#MM
ฝัง
- เผยแพร่เมื่อ 29 ก.ย. 2024
- #MM #Weekly_pedia // 潮語可以潮幾耐?拆解潮語起源及令人尷尬之謎
潮語,用得其所就給人趕上潮流的印象,但如果過時還繼續用,說出口的那刻氣氛就立刻變得尷尬了,但其實「潮語」這個字眼本身都已經是一個過時的潮語,到底一個潮語可以潮幾耐、以前的潮語是怎樣來、聽到過氣潮語我們為何又會尷尬或者反感呢?這些問題都會在今集的Weekly-pedia得到解答。
█ 何謂潮語
是咁的,根據康熙字典的解釋,潮就是「隨氣進退而爲潮」,而潮語就是隨住時代而進退的語句,現代潮語的興起都是與網絡、討論區、電視電影、社會事件或是遊戲等等有關,潮語的特徵包括廣泛流行於年輕人之間,但其確實的意思就常常都是不明確的,例如你想不想到「屈機」、「skrskr」、「識條鐵」的定義是甚麼呢?而人為何會有使用潮語的動機呢?中文大學文化研究學系博士生俞寶生(肥寶)認為,潮語最密集出現的空間是中學及大學,而這些環境的特質就是「埋堆」(進入圈子)是非常重要,怎樣是一個簡單的方法來表達進入了圈子呢,就是在用詞上。「我來自中文大學,中大與港大已經有些用詞上的不同,中大會說Dem beat,港大會說Dem Cheers,我一說Dem beat你就會知道我是來自中大出身的,一兩個字就立刻辨認到你是不是在我的圈子中。」
█ 老餅潮語的由來
我們翻查網上論壇紀錄,推測「潮語」這個字眼最早出現於2005年,現時一般人會將潮語等同於網絡流行的用語,但未有網絡及潮語這個字眼存在的年代,其實都有「潮語」這個概念存在,例如習慣成自然、百聞不如一見、阿茂整餅,無嗰樣整嗰樣 、面和心不和等等,不過就連學術界都未達成共識應該怎樣定義,根據《中國語言學大辭典》「流行於民間的通俗語句,指諺語、俚語、口頭上常用的成語等」,而《文史分科詞典》則指是「通俗的口語詞。通常帶有方言性」、《成語熟語詞典.序例》則說是「各方面能獨立表意的詞組、短句,成語和俗語、俚諺,很難有嚴格的界限」,而《香港粵語慣用語研究》又說「流行語指的是通行於某個時期的俚俗語句,其最大的特點是變化迅速,迎合人喜新厭舊的心理」,根據上述眾說紛紜的定義,流行語、歇後語、諺語、俗語、俚語通通「打大架」亂成一通,香港歷史掌故專家蘇萬興索性將上述的甚麼甚麼語一律稱為「老餅潮語」。而根據他的分析這些「老餅潮語」的產生方式分別是因廣洲話而來的潮語、因社會大事而產生的潮語以及受外來語所影響而產生的潮語。例如「埋單」就是源於1941年太平洋戰爭爆發,香港政府為增加收入備戰而向食肆加百分之五的飲食稅;行路上廣州源自1925年工人響應省港大罷工,殖民地政府下令九廣鐵路停駛企圖阻止香港工人回廣州,響應的工人就唯有「戇XX,行路上廣州」。而「做到隻積(Jack)咁」、「巴閉」(Bapre)、「傾偈」(Gatha)、「花臣」(Fashion)就是受外來語影響而產生的潮語。
█ 捕捉潮語壽命的方法
俞寶生(肥寶)是中文大學文化研究學系博士生,他的博士論文其中一部份需要研究網絡輿論,所以就用長時間收集了2005年11月至到上年6月30日,在高登及連登討論區的所有帖子。現代潮語會出現的地方絕大多數都是網上討論區,如果可以設定某些有代表性的潮語作為關鍵字然後搜尋它在各大討論區上被使用的次數及日期,我們就可以知道那些潮語的流行程度以及甚麼時候開始沒有人用開始過氣。用一個肥寶稱為「最簡單最不用考慮其他東西的方法」,就是用鍵詞抽取(keywords extraction)的方法,然後在肥寶儲存的3億9000萬個高登、連登討論區帖子入面搜尋關鍵字(潮語)出來,再排列每個月出現的次數,這樣就可以排成一個折線圖來作初步的解讀。
