＊咱無踏伊的尾，伊無咬咱的跤。Lán bô ta̍h i ê bué, i bô kā lán ê kha. 這是咧講”蛇”。蛇，咱若是無踏伊的尾，其實蛇袂主動攻擊人。 咱莫看著蛇，就感覺伊足歹的，其實咱先共伊踏著，伊才會想欲共你咬。 講蛇以外，咱嘛會當引伸做講，你莫去共別人惹，人嘛袂來共你按怎。 ＊寄錢會減，寄話會加。Kià tsînn ē kiám, kià-uē ē ke. 寄，委託的意思。你若是寄錢予人，彼錢會愈來愈少。 你若是叫人共你講話、傳話的時陣，彼話會那來那濟。意思就是會走精去， 無好的話就會出來。
《講台語當著時》第二季．第9集：俗語佮諺語 2017.10.26 (下）
＊法蘭西水，食一點氣。Huat-lân-se-tsuí, tsia̍h tsi̍t-tiám khuì.
「法蘭西水」就是「汽水」。因為古早台灣人感覺講「汽水」是對法國傳來的，
所以「汽水」閣叫做「法蘭西水」。「汽水」就是有氣嘛，
「食一點氣」意思就是講我這是一个有志氣的人，這件代誌我袂認輸，
「法蘭西水，食一點氣」，我才無愛佮伊向頭咧！我也無做毋著矣，
是按怎欲叫我去和伊會失禮？
＊問甲有一枝柄通夯。Mn̄g kah ū tsi̍t ki pènn/pìnn thang giâ.
柄，像講斧頭，抑是柴刀，彼支柴的彼枝，叫做「柄」。
咱講一个人伊足愛問問題，啥物代誌伊攏欲問甲足清楚，問甲有夠幼，
華語講『追根究柢』，這種情形，咱就會當講：
「伊問甲有一枝柄通夯。」本來無物件的，問甲予伊有一枝柄通夯，
就是問甲有夠詳細的意思。
．伊這个人對啥物代誌攏足好玄的，逐改攏問甲有一枝柄通夯。
＊媠，媠無十全；䆀，䆀無加圇。Suí, suí bô tsa̍p-tsn̂g, bái, bái bô ka-ｎn̂g.
十全tsa̍p-tsn̂g，就是完全、周至的意思。加圇：仝款是完整的意思。
媠，毋管人媠，抑是能力好，媠的人，伊無可能啥物攏好，䆀的人，
伊嘛無可能啥物攏䆀。
其實這和「荏荏馬嘛有一步踢」意思差不多，有略仔仝款。
◎講一寡仔人生道理 Kóng tsi̍t-kuá-á jîn-sing tō-lí.
＊暗頓減食一口，活甲九十九。
Àm-tǹg kiám tsia̍h tsi̍t kháu, ua̍h kah káu tsa̍p káu.
暗頓毋好食傷濟，這和這馬減肥的觀念有相倚。
＊咱無踏伊的尾，伊無咬咱的跤。Lán bô ta̍h i ê bué, i bô kā lán ê kha.
這是咧講”蛇”。蛇，咱若是無踏伊的尾，其實蛇袂主動攻擊人。
咱莫看著蛇，就感覺伊足歹的，其實咱先共伊踏著，伊才會想欲共你咬。
講蛇以外，咱嘛會當引伸做講，你莫去共別人惹，人嘛袂來共你按怎。
＊寄錢會減，寄話會加。Kià tsînn ē kiám, kià-uē ē ke.
寄，委託的意思。你若是寄錢予人，彼錢會愈來愈少。
你若是叫人共你講話、傳話的時陣，彼話會那來那濟。意思就是會走精去，
無好的話就會出來。
＊嚴官府出厚賊，嚴爸母出阿里不達。
Giâm kuann-hú tshut kāu tsha̍t; giâm pē-bú tshut a-lí-put-ta̍t.
