【節節有星】陳鴻進/鄧美玲 - 光棍姻緣 (友星有聲．粵唱粵友)

光棍姻緣
曲：潘一帆 詞：何大傻
(電影《光棍姻緣》主題曲；
原唱：梁醒波 鳳凰女1953)
(進)白：唉吔…哼…無人就充吓嘞噃…
(進)唱：
我擔番口大雪茄 充生曬認經理
撈世界要醒目 一於當玩把戲 　
着起西裝革履 USA歐西美
我實在 係無乜聲氣
我時常係靠滾 全憑去棍返嚟
剛啱有隻大鷓鴣 肥 就確係肥
今晚重約咗我 睇大戲
(進)白：嚟緊囉噃，執正啲先
(鄧)唱：
老襯何妨要多㩒 我都好少理
猛拋生藕 係都要搵皮宜
近日有隻肥羊 佢話住響跑馬地 　　
佢話佢響銀行 自己揸大旗
(進)白：阿Lucy
(鄧)白：陳經理，唔好意思，嚟遲咗
(進)白：無相干，有嚟好過無到吖嘛
(鄧)白：咁我地去邊唧？
(進)白：Er…去睇戲啦好嗎？
(鄧)白：睇戲？
(進)白：係囉
(鄧)白：唔…孤男寡女去睇戲？好危險㗎
(進)白：唓，最安全呀，韞住喺裏面黑媽媽
(鄧)白：唔…
(進)白：咁唔係去邊？
(鄧)白：不如咁吖，歲晚大減價，
我地行百貨公司啦
(進)白：吖等陣，行百貨公司？
(鄧)白：梗係啦，一折發售呀，名牌手袋
(進)白：買好多嘢
(鄧)白：買番一打半打
(進)白：不過呢，百貨公司日日都有得行，
嗰套戲呢，今晚呀，年廿九做埋
聽日無得做㗎嘞，仲有做多幾個字添㗎咋
(鄧)白：哦咁…咁咁咁
(進)白：你知唔知呀，嗰個叫「粵唱粵友」呀
(鄧)白：咁好啦
(進)白：我地嗱嗱聲去睇戲啦，我呢度有錢，我畀…
(鄧)白：我有我有
(進)白：我畀錢你去買飛
(鄧)白：等我啦等我啦
(進)白：嗯呢度，你嗰啲美金嚟？
(鄧)白：唔好意思呀，我換咗手袋，成袋美金
(進)白：得嘞，袋住袋住
(鄧)白：哦哦哦…咁
(進)白：嗱嗱聲，買兩張飛返嚟
(鄧)白：咁我去囉喎，我好快返嚟
(進)白：嗱嗱聲呀
(鄧)白：呀你唔駛慌，我實返嚟，你唔駛慌
(進)白：我等你呀吓…仲唔落搭？
(進)白：嘩嚡…成點鐘㗎咯喎，仲未返嚟
唔通，光棍遇着無皮柴？
Lucy，Lucy，Lucy
喂，做乜頭岳岳？
(鄧)白：邊位呀？
(進)白：邊位？我你唔識咩？喂，精精地回水嘞噃
(鄧)白：回水？你知唔知我係邊一個呀？
(進)白：我唔你係邊個，不過你知唔知我係邊個先？
(鄧)白：我識你係老鼠
(進)白：老鼠？大吉利是，老鼠就住多廿零個鐘頭都走埋…
老鼠就無嘞，我係金牛
(鄧)白：金牛好叻咩，你知唔知我係邊個？
(進)白：咩呀咩呀
(鄧)白：我係老虎乸
(進)白：老虎乸？
(鄧)白：老虎頭上釘蝨乸
(進)白：我話你老千就真，嗱老老實實啦，
大家而家揭咗個底牌，我嗰啲底樁而家畀晒你去買飛，
我而家屋企吊起個砂煲㗎，你有無就畀返啲我，等我有…有米落鑊…吓
(鄧)白：唔好意思呀，你畀我嗰啲雞碎咁多，去晒街市，買晒餸嘞
(進)白：買晒餸？
(鄧)白：第日畀你喇
(進)白：喂喂喂，第日畀咁我點過今晚我食咩呀？
(鄧)白：算喇，咁…咁你跟我返屋企，
我請你食餐便飯，咁就算補數啦
(進)白：食餐便飯？仲要跟你返屋企呀？哈哈哈
(鄧)白：唔可以出街食吖嘛
(進)白：咁又…咁又係
(鄧)白：咁咪係囉
(進)白：咁就真係大家，江湖義氣仔女喇
(進)唱：
你真係良心不欺 你良心不欺
喂 行家你真知己喇
(鄧)唱：
咁我何必相欺 何必相欺
做行家都總要通氣
(進)唱：撞特真正嘥心機
(鄧)唱：棍騙本來係犯法事
(進)唱：回頭不幹 我地結知己喇
(鄧)唱：大家結相知
(進)唱：莫非你對我有真情義
(鄧)唱：與你共諧鴛侶 要你同我畫眼眉
(進)白：得喇，一於我地去畫眉
(鄧)白：去囉去囉
(進)白：哈，嘩
#呂珊​ #呂珊LiveShow​ #光棍姻緣​ #鄧美玲 #陳鴻進 #RosanneLui​ #友星有聲​ #節節有星​ #粵唱粵友​

[@bkbk4e]

4:45, 最好聽的一截; 睇他們唱的表情, 用氣. 再睇要睇後面樂師, 佢地無乜表情, 默默用耳用心去配合

[@kamfungchu9544]

🎉🎉

[@kimta7894]

陳鸿進，鄧美玲，
合拍好开心，好听哦，

[@cheungoilin4013]

好好聽。又好笑

[@nlpplam]

😍😍😍😍