Alishetti Prabhakar - Kavithaa Chitralu [4] : Dasari Nagabhushanam, IFS., Retd.

Alishetti Prabhakar - Kavithaa Chitralu [4] : Dasari Nagabhushanam, IFS., Retd.
అలిశెట్టి ప్రభాకర్ కవితా చిత్రాల పుస్తకం ‘అక్షర నక్షత్రమ్మీద’ అన్న పేరుతో 2014 లో అంటే పది సంవత్సరాల క్రింద ప్రచురించిన సందర్భంలో జయధీర్ తిరుమల రావు గారు రాసిన మాటలు వీక్షకుల కోసం యధాతదంగా
***
ప్రభాకర్ మరణించి ఇరవై ఒక్క సంవత్సరం పూర్తయింది. అంతకుముందే వేసిన కవితా చిత్రాల పోస్టర్లు అతని కొడుకుల వయస్సంత.
రెండు దశాబ్దాలుగా ప్రభాకర్ని మరచిన మిత్రులు ఆ పోస్టర్లనీ మరిచి పోయారు. ఎక్కడ ఉన్నాయో అని వెతికి వెతికి ఆరా తీస్తే అవి హైదరాబాదులోని ప్రభాకర్ ఇంట్లోనే అటకల మీద దుమ్మూ ధూళీ పట్టిన సంచుల్లో దాగి ఉన్నాయి. కొన్ని పాడై, కొన్ని శిథిలమై, గాయపడి క్షీణించిన ప్రభాకర్ జీవితంలా....
మనని ఒంటరి చేసిన అలిశెట్టి రేఖలలోకి మరోసారి ఆత్మీయంగా ప్రయాణించాలి. అతని భావాలలో చొరబడడానికి మనం అర్హులం. తనని తాను ‘ధ్వని’ని చేసి, అభివ్యక్తం చేసి, మనల్ని పలకరించే పోస్టర్లనీ, కవితలనీ ఆలింగనం చేసుకుందాం. పాత నలుపు పేజీలపై, నల్లని పెన్సిల్ గీతలలోంచి, ఒలికిపోగా, మిగిలి, గడ్డకట్టిన, ఇండియన్ ఇంక్ పై వేసిన నీటి చుక్కలతో పాటు, మనమూ కరిగిపోదాం. ఇవి ఒక తరం కిందటి హృదయ స్పందనలు. నులివెచ్చని భావస్ఫోటకాలు. ఇవి మన ఆలోచనల పాదాల కింద పేలే ల్యాండ్ మైన్లు. మన మెదడులో ఆగకుండా జరిగే భావాల కూంబింగ్. మన తరం అరుదైన తెలుగు కవీ, చిత్రకారుడి సమాజ హృదయావిష్కరణలు. కలం, కుంచెల ఐక్యభావధార! ఇదొక కొత్త సాహిత్య జీవ ప్రక్రియ. అందులోకి ప్రవేశిద్దాం.
జయధీర్ తిరుమల రావు.

[@vanaseva2007]

గొప్ప అభ్యుదయ వాద కవితలు..sir🎉

[@pachabottubhushanam]

ఇవన్నీ 35/40 సంవత్సరాల క్రితం ఆయన రాసినవి ఈ నాటికీ అతికినట్టుగా నిత్య నూతనంగా ఈనాటి పరిస్థితుల్లో ఎమీతేడా లేకుండా ఉన్నాయంటే కవి దార్శనిక ప్రతిభ మరియు ప్రభావం ఎంతటిదో తెలుస్తుంది. మీ స్పందనకు ధన్యవాదాలు.
🌿🌿🌿

[@suryaprakasaraobirada6678]

Narration is appreciable

[@pachabottubhushanam]

Tq very much 🌿🌿🌿

[@adbhutamentertainments6794]

Good

[@pachabottubhushanam]

ధన్యవాదాలు 🌿🌿🌿