MIADY ZANAKA - Les Betheliens - (Lyrics)

🎼MIADY ZANAKA🎼
Etsy ho trotroiko ary ianao sombiniaiko ry zanaka tiako
Ianao mantsy no fahasambarako sy fifaliako
Raha ianao no tsy eo, ho ketraka foan'aho, angamba ho kivy
Avia ry malala ô, ho rotsirotsiko, avia 'zato izy
Etsy ho trotroiko ary ianao sombiniaiko ry zanaka tiako
Ianao mantsy no fahasambarako sy fifaliako
Raha ianao no tsy eo, ho ketraka foan'aho, angamba ho kivy
Avia ry malala ô, ho rotsirotsiko, avia 'zato izy
Oadray toa loza ho'ah'
Vehivavy ratsy fanahy
Tsy zanako mihitsy 'ty zaza ity
Ny an'ah velona ho ento aty...
Oadray toa loza ho'ah'
Vehivavy ratsy fanahy
Tsy zanako mihitsy 'ty zaza ity
Ny an'ah velona ho ento aty...
'Ty 'zato ianao mitandrema kely
Nangina ihany aho ka tsy niteny
Saingy tsy zaka ka ho valiako
'ty fisainanao mantsy marikoriko
Ny zanakao ve no efa maty
Dia ny ahy no sandohana fomba ratsy
Tsy zanako mihitsy 'ty zaza ity
ny ahy botabota fa tsy mahia
'Vereno ny ahy tsy hisian'ny olana
velona ny ahy fa tsy maty torana
Tezao ny anao f'aza hitsongolohana
Raha sendran'ny diso, mahaiza mionona
Ny zanaky ny hafa ve no nambinina
Ny anao angamba natanao inona...
Tsy zanako mihitsy 'ty zaza ity
ny ahy botabota fa tsy mahia
'Vereno ny ahy tsy hisian'ny olana
velona ny ahy fa tsy maty torana
Tsy zakako intsony ny serimôna
'Ndao ary ho tsarain'i Sôlômôna
Miady zanaka izy roa vavy ireo ry mpanjaka
Tsy fantatra mihitsy hoe iza no tompony ary iza no naka
Ny iray mantsy maty fa ny iray kosa dia indro tafarina
Tsy fantatra mihitsy hoe: iza no diso ary iza no marina
Aza misahiran-tsaina leroa, omeo ahy ny zaza
Ity no iadiana, aleo ho zaraiko ho samy ho sahaza
Omeo ahy ny antsy hanatontosako 'zany hevitro izany
Tsia, ry mpanjaka ô, tsy mampaninona
Omeo azy any...
Ry ramatoa ô, tsapako izao fa ianao mihitsy
No renin'ny zaza marina izany ka tsy misy tsiny
Koa indro ary raiso ity zazakely dia rotsirotsio
Ary ianao ramatoa ô, meloka ianao, izay tadidio...
Manaova ny marina hatrany
Ô ry velona mbola miaina
Fa ny atao eto an-tany
Tsarovy fa mbola ho tsaraina
Hibaribary amin'izay
ny ota sy 'reo zava-bita
Koa handeha re hanaiky ny Ray
Raha tiantsika ny ho tafita
Manaova ny marina hatrany
Ô ry velona mbola miaina
Fa ny atao eto an-tany
Tsarovy fa mbola ho tsaraina
Hibaribary amin'izay
ny ota sy 'reo zava-bita
Koa handeha re hanaiky ny Ray
Raha tiantsika ny ho tafita
🙏🏻
©Les Betheliens
#LyricsbyKalo