Rreze Dielli - Fërgesë në tavë dheu me mëlçi, receta origjinale e gjysheve tona nga zonja Albana
ฝัง
- เผยแพร่เมื่อ 21 ก.ย. 2024
- #rrezedielli #reportTV
Fërgesë në tavë dheu me mëlçi
300 gr mëlçi
2-3 lgj vaj ulliri
1 qepë
300 ml lëng mishi
1 lgj salcë domate
1 lgj miell misri
1 lgj gjalpë
3 lgj gjizë
6 thelpinj hudhër
1 tufë majdanoz
Kripë, piper i zi
Piper i kuq, piper djegës
Pasi i kemi prerë mëlçitë në kubikë, i kaurdisim për pak minuta. I largojmë nga tigani dhe në po atë yndyrë kaurdisim një qepë të grirë hollë. Ndihmojmë zbutjen e qepës me pak kripë dhe më pas shtojmë lëngun e mishit dhe salcën e koncentruar të domates. E lëmë salcën të gatuhet në temperaturë të ulët për rreth 20 minuta. Ndërkohë në një tigan tjetër kaurdisim miellin e misrit me gjalpë derisa të marrë ngjyrë. Më pas shtojmë gjizën, piperin e kuq, piperin djegës dhe thelpinjtë e hudhrës. Vazhdojmë kaurdisjen duke e trazuar derisa masa të homogjenizohet. Gjizën e kaurdisur me miellin e shtojmë tek qepa së bashku me mëlçitë. E spërkasim gatimin me majdanoz të grirë dhe e lëmë të marrë valë. Në momentin që yndyra do të dalë në sipërfaqe do të thotë që është gati për t’a vendosur në furrë. Në furrën e nxehur kemi vendosur tavën e baltës. Hedhim tek tava e dheut fërgesën me mëlçi dhe e vendosim në furrë për rreth 20 minuta.
💥💥💥💥💥💥