Shirina_Онажоним, тугилган кунингиз муборак булсин! 💝🌺

Онажон, мен илк бор бу улуғ кунда
Сиздан йироқдаман, сиздан олисда.
Ҳозир қани эди ёнингизда мен
гул ҳадя этолсам сизга бир даста.
Сўнгра сизни узоқ бағримга босиб,
Сийпалай олсайдим юзингиз аста.
Сиза айта олсам бор қувончимни
Шодлик ёритарди ҳаста қалбингиз
ва шунда унутиб ёруғ оламни,
Жим эшита олсам сизнинг дардингиз.
Беозор, ҳокисор, сабри тоғ онам
Бу дунёда ёлғиз ғаниматгинам.
Қордек сочларига термулиб мана,
Ёдимдан ўтяпти болалик чоғим.
Ҳорғин суратига овуниб яна,
Соғиниб кетяпман онам қучоғин.
Болам болам дея таскин топмаган,
Тунлар бошим узра мижжа қоқмаган,
Дилин оғритсамда кўнгли қолмаган,
Дуосиз биз учун тонгги отмаган
Ердаги фариштам - ғаниматгинам.
Заррача меҳрингиз сўзда беқиёс,
Дунёда тилагим ягона ҳалос.
Ҳамиша соғ кўрай муштипаргинам,
Оллоҳим, эт боқий умрин илтимос.
Таваллуд кунингиз муборак бўлсин,
Не деб қутламайин оздир бу зотни.
Совғага кўҳинур олмоси юпун,
Сиз ҳадя этганда менга ҳаётни.💝
18.06.2020 Shirina