█ 潮語原來潮得3個月
肥寶將短時間(約一個月)內,在100萬個帖子中,超過1000個帖子都有出現的潮語稱為現象級
,肥寶就測試了香港網絡史上第一個爆紅的現象級潮語「你有壓力我有壓力」(2006年巴士阿叔事件),發現連這個元祖級網絡熱爆潮語,都只短短流行於2006年5月的時間,當時在高登上有非常高(超過1000個帖子)的使用頻率,但一個月之後就「係咁先啦」極限下跌,而其他曾經盛極一時好似「紅都面晒」、「佛系」等等的潮語都是平均3個月就使用率急劇下跌。
肥寶將長時間(以年計)超過500個帖子都有出現的潮語,稱為已由網絡滲透到生活的「社會日常用語級」潮語,例如「屈機」、「kai子」、「識條鐵」等,「可能因為『kai子』長期與『戇X』競爭,而『戇X』的能力較強就打敗了『kai子』」。肥寶根據數據所得的折線圖,分析如「kai子」、「識條鐵」、「囧」這些已經融入日常生活的潮語,大概可以流行5、6年左右的。
█ 潮語只有退化
肥寶以現時比潮語更活躍的meme圖來解釋為何潮語會過氣,「在歐美的meme其實它的概念來源是一個叫作文化基因,一個meme會自行進行複製及傳播。」肥寶的意思即是meme圖的使用者很多時會在原有的meme圖上加入創作,「但壞過凱婷不會再變成壞過Sally吧,所以潮語演變的空間比較少。」
█ 為何聽到過氣潮語會尷尬
在了解為何聽到過氣潮語會尷尬的原因,就要先了解為何我們庶何會產生尷尬這個情緒,美國侯斯頓州立大學心理學教授Rowland S. Miller在1995年一個有關社會評價的研究中指,如果表現出來的形象,與自己想表達的形象不一致或是會造成負面印象的話,你就會覺得尷尬了。而使用或聽到過氣潮語之所以會尷尬,很可能就是因為使用過氣潮語與落伍形象掛勾,而這個落伍的形象就不是我們想呈現給人看的。
你又有甚麼一聽就覺得尷尬的潮語呢?留言告訴我們吧!
策劃:梁中勝
剪接:黎雋宇
攝影:潘志恆、張志孟、李軒
監製:林京賢
#連登 #高登 #潮語 #meme圖 #係咁先啦
#巴士阿叔 #你有壓力我有壓力 #紅都面晒
#MillMilk
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
後記
一開始會想做這個題目,是因為某些精心設計出來的「潮語」鋪天蓋地湧入我的生活(無論是虛擬還是現實),於是我有個很無聊的想法就是我究竟還要聽同一個潮語多久才可以不用再聽到呢,當然我們可以憑主觀感覺以至經驗就大概說出「幾個月lor」,但我又很想找到一個較為科學的方法來滿足我這個無聊的疑問,於是我就想到這個「無聊事認真做」的欄目Weekly-pedia非常適合。但認真思考怎樣做的時候發現這個題目真的是好很難(肥寶講其實唔難是對他而言),實際上我寫這個題目的時候有種以前大學寫Final的感覺,我曾研究過一款社會學科會用到的軟件,嘗試自行找出答案,但發覺短時間內從零開始由網絡爬蟲收集數據再分析是不可能,於是轉而多方求教不同學院的大學教授,幾經轉折下終於很難得地找到肥寶從事過類似研究並願意接受訪問,希望我這個故事除了能滿足我個人的無聊疑問,亦能為各位觀眾帶來有營養的十分鐘。
加油💪🏻
Sam gor🤟🏻
可否介紹一下,幾個而家流行既潮語? 好似片頭幾個都無人答到?
