#រមណីយដ្ឋានរថក្រោះថ្ម
ฝัง
- เผยแพร่เมื่อ 15 ก.ย. 2024
- រមណីយដ្ឋានរថក្រោះថ្ម នៅជើងភ្នំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ
...
ខេត្តបន្ទាយមានជ័យ ៖ អង្គភាពកងទ័ពរថក្រោះ និងអាជ្ញាធរមានសមត្ថកិច្ច បាននឹងកំពុងរួមគ្នារៀបចំកែលម្អទីតាំង និងបរិវេណរថក្រោះថ្ម និងភ្នំព្រះនេត្រព្រះ អោយទៅជារមណីយដ្ឋានទេសចរណ៍ថ្មីមួយ ស្ថិតនៅភូមិប៉ោយក្តឿង ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។
ឧត្តមសេនីយ៍ទោ កែវ សេងឡាយ មេ
បញ្ជាការរងនៃបញ្ជាការដ្ឋានកងរថក្រោះ អគ្គបញ្ជាការដ្ឋានកងយោធពលខេមរៈភូមិន្ទ(អបក)និងជាមេបញ្ជាការកងរថក្រោះប្រចាំទិសយោធភូមិភាគ៥(ព្រះនេត្រព្រះ) អោយដឹងដូច្នេះនៅថ្ងៃទី១៨ ខែមិថុនា ឆ្នាំ២០២០ ខណៈបានអញ្ជើញឯកឧត្តម ឈើយ ចាន់ណា សមាជិកព្រឹទ្ធសភា ឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោក បឹង គឹមសឹង ប្រធានមន្ទីរសេដ្ឋកិច្ច និងហិរញ្ញវត្ថុខេត្ត លោក ឃូ ពៅ អភិបាលស្រុកព្រះនេត្រព្រះ និងមន្ត្រី អ្នកពាក់ព័ន្ធចូលរួមដាំដើមឈើ អបអរថ្ងៃចម្រើនព្រះជន្ម ព្រះវររាជមាតាជាតិខ្មែរ នរោត្តម មុនីនាថសីហនុ និងឧទ្ទិសដល់រុក្ខទិវា៩កក្កដា ក៏ដូចជាជម្រុញលើកកម្ពស់តំបន់ទេសចរណ័បេតិកភ័ណ្ឌធម្មជាតិ និងកែច្នៃដែលជាប់នឹងបន្ទាយរថក្រោះព្រះនេត្រព្រះតែម្តង ។
ឧត្តមសេនីយ៍ទោ កែវ សេងឡាយ បានបន្តថា ពេលនេះ មន្ត្រីថ្នាក់ដឹកនាំ មន្ត្រីនិងកងកម្លាំង បានដាំដើមស្លាកន្ទុយកំប្រុក៧០ដើម ដែលជាអំណោយឯកឧត្តម ឈើយ ចាន់ណា និងផ្កាយីហ៊ុប៦០ដើម ជាអំណោយលោក ជួន សុផល ។ នេះគឺជាការដាំបន្ថែមពីលើផ្កា រុក្ខជាតិលំអ ការដាំបង្គោលភ្លើងបំភ្លឺសូឡា រាប់រយ ព្រមទាំងខ្យូស ការសម្រួលពង្រាបទីធ្លានៅទីតាំងនោះ ដែលលោកផ្ទាល់ រួមទាំងសប្បុរសជន និងសហការីបានរៀបចំហើយ ។
លោក អ៊ុំ រាត្រី អភិបាលខេត្តបន្ទាយមានជ័យបានគាំទ្រនូវគំនិត និងសកម្មភាពដែលបានកែច្នែ រៀបចំតុបតែងលម្អ ត្រង់ចំណុចរូបចម្លាក់រថក្រោះឆ្លាក់ពីថ្មព្រះនេត្រព្រះ ដែលមានទំហំប៉ុនរថក្រោះតេ៥៤ ដែលមានតែមួយគត់ក្នុងប្រទេសកម្ពុជានេះ អោយទៅជារមណីដ្ឋានទេសចរណ៍កែច្នៃ ។ ម្យ៉ាងវាស្ថិតនៅជាប់នឹងតំបន់ភ្នំព្រះនេត្រព្រះ ដែលទើបតែត្រូវបានក្រសួងបរិស្ថាន ស្នើបង្កើតជាតំបន់បេតិកភ័ណ្ឌធម្មជាតិនោះ ។
លោកអភិបាលខេត្តបានបន្តថា បន្ថែមលើនោះនៅតំបន់នេះ គឺរដ្ឋបាលខេត្តទើបតែបានអោយស្ថាបនាផ្លូវក្រាលកៅស៊ូ៣ខ្សែប្រវែងជាង៥គម ដែលតភ្ជាប់ពីឃុំជប់វារី(ទីរួមស្រុក)និងឃុំព្រះនេត្រព្រះ ហើយទៅជួបគ្នាត្រង់រូបចម្លាក់រថក្រោះថ្ម ជាប់បន្ទាយរថក្រោះ និងភ្នំព្រះនេត្រព្រះទៀតផង ។
សូមបញ្ជាក់ថា ឥឡូវនេះ មានភ្ញៀវទេសចរក្នុងស្រុកជាហូរហែរ បានទៅទស្សនាកម្សាន្តនៅទីនោះ ។ ពិសេសគឺបានថតរូបជាមួយរថក្រោះថ្ម ដែលចំណាយថ្លៃស្ថាបនាអស់ជាង៣ម៉ឺនដុល្លារ។
ដោយឡែកតំបន់បេតិកភណ្ឌធម្មជាតិ ភ្នំព្រះនេត្រព្រះ ដែលនៅជាប់គ្នា ហើយជួយបូកផ្សំនូវសក្តានុពល ដល់គម្រោងបង្កើតតំបន់ទេសចរណ៍ទីតាំងរថក្រោះថ្មនោះ គឺបង្កើតឡើងដោយអនុក្រឹត្យលេខ៦៨ អនក្រ.បក ចុះថ្ងៃទី២៥ ខែឧសភា ឆ្នាំ២០២០ មានផ្ទៃដីសរុប១៣(ដប់បី)ហិកតា ស្ថិតក្នុងភូមិសាស្ត្រឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ ៕
អត្ថបទ÷ កាសែត កោះសន្តិភាព
ទីនេះ គួរឲ្យចាប់អារម្មណ៍ណាស់!
រមណីយដ្ឋានប្លែកៗ ដែលលោកគ្រូបានឆ្លងកាត់!
មិនដែលឃើញសោះ!
រមណីយដ្ឋានប្លែកៗជានិច្ច
❤❤❤❤❤❤❤
ខេត្តបន្ទាយមានជ័យ