جدول تنظيف البيت و تنظيم الوقت للمرأة العاملة 💯 هذا البرنامج يساعد أيضا المرأة الماكثة في البيت
ฝัง
- เผยแพร่เมื่อ 12 ก.ย. 2024
- في هذا الفيديو نتكلم عن تنظيم الوقت و تنظيف البيت للمرأة العاملة و كيف تحصل على بيت منظم و نظيف طوال الوقت و من دون مجهود كبير
برنامج تنظيف البيت
الحمامات يوميا في الصباح قبل الذهاب إلى العمل
المطبخ من أجل الحصول على مطبخ نظيف يوميا يجب تقسيمه الى مهام يوميا لا تتجاوز مدتها 30 دقيقة يوميا من اجل الحفاظ على نظافته يوميا
باقي البيت
الجمعة تنظيف الابواب و مقابس الكهرباء ومسح الغبار
السبت تسياق البيت جيدا مع تنظف عميق لغرفة واحدة
و بعد الانتهاء من كل الغرف نقوم لتنظيم الملابس في الخزانة
غسل الملابس لا نترك الملابس تتراكم كلما اجتمعت نغسلها
واذا كان هناك مشكل الماء فعند وجود الماء نغسل الملابس ولا نتركها تتراكم
هذا الجدول لتنظيم الوقت و تنظيف البيت يساعد على الحصول على بيت منظم و نظيف طوال الوقت و لو كنت مرأة عاملة
و هذا الجدول لتنظيم الوقت و تنظيف البيت يساعد أيضا المرأة الماكثة بالبيت من اجل نتظيف بيتها و تنظيمه في وقت قياسي و التفرغ للتعلم او القيام بامور اخرى غير الالتهاء بالتنظيف طوال الوقت
تنظيم الوقت هو الذي يساعد في انجاز مهام كثيرة في وقت قصير
#الجزائر
#المغرب
#تنظيف
#تنظيم
#تنظيف_المنزل
#تنظيف_البيت
#تنظيم_وترتيب
#تنظيم_المطبخ
#تنظيم_المنزل
#تنظيم_الوقت
#تنظيم_ترتيب_البيت
#تنظيف_ذكي_للبيت
#جدول_التنظيف
#جدول_التنظيم
#جدول_تنظيف_البيت
#تقسيم_تنظيف_البيت
#المرأة_العاملة
#السعودية
#العراق
#كندا
#الولايات_المتحدة
#الولاياتالمتحدةالأمريكية
#الولايات_المتحدة_الامريكية
#الولايات_المتحده
#مصر
#فرنسا
#ايطاليا
#اسبانيا
نتمنى تشوفي تعليقي انا امرأة عاملة درت قاع اليوتوب مالقيتش جدول روعة روعة كيما هاك حبيبتي راني ندعيلك ليل ونهار ونعرف قناتك على الناس ذكية ماشاء الله سهلتي عليا العمل ❤❤❤❤❤❤❤❤
شكرا حبيبتي مرحبا بك و الله يوفقك و يسعدك و يعلي مقامك حبيبتي
كل مانتعب نجي نشوف هذا الفيديو ههه اني في ربع مرات . ربي يحفظك
الله يوفقك حبيبتي
تعيشي ديريلنا مخطط للماكثة فلبيت و نخيط بصح في داري و عندي 3 اطفال صغير عمرو 3 اشهر كيفاه نظم وقتي تعيشي
بالله اختي طلب ..عملي لينا برنامج للمراة اللي تدرس كيف توازن بين الحفظ والمراجعة وبيتها واولادها وزوجها ...😊❤
أنا عاملة هاذ البرنامج محفور في راسي ونزيدكم صلاة الفجر وقراءة قرآن نطيب غداء نظف ....ونروح نجي كلش مقضي نتغدى نكمل واش لازم نصلي نرجع نرتاح من بعد العشاء .....عندي وقت لديني ودنيتي وأولادي وزوجي شعاري هو (الحياة نظام السلم والسلام ) .
