但去到日系動漫figures, 人偶就會被標籤係毒撚。🤷🏻♀️that’s why 大家好少見到所謂嘅「正常人」玩人偶,因為大家偏向都收埋唔俾人知。
真係藝術品靚到黐線❤大家都好叻好勁
以為唔適合我睇,點知連睇兩次😂好靚呀!❤
Thanks for introducing me to a brand-new world I have never been to and never heard of. Love your series!
D 公仔最犀利係D 眼神😍😍
每一個都好勁,respect
完全低估左呢個興趣,原來好高級❤❤
勁靚😍😍我都想玩埋一份,多謝mm報道
我鐘意動漫。你地啲娃好鬼正❤❤❤❤❤
你地開一個群比其他人欣賞你地啲娃啦。
好精緻好靚😊
Very good show!!! Great production.
Eye-opening! Thanks for shooting this video. Love it!
每個領域都有專業同好好玩嘅嘢👏👏👏
呢啲公仔都好靚😊👍🏻
有機會見到同佢哋📸先
唔知道mm會唔會訪問埋嗰班鍾意Blythe (B女)嘅媽媽呢?
阿ray 嘅connection 嘆為觀止
多謝介紹這個圈子, 公仔好靚, 估不到咁多男仔玩。
DD娃係男人鍾意玩多啲❤
唔睇都唔知有呢類型娃,幾靚,respect!
真係大開眼界,專業程度實在歎為觀止👍
Ray嘅collection 好靚!成個場景都勁細緻
SD娃娃真係勁靚!細個嘅時候好鍾意去官網睇啲相,諗住大個有錢買一個。可惜大咗都係無咁嘅財力同心機養SD娃,只好睇相。
多謝MM呢集嘅介紹~
iPhone 買得起,SD娃娃當然買得起。在volks 官網訂,然後自己找銀行用信用卡分期😂
我都係
@@kkhc1068手機買一個可以用好多年,而且返工好多都有需要要用手機,現代算係必需品。
養娃唔係必需品,而且養了就會想買accessories等等,好可能會唔覺唔覺洗太多錢……
@@kkhc1068我都係靠分期至能夠擁有,有時機會可遇不可求
@@Stef.with.an.F齋係保養已經夠燒錢,未計娃衣、場景
為中間介紹人偶歷史果段講聲:1800末至1900初有木、bisque/porcelain 等材質製嘅ball-jointed doll。而日本喺1/6娃同BJD流行前亦有市松人形、celluloid dolls(正在變成歷史)等等。 歡迎有興趣嘅人去search keywords!
雖然我自己好怕人形公仔,連barbie都接受唔到😂但見到佢地啲娃衫同個設計都覺得真係好靚!好佩服佢地啲手工藝同埋對自己興趣嘅嗰份熱誠!
好靚👀
好有趣的題材。外國玩家有睇開,一直以為香港好少人玩呢d,想不到都幾多人可以玩到咁認真。真的好厲害👍 娃娃+衣衫都好美😍 做娃娃美甲那位也好強~~
DDA嗰日見到採訪人員成場走、佢地好有心機做好呢條片。 條片出嚟講解得好好。
真係好靚
好靚好靚好貴好貴
真係好靚❤❤❤
😮好特別的領域,好精巧好靚
好靚啊
多謝MM介紹娃呢個主題。其實呢個主題係700萬種生活,訪問只係700萬份之幾,其他人無必要上綱上線話人哋主題講到必定要豪玩,豪玩呢樣野只係其中一種方式,課金都係有心嘅表現,無心課咩金呢~本人DDA當天都在現場😊。
補充番,其實正版普版娃最平3位數,到好似片中Ray那隻超限定拍賣娃,真係豐儉由人。😂
我都在場,果日係第一次去DDA,大開眼界。
支持❤
生活中為自己搵到快樂好好呀👍
為了娃會更努力搵錢,呢啲先係人生
酸民彈開please
請問可否提供娃娃聚會的地點資料?
正呀!!!
1:36 隊長娃娃❤
正呀,型呀。
根本就係藝術品咁
貴到癲嘅深坑,佩服佩服
睇到呢個主題勁開心,以前大學時代同朋友一齊儲錢課娃,然後一齊整衫同去影相,真係美好既回憶🥺
真棒啊
勁抽
我婆婆都成日整呢隻公仔既衫 玩到有後生女同佢買和服公仔衫 或者啲登台衫
嘩咁勁?有無得看看婆婆啲作品啊?
