الفزعه الحيه | خالد ال بريك & عناد الشيباني - خطفني غرام اللي على شارعه مريت 2024 حصرياً

كلمات الشاعر ::
عناد الشيباني
اداء المنشد ::
خالد ال بريك
تصميم ::
لطام الدوسري
…
طلب التصميم اتواصل وتساب مباشر👇🏻:
‏iwtsp.com/9665...
-
سنابي حياكم الله .
‏ / g-rii2
. . . . .
الكلمات::
يا هاك الطريق اللي معك رحت مدري جيت
خذتني هواجيسي .. وردتني معنااا
انا دايم اغيب عن الوعي لا سجيت
لامني سرحت .. اروح منا واجي منا ..!
ولا ادري وش اللي جابني بس عاد اخطيت
و ليت الخطا ينعاد مربوع ومثنا
خطفني غرام اللي على شارعه مريت
غزالٍ تحت هيبة .. قوانين موطناا
تجيه القلوب اللي تشابه حصا حليت
وترجع وهي خضراء مثل روضة مهنا
هذا عادي اليا طحت عنده ولا سميت
مطيحٍ يخلي كل من طاح يتهناا
اشوف الشفايف كنها شعلة الكبريت
واقرب واقول : الله من النار يامنا
خذو ورعكم لا يشغل الناس ياهل البيت
ترانا ليا هالحين نلعب ما هونااا :)
لقاء العاشقين يصير دايم على التوقيت
واذا قيل صدفه قلت : صدفه وفيها إنا
عموماً تراني ماني بناقصٍ تشتيت
ولا ودي اقضي باقي ايامي مجناااا ..!
الايام رحله والهواوي مهوب بخيت
لا شاف الفرص لوهو عجل قام يتونا
تمر الليالي .. ماتهدي ليا هديت
وصكات بقعا سيفها دايم محنا
والاقدار ما تعرف لا مارد ولاعفريت
ولا عزم اخو هملا ولا عزم اخو بنا
لو ان الاماني واقفه بين ليت وليت
لقيت الاماني ماشيه مثل ما اتمناا
انا ودي اقلل من المدح بس ازريت
ليا شفت لي طيب طلع واحدٍ مناا
وقام الفخر يردف لي البيت بعد البيت
واصفق واقول : المدح نستاهله حنا
مواقيفنا فالطيب من وين ما لقيت
ليا احتجتنا في كل وجهه تعينا
مانارد لا قمنا الا لهداج والا هيت
نتعّب من يحاول .. يجاري مراجلناا
ربينا على العز .. وعلى مرحبا حييت
ويبشر بعزه .. من قلط في منازلنااا
هل الفزعه الحيه ليا شح ولد الهيت
عسى الله ما يحرمنا الاجر وين ماكنا
نرد الحياه لـ واحدٍ كان مثل الميت
وهذي ترانا نشوفها اردى فعايلناا ..!
عتيبي واماري بـ اسم ربعي ليا غنيت
واساساً مافيه احدٍ من الناس يجهلنا
ولاهوب ذنبي يوم ربعي هم اهل الصيت
واهل سيفٍ مجرب .. واهل رمحٍ مطنا
وطاري ندا بن عبيد لامن طرا فزيت
ولد عمي اللي لا تقدم يمثلنااا
لو ان الاسامي تنوزن حسب ماسويت
ما شال اسمه المنشد بصوته ليا غنا
ندا اسمه ثقيل اثقل من النير ومن حفيت
لامنا تذكرنا .. فعوله تطمنا !
ذخر ذي خليفة محزم الضيق لا انحديت
ياحيه .. وحي العزوه اللي تجملناا
يا ابن عمي انت الطيب الصامل النعتيت
وينساق لك فنجال الامداح ويثناا
تشيل الحمول الكايده كل ما تكيت
ليا قمت عنا شلتها كلها عنا
واحس اني ليا قلت مثل الجمل زليت
مدام الجمل يعقل وينقل على دنا
نعدك رصيد ولا بغيناك ما صديت
سلاحٍ نحطك فالشدايد على ايّمناا
يعيش الكفو وجهه منور سوات الليت
لاعاش الردي وجهه تقول اسود الحناا
ترى المسك لولا ريحته صار مثل الزيت
وحنا بشر .. واللي فرقنا معادناا
الانسان لا اقفت سمعته صار كنه ميت
ماينفع لو يلقب بـ الالقاب ويكنى ✋ ‎
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
‏SNAPCHAT : g-rii2
‏Whatsapp : ‭[phone]
-
#خالد_ال_بريك #عناد_الشيباني

[@g-rii2]

سنابي حياكم الله .
‏www.snapchat.com/add/g-rii2

[@user-id9zh6xe1f]

الله ياخالد قلبي معك يطير لا جاء صوتك يم سمعي ومريت، مرور احرار طيور تنشد بصوت العز تتغنى، عناد شاعر الفخر من العز له بيت، مشيد الحرف للنجوم مع كواكب الشعر تتهنى، ❤❤

[@user-kr3ii4zt1ynasser]

أنشهد لله 👏👏👏❤️‍🩹🦅

[@w.n.r.1]

حي والله ذالعين انا قعدت اهوجس من الشيله بدال ماستانس هوجست وضاق صدري بموضوع نفس موضوع الي فالقصيده 🤍🤍😕

[@al-marri4557]

كلنا😂💔

[@Sd502-d5v]

الله ي خالد الله يخلي لنا صوتك😢❤

[@aldoserifahad1040]

ابداع خاصه ترانا ليا هلحين نلعب ماهونا مجاراة رشيد الزلامي الله يرحمه

[@محمدالدوسري-م8س]

الله عليييك 👏🏻👏🏻 بدععتوو خالد وعناد❤❤❤

[@البندري-م9ت]

كفوووو يابن مشيب دايم قصايدك مميزة 👍🏻واحسنت في اختيار من ينشدها البريكي مميز صوته وانا من معجبينه الدوسري ♥️♥️♥️

[@user-md8ic7ne4u]

طربيه صح😮

[@amiralfares9052]

اشهد بللة انكوم كفوووووووز وطنخه وعز

[@user-zw4iw4sy6e]

الله الله عليك عناد

[@user-kr3ii4zt1ynasser]

انا ودي اقلل من المدح بس ازريت
ليا شفت لي طيب طلع واحدٍ مناا

[@user-zw4nt7mb3p]

الله يسامحك ي عناد وين جيتنا 😭💔

[@MUQHIM24Al]

الله يسامحكم ي عتيبه
ارثعتوبنا 😅

[@user-ef5ne2dg9y]

ياعرب شاش رأسي

[@Mode_Hamad]

تجنننننننن