ماشاء الله عليك اختي الله يوفقك و يسعدك
انا ندير كامل واش قلتي. بصح مشكلتي هي ولادي اللي يجيو مورايا للدار ويقلبو كلش. يسما نتعب قبلما نروح للخدمة ونتبع فالخدمة ونزيد نتعب وننصدم كي نرجع للدار. قولولي واش ندير ؟ ربي يحفظكم راني في انهيار عصبي.❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
الحل اختي انك تغلقي كل الغرف تخليلهم غرفة فقط وكي تجي وتلقايهم رونوها حتمي عليهم يفرزوها درك يولو يخافو يرونو الدنيا باه مايتعبوش وربي يقدرك ويحفظلك وليداتك ويفرحك بيهم@@samirakhalile9765
ما شاءالله
الله يبارك والله عجبتني كي هدرتي على صلاة الفجر و القران ...والله معظم النساء حاليا الشى الوحيد للي يهمهم هو ارضاء زوجها فقط وربي سبحانو ماشي كامل دايرتلو حساب تلقايها تصلي غير في رمضان 😢
رغم اني ماكثة فلبيت بصح عجبني كتخدمي بدون تنظيم تلقاي روحك تجبدي تجبدي بلما يبان والو كلش يستنا فيك شكرا على الفكرة تساعد بزاف باه تستحفظي على صحتك
نحس في نبرة صوتك حماس وعزيمة وتنصحين بكل جرءة وقوة انما هدا يدل على تجارب مريرة وصعوبات وجهتيها وتحديتها شكرالكي لقد شاهدت كل فيديوهاتك وصفعتيني لاني كنت في غيبوبة
ان شاء الله تكوني فطنتي ، اختي عمره ما يفوت الحال، مادامك عايشة رانا نتعلمو و نحاولو نطورو رواحنا ، الله يوفقك اختي و يرزقك و مرحبا بك
ننصحك باش تسهلي علينا المتابعة ديري هاذ التقسيمات في صندوق الوصف او في الفيديو بصح يبانو مليح باش نديرو imprime ecran ونقدر نرجعولهم في اي وقت
ان شاء الله اختي شكرا لك
من فضلك كيف تتعاملي مع ضيف الغفلة...ديريلنا موضوع...وفيديو . واعم النصاءح...
شكرا ليك
❤️❤️
ضيف الغفلة يليق دايمن تكوني دايرة قاطو باه للقهوة تصيبي شا تحطي ولا ديري مسمن و خبيه فالكونجيلاتور و بالنسبة للطياب ديري حريرة و لا شربة و ديريها فكونجيلاتور كي يجي ديري فريت و سلاطة و نتي فريتيها و تقدري تطيبي زيتون ولا و زيدي معاهم فخاذ كي يطيب خبيه حتا هو كي متكونش شربة جبدي هذاك الفخض فوريه باه يديكونجلا و حمريه فالمقلة و قلي معاه فريت و بالنسبة للنقا دوش و توالات كل صباح نقيهم و صالون نقيه كل 3ايام و بلعيه بالمفتاح باه يقعد نقي كي ضيف تصيبي شاتحطي و تصيبي وين تقعديه ❤❤
شوفي من لخر أعطيني
جدول لينا احنا لي نقراو القرآن ونثبتوه ونضلوا نقراو فيه
يعني لوكان نخدم في الدار ونظفها يروحلي القرآن ولوكان نبقا نقرا في القرآن ونقري الأولاد الدار تتوسخ
ارجووووووووك حل حل
وتنظيم اوقات العبادة جزاك الله خيرا ...ضاايعة في بيتي لا اعرف كيف أوازن😂
بارك الله فيك جدول رائع ،فقط ملاحظة على الثلاجة انا نمسحها كل يوم مع غسل المواعين تأخذ مني 10 دقائق هكذا كي تشري الخضرة تاعك والقضيان تلقاها دايما نقية و منظمة
محلاها هذي المرة ، هدرتها حلوة سكر ، ربي يحفظك و يوفقك ان شاء الله، تحيه ليك من متتعبه ليك فتيحة 😘😘😘😘
