بعد اذنكم | كلمات عناد الشيباني - أداء خالد ال بريك
ฝัง
- เผยแพร่เมื่อ 20 ส.ค. 2023
- .
.
لايك + اشترك معنا 🔔✔️
وفعل التنبيهات في قناة عناد الشيباني الرسمية
للحصول على أحدث إصداراته الفنية
cutt.us/YRGFV
ـ
قصيدة مهداه لرجل الأعمال
مشبب بن مشعان بن مانع الشيباني
كلمات : عناد الشيباني
أداء : خالد ال بريك
تصميم : ناصر البقمي Nasser I
__
لمتابعة عناد الشيباني عبر وسائل التواصل الإجتماعي
Twitter : cutt.us/uLTix تويتر
Snapchat : cutt.us/RGGJc سناب شات
- كلمات -
بعد اذنكم يا اصاحبي الغالين لا حل الظلام
محتاج عزله لين يصفي جوي اللي ما صفا
بعيد عن بعض السوالف والمشاغل والزحام
البال مبطي ماهدا .. والقلب جرحه مارفا
فـ ارضٍ خلا في جوها سجه وراحه وانسجام
لا احدٍ يلحقي عتب و يقول وش فيه اختفا ..؟
لا اخذت جرعة من نسيم الليل قدام المنام ..!
قام يتماثل جرحي اللي وسط قلبي لـ الشفا
مهوب شرط العزله اسباب القلق والانفصام
اكثر مشاكلنا من اللي شوفهم بذ الخفا
الناس شفهم يربطون الحزن مع نوح الحمام
ويرددونه في قصايدهم ليا طال الجفا
وانا ليا اوحيت الحمام ينوح اردد يا سلام
حتى لو اني من جروح الحب جفني ما غفاا
اهم شي تعيش متصالح وتسعى لـ السلام
ولا تقدا الا بقول الله وقول المصطفى
واللي ماخذ عبره من القريه ومن قتل الغلام
ما تنفعه قصة .. سباق الارنب مع السلحفا
اسوى شعور يعيشه الواحد شعور الانتقام
واطيب شعور يعيشه .. الواحد ليا منه عفا
واقسى شعور يمر .. بالواحد ليا احتاج اهتمام
واجمل شعور يمر بالواحد شعور الاكتفاء
وانا لامني جيت ابا اقف قبل تحقيق المرام
سمعت صوتٍ من بعيد يقول : افا يا عناد افا
تراك من قومٍ مواقفهم مثل حد الحسام
وعزومهم تخلف جبال طويق وجبال الشفا
واليا اعتزيت وقلت ابن مشيب وشديت الحزام
ماهمني تعطيني .. الدنيا وجه والا قفا
حنا فعايلنا نحتناها على صدور الانآم
وشلون ما ننحت فعايلنا على صم الصفا
كبيرنا لا قام صارت .. وقفته قد المقام
واصغيرنا دايم يردد " مرحبا باللي لفاا " ..!