這句可能逐家較捷聽著，其實有當時仔，你管甲愈嚴愈無好。
＊偷拈偷捻，一世人欠。Thau ni thau liàm, tsi̍t-sì-lâng khiàm.
偷拈偷捻就是『貪小便宜』，『貪小便宜』的人，一世人就會欠缺。
◎生活中不時有俗諺語 Sing-ua̍h tiong put-sî ū sio̍k gān-gí
＊兩个仔噴噴。N n̄g ê á phùn-phùn.就是講人足少的。
像這个活動辦甲遐爾仔大，結果來的人兩个仔噴噴爾爾。
咱嘛會當講「兩个仔“扌甩”“扌甩“ 」（Nn̄g ê á hiù-hiù.）
＊破船過海較贏泅。Phuà tsûn kuè-hái khah iânn siû.
一隻破船予你，予你去過海，雖然有夠無好用，毋過，至少比你家己泅較好。
＊狗無嫌主人散。Káu bô hiâm tsú-lâng sàn.
因為狗仔對咱有情有義，伊才袂嫌講你主人散食抑是好額。
＊烏貓白肚，趁錢藏無路。Oo-niau pe̍h-tōo, thàn-tsînn tshàng bô lōo.
烏貓這款貓仔，若是肚閣白白，你若是飼著這種貓，伊就會予你趁錢，
趁甲藏無路，所以飼這種貓足好的。
＊趕人生，趕人死，趕人食飯無情理。
Kuánn lâng senn/sinn, kuánn lâng sí, kuánn lâng tsia̍h pn̄g bô tsîng-lí.
你欲趕人生嘛會使，你欲趕人死嘛會使，毋過你趕人食飯就無情理矣。
意思就是講「食飯皇帝大」。Tsia̍h-pn̄g hông-tè tuā.
二、逐家講台語：家己煮食ka-kī tsú-tsia̍h
．煮食tsú-tsia̍h：『烹飪』
．碗箸uánn-tī：『碗筷』
．斟酌tsim-tsiok：做代誌愛較斟酌咧。
『小心』叫做斟酌。佮華語的『斟酌』意思無啥仝款。
．擲㧒捔tàn-hiat-ka̍k：『把東西丟掉』，嘛有人講「擲㧒捔tàn-hiak-ka̍k」音無仝款。
嘛有人講「擲挕捒」，你嘛會當講「擲掉」
．挕捒hìnn-sak，嘛會當講「挕掉」
這五个字有幾若種無仝款的組合，意思攏是共物件擲掉、擲挕捒、挕捒的意思。
．重鹹tāng-kiâm：就是較鹹，這个用「重tāng」。
．濟油tsē iû：油較濟，這个用「濟tsē」。
．果子的湯誠濟，咱講「厚湯kāu thng」。
這是咱台語的慣勢（按呢講）。
．鹹汫kiâm-tsiánn：『鹹淡』。汫tsiánn，『口味很淡』
．薟薑仔hiam-kiunn-á：『辣椒』，嘛有人講「番huan」薑仔。
．電鍋tiān-ue / tiān-ko：「ue」佮「ko」是「鍋」的文白音。
．炊卵tshue-nn̄g：電鍋會當炊卵，炊卵足好食的，囡仔嘛足愛食的。
．飯坩pn̄g-khann：電鍋內底煮飯的彼的鼎，彼的物件，咱台語叫做「飯坩」。
所以咱會當講煮好的飯，叫做一坩飯。「一坩飯坩」。
．雜菜炊tsa̍p-tshài-tshue：『什錦麵』、『什錦炊』、『什錦湯』的『什錦』，
台語就是「雜菜」。
外口有人咧賣「雜菜糜」、「雜菜麵」攏是這个「雜菜」。
．電烘箱tiān-hang-siunn：『烤箱』。
