尹光 / 李麗儀｜香港靚女多｜尹光開心時代夢當年演唱會｜視聽版

香港靚女多
男白：阿老婆呀　嘩你睇香港幾多嘢睇
女白：睇乜嘢啫
男白：呢
男：全香港靚女多
女白：咩話
女：你講香港靚女多呀　咁大概會點嘅情形
　　我望你形容吓　指點我
男：由中環路過　有好多靚過鬼火
　　更風騷淺笑拋送秋波
　　轉咗入去上環　嗰一邊靚女亦算多
女白：乜香港咁多靚女咩
女：多美女　駛乜嘢纏住我
　　我知你　花心薄倖更口多
男：對唔住阿老婆
女：記否求我追我「翳」我冤我跪我
　　畀你冤到心軟 將你識錯
男：唉哀懇嬌妻你原諒我嘞
女：不必噃　男：你誤會
女：點聽得錯呀
男：我悔恨氣親你　惹大禍
女：你不用關心我
男：我掹耳仔認返錯嘞
女：你響處悶親我　你所為真不妥
男：我必要認錯　女：不要認錯
男：我話過以後信得過
女白：你啲男人都信得過嘅咩
男白：男人點信唔得過呀
女白：俗語都有話呀　男人信得過呀
　　　豬乸都會上樹喇
男白：喂老婆　你鬧我一個唔緊要喎
　　　你唔好一竹就「BAAN」一船人喎
　　　你哋啲女人又信得過咩
女白：女人梗係信得過啦
男白：女人信得過呀　狗乸都會落水呀
女白：你話咩話
男白：唉老婆唔好嗌嘞　最多以後我唔睇女人吖
女白：嘿　真嘅
女：出便有咁多靚
男：唏點及我老婆
女：你情人千百萬
男：我單愛妻一個咋
女：倘作負心漢
男：你可以打返我㗎
女：你話全香港嘅靚女多嘅
男：完全未有及得你　真係關心我呀
女：你睇下全香港嘅靚女多
　　喂嗰邊望下又一個嘞
男：哎吔我唔願再HIGH囉
合：喂　兩家當初結咗婚
　　白首兩家要諧和　誤會難免會出差錯