شكرا حبيبتي مرحبا بك و الله يسعدك
ماشاء الله عليك ياختي على هذا التقسيم انا والله غير نجبد كل الدار في يوم واحد من الصباح حتى المساء لغدا من داك نصبح مريضة فراش و الله غير افتحتي علي باب كبير ربي يفتح اعليك في الدنيا والاخرة يارب
أمين يا رب شكرا حبيبتي الله يوفقك و يسعدك
انتي كيما انا والله اعيت
جزاك الله خيرا
نتمنى ديريلنا موضوع فيه نصائح حول الآلات الكهرومنزلية اللي تكون فعلا عملية و التدابير اللي تنقص على المراة التعب و تربح وقتها و صحتها
ان شاء الله اختي
@@Elmaranajiha٦مم.جس٢
متتبعة جديدة قناة جميلة جدا وهادفة ...بعيد عن السياسة😂 نمووووت على أهل الجزائر ونحبهم بزززاف❤ (مغربية)
مرحبابك حبيبتي و الله يحفظك نحن في الجزائر ايضا نحبكم و الله يوفقك اختي و يسعدك
خرجتلي قناتك البارح إمالا راني ملبارح ونا نتفرج لي فيديو تاوعك عندك محتوى رائع الله يعطيك الصحة اختي الله يوفقك ❤❤❤❤❤
شكرا لك اختي و مرحبا بك و الله يوفقك
غسل غسل نشر نشر طبق طبق 😅😅😅😅 والله لا عندك صح والله يجازيك خير شكراا 👍🏼
المغزى من هذا الفديو انو لو كان عندك فيل و باغية تاكليه ما تنجميش تاكليه في خطرة وحدة كل يوم تاكلي طرف حتى لتكمليه و جدتي الله يرحمها كانت تقول النقى يغلب الشقى و كل يوم حاجة حتى نغلبوا الشقى الكبير شكرا على المجهودات و بالتوفيق
يقولو نلقى على نقى ما يخلي شقا ، شكرا اختي مرحبا بك
نصيحة ذهبية بارك الله فيك
@@Elmaranajiha من فضلك واش هي خلطة الخاصة بالابواب
J'ai une artroze cervicale,طبيب وصاني يا نجيب وحدة تعاوني في الشقا،يا نموت بالشقا وراجلي يتزوج وحدة،لاني كي البهلولة كنت نحب نقي كلشي ضربة وحدة!تهالاو في صحتكم ،كل يوم حاجة،عندك الف صح,الله يحفظك على المعلومات والتوعية
@@mahikk3457راني فيهايا ختي والمشكل داري كبيرة اللي نقول نحيبها تقولي اربعميا للنهار ،بزاف
سلام عليكم معكم ربة بيت كل يوم واقفة من 6 تع صباح حتى11 تع الليل بروبلام تاعي تڨيلة زنزلة دعولي ربي صحتي راحت لاكاش وحدة كيفي تڨولي بالك يطلعلي لمورال شوية
ونعرف بلي ماشي ديفو فيا ولا انا مرا ماشي ساجية والله هذا هو المشكل تاعي ربي يقدرنا😢
حبيبتي اغلب النساء راه عندهم أمراض مزمنة و مشي كبار في السن بل من 30 سنة و طلع ، مايطحلك المورال ما والو ، المشكلة راهي في تنظيم الوقت قسمي المهام تاع اليوم و ما ضوريش في الخوا ، هذاك الوقوف باطل هو لي بطيحلك صحتك ، في الليل كتبي قائمة تاع المهام تاع الغد و كي تنوضي ابدي فيهم مباشرة ، و مرة على مرة اعطي لروحك قسط من الراحة ، هذي لي تخرجك اختي ، الله يوفقك
ماشاء الله عليك تنظيم في القمة بارك الله فيك يالوكان غير تزيد ي مديلنا نصائح كيفاش تتوفق بين الخدمة و الدار باش تكون المرأة عالعاملة مرتاحة من الظغط الكبير لي عليها خصوصا باين عليك مرا متولة وفحلة ماشاء الله🥰👍🌺
