Anari - Ametsen eraiste neurtua

mundu mailako gerra intimo eta latz batean
beste behin zeure buruari biziraun diozunez
behingoz erabaki duzu zauden lekuan geratzea
zure ametsen eraiste neurtuari ekitea,
zuk horrenbeste denboran eta horrenbesteko afanez
gordetakoak ez duela zuk uste adina balio onartzea
ze zu beti bizi izan zara behin-behineko egoeran
aukerakoa zirudien etengabeko noraezean
ez zenuela nahi honaino iritsi baino beste inora ere ez
zalantzarekin etengabeko persekuzio bat zen
ihes egiten diozun eta jarraitzen duzun horren
artean zabiltza itzal arrotz baten jabe
ez zara besteek uste dutena
agian zeuk uste duzuna ere ez
oraindik ez hura bihurtu zen denborarekin honezkero ez
zeure aukeren gainetik amestu behar izan zenuen
irteera zen zulo hartatik aterako bazinen
horregatik erabaki dut nire amets denak eraistea
hobe duzu momentu batez ni bakarrik uztea
zure begiei begiekin eutsi eta elkarri amore ematea
elkarren ondoan, ilargiak buelta bat ematen digun bitartean
goiz gorri eta eder batean neure barrutik salto egin
eta neure buruaz beste… bat egitea

[@Kyotonow3x]

GENIAAAAA ¿algún link de descarga del disco? Saludos desde México...