有冇得睇你阿婆啲嘢
Super beautiful!
有睇過精靈夢葉羅麗動畫全部都講有生命的娃娃
想同Winnie講鍾意lolita就放馬去著啦!
依家唔著可能以後都唔會著了 (利申著左10年
好耐無拎對仔女出黎影相,睇返呢集搵返養娃嘅初心
Mm其中1位紅牌阿姐:C小姐都可以依其外形做隻娃😊❤
(我訂購)
呢類形Niche market 好神秘,無咁上下審美同本錢都投入唔到
真係估唔到😮
咁啱初入貴娃圈,想了解娃圈。
難得有傳介紹volks呢個老V娃社。
最近1月7號有DDA 6,我果日第一次去,好好玩。
我就係因為買DD娃,搞到做左卡奴1年,每個月要還幾千。為左得到絕版10幾年fate系列嘅娃,不惜響日本雅虎拍賣、駿河屋、mercari等。最近用5千7百幾蚊買到伊莉雅,噚晚10點仲瞞住老公買桐人DD娃,4631蚊,未計700幾蚊運費
冷靜啲啊
@@100saltedfish 由於難得有人放,價錢又平過香港一半,太吸引了。
最緊要係錯過左未必可以再買返。
你買咗幾多隻丫?其實玩DD洗費唔多、要有計劃去買就真。後追會貴好多。
@@troublemaker000 黑紅saber、伊莉亞、遠坂凜、大空寺亞由、桐人。4隻dd和2隻mdd。
還未計2月1號伊麗沙白及2月8號初音抽選嘅結果
@@troublemaker000 只能恨自己入坑入得遲,都係2022年7月至入。
買雕像感覺可能會突出啲如果喺香港P1S
記得十幾年前旺角兆萬同銀城都仲有舖頭賣B女(Blythe)同P女(Pullip), 仲有舖頭有賣娃衣、改娃配件嗰啲, 但係依家都冇曬lu
嗰時仲細個, 人哋玩緊barbie, 我就唔知係邊度搵到B女呢樣嘢, 仲對B女一見鍾情, 但係要老豆老母俾成千幾至幾千買個公仔俾個𡃁妹玩佢哋打死我都似
Barbie 都有分collection, vintage 同量產等等唔同系列,有價值嘅Barbie 可以超過5位數港幣。問題在於唔係同好唔會識得分辨鑑定,所以圈外人偷嚟唔會有用。
可惜銀城同信和賣呢類公仔嘅舖頭無左
咁咪自己賺錢玩😂
@@eikidesigning4183 新嗰啲已經冇以前咁靚🥲 想買返以前嘅款都搵唔返 尤其啲限定版真係有錢都買唔到
im not a fan of dolls but this is so interesting!!
好似好冷門但又好多人玩
他們有熱情有興奮有快樂......我又要活死屍咁返工放工返工放工.........
以前旺角銀城地庫有好多娃店,有齊由頭到腳嘅娃配件,好方便,但已經唔見哂。😢
變曬美甲店,喊出黎
嗰間賣得幾貴下、識既人唔會去嗰度買
佢賣得咁貴,劏水魚,唔執至奇。網上買既方便又平,仲買到絕版嘅
想睇呢條好耐喇ヽ(´︶`)ノ
欣賞
Thank you Mill Milk .
小一都有教:喜好嘅野係無分男女😊
靚仔多
大開眼界😂
雖然已經退坑好幾年,但見到都覺得好厲害,現在好少會有介紹娃圈😂
但介紹的V社娃全部都好貴,咁介紹可能會比人以為只有有錢人先玩得起😂
我也玩Bjd及Blythe都2X年了😊
戀上換裝娃娃🪆
我是一位香港的Kigurumi愛好者,在香港雖然係有一班人喜歡玩BJD娃娃,但喜歡Cosplay扮BJD娃娃的人卻很少很少。😢
第一,kigurumi 也要keep 身材,而且不平宜😂自己身材不許可。
第二,BJD娃娃已經貴,半被迫入相機圈更加貴!真係窮三代。
第三,無錢🤣我懷疑入獸裝和kigurumi 都是金融業中高層人士🤣
第四,喜歡看kigurumi不代表自己要成為kigurumi。
自己已經是人偶系魔法師。
究竟升級到1:1 替身使者,還是自己成娃娃呢🤔真係好問題😂
@@kkhc1068 我入Kig坑有兩年多,玩Kig確是令我花費不少,我的收入並不多,要量力而為,可平有平玩,免强能維持生活及興趣就是了,最大就是土地問題... 至於攝影,Kig玩家自拍比較難,大多都是靠Kig圈其他朋友幫忙,至於自己要否被迫踩入攝影圈,這不一定的。
@@kkhc1068 第一, 我的身材也不好, 但我還是照入坑去玩, 自已玩得開心就是了.
