మహిళలకు విద్యతోనే విముక్తి సాధ్యమన్న మహనీయురాలు సావిత్రిబాయి పూలే.
ఎన్నో అవమానాలను భరించి మహిళలకు విద్య నేర్పిన గురువు సావిత్రిబాయి పూలే.
రాష్ట్ర ప్రభుత్వం సావిత్రిబాయి పూలే జయంతిని మహిళా ఉపాధ్యాయ దినోత్సవంగా గుర్తించడం గర్వకారణం.
జ్యోతిరావు సావిత్రిబాయి పూలే విగ్రహ కమిటీ చైర్మన్ తలారి అశోక్.
హరిపిరాలలో ఘనంగా సావిత్రిబాయి పూలే 194వ జయంతి వేడుక.
(తొర్రూరు) జనవరి 03
మహిళలంటే వంటింటికి పిల్లలనుకునే యంత్రాలుగా మాత్రమే ఉపయోగించుకునే ఆ రోజుల్లో ఎన్నో అవమానాలను భరించి.. విద్యతోనే మహిళలకు విముక్తి సాధ్యపడుతుందని నమ్మిన తన జీవిత భాగస్వామి జ్యోతిరావు పూలే అడుగుజాడల్లో నడుస్తూ మహిళలకు విద్యను నేర్పిన మొదటి మహిళా ఉపాధ్యాయురాలు సావిత్రిబాయి పూలే అని జ్యోతిరావు సావిత్రిబాయి పూలే విగ్రహ కమిటీ చైర్మన్ తలారి అశోక్ అన్నారు కొనియాడారు. శుక్రవారం తొర్రూరు మండలం హరిపిరాల ప్రభుత్వ పాఠశాలలో జ్యోతిరావు సావిత్రిబాయి పూలే విగ్రహ కమిటీ ఆధ్వర్యంలో ఏర్పాటుచేసిన తొలి మహిళా ఉపాధ్యాయురాలు సావిత్రిబాయి పూలే 194 వ జయంతి సందర్భంగా సావిత్రిబాయి పూలే చిత్రపటానికి పూలమాలవేసి పుష్పాంజలి ఘటించి నివాళులర్పి విద్యార్థినీ విద్యార్థులకు పండ్లు పంపిణీ చేశారు. ఈ సందర్భంగా పాఠశాల ప్రధానోపాధ్యాయులు బివి రావు, ప్రైమరీ స్కూల్ హెచ్ఎం దర్గయ్య, కాంగ్రెస్ పార్టీ మండల అధ్యక్షులు సుంచు సంతోష్, మాజీ అధ్యక్షులు చెవిటి సధాకర్ లతో కలిసి తలారి అశోక్ మాట్లాడుతూ మనువాదపు కబంధ హస్తాల నుండి విముక్తి పరిచేందుకు ఎన్నో అవమానాలను భరించి మహిళలకు విద్యను నేర్పిన మహోన్నత వ్యక్తి సావిత్రిబాయి పూలేను ఎన్ని ప్రభుత్వాలు మారినా గుర్తించలేదని ఎప్పటినుండో సావిత్రిబాయి పూలే జయంతిని ఉపాధ్యాయ దినోత్సవంగా నిర్ణయించాలని మేధావులు పోరాటం చేస్తే ఏ ప్రభుత్వాలు చేయలేని పనిని రేవంత్ రెడ్డి ప్రభుత్వం చేయడం ఎంతో హర్షించదగ్గ విషయమని రేవంత్ రెడ్డి ప్రభుత్వానికి బహుజన అణగారిన వర్గాల ప్రజలు రుణపడి ఉంటామని అన్నారు. త్వరలో మన పాఠశాలలో జ్యోతిరావు సావిత్రిబాయి పూలేల విగ్రహాలను ఏర్పాటు చేసుకుంటున్నామని జనవరి 26 వరకు విగ్రహ ప్రతిష్ట పూర్తవుతుందని అన్నారు. విద్యార్థినీ విద్యార్థులు జ్యోతిరావు పూలే సావిత్రిబాయి పూలేలు చూపిన బాటలో పయనిస్తూ వారి ఆశయ సాధనకు కృషి చేయాలని విద్యార్థిని విద్యార్థులకు సూచించారు. అనంతరం మహిళా ఉపాధ్యాయులు అనురాధ, సరిత, పద్మ లను శాలువాలతో సన్మానించి సత్కరించారు. ఈ కార్యక్రమంలో గ్రామ ప్రముఖులు వల్లపు నారాయణ, రావుల కిషన్ రెడ్డి రణధీర్ రెడ్డి, గద్దల వెంకటేష్, ఉపాధ్యాయినీ ఉపాధ్యాయులు, యువకులు, విద్యార్థినీ విద్యార్థులు తదితరులు పాల్గొన్నారు.