．囥khǹg：共物件囥起去，『放著』。『放』就是「囥」。
．下hē：像講咱佇湯內底，『放一點鹽』，台語袂當講「囥」一寡鹽，
台語愛講「下hē」一寡鹽，抑是講「下hē」一寡糖，這个時陣愛用「下hē」。
．摻tsham：若是欲囥香菇，抑是芫荽，這款配料的時陣，咱就會講「摻tsham」。
這个菜內底，炒這項菜，咱共摻一寡香菇，抑是講摻一寡薟薑仔，這个時陣，
咱就是用「摻」。
．糝sám：糝胡椒粉，胡椒粉就是用「糝sám」的。
．抐lā：比如講一鼎湯，你去共抐抐咧，本身咧「抐lā」，嘛免足出力。
．攪kiáu：內底一定愛有兩項物件，像講「飯佮豆油」，抑是講「飯佮肉醬」，
這愛出力，愛攪予齊勻，這是「攪」。
．濫lām：『混合』，譬如講「鹹的佮甜的，你共濫做伙。」，
抑是講「這項菜佮彼項菜，你共濫做伙。」
．透thàu：除了「濫」做伙以外，伊有彼種混合的意思。
像講「燒的佮冷的，最後變做溫的」，這就是「透thàu」，像燒水透冷水。抑是講
「這兩鼎仝款的物件，一鼎較鹹，一鼎較汫，你共兩鼎透做伙，混合起來，
就變做鹹汫仝款矣。」這就是叫做「透thàu」。
★這八个動詞，是台語真特殊的動詞，逐家會當共學起來。
．家私ke-si：『工具』
．麥片be̍h-phìnn：早頓會當食「麥片」。
．撇步phiat-pōo：煮食有真濟「撇步」。
．分貯hun-té：『分裝』。
．敨放壓力tháu-pàng ap-li̍k：『釋放壓力』。「敨tháu」就是共物件敨開的「敨」。
三、今仔日的作業：
1.共今仔日學著的諺語使用佇生活中，嘛會當寫佇面冊佮人分享。
2.共你家己煮食的食譜講予人聽，袂曉煮食的人假影你會曉，用想的來編。
學台語，愛開喙，
有講有保庇。
P
《講台語當著時》第二季．第9集：俗語佮諺語 2017.10.26 (上）
語言是文化的底蒂
文化是建國的根基
一、俗語佮諺語 sio̍k-gí/gú kah gān-gí/gú
是語言內底足媠又閣足有道理的話句，就是因為伊有道理，而且閣好聽、好講，
所以伊會流傳足久，到現代咱嘛是定定用會著。
◎上班生活用會著Siōng-pan sing-ua̍h iōng ē tio̍h
＊一暗無眠，三暗補袂盡。
Tsi̍t àm bô-bîn, sann àm póo buē-tsīn.
「無眠」就是睏了無夠，抑是睏了無好，睏眠無夠的意思。
你若是一暗睏了無好，抑是睏眠無夠的時陣，你就算補三眠，補三暗，
你嘛補袂起來。
．A：你若會按呢最近看起來，遮無精神？你是昨昏傷晏睏諾？
B：啥物昨昏？是昨日傷晏睏，人講：「一暗無眠，三暗補袂盡。」
所以我到今仔日猶閣咧踅神。
逐家咧上班的時陣，一定是定定會用著。
＊三做四毋著。
Sann tsò sì m̄-tio̍h.
你做三改，有四項做毋著，就是你一直做毋著。
有當時仔，人若是拄才出社會的時陣，難免無經驗，所以咱就會當講：
你對伊就愛較有耐心咧，伊雖然按呢「三做四毋著」，毋過伊就拄仔出社會嘛，
較有耐心共伊牽教，未來會較好啦！
＊一人主張，毋值兩人思量。
Tsi̍t lâng tsú-tiunn, m̄-ta̍t nn̄g lâng su-niû.