اليا وقفناا ياقف التاريخ حشمه واحترام
واليا جلسنا ياخذ التاريخ مجراه وكفى
بين الدخول وبين حومل كل ماسقنا الجهام
قالت منازلنا " قفا نبكي على الذكرى قفا "
انا اشهد لي عزوةٍ وقت الشدايد ما تضام
سبحان ربٍ .. ما خلق فينا كسالى واضعفا
والناس في حاجة بعضها كل يوم وكل عام
لكن لا ترخص مقامك فالبيان وفـ الخفا
ما يزرع المعروف غير الطيب من بين الكرام
مهوب ماء وجهك ليا منه على الارض انكفى
لا بارو اللي ما مسكهم .. لا وعود ولا كلام
سلم على اللي كلمتة وحده و اذا واعد وفا
اليا ذكرت مشبب اكوع على متن الغمام
معاد اشوف من الفخر غير الخيال اللي ضفى
هذا ولد عمي هذا مسك البدايه والختام
اسمه وفعله .. يستحق المفخره والاحتفا
فعول ابن مشعان فوق صدورنا مثل الوسام
ظلعٍ يذري .. تحت ظله للعرب عد ودفا
يعطي ما ياخذ بس ياخذ .. كل خطوه للامام
ما زل عن درب المراجل من صباه ولا هفى
ياطا على الجمره وكنه .. واطيٍ ريش النعام
يوم انه غيره ما قدر يا طا على شوك السفا
حول على سوق البكار الوضح لين السوق قام
محوال جدانه هل العليا بفعلٍ ما اختفى
شوق الشناح ام القلاده خل شوق ام اللثام
اليا طفح كيل التنافس عندها والا طفى
حاضر بحاضر ما يقول الدفع بعد الاستلام
واليا نشدو عن قيمة الصفقة ماصد ولا نفا
واخوانه اخوان السعد والله ما يلحقهم ملام
من طيبهم شفهم على شداد النواميس اردفا
ما مات من خلف عيالٍ مثل طبعه بالتمام
مشعان ابن مانع ليا هالحين ضوه ما طفى
بيت الكفو لو يندفن راعيه ما جاااه الهدام
وبيت الردي قدام يدفن فوقه السافي سفا - เพลง
الليل لامن سراء والشمس وقت الغروب وقتين تبحث خفايا العشاق ف حبها 💔 جابها على الجرح بلسم ي عناد😢💔
تأخرت عن دوامي 10 دقائق كل ماجيت اوقف اعيد المقطع واخذ فره مرة ثانية =) - ماشاء الله
مالومك 😂😂😂😂
عسى البنزيم م قطع عليك
متبنؤتؤ نيبا تمام الحمدلله بخير الحمد الله
منرار عال متاءءة
يا حظ عتيبة بك ويا زين الابداع لا جاء من أهلة📜.
لكن لاترخص مقامك في البيان وفي الخفاء ///// مراقبه الله بصيغه جبارة ✅✅✅
سبحان الله العظيم المهيمن
صح الله لسانك ياخوي الشاعر الكبير عناد اشهد بالله انك جزل ويشهد الله اني احبك في الله واني اتمتع بقصيدك يوم اني اسمعه الله يوفقك وكذلك صح الله صوت المنشد الكبير خالد آل بريك اللي يعطي كل قصيده حقها فاللحن ويزيد الجزاله جزاله واقول بيضان وجيه ابداع مكتمل بين الطرفين ماشاءالله تبارك الرحمن وتقبلوا تحيات اخوكم مسلي ابن سالم الشبوي
🎉ارحب
😊
عناد وخالد ثنائي مبدع ❤❤❤❤❤
ككككككككككككككككككك😊
ككككككككككككك
@@Wuwj965ش
اقسم بالله مع اني ماني راعي شيلات لكن هذي غصب شدتني خصوصا القصيده شي خرافي ودليل على جزالة الشاعر وروعه في التصوير غير طبيعيه ونعم والله بعتيبه الهيلا انا اشهد انهم قروم ولاتهون باقي القبايل وصوت المنشد رائع
ابو محمد خالد مايشل قصيده الا يخلي كل العرب يستمتعون و ينطربون في سماعها ، مبببدع ي خالد و الله لا يحرمنا من صوتك 🤍👏🏻