شكرا حبيبتي ان شاء الله
ختي ربي يفرحك على هذا التخطيط هنيتيني تعيشي زيدي ديرلي برنامج كيفاش نوازي بين لخياطة والدار مع العلم انا غلبت مع الدار وخاوتي ماهمش منضمين خلاص والله تعبت بزاف ومرضت نخمل الدار نقعد شوية نلقاها رجعت كيما كانت والي فوت منا يدعيلي بالزوج الصالح عمري 30 سنة وربي يفرحكم
الله يقدرك و يرزقك الزوج الصالح حبيبتي و يسعدك
@@Elmaranajiha امين يارب العالمين ربي يفرحك على كل حاجة قدمتيها لينا
ياختي ننصحك نوضي بكري هي الحل الوحيد
@@rayhanaisraa3659 ياختي والله نبكر بصح صدقيني غير تعبت الي نخدمها الصباح نعاوها لعشية
الله يوفقك ويرزقك بالزوج الصالح يكون قرة عين لك ❤
انا امرأة عاملة ابدأ على الساعة 5صباحا حتى الواحدة زوالا و اعمل يوم السبت
مليار لايك التمست فيك وعي كبير ربي يحفظك❤
شكرا اختي تعليقك اعتز به الله يحفظك
التنظيم أساس النجاح في العمل أو البيت أو التربية،👍👍👍 مشكورة على النصائح
جزاكى الله خيرا
ياريت بس تبقى تحطى صوره واضحه للجداول او تتركيها شوى بالفيديو ويدك بعيده حتى نستطيع ناخده سكرين شوت
راني زدت جيتك هنا هههه راني نعاود نتفرج كل فيديو متفرجتوش كي فسدلي تليفوني الحمد لله قناتك هادفة بزاف و نحبها و نحب هدرتك و حسن تدبيرك الله يخليك و يحفضك و يعطيك ماتتمناي❤❤❤
شكرا حبيبتي مرحبا بك و الله يوفقك و يسعدك
رايحا انا شاءلله نعتمده قناة قمة قمة والله تفرجت بزاف فيديوهات بصح مكاش كيما نتي جوهرة فريدة مكاش لتلحقك
انا تاني جمعة راحة عندي وعيد للمسلمين عندي دوش وعبادات فقط اختك في الله ❤❤❤❤
الله يوفقك اختي
ماشاء الله عليك ربي يحفظك
تعيشي ختي ديرنا كيفاه تنظيم وقتك كي تكوني خدامة وتقري وتجهزي في روحك
شكرا ليك❤
يا اخت جا فوقته أنا قاعدة ف الدار درينة تنظيم الوقت أنا كاتلة روحي بتصياق كل يوم وعند درار صغار ورك تعرف جات لقرابة كفاه نقريهم
الله يعطيك الخير.الفضل لك حبيبتي اصبحت والحمد لله من من لا يتركون صلاة الفجر.جزاك الله خيرا.فعلا أنت مؤثرة في القمة.بوركت
الحمد لله حبيبتي ، تعليقك هو اجمل تعليق تلقيته منذ أن فتحت القناة ، الله يوفقك و يسدد خطاك و يسعدك يا رب
@@Elmaranajihaشكرا اختي انا مشتركة جديدة وراني ندور على فيديوهاتك نستافد منهم
في ميزان حسناتك اختي
بالنسبة ليا درك هدي أحسن قناة ربي يوفقك، مع أني سمعت غير ثلات مواضيع ، ربي يوفقك أختي❤ ، متتبعة من عنابة
شكرا اختي مرحبا بك و الله يوفقك و يسعدك
انشاء الله نعمل بنصيحتك وندير جدول التنظيف ربي يخليك لينا الف شكر
مشكورة اختي نحاول نطبقو فكرتو باهية خاصة مع لعندو طفل رضيع لاينام راني كلعاملة برا الله المستعان 🤲
الله يوفقك حبيبتي و يقدرك و مرحبابك
انا عاملة و البيت يتنظم صباحا قبل الخروج من المنزل، سواء الحمام و لكوزينة في الليل و كل واحد ينظم بيتو و بيتي نرفد و ننفض الفراش كي نوض و هكا متنغبنيش.