第二, 玩 Kigurumi 也不會廉宜, 先顧惦好自已的日常開支及生活, 量力而為也可以平有平玩. 自己不一定要被迫踩入攝影坑,可知 Kig玩家使用專業相機去自拍較難,圈內總會有人懂攝影的,找同好幫忙拍攝也不難。
第三, 獸裝比 Kig 更貴, 我有入手獸頭獸手獸腳作淺嘗 (沒有獸身), 也就是平有平玩, 我工作祇是一名低收入的文職.
第四, 這是個人決定, 我從前也是喜歡看, 自已入坑去玩會是另一回事, 我現在已是半個Kig頭殼制作人.
@@kkhc1068啱嘅,睇人kig得靚就算,自己玩吓DD算,要kig自問個body無哩個本錢,無謂傷人眼😂
@@missmoyee每個人嘅要求都唔同,身邊嘅人接受,自己玩得開心就得
香港宜家先有人介紹 😢 玩左好多年啦
仲有Blythe
十幾年前有電視節目介紹B女
Ray話六位數,我估都應該係好近七位!🤫
可能時間限制,條片好片面同單一
只講天價、自組娃
我阿媽睇完都話想要一個,遲啲買個比佢做生日禮物
啱啱旋轉拍賣有人平放,只需2200就有哂和服同公仔
Volks就係賣娃先可以生存至今,如果靠D軍事,五星物語裝甲騎兵應該執左好耐
咁佢另一條PRODUCT LINE都多女既
仲有胸像
佢本身figure都唔差,唔玩SD/DD,都可以玩佢出6分換裝娃,平好多,最平200蚊就有
阿Ray咁似以前睇熱血時報玩pad果個課長😂記得佢課勁多錢玩
歐洲先行的有$小朋友玩具
it is like an art piece that trigger people's heart and genes, no negative comments, just keep it going to next level
B囡娃媽出嚟糾正下:14:24字幕打錯阿囡名!係BLYTHE唔係BYTHE
我自己屋企都有兩個1/4娃,同1/8娃,係仔仔黎嫁,我去旅行會帶埋1/8呢個仔去影相,影出黎d 相好令嫁
MM竟然講娃了😍8年娃齡報到
下次介紹下另一界別,性愛娃娃界,嗰邊啲人玩得仲癲,又買名牌手袋,靚衫靚鞋又新手機送娃😂
唔好咁癲啦😂又咪即係玩娃😂不過嗰啲叫1比1
💪💪💪
有個朋友直頭為娃買名牌手功車手袋(價錢唔知,但相信都唔平)
娃娃工匠手功用堅名牌做迷你版,有創意👍👍👍及自製度身度身訂做crossover style
可唔可以識佢?
可唔可以介紹你嗰frd?真心想要娃嘅手袋
想買部衣車整衫
我以前認識既娃圈陰盛陽衰非常嚴重,行娃展幾乎9成都係女,點解MM可以搵到咁多男士出黎😂
有女仔㗎,不過好多都怕羞,唔出鏡。
係二次元進入娃圈後男娃友就變多了
我見8成娃友都係男喎, 會去外拍9成9係男娃友
DD娃係男人為主,影片中係DD娃展。SD球形關節娃就以女人為主。
@@love-neko其實你如果有細心留意,dda好多檔主都係女仔來嫁,特别係造衫嘅應該好多都係女檔主,DD特别係MDD好多女仔玩嫁
(不過每次MM過來個個都默念:唔好影我唔好問我🙏🙏🙏🙏🙏🙏🙏🙏😂