مبدع خالد جداً ويتعب عالقصائد الذهبية اللي مثل كذا لانها اضافة له
@@user-fp1wl6cc8v صحيح ، و صوت خالد اضافة لكل شاعر كبير وده انه قصيده يطلع فالساحه الانشادية و الاعلامية
كنت ماسك خط واشتغلت الشيله من قو الابيات وقفت على جنب عشان اركز ، لله درك ياعناد لافض فوك يقوله السبيعي
مالوومك وربي
اليا وقفنا يوقف التاريخ حشمه واحترام
واليا جلسنا ياخذ التاريخ مجراه وكفى
الله أكبر عليك ياعناد ماشاء الله عز الله قصيدة تنومس ويستاهل مشبب ويستاهلون الشيابين كل علم غانم
تحياتي : نادر المقاطي
شيلة الموسم ابداع يا ابو فزاع ابداع
وربط عجيب لبيت امورء القيس
قِفَا نَبْكِ مِنْ ذِكْرَى حَبِيْبٍ وَمَنْزِلِ
بِسِقْطِ اللِّوَى بَيْنَ الدَّخُولِ فَحَوْمَلِ
بين الدخول وبين حومل كل ماسقننا الجهام
قالت منازلنا قفى نبكي على الذكرى قفى
ي سلااام اتكلم عن التركيب والا عن الترميز لمنازل الشيابين 👌
أكثر بيت شدني بصراحه ابداع في التركيب زي ما تفضلت
كفو يا الشيابين وعتيبه كافه خاويتهم ونعم الرجال الله يحفظ الحي ويرحم الميت ولا نقص في باقي القبائل
قافيته جميله جدا ياخوي عناد بالحاله ف الابداع سلام ي سلام ونعم ولله ب اكابر نجد عتيبه الهيلا
من سوريا اقسم بالله شي لا ينوصف صح لسان الشاعر عناد الله يديم علينا صوت خالد ال بريك ❤❤
من وين انت قرابة ؟
@@user-vn1nt6wh7e من درعا
ش😂🎉🎉🎉فالي
ي
😮لننونوىى
سبحان ابيات تحرك فيه كل شعور فزعه حميا فخر تشوش غصب هذا كلام بشر حرك كل ذا كيف كلام ربي ... سبحانك ربي خلقت وابدعت .. عناد ❤
ابداع عناد واجمل شيله من البريك ❤
@@user-xq6rs2tc6t الابداع والله نظاراتك
اللهم صل وسلم ع سيدنا محمد وآله وصحبه وسلم.
اسوى شعور يعيشه الواحد شعور الانتقام
و ااطيب شعور يعيشه الواحد ليا منه عفا
اقسى شعور يمر بالواحد ليا حتاج اهتمام
و اجمل شعور يمر بالواحد شعور الاكتفا
رجال ومصائب ❤
"خيرٌ لك و أبقى :-سبحان الله ، و الحمد لله -ولا إله إلا الله ، و الله أكبر..
لله درك على هذاء البيت
اسواء شعور يعيشه الواحد شعور الأنتقام
وأطيب شعور يعيشه الواحد اليامنه عفا
.. اخوك مسلي الشبوي
انا لا مني جيت اباقف قبل تحقيق المرام
سمعت صوتٍ من بعيد يقول أفا يا عناد أفا
اللللللله يا البيت الللله مبدع 👏🏻👏🏻
تصوير وحديث نفس ملهم ، يعطي كل محبط جرعة استمرار
ضشذ-*/ذششذذ/
@@taalq55
كل (حي) محتاج جرعة استمرار
وذمفرذنندنبدممةبم😂😂😂😂😂😂
تبوابونبغبنتبذتطذطدزظءًذز
افا ياعناد افا حركة جروحنا ياعناد صح لسانك يابن مشيب من الرياحي
خالد ال بريك ملك الساحة الانشادية
( صوت الجمهور )
الشعر بخير دام قبيلة عتيبة في الوجود
-تقبلو مروري-
خالد ال بريك وجفران بن هـضبان اشوف انهم المنشدين الي يعطون القصيده حقها ويشيلونها بنفس 👍🏼❤️
يا سلام يا عناد وصح لسانك وكفو يا لاد مشيب اخوكم المخيريمي
اسوء شعور يعيشه الواحد شعور الانتقام ..
