កាលពី៧ឆ្នាំមុន គឺថ្ងៃទី ១៣ ខែសីហា ឆ្នាំ២០១៧ ខ្ញុំបានរួមដំណើរកម្សាន្តបែបសប្បុរសធម៌ជាមួយក្រុមការងារ មូលនិធិកំពង់ព្រះ ទៅកាន់វត្ត ទួលព្រះស្រីពិជ័យសូរ្យវង្ស ហៅវត្តកំពង់ព្រះ ដែលជាវត្តបុរាណមានអាយុកាលជាង១០០ឆ្នាំ នៅក្បែរប្រាសាទកំពង់ព្រះ ស្ថិតនៅក្នុងភូមិកំពង់ព្រះ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ជាលើកដំបូង។
ថ្ងៃនោះ ខ្ញុំបានជជែកលេងជាមួយតារាស្រីម្នាក់នៅលើរថយន្តក្រុងពីភ្នំពេញ ដល់កំពង់ឆ្នាំង។ ក្រោយមក ខ្ញុំបានសរសេរទំនុកច្រៀងមួយបទ ដែលមានចំណងជើងថា "លង់ស្នេហ៍តារា" និងត្រូវបានអ្នកចម្រៀងម្នាក់ឈ្មោះ ប៉េឡេ បានលើកយកទំនុកច្រៀងនេះ ដោយយកតាមបទភ្លេងមរតកដើម ដែលមានចំណងជើងថា ចន្ទ្ររះលើរថយន្តក្រុង ក្លាយជាបទចម្រៀងពេញលក្ខណៈ។
ថ្ងៃនេះ ខ្ញុំលើកយកវីដេអូខ្លីៗមករំលឹកជាអនុស្សាវរីយ៍ ដែលខ្ញុំបានចូលរួម និងខកខានទៅលេងទីនោះជាច្រើនឆ្នាំដែរ។
...
#លង់ស្នេហ៍តារា
...
១- ចួនជានិស្ស័យ កាត់ថ្លៃមិនបាន
បងជួបកល្យាណ ថ្ងៃកម្សាន្តកាយ
លើរថយន្តក្រុង ផុងចិត្តគិតឆ្ងាយ
សើចលេងសប្បាយ មុនឆោមឆាយគេង។
២- ពេលអូនតែងខ្លួន បងពួនគយគន់
វង់ភក្ត្រស្រទន់ មន្តស្នេហ៍ស្រីក្មេង
ស្រអែមខ្មៅស្ទើរ បងមើលមិនលែង
ស្ទើរឆ្កួតវង្វេង រែងនឹកស្រស់ស្រី។
R- ឱ!កំពង់ព្រះ យកឈ្នះខ្ញុំហើយ
ទន្លេសាបអើយ កុំព្រងើយអី
លង់ស្នេហ៍តារា លើវេហាល្បី
ចិត្តជាកវី ភ័យអរស្ទើរហោះ។
៣- ពិជ័យសូរ្យវង្ស អូនគង់ដឹងខ្លួន
បងស្នេហ៍នឹមនួន លាក់ពួនចិត្តស្មោះ
ពេលធ្វើបុណ្យទាន មិនហ៊ានប្រាប់សោះ
សុបិនភ្នែកស្រស់ អស់ហើយរឿងខ្ញុំ។
...
#វត្តកំពង់ព្រះ #ឃុំឆ្នុកទ្រូ
#ស្រុកបរិបូណ៍ #ខេត្តកំពង់ឆ្នាំង
០៣/០៩/២០២៤ (ជិះម៉ូតូ)