بارك الله فيك حبيبتي متابعة جزائرية من مكة ❤❤❤
مرحبا بك حبيبتي ، الله يسعدك
تنظيم رائع، و عقلاني بزاف شكرا كثير ❤❤❤
شكرا جزيلا.. راني دونتو عندي باه نبدا بيه الشهر الجاي باذن الله بعد ما كملت كل التنظيفات العميقة في هذا الشهر.. ان شاء الله مع هذا الجدول نغير من عاداتي ونكون اكثر تنظيم ويكونو نهاراتي اكثر انتاجية.. بارك الله فيك
الله يوفقك اختي و مرحبا بك و الله يسعدك
ختي راجلك يقوللك اصرفي على الدار؟
صباح الخير اختي الغالية والله تقسيمك ساعدني ماشاء الله ربي يوفقك ويعطيك واش تتمناي ❤
شكرا حبيبتي الله يوفقك و يسعدك
هذا الجدول انصح بييييه مليار بالمئة التقسيم ثم التقسيم يساعد و ينقص التعب و المنزل يقعد نظيف على طول باقل جهد❤❤❤❤❤❤
ربي يوفقك فيديوهاتك قمة ماشاء الله
شكرا اختي مرحبا بك و الله يوفقك
ياختي ماشي غي العاملة الي تضل فالدار حالتها مربلة كتر مالعاملة
نيشان والله يلا نيشان اختي الله يقدرنا
سلام عليكم ياختي أن مرءة متزوج منعرفش نتعامل مع ناس نهدر كلش نحكي كلش منعرفش ندي لي في قلبي نخرجها عل نيتي خطرات نحس روحي بوهاليا نصحني رب يحفضك
خرجتلي قناتك البارح من البارح خبرت ڤاع فاميليتنا وصحاباتي مع انا استاذة ساعدني برنامج تاعك ربي يجعلها في ميزان حيناتك
شكرا شكرا حبيبتي مرحبا بك و الله يوفقك و يسعدك و يجعلها في ميزان حسناتك حبيبتي
يعطيك الصحة إنسانة مدبرة ربي يدوم عليك و علينا نعمة العقل
أحبك في الله❤❤❤
اختي سمحي لي بالنسبة يوم جمعة خصيه غير الصلاة والاستغفار راه فيه خير كبير اكترية الساعة الأخيرة من يوم جمعة
نفرح كنشوف اشعارك يطلعلي حفضك اختي❤❤❤❤❤
شكرا حبيبتي مرحبا بك
اممم راها تشهي يعطيك الصحة حنا في وهران نديرو الحريرة 30 يوم في رمضان وانا وليت نبغي ندير خطرة فريك خطرة حريرة بصح انا ماتجبنيش حمرة كيما هاك
شكرا على مجهودك عندك افكار قيمة ومنفعة لمراة الجزائرية برافوا 🎉
العفو اختي مرحبا بك و شكرا لك
والله ياختي يعطيك الصحة على النصائح عندك الصح وحاجة أخرى عجبتني هدرتك مع أني من وهرانvous êtes spontanée et sympathique
بالتوفيق
شكرا حبيبتي الله يحفظك و يسعدك مرحبا بك
السلام عليكم مميزة كي عادة أختي والفت كل اليوم ننتظر فيديو من عندك رب يوفقك ان شاء لله
شكرا حبيبتي الله يوفقك و يحفظك
راني متتبعة جديدة بصح عجبوني بزااااف فيديوهاتك ربي يحفظك و نتمنى قناتك تزيد تطلع تستاهلي ❤
شكرا حبيبتي مرحبا بك و الله يوفقك
ربي معاك و معانا تستهلي كل الخير لوكان دونيهم في كتاب افضل
شكرا حبيبتي مرحبا بك و الله يوفقك
يعطيك الصحة والله ياختي انا معتامدة هادا البرنامج منذ مدة والله هايل ديمة داري نظيفة كاني قاعدة للدار بصح ماخرا مرضت مرضة كبيرة بلاك اكثر من ثلاث اشهر داري ولات حالة راني نعاود منا وجديد كيما النملة بالشوي ربي يقدرنا برك
الله يقدرك اختي و يشافيك ، وسخ عام يقلعه نقا نهار ، معليش كي تعاودي تحكمي روحك كلش يولي ساهل