و اطيب شعور يعيشة الواحد .. ليا منه عفا
الله
هذا البيت عن قصيدة لحاله
البيت هذا يدرس يدرس
الله الله يا ابو فزاع
عناد الشيباني…فارق فالشعر والمرجله والتواضع جامع المبادي الطيبه كلها… ويستاهل الممدوح 💐اخوك عادل المطيري
الدراهم لها دور 😂😂
اليا ذكرت مشبب اكوع على متن الغمام
معاد اشوف من الفخر غير الخيال اللي ضفى
👍
ماهوب شرط العزله اسباب القلق والانفصام
اكثر مشاكلنا من الي شوفهم بذ الخفا
❤ انشهد مليون مره
انا من الهند عناد ميه مية شاعر كبير كلو نفرات يسمع شيلات حق هوا تحياتي لسعوديا وناس سعودي كلو شمشيد هنديا
حسبي الله على بليسك ياعناد اكلت ثلاث قسايم سرعة على دروب شيلتك
ورب الكعبه اني اليوم صورني ساهر الله يقلعه بسبت الشيله سجيت معه ونسيت السرعه😂😂
وش الدعاوي ذي حرام
هكهكهكهكهكهكهكهكهكهاي
هههههه
يعني مب انا الحالي الي يسج على هالشيله لين يصور ساهر😂
ونعم ي الاد مشيب جميع واخص العقيد/فهد بن ضيف الله ابن سحيم الشيباني 😇
ونعم تعرف فهد سحيم الشيباني
معروف ونعم لين يفنى النعم
ونعععععم يالاد مشيب والله من الشجاعه تحيات دوسري 🖐🏻
ماشاء الله لاقوة الا بالله شيله يعجز العقل عن وصفها من تذكير بالله وسنه رسوله واختصار قيم ومبادئ ومدح في محلها ووقتها جعل حسهم طول العمر ♥️
هاذي الشيلات الراقيه القصيد عن الحياة والمعاناه وصوت بدون مؤثرات ثنائي👌
عناد شاعر الشباب والشيبان وتسمع قصيده تحس انه قايل اللي في خاطرك مبدع يابو فزاع وبالتوفيق
انشهد انه يقول اللي في خاطرك
عناد الشيباني ضاهره شعرية جميله وانا اراهن لو يهتم شوي بالشعر ليجيب ما لا جابه الاولين
ابيات مثل ضرب الرصاص مشاء الله عليك ي عناد لا غربه اشهد بالله اني ارتويت شعر جعل ربي يحفظك و ابدععع خالدد كعادته مشاء الله و هكذا الشيلات ولا فلا
تقبلو مروري محبكم البقمي
اهم شي تعيش متصالح وتسعى للسلام
ولا تقدا إلا بقول . وقول المصـــــــطفىٰ .☑️
قسم بالله الأبيات جزلة بشكل كبير.. أهني عتيبه بك يا عناد..
كلمات تشوش وتصمخ راس كل محب للشعر ونعم بالاد مشيب مليون اخوكم القحطاني
ونعم ببن مشعان والف مليون نعم بالشيابين بس بصراحه شاعر كبير كسر مفاهيم وغير ها بشكل ابداع ابداع كفو والله صح لسانه
بعيد عن جمال الكلمات وهذا غير مستغرب من عناد الشيباني الا ان اللحن جميل جداً وابدع فيه خالد ال بريك 🤚
وصغيرنا دايم يردد مرحبا باللي لفى 🫡511
تفهم على شقين ووجهين مختلفين ✌️😂
اشهد بالله انها قصيده بيوت مثل ضرب الرصاص وكل بيت يخليك تاقف عنده وتأمله لله درك يابو فزاع 👍🏻👍🏻
انشهد هذا القصيد اللي يبي يسمع قصيد
بعد هذي مايلحقك ياعناد افا
صح السانك
ويستاهل ابن مشعان
اشهد ب الله ابيات مطليه ب ذهب
لعبت فيني هالشيله ، وصلو ع النبي يالربع اللهم صلي على محمد ماتعاقب الليل والنهار
