Arben Minga ||| Legjenda bardheblu

Të lindësh apo të rritesh në Tiranë duke dashuruar futbollin, nuk mund të mos dëgjosh të paktën njëherë të flitet për Arben Mingën. Nga më të rriturit, pavarësisht skuadrës së zemrës, do mësosh për një sulmues të fortë dhe të vendosur të viteve ’80. Idhull i pjesës bardheblu të qytetit, Arben Minga lindi më 16 mars 1959 dhe në Shqipëri veshi vetëm një fanellë, atë të Sport Klub Tiranës.
Në një karrierë të mbushur me triumfe dhe data historike, Arben Minga formon te 17 Nëntori dhe kombëtarja shqiptare dyshen e sulmit me Agustin Kolën. Të dy të lindur në vitin 1959, të dy largohen në të njëjtin vit nga fubolli i luajtur dhe po bashkë shënojnë 18 gola në atë ndeshjen e veçantë, që e kanë merak edhe tifozët. Kundër Partizanit.
#Tirana e viteve ’80 ishte skuadra më e fortë e futbollit tonë, e bekuar me një brez lojtarësh të talentuar bazën e së cilës e shfrytëzoi edhe kombëtarja e kohës. Rezultatet e mira nuk përktheheshin vetëm me trofe brenda vendit por edhe përballje e fitore historike në Europë.
Për shembull në Bukuresht, më 1 tetor 1986, bardheblutë fitojnë kundër Dinamos vendase 2-1, duke siguruar kalimin në turin e dytë të Kupës së Kupave.
Minga shënonte shpesh në kampionat, por golat i kishte të rëndë edhe në kontinent. Më 18 tetor 1989, përballje e vlefshme për Kupën e Europës (sot Champions), “Beni i modh” në shtat e vepra e përplas topin në rrjetën e Bayernit të Mynihut në “Olympiastadion”.
Me ndërrimin e sistemit politik, Arben #Minga luajti për disa sezone në Rumani dhe karrierën e mbylli si qendërmbrojtës, rol i ri, te Tirana në vitin 1996. Pas një përvoje si punonjës sigurie në aeroportin e Rinasit, emigron familjarisht në Kanada në vitin 1997.
Kur e la futbollin, Minga u shpreh: “Është një ndarje e parë e imja nga jeta. Kështu e quaj unë, tani vazhdon jeta e dytë e imja.”
Një sëmundje e rëndë e mori nga jeta në moshë fare të re në janarin e vitit 2007. Idhull i qytetit dhe i futbollit tonë, kujtimi i Ben Mingës nderohet nga tifozeria e Tiranës dhe vepra e tij kujtohet me respekt edhe nga rivalët në sportin e lojës së bukur…
#Albania

[@kazhanifitim]

I pa zevendesueshem
R.I.P Ben Minga !

[@shyqyrihakrama2902]

Nostalgi pa fund më mbushen syte me lot.

[@shaqirpepa4581]

Ben minna Jetson gjithmone ne zemren dhe Mendenhall time se tirona e viteve 80 nuk vjen MA

[@shyqyrihakrama3461]

i përjetshëm kujtimi për Ben Mingën.