@@Elmaranajiha ان شاء الله
يعطيك الصحة والعافية حبيبتي نحيتيلي الحيرة
جيت من فيديو لي حطيتيه ليوم على تعليق لي حطاتو المراة كملت هذاك فيديو وجيت لهذا ههههه
صدقيني اختي فديو نتاعك بزاف تحفيزي انا بصح عندي راجلي بزاف يوسخ لي انا فشلت غيل يخاصمني يكصر لي لماعن يحب صوالح انا ختي بزاف عيت والله راجلي مهمبر😢😢😢 بصح قاع عامة ننظف
والله نفرح كنشوف الاشعار لان فيديوهاتك مفيدة ❤موفقة
شكرا حبيبتي الله يوفقك و يسعدك
انا ام لطفلين و نحضر في شهادة الدكتورة و ساكنة مع دار شيخي و الداخل و الخارج ،ما لاهية بولادي نيشان و ىاني متأخرة في دراستي و زيد الكركبة و عدم التنظيم 😢 و ما عنديش وقت لروحي، ممكن تعطيني افكار لوحدة ساكنة مع دار شيخها❤❤❤❤
نفهمك جيدا شا راكي تقولي ، يلا ماتقدريش تخرجي تكري ، حاولي ديري دارك غي تما و ديري كوزينتك ، لأنه ماراكيش رايحا تقدري تغيريهم و غادي تستنزفي كامل طاقتك و صحتك لانه باش تعيشي في هذه الضروف يليق تكوني كامل ماعلابالكش يعني قلبك ميت ما تحوسي لا طوري روحك لا تقري لا والو تولي تاكلي كاش ما تخدمي و ترقدي
@@Elmaranajiha شكرا حبيبتي على الرد 😘، راني حاطة دوسيي نتاع السكنة بصح مازال ما بداوش يبنيوهم، معليش راه عندي امل في ربي و راني صابرة بصح و الله إلا كرهت و الحمد الله 🥲. نتي راكي الطاقة الايجابية بالنسبة ليا و راه عندي زهر كبييييييير لي اكتشفو قناتك بالصدفة، ان شاء الله تكون قناتك مليونية و ربي يحفظلك الزوج و الاولاد🤲❤️❤️❤️❤️
سلام حبيبتي تعيشي انا رايحا عروسا العام الجاي هدا عام الامتحان تاعي ومعنديش روتين يوفق بين القرايا وشغل الدار كنزوج انشاء الله مدابيك ديرييلي فديو تعيشي
يعطيك الصحه بارك الله فيك جدول عملي بعيدا عن الامور النظريه موفقه حبيبتي تستاهلي مليون جام
شكرا حبيبتي مرحبا بك و الله يوفقك
كي تكون عندك الصحة و الهنا والسعادة تخلك طيري😅
بارك الله فيك ختي ماشاء الله طاقة ايجابية ومنظمة رهيييبة انا اليوم اكتشفتك قمة اختي واصلي
العفو اختي شكرا لك و مرحبا بك و الله يوفقك
العفو اختي شكرا لك و مرحبا بك و الله يوفقك
انا درت دورة بيتي جنتي عند كوكو استافدت منها ومن غيرها من اليوتيب مجانا لكن في الدوره اعطاتنا جدول تنظيف شباب وتمحالي من التلغرام لي عندها ترسلهلي وشكرا ليك انت تاني فيديوهاتك مفيدة جداا❤❤❤
ختي تعيشي كيفاه ديري هذي الدورة
@@sihemsahnoun296 تدخلي لاي فيديو تاعها healthy koko.تلقي الواتساب تتصلي بيها وتدفعيلها مبلغ الدوره وترسلك حلقة كل يوم
ختي قولينا على جدول ولا اي حاجة استفدتي منها
ما شاء الله برنامج هايل هايل هايل ربي يحفظك اختي❤❤❤
شكرا حبيبتي مرحبا بك و الله يوفقك
جزاك الله خيرا ❤❤❤
إن شاء الله ياربي كي يرزقني ربي سبحانو بسكنة يااااربي وربي يوفقك ختي ويحفظك
الله يرزقك و يوفقك اختي و مرحبا بك
يعطيك الصحة ختي بصح نقولك حاجة اقسم بالله كلش نديره ف يومين حتى صحتي راحت