(لاخذت جرعه مع نسيم الليل قدام المنام )صح لسانكك الشاعر عناد الشيباني
عناد شاعر جزل و رجال، و يستاهل مشبب لأن عناد كفو و لا يمدح إلا كفو. تحيه من عنزه لعتيبه
قصيده جزله ومن شاعر جزل وكل بيت من هذي القصيده اطلق من البيت الثاني وتستاهل الجيب يالامير وبيض الله وجه ابو مشعان على مددته الجزله وعزالله ما مدحت الى مديح افعوله غانمه متابعكم من قحطان🌹
ولا ننسى المنشد المبدع / خالد ال بريك صح صوتك
اقول صح لسانك ياعناد ويستاهل الممدوح وهذا الشاعر اللي ماينسى ربعه واقسم بالله انك الشاعر المفضل عندي
ماشاءالله الابيات ..فيه مدح وفيها عتاب وفيها انتقام ..مادري كيف ماشاءالله عليه دخلها مع بعض الله لايحرمنا منك ي عناد ومن كلماتك ومن الصوت الابداع المنشد خالد ال بريك ❤❤❤
اليا وقفنا ياقف التاريخ حشمه واحترام واليا جلسنا ياخذ التاريخ مجراه وكفى
هذا البيت بالقصيدة كلها
ونعم والله يالشيابين وعتيبه
ارحب ارحب يابو فزاع الابداع هذه ماهو مستغرب من شرواك 🔥🔥🔥👏🏻👏🏻👏🏻👏🏻
مليون مشاهد اشهد انك جذبت الجمهور ببداعك
قصيده جزله صح الله لسانك يشاعر ونعم
صح الله لسانك يمنشد مبدع فن راقي وجميل يسلام
ااموت فالشيابين يارب يارب اتزوج شيباني 🤲🏻
لنا الشرف 🏃🏃
الله يرزقك
بخطب لك اهلال ابن دغيثر
الله يرزقك الكفو الي من اطيب الشيابين
الله يرزقك
والله ونعم بالاد مشيب وعتيبة كافه ولاهي غريبه عليهم الشعر والفصاحة ولايهونن الباقين ❤
اسطوره الشعر الحديث عناد 🫠
ما تدري
انت تمدح الشاعر وقصيدته
ولا المنشد وابداعه
الي اقوله الله لا يقطعنا من اهل الجزايل
يوالله الي تستاهل يا الذرب والله يمد راعي الجود بلجود من قلب قحطاني
والله ونعم بالا مشيب
صح لسانك ياعناد
وصح صوتك ياخالد. ال بريك
يسسسسلللام مبدع داااايييم كالعاده ❤️🔥🫶🏻.
ونعم بالشيابين
دهاة العرب وخوتهم صعبه على الي متعود على الراحه والسعه
واليا اعتزيت وقلت ابن مشيب و شديت الحزام ما همني تعطيني الدينا وجه والا قفا
ان اشهد جيرانا ونعم فيهم ولا قصور في جميع قبائل وعوائل السعودية
ويا عناد والله أنك شاعر كبير ومطنوخ
تحياتي واحترامي
السلمي
ونعم بعتيبه وجميع القبايل ..القصيده جزله صح لسان الشاعر و ولا نسى المنشد خالد ال بريك ممبدع 👏👏👍
ابدعت الشيله هذي ترند هالسنه وتذكروها 🎉🎉❤❤
سمعت الكلمات واعجبتني قبل ما اعرف انها منسوبه لابن مشيب ابن العم عناد وزاده جمالية اكثر ،، الله يبيض وجهك ياحضي اني شيباني
الله أكبر وش هالجمال 😓
ماهوب شرط العزله أسباب القلق والإنفصام … أكثر مشاكلنا من اللي شوفهم بذّ الخفا 👏🏻
صح لسانك ملايين يا عناد ،، وصح صوتك ملابين يا خالد
صح لسانك يا عناد
ونعم في مشعان واخوانه ونعم والله في قبيلتكم
والله لو ماني من قبيلة افتخر فيها لاعد نفسي شيباني