「思量」就是「考慮」，同齊想的意思。
有當時仔，你家己一个人踮遐咧硞硞想，硞硞想，你實在想袂出來，
你想一个企畫案，已經想規早起矣，一字就孵袂出來，按呢欲按怎咧？
你看著你的同事踮遐咧足煩惱的，你就會當共伊講：
莫按呢啦！你按呢家己一个人想，人講：「一人主張，毋值兩人思量。」
我下晡拄仔好有閒，咱來會議室討論一下，無的確咱就會想出一个真好的企畫
嘛無一定。
＊無趁湯，無趁粒。
Bô than thng, bô than lia̍p.
「趁」就是「趁錢」。一碗湯內底，「湯」以外，內底的物件就是「粒」。
『料』就是「粒lia̍p」。若是「無趁湯，無趁粒」，就是啥物都無趁，
攏總無趁的意思。
啥物款情形之下，會「無趁湯，無趁粒。」？
就是彼種義務性的，像講真濟人共NGO鬥做工課。
．彼个人伊為著社會議題，付出有夠濟，做足濟工課，而且伊攏無趁湯，
無趁粒呢，予人實在感覺足欽佩的。
＊一暝全頭路，天光無半步。
Tsi̍t mê/mî tsuân thâu-lōo, thinn-kng bô-puànn-pōo.
這可能嘛是真濟人的心聲。「一暝」就是「規暗」，「全頭路」就是講我明仔載
欲創啥創啥，我未來欲做啥物計畫啦，抑是講我明年的時陣，我一定愛按怎按怎，
規暗講甲按呢袂輸伊明仔載開始，就欲做啥物大事業仝款，結果，天光無半步，
第二工起來了後，啥物代誌攏無想欲做。
◎批評別人用會著Phue-phîng pa̍t-lâng iōng ē tio̍h
＊一句話三角六尖。
Tsi̍t kù uē sann-kak-la̍k-tsiam.
一句話三尖六角。
Tsi̍t kù uē sann-tsiam-la̍k-kak.
攏有人講。
有的人講話，毋好好仔講，遮欲共人剾一下，遐欲共人供體一下，講話掛刺，
聽著予人足袂爽快的。咱就會當講：
伊彼个人就是逐改講話，見擺講話，就是「一句話三角六尖」，所以人就較無愛
和伊討論代誌，就是按呢。
＊家己想，家己著。
Ka-kī siūnn, ka-kī tio̍h.
伊家己想的，伊家己認為伊家己想的攏著。
兩種情形：
A.華語講的『自以為是』。
伊攏「家己想，家己著」的，伊攏毋免問別人的意見。
B.講人做代誌較頇顢，你猶毋去共人問，毋去查資料，你就踮遐「家己想，
家己著」，若是毋著欲按怎？
＊食飯攑碗公，做工課閃西風。
Tsia̍h-pn̄g gia̍h uánn-kong, tsò khang-khuè siám se-hong.
講著食飯的時陣，碗公就攑來矣，趕欲食，食較濟咧，所以愛捀碗公。
啊若做工課，西風會冷，「閃西風」就是因為伊會冷、會寒，所以伊愛閃西風。
若是講著工課，伊就身體足虛、足荏的，會驚寒，會無爽快，會無拄好。
A：彼个阿明仔，伊拄才毋是猶閣好好，啊哪這馬看起來人若像無啥爽快唅？
B：伊彼个人「食飯攑碗公，做工課閃西風。」啦！拄才逐家咧食飯開講的時陣，
伊免講嘛人好好，這馬開始欲做工課矣，就一个人形攏變去矣。
這就是罵人的。
＊你看我浮浮，我看你霧霧。
Lí khuànn guá phû-phû, guá khuánn lí bū-bū.