الله يوفقك اختي و يشافيك و مرحبا بك
قولنا خلطة الابواب
بارك الله فيك راكي تعطينا طاقة ايجابية
شكرا اختي مرحبا بك
رووووعة كالعادة متألقة و راكي تفيدينا بأفكارك
شكرا حبيبتي الله يوفقك
الله يجعلها في ميزان حسناتك ❤
شكرا حبيبتي مرحبا بك
يعطيك الصحة
فعلا ذكية ما شاء الله
شكرا اختي مرحبا بك
جزاكي الله خيرا.. انا. بتابعك من مصر
فيديو رائع. وافكار مفيده
ممكن حضرتك تتكلمي باللغه العربيه الفصحي لان فيه كلام مش بفهمه
مرحبابك حبيبتي و بكل المصريين ، ان شاء الله أحاول الكلام بالفصحى ، الله يوفقك اختي و يسعدك
يعطيك الصحة والعافية حبيبتي ربي يحفظك ويسعدك
العفو اختي شكرا لك و مرحبا بك و الله يوفقك
ديرنا فيديو عن المراة العاملة وزيارة الوالدين والإلتقاء مع الاخوة والاخوات او زيارة أم الزوج اذا كانت تسكن بعيدة عليهم ماشي في بيت واحد، ويكون مباتة مادام عندها غير الويكاند وزيد عندها ثاني الميناج وتنظيم بيتها مثل اذا تقيدت بهكذا جدول رايحة تهمل ويكاند أو إثنين وتخسر خطة النظام ......نتمنى الموضوع يكون يعجبك وديري عليه وففهمينا كيفاه تكون الزيارة للأهل خاصة للمراة العاملة .
هي من الافضل متباتيش مثلا تروحي زيارة الجمعة بعد الضهر تكوني خدمتي صوالحك في الصباح، و اذا لازم تباتي روحي الخميس مساءا و الجمعة ولي لدارك و السبت تصبحي على صوالحك
أنا عندي خمس غرف ومطبخ وصالون ثلاثة حمامات وغرفة التلفاز مع العلم كامل القطع كبار وانا ماكثة في البيت وعندي ثلاثة اطفال اكبرهم سبعة سنوات وطفلة خمسة سنوات وطفل أ خر عامين وانا حامل أ رجوكي أ عطيني بروكرام على حسابي وشكر مسبقا
اختي اغلقي الغرف باش تنظفيهم مرة في الشهر خلي غي غرفة التلفاز تجتامعو فيها و يلعب الصالون ،و 5 غرف مكان لاه خلي غي غرفة نومك و غرفة لأطفالك ، و الحمامات استعملو غي واحد ،و لخرين بلعيهم ، اختي صحتك قبل كل شيء راكي حامل
اختي مشكورة كلمة شكر قليلة في حقك فعلا
العفو حبيبتي شكرا لك و الله يوفقك
اختي خطرا هدرت على واحد الخلطة تاع تنظيف نسيتيها واش من للفيديو لي عطيتي لوصفة .قولي لي واش من لفيديو باه نسمعها شكرا اختي
الله يحفظك ويسعدك ويوفقك يارب العالمين وشكرا اختي على كل شيء 💖🌹💖🌹💖🌼🌼🌼🥰
العفو حبيبتي شكرا لك
يعطيك صحةةة وخيتي ربي يحفظك 🤲🏻 خففتي عليااا🤲🏻♥️
العفو اختي شكرا لك و مرحبا بك
راني داخلة نخدم راني كارهة حياتي دعولي خواتاني ربي يوفقني بين داري و خدمتي وو لادي سيرتو كي راني نرضع و نبغي النقا بزاف بزاف
الله يقدرك اختي و يوفقك ،المهم صحتك لي ولادها صغار مشي كيما لي ولادها كبار اختي ، مرحبابك
عيد الاضحى راهو قريب كون غير ديريلنا فيديو عليه شامل ...الله يجازيك
ان شاء الله اختي
اول مرة نشوف القناة وسمعت كلامك عجبتني ماتقعديش تكتلي في روحك 😂ربي يحفظك ويفتح عليك وطبعا اشتراك وجااااام
مرحبابك اختي و الله يوفقك و يسعدك
شكرا جزيلا ربي يفرحك
العفو اختي مرحبا بك
برنامج رائع الله يجعلو في حساناتك ويباركلك في في صحتك