呢集高汁啦
有料 sam
俾個Like肥寶,咁樣系統性研究真係有d新鮮感
補充:關於埋單之由來亦可能係:因為廣州的飲食業,以前就有先食後結賬的傳統做法。埋單”釋義為“開單,結賬”。或是“執埋”、“開單”的簡縮語。這種用法是廣東文化的縮影,包含了廣東人對生活的一種感悟。其中有四層意思:
一是提醒服務員“行埋來”(走過來),“埋”乃“靠近”,這種貼身服務既可方便顧客,又可避免餐館的忙亂;
二是服務員隨時“記埋”(記下來)顧客吃的菜,讓顧客明白消費,“埋”有“記錄、累積、聚集”的內涵;
三是用餐結束時,服務員已經把顧客的消費數額預先“埋好”(算好),以免顧客久等結賬的尷尬,“埋”又有“收集、整理”的意思。
四是「執埋」茶樓、食肆用於盛載食品的碗碟,在其內部是分門別類有嚴格區分的,比方説,按5角、1元、1元5角、2元……區分,服務員一看見某種碗(碟),便立即知道是盛載何種價格的食品。服務員過來後,先將各種代表不同價格的碗(碟)分門別類歸類疊放好(執埋)
關住美術組精神狀態
多謝關注!會繼續努力!
7:16 那個永遠唔會放棄你嘅男人係永遠嘅經典😂😂😂
原來牧童笛演奏係 你哋兩個 自製BGM 驚喜
係咪好有心思!
@@mm.millmilk 突然有一份好痴線嘅親切感
@@tailsng4356 即係點啊🤣🤣🤣
一名70後表示:
「屈機」概念其實係出現係比「街霸II」更早嘅時候,但嗰時係會稱呼為「不死位」。
意思即係只要將遊戲角色移到畫面上某個位置後固定唔郁,然後雙手不斷瘋狂按制出拳或發炮,咁敵人就會乖乖的送上門比你打死之餘,佢哋又一定打你唔到,讓人順利過關。
好多經典198X 及 199X 年代嘅遊戲如「双截龍」、「1943」、「Final Fight」及「吞食天地II」等,都有「不死位」。
但係幾時開始有「屈機」詞語,就真係唔知啦。
最後想講,其實「屈」呢個字,本身巳經係一個潮語。
來自1988年鄭少秋主演嘅電視劇「誓不低頭」,主題曲頭兩句:
「誰人迫我 屈我辱我」
自始「屈」=「冤枉」,唔覺唔覺就講咗40幾年咯。
條片好正。潮語研究都好正。
啲 animation 好Q jeng(鍾意)
達哥個‘’完‘’字真係畫龍點晴
講memes嗰part好正!
巴閉: 古代中東、印度商人到廣東沿海做生意,由於語言溝通上的問題,經常出現大聲爭吵的場面。本地人只聽到這些商人經常叫BAPRE、BAPRE(我的天呀),但不知什麼意思,從商人動作形態可以看出很煩躁、盛氣凌人的樣子。於是,本地人便用“巴閉”代指嘈雜、吵鬧,還用來表示盛氣凌人的樣子。如今,“巴閉”還有褒義含義,有顯赫、光彩、成就輝煌、很厲害的意思。
勁。
其實淆底、識條鐵而家仲用緊,周不時都見到同聽到、聽到亦都唔會覺得尷尬
識條鐵真係睇到聽到都尷尬,可惜那些人仲以為自己好型😂
@@dchch8440 你唔用唔代表out咗,既然仲周不時都聽到就代表仲係日常用語仲流行緊啦,係你自己自以為覺得out覺得老尷
very interesting topic
飲淡茶, 食個包 應該都係那個年代的潮語
呢集京受到嘅傷害 #MM
#MM 好正,肥寶好勁
#MM 認真做
好似聽緊DSE Listening同綜合
好犀利好高汁!!!!!