「浮浮」佮「霧霧」攏是看無啥清楚。其實就是看人無，看人袂起的意思。
你看我浮浮，你看我袂起，按呢我嘛看你霧霧，我嘛看你袂起。
有的人若是講對你較無客氣，敢若像對你的態度無講蓋偌好，咱頭仔開始
就忍一下嘛，忍到尾仔忍袂牢，你想欲共唱轉去的時陣，你就會當講：
你看我浮浮，我嘛看你霧霧。你莫叫是講我攏無佮你計較，你就會當用這種態度
佮我講話喔！
＊上踏枋上眠床，無洗跤睏中央。
Tsiūnn ta̍h-pang, tsiūnn bîn-tshn̂g, bô sé kha, khùn tiong-ng.
踏枋，古早的彼號柴的紅眠床，伊下面有一个會當予你踏起去，再上眠床的踏枋，
予你架跤用的。
踏枋踏起去了後，就“足百”起去眠床頂，“足百”起去眠床頂無打緊，伊閣無洗跤，
無洗跤無打緊喔，伊閣睏佇咧中央。
就是講一个人華語講的『得寸進尺』，軟土深掘的意思。
像講有當時仔，咱好心借同事一寡物件，同事共你講：你彼枝筆會當借我一下無？
你講：好啊，無問題，你家己提。一改、兩改了後，伊毋但是共你提你的筆，
提你的theh-puh（膠帶），提你桌頂的物件，甚至共你屜仔（thuah-á）
挩（thuah）開，內底的四秀仔攏家己提來食，傷超過矣啦！你就會當講：
今你這馬是按怎？上踏枋上眠床，無洗跤睏中央，你按呢傷過份矣！
就是講這个人做代誌，傷過超過，傷過食人夠夠的意思就著矣。
◎互相鼓勵用會著 Hōo-siong kóo-lē iōng ē tio̍h
＊大格雞慢啼。Tuā keh ke bān thî.
格，就是體格。「大格」就是有的雞仔，伊生了體格較好，較大隻的彼種大格雞，
伊叫的時間會較慢。華語講『大器晚成』，咱就會當講「大格雞慢啼」。
有當時仔，有一寡社會上拄出社會的人，可能頭仔開始，無啥物表現，毋過
有的人有眼光，伊就看會出來，這个人未來有前途。你就會當講：
你莫看伊這馬無啥表現，我感覺伊是「大格雞慢啼」，五年以後，你才共看，
伊一定表現甲足好的。
＊荏荏馬嘛有一步踢。
Lám-lám-bé mā ū tsi̍t pōo that.
荏，就是虛弱的意思。「荏荏馬」就是無啥物氣力的馬，走袂緊這種的。
「嘛有一步踢」就是講伊較按怎虛弱，較按怎䆀，原仔會曉一項代誌，就是
伊會曉踢。意思就是講
一个人就算講你足濟欠點，人嫌你這也無好，彼也無好，至少無論按怎，
你一定攏有你𠢕的所在，有你會當發揮的所在。這是會當共人鼓勵的。
雖然你是今仔來這个單位，可能袂慣勢，所以表現了無好，毋過
人講「荏荏馬嘛有一步踢」你毋免對家己遮爾仔無信心。
媽啊……麻煩一下是不是該翻譯一下正式的文章……你寫的都看不懂？
謝謝你，讓我能方便作筆記
@@jonahlv5418
這是照主持人的口語做的文字稿，全是臺語文。
感謝你。
（以上，嘛仝款全是臺語文。）
臺語文，和英語文、日語文仝款，攏是愛學才會曉，
你無學過，你當然袂曉。
你無可能愛別人共所有的英文字，或者是日文字，攏翻做華文予你看。
敢毋是？
真好e 節目。
，， 這位小姐講台講的不錯要繼續傳承下去
21:23煮食動詞.很有趣.道地的台灣話..是我從小至今習慣的用詞..
