स्मरणातील कविता - ४ केवढे हे क्रौर्य ! श्री. नारायण वामन टिळक | Kevdhe he kraurya | क्षणो क्षणी पडे
ฝัง
- เผยแพร่เมื่อ 19 ก.ย. 2024
- स्मरणातील कविता - ४
केवढे हे क्रौर्य ! - By Nikhil Pramod Vaidya
क्षणोक्षणी पडे, Kshano Kshani pade.
माहिती - शेवटचा श्लोक
कवी - श्री. नारायण वामन टिळक
वृत्त - वसंततिलक
क्षणोक्षणी पडे, उठे परि बळें, उडे बापडी,
चुके पथहि येउनी स्तिमित दृष्टीला झांपडी ;
किती घळघळा गळे रुधिर कोमलांगांतुनी,
तशीच निजकोटरा परत पातली पक्षिणी.
म्हणे निजशिशूंप्रती अधिक बोलवेना मला,
तुम्हांस अजि अंतिचा कवळ एक मी आणिला ;
करा मधुर हा ! चला ! भरवितें तुम्हां एकदा
करो जतन यापुढें प्रभू पिता अनाथा सदा !
अहा ! मधुर गाउनी रमविलें सकाळीं जना,
कृतघ्न मज मारितील नच ही मनीं कल्पना !
तुम्हांस्तव मुखीं सुखें धरूनि घांस झाडावरी
क्षणैक बसलें न तों, शिरत बाण माझ्या उरीं !
निघून नरजातिला रमविण्यात गेलें वय,
म्हणून वधिलें मला ! किति दया ! कसा हा नय !
उदार बहू शूर हा नर खरोखरी जाहला
वधून मज पांखरा निरपराध कीं दुर्बला !
म्हणाल भुलली जगा, विसरली प्रियां लेंकरा,
म्हणून अतिसंकटें उडत पातलें मी घरा ;
नसे लवही उष्णता, नच कुशींत माझ्या शिरा,
स्मरा मजबरोबरी परि दयाघना ईश्वरा !
असो; रुधिर वाहुनी नच भिजो सुशय्या तरी
म्हणून तरुच्या तळी निजलि ती द्विजा भूवरी;
जिवंत बहु बोलकें किती सुरम्य तें उत्पल
नरें धरूनि नाशिले, खचित थोर बुद्धी, बल.
मातींत ते पसरले अतिरम्य पंख,
केले वरी उदर पांडुर निष्कलंक !
चंचू तशीच उघडी, पद लांबवीले,
निष्प्राण देह पडला ! श्रमही निमाले !
५ व्या इयत्तेता होती ही माझी आवडती कविता.
दरवेळी ही कविता ऐकताना डोळे भरून येतात... तुम्ही खरच खुप सुंदर सादर केलीत
खूप हृदय स्पर्शी कविता आमच्या बालपणी 4/5 ला ही कविता होती पण अजूनही बरीच कडवी पाठ आहेत. माझे वय 68 वर्षे आहे. सादरकारण छान आहे.
धन्यवाद! प्रत्येकाच्या स्मरणातील कविता 🙏
आज या सादरीकरणामुळे कवितेतली आर्तता मनाला भिडली.
खूप धन्यवाद!!!
🙏🙏
सुंदर आवाज, बालपणी ची कविता. जुन्या आठवणी ताज्या झाल्या.
आमच्या वेळेस ची कविता आहे त्यामुळे जुन्या आठवणी जाग्या झाल्या धन्यवाद
निखिल ! अगदी भरुन आले !
Most beautiful 😂❤❤
निखिल,अतिशय मधुर गायन!कवितेला अनुकुल असे,कोमल,हळुवार पण स्पष्ट उच्चार!!फारच सुंदर!
हळुवार शब्द....डोळे भरुन आले
निखिल खूपच छान आवाजात तू गायली आहेस त्या बद्दल आपले अभिनंदन आणि खूप खूप शुभेच्छा
खुप सुंदर 👍👌👏
धन्यवाद! 🙏
खूप सुंदर गायकी धन्यवाद
धन्यवाद!!!
Sunder aavaj ❤❤
Thanks for the feedback!!
My dad used to sing this for me and my sister while sleeping. Miss him evevrytime I listen to this poem. Khup sundar aahe hi Kavita.
Thank you he record Kenya badal. Khup khup aabhar tumche.
Same brother... 💯
Same 💯 Golden days.... 🌸
Sunder , touching
Thanks a lot!!
निखिल खुप च सुंदर
अत्यंत भावस्पर्शी अशी ही टिळक साहेबांची कविता मला इयत्ता सहावीच्या अभ्यास क्रमात होती अणि शिक्षक सुधा याच चालीवर ही कविता आम्हाला शिकवायचे, त्यावेळी सर्व वर्ग कविता ऐकताना गहिवरून जायचा अणि आज सुधा मन हेलावून गेले आहे, सर, आपण समाज माध्यमातून हि सुंदर कविता सादर केल्या बद्दल धन्यवाद, कविता शार्दूलविक्रीडित या वृत्तामध्ये लिहीलेली आहे असे मला वाटते कारण प्रत्येक ओळीतील अक्षरे ही एकापाठोपाठ र्हस्व, दीर्घ अशी शार्दूलविक्रीडित वृत्तामध्ये च येतात असे मला वाटते,!
👌👌
❤️😭
Takes me back in time….
कृपया गायकाचा परिचय द्यावा. छान गायिली ही कविता!
Khup sunder
मला ही कविता ५ व्या इयत्तेत होती, अक्षरश: रडविलं होतं