這個是我的想法。潮語可以用 “近代成語” 來納入文學界? 或者近代成語字典?
想問下依家又興講咩, 人離開左香港真係好OUT
高登佬原來真係有樣睇
屈機最初初應該係 屈板邊, 街霸2 果陣軍佬同呀KEN果D 當對方企係板邊, 可以不停出波, 對方只能擋又跳唔起. 所以叫屈板邊, 屈機應該就係軍佬果招金雞獨立,同埋無影撻. D人就開始講屈機. 拳皇既潮語或SNK出既GAME既潮語應該係爆氣. 之後仲有 "LONG死", 用同一招打到對方不著地而死.
等睇Phoebe着面堅尼
當你見到cctvb啲節目都用個啲潮語既時侯,佢就out左啦
下一集會唔會講潮文?
最後吹木童笛好正 不過都好想打爆佢😂
“现象级”是 phenomenal 的三流蹩脚直译,最好别用。
又幾攪野
咁問番轉頭
年紀開始上左去既時候
唔識當下既潮語
咁係咪要講番文言文咁呀?
KaI子長期同戇鳩競爭.......XD
呢段真係好好笑
nice
多謝支持!
仲有人講kai子?😂
嘩,呢個有無廿年前?
😍
😍
😍
😍
剪片加人工
怪奇!
好痴線呀你哋😭 #MM
潮語變成試題真係柒到喊...
KAI 子真係好ON9
你哋啲後製好犀利,唔用用到濫嘅特效(e.g. 1000 years later/電影對白) ,效果亦唔會打斷影片節奏流暢度,睇得好舒服。
呢一類科普性題材好好睇。
有無睇晒咁多集 Weekly Pedia 㗎你!
@@mm.millmilk 尷尬囉😂😂
阿寶解釋緊嘅時候係咁轉bckgd好正😂 正到我focus唔到佢講緊咩要回帶睇多好多次😂😂😂 另外 #MM 真世一,日日都有新片,日日放工返屋企都有追電視睇嘅感覺,真的久違了😭 而且條條片啲剪接同effect都精緻到癲,細節位係做得好好又有字幕!唔難想像你地係爆肝到來回地獄又折返人間😭 今條片仲玩埋真人拳王,喺動畫之上又上一個層次,超級respect!!! 加油啊 #MM,會繼續支持你地😭🙌🏼❤️
晚七點半再見啦!得唔得先!
你哋d research真係令人甘拜下風 #MM
認真做!記得睇埋其他 #Weekly_pedia
睇晒!feel到你哋團隊氣氛一流!👍🏼👍🏼👍🏼
當一個潮語大台都用 就係out左
如果 MM 都用呢 👀
@@mm.millmilk cheap咗
@@kathy520cheung5比你還cheap嗎
表達方式好生動有趣,加油!早日衝上100K訂閱
咁就要靠你支持啦!分享咗呢條片畀朋友未先?
最初「屈機」叫做「打方」,即是「打 Formula 」,意思是玩家利用遊戲中的 bug ,只要不停做某個動作,就可以打死對方。 街霸1 已有「打方」,而街霸2推出時,少了人講「打方」,多了人講「屈機」 。而拳王是相對較新的遊戲了。
我記得係街3至有真正打方,
因為街2開始有改板(動作快咗)
街3改板至有人(打方)即係屈機潮語流行起來
就因為有了屈機呢種玩法,
我就退燒停玩街霸,
有錯請更正。
更正,你所指既打方,唔係屈機!
正確嚟講,係等於Chok秘技!所以又會叫chock form,或者打方!
