សង្គមស៊ីវិល៖ការផ្តន្ទាទោសលើសកម្មជនមាតាធម្មជាតិគឺជារឿងគួរឱ្យអាម៉ាស់

នៅ​ព្រឹក​ថ្ងៃ​ព្រហស្បតិ៍​នេះ​ ក្រុម​អង្គការ​សង្គម​ស៊ីវិល​ បាន​ចេញ​សេចក្តី​ថ្លែង​ការណ៍​រួម​មួយ​ ចាត់​ទុក​ការ​ផ្តន្ទាទោស​លើ​សកម្មជន​មាតា​ធម្មជាតិ​ថា​ជា​«រឿង​គួរ​ឱ្យ​អាម៉ាស់»និង​ស្នើ​ឱ្យ​អាជ្ញាធរ​ទម្លាក់​ចោល​ការ​ផ្តន្ទាទោស​លើ​ពួកគេ​ដោយ​គ្មាន​លក្ខខណ្ឌ។ មន្ត្រីនាំពាក្យ​ក្រសួងយុត្តិធម៌​ ថា​ការ​ចេញ​សេចក្តី​ថ្លែង​ការណ៍​ទាំងនេះ មិន​មាន​ឥទ្ធិពល​លើ​តុលាការ​ទេ ហើយ​ក៏​មិន​ជួយ​ដល់​ជន​ត្រូវ​ចោទ​ទាំង​អស់​នោះ​បាន​ដែរ។