'WAG KANG MAPAGOD MAGMAHAL. (Spoken Word Poetry)
ฝัง
- เผยแพร่เมื่อ 12 ก.ย. 2024
- 'Wag kang mapagod magmahal.
Pwede kang mapagod sa tao
Pero 'wag mong kapaguran ang pagmamahal
Maaaring hindi nya napupunan ang mga bagay na gusto mo
Maaaring hindi na siya ang dating nakilala mong tao
Maaaring hindi niya nakikita ang mga bagay na naiisip mo
Ngunit hindi dahilan ito ng pagsuko
Hindi dahilan ito para tuluyang kumawala sa nabuo niyong mundo
Maaari kang magpahinga
Kung kinakailangan mong pumiglas ay pumiglas ka muna
Kung kinakailangan mong sandaling bumitaw ay bumitaw ka
Kung kailangan mong magpahinga
Maglayag, maglakbay
Ngunit siguraduhin babalik ka sa iyong daungan
Dahil nagmamasid siya sa iyong pagbabalik
Maaaring hinahayaan ka nyang lumayo at makipagkaibigan sa pampang
Makipaglaro sa alon ng dagat
Habang siya ang nagdarasal ng iyong kaligtasan
'Wag mo isiping hindi ka niya pinagmamasdan
'Wag mo isiping na ikaw ay hinahayaan
Binibigay niya lang sa'yo ang kailangan mong espasyo
Para sa iyong pagbalik ay maluwag na ulit ang mundo
Hindi ka na masisikipan
Hindi ka na masasakal
At sa pagkakataong ito ay lalo mong makikilala ang pagmamahal
Na sa saglit na minuto ng iyong pagkawala
ay hindi mo pa rin kaya na siya ay mawala
Hindi siya perpekto
Ngunit alam kong hinahanap mo sa kanya ang mga bagay na magpapanatili sa'yo
Mga simpleng bagay na parang nakakalimutan na nito
Ang kamustahin ka, ang oras na dapat ay ibinahagi niya
Dahil katulad ng Buwan ay kailangan mo ang mga tala
Sa madilim na parte ng iyong kalawakan ay kailangan mo ang kanyang presensya
At nang minsan mong hindi ito nakuha
ay parang unti-unti mong nararamdaman na bawas na iyong ang halaga
Kaya maaari kang mapagod sa tao
Naiitindihan kita
Ngunit gusto kong ipaalala sa'yo
Na hindi ibig sabihin nito ay wala na ang pag-ibig mo
Paulit-ulit ka lang nabigo sa mga bagay na gusto mong ibigay niya sa'yo
At hindi ito sapat na dahilan para isipin mong hindi na siya ang tamang tao
Uuwi ka pa rin sa kaniya
Kahit ilang ulit mo sabihin sa sarili mong pagod na pagod ka na
Sapagkat ang totoo ay siya mismo ang pahinga mo.
Kaya 'wag kang mapagod magmahal,
Sinusubok ka lang ng pagsuko.
'Wag kang magpatalo sa binabato niyang bigat sa'yo,
Sumigaw ka, humingi ka ng saklolo
Dahil ang pakiramdam ng pagkakulong ay hindi natin gusto
Makikinig ang iba kung kailangan mong ibulong ang nararamdaman mo sakanila
Hindi ka mag-isa, pinipili mo lang talaga ang mapag-isa
At kapag sapat na sa'yo ang pagpili mo sa "ako"
Ay bumalik ka na muli sa tinalikuran mong "tayo"
Sigurado ako, nag-aabang na siya sa'yo,
At para sa'yo,
Sana ay naririnig mo ito.
Sana ay sabay niyong itayo ang tahanan niyong paguho.
At kumapit kayo sa pangako, na kayo pa rin hanggang dulo.
Dahil kung wala na siyang dahilan para piliin ang tulad mo
Ay pipiliin nalang niya ang pagmamahal niya sa'yo.
--
Be part of the Bevies:
FACEBOOK GROUP:
/ 1193579847441628
USAP TAYO, BISITAHIN MO 'KO DITO:
FACEBOOK PAGE: / bcumla
TWITTER: / beverly_cumla
INSTAGRAM: @beverlycumla
SUNDAN ANG ATING PAMILYA.
/ @officialbevies
PARA SA MGA USAPANG TRABAHO:
beverly.cumla@gmail.com -
-
#BeverlyCumla #SpokenWord #Poetry #HugotTalk