記得街覇2時已有幾種叫法...屈機, 屈form 屈蛇 屈撻, 而全部都用個屈字, 不知是否同誓不低頭有關, 呢套劇出垷後, 屈字才在香港大行其道
講得出都証明你同我一樣老餅
無聊事認真做呢種精神真係好值得嘉許!!
屈機-應該係出自街霸中既軍佬,佢有一招金雞獨立係可以屈死蘇聯佬嘅…
而且當時遊戲中軍佬都有招叫無影撻既bug,呢個就係真正既屈機!出咗呢招你只能一路俾佢撻死😂
感謝補充!!
@@mm.millmilk 學長講既係正解 細個聽機鋪d阿叔講 當年出呢d招係會上演真人街霸
屈機前身應該係屈波昇
@@scouser427 可能每個人睇法唔同,我哋嗰陣覺得無影撻先係屈機。
長知識了
本身好中意睇你地既影片但去到以個on9認真做既系列就好吸引我
我覺得只要認真做得好過on9事既本質就會變左資訊性影片
十萬訂閱Chucky著bikini!
十萬訂閱Pheobe都要著bikini!!
十萬訂閱阿京著面堅尼!!!
一定係chucky著bikini !!!!!!MM快d開個投票!
一人一個而家聽落會覺得 OUT 嘅潮語!
OUT到一個點!
幫緊你幫緊你
好潮
嚇死朕.....去邊度wet....好梁丙
雞毛鴨蒜
怪奇真係好正
要留意晒啲細節位。嗒真啲!
一直覺得怪奇冇左果籽呢個平台好可惜 今日終於見番佢!
❤️
個剪接太正,令我諗起蘋果無咗粒lin嗰條片,原來真係怪奇啊 🤩
6:17 on9能力勁過kai子😂
好鐘意呢d咁認真分析on9的內容👍🏻
最後牧童笛吹奏軍佬BGM正👍 加埋梳頭果下就完美 you win ✌️
你真係好堅,搵到蘇老師既老餅潮語,就知你地做好多research ,當年新澤西都係潮語黎
阿 SAM 好努力㗎!
🥺
好鍾意睇你哋啲片~
將啲某啲一閃而過嘅想法/冇為意嘅共鳴嘢,初步解釋咗,令我都反思下自己係咪都會咁諗。同埋啲effect真係好用心,好鍾意你哋片入面啲鳩expression😂!!!
我又係頭位✌🏻✌🏻,又一次快過Mill Milk留言😎😎 撐硬#MM💛💛
師兄你都真係好快手 #MM
@@mm.millmilk 使乜講?😎😎
@@AppleDailyFriends 哈哈哈哈!你睇下最新個條片!
肥寶係度。
我把聲好難聽…
多謝肥寶!
👏個achieve好勁
屈機應該係街霸已經出現,因為當時用阿龍阿KEN不停用波等人跳起就用升龍拳,當時稱為「屈波升」去到機舖就會有人屌呢種行為係屈機
嘩正!多謝你嘅補充呀 🙏
我嘅認知係,屈機早過街霸2, 屈機個機,係電腦。
人類發現某個位,係可以屈死電腦。
例如渣沙羅曼蛇,某一個移動Pattern, 係無敵的
1943 series also
香港唔同地區都有潮語浸信會,有時間可以去update一下
我第一次聽屈機係8人街霸,我諗大約94-95,我隔離屋個撚樣用赤目司令係咁用⬇️+重腳,鏟到我起唔到身,我嬲到喊,跟住佢阿哥話唔俾屈機,另外用阿龍係咁用波極都會俾人叫屈機/屈波
多謝你補充!唔知有無其他觀眾都有類近經歷可分享呢!
好似好慘痛但我忍唔住笑咗
睇到最尾果part咁都唔俾like?
#支持下啦香港人
#加油MM
on9嘅能力比較強🤣,呢句好好笑
如果有另一條片,把潮語出現次數的歷史數據以橫向統計圖顯示,影片時間每秒代表實際時間每月,就會見到d潮語浮浮沉沉。
屈機的確係街霸二時代首次出現嘅. 當時有啲類bug技無影撻或連招等等, 新手甚至老手一但中咗就要硬食埋後面成套拳, 基本上中哂就算唔死都冇乜可能翻到身嘅, 我哋就稱之為屈機.