讚讚讚👍👍👍
NOW I eat breakfast with this~
Thanks~
素食
希望有一工，講台語當著時的字幕，會當拍台語，與逐家會當對應，順煞認捌台灣字
，相信按呢欲推台語會閣卡順利。
煩請加緊臺語進化，不要和我們閩南語有瓜葛，這些俗語與諺語絕大多數都是閩南語的，謝謝！！！
俗語與諺語這種存古的東西，容易與中國閩南地區產生聯結，故節目應該多討論臺語如何更多加入日語，才顯臺語高端
Ｏｈ，你kám知中國語裡底有一和製漢語？
黄亚猛 謝謝你的指教哦~~ 那我也建議你講的中文(華語、普通話、國語)應該避免使用於19世紀末從日本引進的和制漢語詞彙與二次世界大戰後英語混用的句法，以及最重要的 - 排除中古時期因蠻族擾亂中原摻入的胡音~~ 這樣你才能說一口標準的中原華語，避免與塞外、蠻夷與西方帝國主義走狗產生連結，敗壞傳統、正統、高統的漢人語言文化~~
呵呵，我的母語是閩南話，臺語最存古啦~，我們很快就聽不懂了，要快啊
閃西風的（西），應唸（獅）台唸才恰當，大家認為呢？
我們家從小到大都是念 sai-hong
👍👍👍
" 舉" (gia) 為何台語要在舉字上加 一個手旁, 而夯字, 跟舉好像也無關, 為何要用夯當" gia" ? 音意好像都不對, 不過這節目很好, 我很喜歡
哈哈一同去上學 作伙去讀冊
脚 不宜改為跤
雙足交如何前進？
0:22 語言是文化的Daddy. 原來如此
語言是文化的底地
這輯怎麼沒羅馬字呢？
法蘭西水.應讀為(拉姆內)日語ラムネ
阮是講「你看我phú-phú, 我看你霧霧。」phú 是phú色，華語「灰色」，安呢對「霧霧」較合理，我認為「浮浮」音義攏走爭去，應該毋是「浮浮」。
有聽人講是"殕"，淺色的意思
《普閩典》就是用此字！
你講的著，教典(教育部台灣閩南語常用辭典)就是用「你看我殕殕，我看你霧霧。」
Lí khuànn guá phú-phú, guá khuànn lí bū-bū. 」
北京话的成语，例如“大器晚成”等，为什么不能直接用闽南话的文读系统读出来？成语是大家一起用的，如果能把北方的成语加入到闽南话当中，对闽南话的词汇有很大的扩充作用
漢羅台文/bun55
國語標準/tsun22
2021/03/08(拜一)
台文的國字有兩種,漢字佮台羅拼音廿三字。
母音6＋子音15-1
+鼻音3=23/7
「袂」是衣袖，沒有「無」「沒有」「不能」的意思
“未”才是。
嘸
臺日大辭典 【台語古今談】 th-cam.com/video/jDaZWhKVaS8/w-d-xo.html
為何講台語的節目！！！還會有（華語解釋道
）全部用台灣話，困難嗎？？？？？？
一暗無眠為何不用一晚無眠比較好理解與學習,很多台語字不知從哪創造出來,看著都丈二金剛摸不著頭緒
電鍋不能用ko。這是錯誤的❌。
ko用於虛擬的東西。或者名字。
全台灣有半數以上的人講電鍋，音為KO，你卻說他們錯誤，這說法沒道理。即便原來是錯的，他也被大家所接受並瞭解，語言是活的，別人廣泛能懂得就是對的。
大隻雞慢啼
在ㄢㄣㄢ
請問這些台語字出處何處 還是自創的
有些錯字
是“未盡”，不是祙盡。
猶未、未曉。
“未” 都唸 buei 7
未，漳音buei7/泉音be7，「不」的意思。教育部將「不會」的連音字﹙勿+會buei7﹚，以「袂」字代替，似乎不妥！請參閱
何永恆先生的「留言」。
漢語不好臺語怎麼會好呢?
天啊……有音沒有字……還想建國？
漢字、羅馬字毋是文字？
發音無準，華語教臺語？臺湾話？臺湾洛話？