العفو اختي شكرا لك و مرحبا بك
يعطيك الصحة دائما تخمي فينا انا المشكل عندي ولادي ماينضوش بكري وكي نوضو انا انكون خلاص فشلت وانا انحب نخدم شغلى بكري قولي لي كيفاش اندير ربي يحفضك
عندك زوج حلول ، يا تخدمي فاليل و كلش يصبح مرتب اي ديري روتين ليلي، او الحل الثاني ان تخلي غرفهم يخملوهم وحدهم كي ينوضو و انت تغدمي باقي شغلك عادي ، شوفي شا يخرج عليك
يعطيك الصحه من فضلكم لي تعرف الخلطه لي تخدم بيها تقولهالي وشكرا
لو سمحتوا سوال انا عندي دراسه وانا اخر مرحله لازم اجيب معدل عالي جدا لادخل طب ، والطب بالعراق معدله كثير عالي ، فسوالي كيف اوفق بين عمل البيت والدراسه والله تعبت نفسيتي من التفكير كثير
أنا متتبعة جديدة عجبوني فديوهاتك شكرا ختي بي يحفظك 😘 ادا تقدري ديرينا كيفاه نولفو الزوج يعاون بلي يقدر عليه في شغل الدار يالوكان حاجة صغيرة
سلام حبيبتي اناام نس الله يحفضك هذه الطريقة مساعدتني خصوصا انافي الدار لكن خدامة خياطة منضمة وقتي بين الخدمة شغل الدار. عندي مشكل واحد ماقدرتش نوفر دراهمي انا مانصرفش زوجي يصرف ومبدر لكن الباقي كلش عليا مالقيتش حل .انشاءالله كي ديري لايف نتكلم معاك .راني متفاءلة بيك🎉🎉🎉 8:36
شكرا حبيبتي و مرحبا بك ، حاولي دايمن كيما قلتلكم كي تخلصي ٱقتطعي مبلغ و لو صغير دسيه و نسيه و قولي ماكانش
فيديو في القمة، شكرا جزيلا
❤بارك الله فيك على مجهوداتك راح نطبقو ان شاء الله
مرحبابك اختي و الله يوفقك و يسعدك
ختي من فضلك قوليلي شحال نستغرق فالدوش والتوالات حشاك بش نعود نضبط روحي بلوقت لاني الصراحة ثقيلة و مالفين يدولي بزاف وقت نولي نديرهم زوج مرات فالسيمانة فقط
لا حبيبتي يجب تنظفيهك يوميا يلا انت ثقيلة في العمل ف 30 دقيقة كافية باش تنظفي الحمامات اختي و أقل من ذلك لو تتحداي نفسك و تسرعي شوية ، الله يوفقك اختي و جمعة مباركة
@@Elmaranajiha شكرا 🌹ربي يحفظك ختي ♥
تنظيم محكم .. دائما متألقة ... يبقى كل وحدة والارادة تاعها ... الحالة النفسية للمرأة هي لي تخليها تعيش ايام صعبة يتخلط فيها كلش ... ربي يثبت كل مرأة و يعطيها القوة و يرفع عنها الظلم لان المسؤولية ماشي ساهلة و الناس ما تحسنش العون ... الله المستعان
ربي يحفظك حبيبتي ابدعتي
شكرا حبيبتي الله يحفظك و يفرحك
جزاك الله خيرا
ممكن تكتبيه و تبعثيهونا fichier pdf ou bien word svp
ايه يعطيك الصحة جا في وقتو كنت نحوس اهليه كنت شاطرة امبعد صرا مشكل كبير في دارنا طلعتلي لطونسيو من تم وانا أهملت داري وليت نفشل سوا فالدار والخدمة اعلبالك راني درت القلب أو حبيت شويا دراهم أو راني نتقشف الله يفتح اعليك
الله يوفقك حبيبتي زيري روحك و غي بشوية ان شاء الله تريحي و تولي احسن من قبل ، الله يوفقك اختي
hed la chaine est sous estimée , elle doit avoir plus d'abonnés , merci pour le partage
شكرا في ميزان الحسنات
بارك الله فيك من فضلك اعطيني رابط الخلطة حوست ملقيتهاش