好pro好有心機嘅製作
支持你地!
高汁片
諗起所以大台點解硬係有陣柒味,就係改節目名好鍾意用埋啲out哂嘅潮語
條片好有心啊!
聽日都有片!記得睇!
3:20 Chucky 不得了❤
肥寶講嘢嗰陣 後邊個background不停轉 掛住睇後邊😂😂😂
香港最新潮語將會係 #MM 😊😊
睇得出好俾心機做。好似當年果籽情人節果一集,笑死,真喺好認真做資料搜集👍🏻
6:30 以我個人八十年代開始打機蒲機舖既年資同親身經驗理解,
可以九十幾%肯定"屈機"一詞係拳皇開始沒落先出現,
哩個係純粹講"屈機"本身哩個形容詞,而唔係指哩個現像,
以前細個落機舖打機屈人就屈人,甚至再仔細準確咁分係叫"屈撻",
當拳皇都未出現時就即係街霸年代,街霸有三種可以絕對屈死對手既招式,
就係波動拳、昇龍拳同埋摔撻技三種,
所以多數機友只會叫"屈波" "屈昇" 屈撻"三個形容詞,因為摔撻係相比起波動拳昇龍拳容易好多,
所以順理成章屈撻係更多人做同講既,
去到拳皇就真正開始"屈連續技"既年代!
但拳皇重係初期都到中後期(網絡都未盛行年代)既時候,都唔會有人講"屈機"一詞,
最多都係就咁講"屈死" "屈埋牆"之類,
其實拳皇重有一個獨有名詞"爆氣"或者"爆珠",都有被一眾打機之友用係打機以外既事物度,
其實"屈機"一詞絕對係因為之後網絡廣泛普及同網絡遊戲開始興起,先會開始係本地流行,
之後先至用黎形容返落去以前打格鬥game好勁既人物角色同招式度,
再到廣泛使用形容一d社會上好勁好over power既人同事物!
我覺得屈機一直演變 而脫離潮語範圍
我知屈機大約係街霸2出現,當年我5歲係機舖比個大我好多嘅男人話我屈機之後熄咗部機唔比我玩😂
點解唔用返粵拼 要用普通話拼音?
但潮語年年都唔同
content editing 都好高質!!
有無邊段特別喜歡呀!
屈機一定係拳皇啦......你知唔知果時拳皇係幾咁瘋狂........日打夜打再日打夜打都咁好玩同埋有變化 真係屈撚到仆晒街
潮話反影年紀。
其實屈機呢個潮語係網上出現之前已經一直喺機舖流傳!因為以前打街機,街霸時代,通常都會有人挑機!
咁又會有半高手為左刷存在而去蝦新手既情況出現,好多時佢地會將實力較差既對手屈埋係牆角打,即係推到畫面盡頭,已經無得退,輸左就會話人屈機!
其實係挑機既變種詞,原於被人挑機,被對手打到完全無還手之力!
順帶一提,潛水怕屈機根本唔係潮語,係當時一啲根本唔識既人,將屈機同潛水夾硬痴埋當自己知係乜!
所以,當時一聽到有人講潛水怕屈機就知道:條友真係唔識㗎啵!
潛水怕屈機係會考中文題目黎
比網民(當年既高登)恥笑教育局唔熟潮語 沐猴而冠
一定係街霸嗰個年代開始出現「屈機」,堅確定! ! !
最後嘅軍佬theme正呀喂🔥🔥🔥
LIKE 爆 Weekly_pedia 系列! 好正~!
點解要用普通話拼音....