سبحان الله وبحمده سبحان الله العظيم ملىء كل شيء
يهيب يابو فزاع يارجل خاف الله في الناس اشهد انك ابدعت
ابداع شاعر وابداع منشد مندمجان النتيجه ابداع يالهيلا
شاعر وصمخ ببيوت ولاهان خالد على الابداع
مشاءالله وش بقيت من الابداع يبو فزاع جعلك ف الوجود وجعلك من زود ل زود والله يقدرك على امتاعنا 💙💙💙
اقسى شعور يمر بالواحد ليا احتاج اهتام
واجمل شعور يمر بالواحد شعور الاكتفاء
^^ هذا بيت القصيدة
ونعم في الاد مشيب الله يجعلكم ذخر لعتيبه
هاذا ويش علي الحرام ياعناد انك شاعر ونعم👍
ونعم في الشيابين قبيله لها ثقلها و قدرها عند الجميع
عناد يرسم لوحة الابداع برموش الجهام
هو اكتفا من عالم الابداع وإلا ماكتفا
دوم مبدع يا عناد اقبل تحياتي احد محبينك رشيدي من السودان
ولله ابدع ابوفزاع وخالد ماشاءالله 🔥
صح لسانك يا عناد ماشاء الله تبارك الله
كلام طيب انا حبيتك وحبيت هالشخص مشبب واسال الله انه يكون مثل ماقلت غض النظر انه عتيبي انا افتخر انه عربي ومسلم وافتخر فيك كيف كتبت هالقصيدة عن شخص كفو ووصفته وصف جميل جدا يجعل اي شخص يحبه ويحبك لوصفك الجميل يوم قلت هالقصيدة والله اني بختار بيت جميل منها ماقدرت كل بيت اجمل من بيت ماشاء الله تبارك الله
اشهد لله ان هنا صمخ بيوت كايفه وزادها بن بريك ابداع ابداع ابداع يخليك تعيدها مية مره صح الله لسان الشاعر والمنشد والممدوح👏🏻👏🏻👏🏻
يارباااه مكس ابداع x ابداع ،،،، كلمات نار وشرار والشيله دمار شامل ❤️💐
كفو ثم كفو يابن مشيب يستاهلون
عناد الشيباني العتيبي في ذمتي ذالرجال كفو.. عجبني يوم لمح قصة القريه والغلام والحقها بسباق الارنب والسلحفا 😉
حي والله راسك انشهد الابيات مابعدها ابيات بيض الله وجهك ❤
الشيله الي احتاجها صح السانك ي عناد وحي عينك ي خالد لبى ذا الصوت في ذمتي على الجرح 😔💔
يحي عينك يبو فزاع دايم مبدع ف القصايد قسم بالله استمر❤
الدواسر وبس أقولها ونا عسيري مافي قبيله أعزها دون نقص في القبايل غير الدواسر عز ياهلا الطيب والعلوم الطيبه
أنا شمري ياحبي للدواسر ❤
ونعم بخطلان الأيادي
هذا ولله القصيد مشاءلله تبارك الله واستمر يعناد ولايهون خالد لاشل الشيله ابدع بها
عناد يا عناد كسرت الدنيا بذا القصيده على الحرام تغرد خارج السرب تطور عجيب .. صح لسانك شيله الموسم بلا منازع والله ونعم يابوفزاع
أنعم وأكرم بالشيخ مشبب وأخوانه وصح الله لسانك يا الشاعر الفذ ❤
انشهد وانا ابوعسله صح لسان ((الشاعر ابوعتب ماشاء الله)) ومن قال.
الحكي الحلو منين تطلعه ياعناد من قلبك ولا من عقلك ماشاء الله عليك
صح لسانك ي عناد انشهد انه قصيده وابن مشعان يستاهل القصيد وجزل وهديته لك جزله وانت تستاهل كل خير والله يسر امرك اتمنا انك تزورنا بحائل الله يحيك بي وقت هلا والف هلا
ونعم مليون باابو وايل واخوانه صح لسانك