我都睇到r 晒頭
街霸係冇 combo 技,只有秘技。但係屈機亦唔係來自拳王,而係來自「餓狼傳說」。
會唔會創造到一集Weekly Pedia 係無相加咪咀郁 🤣🤣🤣
屈機一定係街霸時候出現,當年小童群益會有機打,93年之前,已經出現。
潮語 又叫潮州話,是流行于廣東潮州、汕頭、揭阳、普宁等地區的一種由古漢語演變爾來的闽南語系語言。
内容正,剪接后制更正!支持!
来自马来西亚观众
是咁的,阿京的節目真係MM7,MM世一啊。MM我真係恭喜你哋啊。
MM7 係咪00後潮語
@@mm.millmilk 多謝柳應廷💕
我覺得香港工人番廣州呢句有啲語病
想講既係香港工人去廣州
定係留港廣州工人番廣州?
來、去、番去
呢三個動詞既理解可以再貫徹一啲,會更好。
你自己唔尷尬,尷尬嘅咪人地囉😎btw 呢句算唔算潮語?
街霸嗰陣已經有屈機,我見我細佬成日都咁做😅
真係會畀人屈到喊🥲
"潮"流詞"語", 只是一時之間, 多人用的詞語, 有如潮汐, 潮流, 其難度在於之前無或不流行, 在某一時段, 很多人用, 包括用在恰當或不恰當的環境/情況. 如果硬要解釋, 可以用潮流服飾, 或潮流的生活方式包括消費. 甚至工作/交友/婚姻. 1) 可能因為天氣, 物料, 或民生趨向, 咁某種服飾就有人穿, 英國潮濕, 有了乾濕外套的物料, 就好多人下雨穿. ->最早的潮語, 在潮州, => 最潮的潮語是用潮州話說潮語. 不必在朝早, 但應早於潮峰的峰潮. 2) update soon
「壞過凱婷」 有演化0架,咪係「壞過婉婷」😂😅
屈機一定係街霸年代
因為當時格鬥game 有bug
打到人埋牆身會有硬真同彈番轉頭
咁就可以不停咁打番去嗰個位再彈番轉頭
滿血都可以到無血,因為對方角色會長期處於硬直,不能閃避不能出招,不能檔招,咁樣為之屈機,即係你玩晒咁解
嗰時仲有好多人練點樣可以打到嗰個屈機位
之後嘅格鬥game已經改良咗唔再有呢個問題
另外金手指都係同一年代嘅產物
但係並唔係督背脊嘅意思
當時有樣嘢叫做金手指密碼,可以攞嚟破解各種遊戲,令你直接打最後嗰關
有少少出茅招嘅意思
「壞過凱婷」一早out咗啦!而家係「壞過婉婷」
我覺得 屈機 分為 人屈電腦 電腦屈人 同埋 人屈人, 最初期應該係 人屈電腦, apply to 所有 game, 飛機 過關 乜都好, 因為以前 d 電腦 ai 比較容易捉到規律, 玩家比較容易搵到方法 "屈死電腦" = "屈死部機" = "屈機"; 不過後來去到對戰遊戲盛行, 通常 d 屈得死電腦既招, 同樣都係可以用黎屈人, 咁所以有人比其他人用 d 勁招 or 秘技 (無影達) or 打法 (屈波升) 屈死既話都會話係比人屈機; 然後遊戲開發商要對付玩家時, 會比 d 電腦用一 d 特別勁既招 or 比好多 hp 個 boss or 比好高 atk 個 boss or 比好高 def 個 boss, 再後期 d 就係寫勁個 ai, 比個 ai 讀 player 指令, 學 player 行動, etc, 推高個難度到比較唔合理既為程度, 就係 電腦屈人 既 屈機; 咁當然, 對住屈機既電腦, 聰明既玩家通常都可以諗到 d 屈返電腦機既方法~ (利申: elden ring 外鄉人~XD)
p.s. 話 "屈機" 係 kof95 既產物真係有 d 做唔夠功課......
@7:20 - @7:53 笑左 原來個綠幕係咁用
用寫論文嘅方式做片